പുലാമന്തോൾ: വീട്ടുമുറ്റത്ത് നിന്ന് പാമ്പുകടിയേറ്റ് സ്കൂൾ അധ്യാപിക മരിച്ചു. പുലാമന്തോൾ യു.പിയിൽ താമസിക്കുന്ന അജിത (47) ആണ് മരിച്ചത്. എടപ്പലം പി.ടി.എം.വൈ ഹൈസ്കൂൾ ബയോളജി അധ്യാപികയാണ്.
ഞായറാഴ്ച ഉച്ചക്ക് ഒരു മണിക്ക് വീട്ടുമാലിന്യം കളയാൻ പുറത്തിറങ്ങുമ്പോൾ മുറ്റത്ത് വെച്ച് പാമ്പുകടിയേൽക്കുകയായിരുന്നു. പെരിന്തൽമണ്ണ സ്വകാര്യ ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലായിരുന്നു. തിങ്കളാഴ്ച നില അൽപം മെച്ചപ്പെട്ടിരുന്നെങ്കിലും ചൊവ്വാഴ്ച പുലർച്ചെ ഒരു മണിക്ക് മരണപ്പെട്ടു. ഖബറടക്കം ചൊവ്വാഴ്ച രാവിലെ പുലാമന്തോൾ യു.പി ജുമാ മസ്ജിദ് ഖബറിസ്ഥാനിൽ നടന്നു.
ഭർത്താവ്: കുന്നത്ത് ശൈഖ് മുഹമ്മദ് (പി.ടി.എം.വൈ ഹൈസ്കൂൾ എടപ്പലം). പിതാവ്: അബ്ദുറഹ്മാൻ (റിട്ട: കെ.എസ്.ഇ.ബി അസി.എക്സിക്യുട്ടീവ് എഞ്ചിനിയർ വടക്കാഞ്ചേരി-തൃശൂർ) മാതാവ്: ലൈല. മക്കൾ: അർഷദ്, അംജദ് (ഇരുവരും സ്കൂൾ വിദ്യാർഥികൾ)
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.