മാ​ത്യു സ്റ്റീഫൻ കുടുങ്ങി, പത്ത് ലക്ഷത്തിൻറെ സ്വർണ തട്ടിപ്പിൽ മുൻ എം.എൽ.എയുടെ വാദങ്ങൾ പൊളിച്ച് ചിത്രങ്ങൾ പുറത്ത്

തൊ​ടു​പു​ഴ: തൊ​ടു​പു​ഴ​യി​ലെ ജ്വ​ല്ല​റി​യി​ൽ​നി​ന്ന്​ 10 ല​ക്ഷം രൂ​പ​യു​ടെ സ്വ​ർ​ണം ത​ട്ടി​യ കേ​സി​ൽ നി​ര​പ​രാ​ധി​യാ​ണെ​ന്നും പാ​വ​പ്പെ​ട്ട​വ​രെ സ​ഹാ​യി​ക്കാ​നാ​ണ്​ ശ്ര​മി​ച്ച​തെ​ന്നു​മു​ള്ള മു​ൻ എം.​എ​ൽ.​എ മാ​ത്യു സ്റ്റീ​ഫ​ന്‍റെ വാ​ദം തെ​​റ്റാ​ണെ​ന്ന തെ​ളി​വു​ക​ൾ പു​റ​ത്ത്. ത​ട്ടി​പ്പ്​ ന​ട​ന്ന മൂ​ന്നു​ത​വ​ണ​യും മാ​ത്യു സ്റ്റീ​ഫ​ൻ ജ്വ​ല്ല​റി​യി​ൽ എ​ത്തി​യെ​ന്ന്​ വ്യ​ക്ത​മാ​ക്കു​ന്ന ചി​ത്ര​ങ്ങ​ൾ​ പു​റ​ത്തു​വ​ന്നു. ത​ട്ടി​പ്പി​ന്​ തു​ട​ക്കം​കു​റി​ച്ച ജ​നു​വ​രി 17, സ്ത്രീ​യെ ഉ​പ​യോ​ഗി​ച്ച്​ ഹ​ണി​ട്രാ​പ്​ മോ​ഡ​ൽ പ​രാ​തി ന​ൽ​കി 10 ല​ക്ഷ​ത്തി​ന്‍റെ സ്വ​ർ​ണം ത​ട്ടി​യ ജ​നു​വ​രി 27, ജ്വ​ല്ല​റി​യി​ൽ ന​ൽ​കി​യ ചെ​ക്കു​ക​ൾ തി​രി​കെ വാ​ങ്ങി​യ ജ​നു​വ​രി 28 തീ​യ​തി​ക​ളി​ൽ മാ​ത്യു സ്റ്റീ​ഫ​നും കൂ​ട്ടാ​ളി​ക​ളും ജ്വ​ല്ല​റി​യി​ൽ എ​ത്തി​യ ചി​ത്ര​ങ്ങ​ൾ ‘മാ​ധ്യ​മ’​ത്തി​ന്​ ല​ഭി​ച്ചു.

ഒ​ന്നാം പ്ര​തി മാ​ത്യു സ്റ്റീ​ഫ​നും മൂ​ന്നാം പ്ര​തി സു​ബൈ​റും ജ്വ​ല്ല​റി​ക്ക്​ പു​റ​ത്ത്​ നോ​ട്ടീ​സു​മാ​യി നി​ൽ​ക്കു​ന്ന​തി​ന്‍റെ​യും ര​ണ്ടാം പ്ര​തി ജി​ജി​ക്കൊ​പ്പം ജ്വ​ല്ല​റി ഉ​ട​മ​യെ ഭീ​ഷ​ണി​പ്പെ​ടു​ത്തു​ന്ന​തി​ന്‍റെ​യും അ​ട​ക്കം ചി​ത്ര​ങ്ങ​ളാ​ണ്​ പു​റ​ത്തു​വ​ന്ന​ത്. ഹ​ണി​ട്രാ​പ്​ രീ​തി​യി​ൽ ജ്വ​ല്ല​റി ഉ​ട​മ​യെ​യും ജീ​വ​ന​ക്കാ​രെ​യും കു​ടു​ക്കാ​നു​ള്ള പ​രാ​തി​യു​മാ​യി ജി​ജി തൊ​ടു​​പു​ഴ​ സ്​​റ്റേ​ഷ​നി​ൽ എ​ത്തി​യ​പ്പോ​ഴും മാ​ത്യു സ്റ്റീ​ഫ​ൻ ഒ​പ്പ​മു​ണ്ടാ​യി​രു​ന്നു​വെ​ന്ന സൂ​ച​ന​ക​ളു​മു​ണ്ട്. ത​ട്ടി​പ്പി​ന്​ കൂ​ട്ടു​നി​ന്നി​ട്ടി​ല്ലെ​ന്നും പാ​വ​പ്പെ​ട്ട പെ​ൺ​കു​ട്ടി​യു​ടെ വി​വാ​ഹ​ത്തി​ന്​ സ​ഹാ​യി​ക്കു​ക​യാ​ണ്​ ചെ​യ്ത​തെ​ന്നും പെ​ൺ​കു​ട്ടി​യു​ടെ അ​മ്മ ആ​വ​ശ്യ​പ്പെ​ട്ട​പ്പോ​ൾ ജ്വ​ല്ല​റി​യി​ൽ വി​ളി​ച്ച്​ സൗ​ക​ര്യ​ങ്ങ​ൾ ചെ​യ്തു​കൊ​ടു​ത്തു​വെ​ന്നു​മാ​യി​രു​ന്നു മു​ൻ എം.​എ​ൽ.​എ പ​റ​ഞ്ഞി​രു​ന്ന​ത്. ത​ട്ടി​പ്പി​ന്​ തു​ട​ക്കം കു​റി​ച്ച ജ​നു​വ​രി 17, സ്വ​ർ​ണം വാ​ങ്ങി​യ ജ​നു​വ​രി 27, ചെ​ക്കു​ക​ൾ തി​രി​കെ വാ​ങ്ങി​യ ജ​നു​വ​രി 28 തീ​യ​തി​ക​ളി​ൽ ജ്വ​ല്ല​റി​യി​ൽ ചെ​ന്ന​തി​ന്‍റെ വി​വ​ര​ങ്ങ​ൾ അ​ന്വേ​ഷ​ണ ഉ​ദ്യോ​ഗ​സ്ഥ​ർ ശേ​ഖ​രി​ച്ചി​ട്ടു​ണ്ട്.

അ​തേ​സ​മ​യം, മൂ​ന്നാം പ്ര​തി സു​ബൈ​റി​ന്‍റെ ക​സ്റ്റ​ഡി കാ​ലാ​വ​ധി അ​വ​സാ​നി​ച്ച​തി​നെ​ത്തു​ട​ർ​ന്ന്​ പൊ​ലീ​സ്​ കോ​ട്ട​യം ജ​യി​ലി​ലേ​ക്ക്​ മാ​റ്റി. ര​ണ്ടും നാ​ലും പ്ര​തി​ക​ളെ ക​സ്​​റ്റ​ഡി​യി​ൽ ല​ഭി​ക്കാ​ൻ ശ്ര​മി​ച്ചി​രു​ന്നെ​ങ്കി​ലും ആ​രോ​ഗ്യ പ്ര​​ശ്ന​ങ്ങ​ളാ​ൽ ല​ഭി​ച്ചി​ല്ല. അ​ടു​ത്ത​ദി​വ​സം ത​ന്നെ ഇ​വ​രെ ക​സ്റ്റ​ഡി​യി​ൽ വാ​ങ്ങി ചോ​ദ്യം ചെ​യ്ത ശേ​ഷ​മാ​കും തു​ട​ർ ന​ട​പ​ടി. മു​ക്കു​പ​ണ്ടം പ​ണ​യം വെ​ച്ച് പ​ണം ത​ട്ടി​യ​തി​ന്​ കോ​ട്ട​യം പ​ള്ളി​ക്ക​ത്തോ​ട്​ പൊ​ലീ​സ്​ സ്​​റ്റേ​ഷ​നി​ൽ ര​ജി​സ്​​റ്റ​ർ ചെ​യ്ത കേ​സി​ൽ നേ​ര​ത്തേ അ​റ​സ്റ്റി​ലാ​യ സു​ബൈ​ർ, ജി​ജി, പു​രു​ഷോ​ത്ത​മ​ൻ എ​ന്നി​വ​ർ ജ​യി​ലി​ലാ​ണ്.

ന​ട​ന്ന​ത്​ ആ​സൂ​ത്രി​ത ത​ട്ടി​പ്പ്​

തൊ​ടു​പു​ഴ: ജ്വ​ല്ല​റി​യി​ൽ ഹ​ണി ട്രാ​പ്​ മോ​ഡ​ലി​ൽ സ്വ​ർ​ണം ത​ട്ടി​യെ​ടു​ത്ത സം​ഭ​വ​ത്തി​ൽ പൊ​ലീ​സി​നെ ഉ​പ​യോ​ഗി​ക്കാ​നും പ്ര​തി​ക​ളു​ടെ ശ്ര​മം. ഒ​ന്നു​മു​ത​ൽ മൂ​ന്നു​വ​രെ പ്ര​തി​ക​ളാ​യ മു​ൻ എം.​എ​ൽ.​എ മാ​ത്യു സ്റ്റീ​ഫ​ൻ, ജി​ജി, സു​ബൈ​ർ എ​ന്നി​വ​രാ​ണ്​ പൊ​ലീ​സി​ൽ പ​രാ​തി ന​ൽ​കി കൂ​ടു​ത​ൽ ത​ട്ടി​പ്പി​ന്​ ശ്ര​മി​ച്ച​ത്. ജ്വ​ല്ല​റി​യി​ൽ വെ​ച്ച്​ സ്ത്രീ​ത്വ​ത്തെ അ​പ​മാ​നി​ച്ചെ​ന്ന രീ​തി​യി​ൽ ജി​ജി സ്​​റ്റേ​ഷ​നി​ൽ ന​ൽ​കി​യ പ​രാ​തി ഉ​പ​യോ​ഗി​ച്ചാ​ണ്​ ത​ട്ടി​പ്പി​ന്​ ശ്ര​മി​ച്ച​ത്. പൊ​ലീ​സു​കാ​ർ അ​ന്വേ​ഷ​ണ​ത്തി​ന്​ എ​ത്തി​യ​ത്​ ചൂ​ണ്ടി​ക്കാ​ട്ടി ജ്വ​ല്ല​റി ഉ​ട​മ​യെ​യും ജീ​വ​ന​ക്കാ​രെ​യും ഭീ​ഷ​ണി​പ്പെ​ടു​ത്താ​നും ശ്ര​മി​ച്ചു.

ജ്വ​ല്ല​റി​യി​ലെ സി.​സി.​ടി.​വി​യി​ൽ ​​ഇ​ത്ത​ര​ത്തി​ൽ ഒ​ന്നും പൊ​ലീ​സി​ന്​ ക​ണ്ടെ​ത്താ​നാ​യി​ല്ല. ഇ​തോ​ടെ ജി​ജി പ​രാ​തി​യി​ല്ലെ​ന്ന്​ വ്യ​ക്ത​മാ​ക്കി​യെ​ന്നും ഉ​ദ്യോ​ഗ​സ്ഥ​ർ പ​റ​യു​ന്നു. തൊ​ടു​പു​ഴ​യി​ൽ പ​ല വ്യാ​പാ​ര സ്ഥാ​പ​ന​ങ്ങ​ളി​ലും ഇ​ത്ത​രം ത​ട്ടി​പ്പ് ശ്ര​മ​ങ്ങ​ൾ ന​ട​ന്ന​താ​യും സൂ​ച​ന​യു​ണ്ട്. ചി​ല രാ​ഷ്ട്രീ​യ​ക്കാ​ർ​വ​രെ ത​ട്ടി​പ്പി​ന്​ കൂ​ട്ടു​നി​ൽ​ക്കു​ന്ന​താ​യി തൊ​ടു​പു​ഴ​ മ​ർ​ച്ച​ന്‍റ്​​സ്​ അ​സോ​സി​യേ​ഷ​ൻ ക​ഴി​ഞ്ഞ​ദി​വ​സം കു​റ്റ​പ്പെ​ടു​ത്തി​യി​രു​ന്നു. അ​​തേ​സ​മ​യം, പൊ​ലീ​സി​ൽ കൂ​ടു​ത​ൽ പ​രാ​തി ന​ൽ​കി​യി​ട്ടി​ല്ല.