‘ടീച്ചർ എന്നോട് ക്ഷമിക്കുക...’മോഷണമുതൽ തിരികെ വെച്ച് ക്ഷമാപണക്കത്തുമായി മോഷ്ടാവ്

കോ​വ​ളം: ‘ടീ​ച്ച​ർ എ​ന്നോ​ട് ക്ഷ​മി​ക്കു​ക, ഇ​നി ഞാ​ൻ ഒ​രി​ക്ക​ലും ആ​വ​ർ​ത്തി​ക്കി​ല്ല. എ​ന്റെ വീ​ട്ടു​കാ​ർ​ക്കും ഇ​ത് അ​റി​യ​ത്തി​ല്ല. ഇ​ത് കേ​സാ​ക്കി ആ​ളു​ക​ളെ അ​റി​യി​ച്ച് എ​ന്നെ അ​പ​മാ​നി​ക്ക​രു​ത്’.

വാ​ഴ​മു​ട്ടം ഗ​വ. ഹൈ​സ്കൂ​ൾ ഹെ​ഡ​​മി​സ്​​ട്ര​സ്​ വെ​ങ്ങാ​നൂ​ർ പ​ന​ങ്ങോ​ട് സ്വ​ദേ​ശി ശ്രീ​ജ​യു​ടെ വീ​ടി​ന്റെ മ​തി​ലി​ൽ വ്യാ​ഴാ​ഴ്ച രാ​വി​ലെ ക​ണ്ട ക​ത്തി​ലെ വ​രി​ക​ളാ​ണി​ത്. തൊ​ട്ട​ടു​ത്ത് മ​തി​ലി​നു പു​റ​ത്ത് സ്കൂ​ളി​ൽ നി​ന്ന്​ ക​വ​ർ​ന്ന ഉ​പ​ക​ര​ണ​ങ്ങ​ൾ നി​റ​ച്ച പ്ലാ​സ്റ്റി​ക് ചാ​ക്കു​കെ​ട്ടും വെ​ച്ചി​രു​ന്നു. ടീ​ച്ച​ർ ഉ​ട​ൻ വീ​ട്ടു​കാ​രെ​യും കോ​വ​ളം പൊ​ലീ​സി​നെ​യും വി​വ​ര​മ​റി​യി​ച്ചു.

പൊ​ലീ​സ് സ്ഥ​ല​ത്തെ​ത്തി ചാ​ക്ക് പ​രി​ശോ​ധി​ച്ച​തി​ൽ ചാ​ക്കി​ന​ക​ത്ത് ലാ​പ് ടോ​പ്, പ്രൊ​ജ​ക്റ്റ​ർ എ​ന്നി​വ​യാ​ണെ​ന്ന് മ​ന​സ്സി​ലാ​ക്കി തൊ​ണ്ടി സ്റ്റേ​ഷ​നി​ലേ​ക്ക് കൊ​ണ്ടു​പോ​യി. സ്കൂ​ളു​മാ​യി ബ​ന്ധ​മു​ള്ള ആ​രോ ഒ​പ്പി​ച്ച പ​ണി​യാ​ണെ​ന്നും സ്കൂ​ൾ എ​ച്ച്.​എ​മ്മി​നെ അ​പ​കീ​ർ​ത്തി​പ്പെ​ടു​ത്താ​നാ​യി ചെ​യ്ത​താ​കാ​മെ​ന്നു​മാ​ണ് പൊ​ലീ​സി​ന്റെ പ്രാ​ഥ​മി​ക നി​ഗ​മ​നം.

സ്റ്റേ​ഷ​നി​ലെ​ത്തി​ച്ച ചാ​ക്കു​കെ​ട്ട് വി​ര​ല​ട​യാ​ള വി​ദ​ഗ്ധ​രെ​ത്തി പ​രി​ശോ​ധി​ച്ച് തെ​ളി​വു​ക​ൾ ശേ​ഖ​രി​ച്ചു. ജ​നു​വ​രി ഒ​ന്നി​നാ​ണ് വാ​ഴ​മു​ട്ടം ഗ​വ. ഹൈ​സ്കൂ​ളി​ൽ ഹൈ​ടെ​ക് ക്ലാ​സ് മു​റി​ക​ളി​ൽ സൂ​ക്ഷി​ച്ചി​രു​ന്ന നാ​ലു ല​ക്ഷ​ത്തോ​ളം വി​ല വ​രു​ന്ന ര​ണ്ട്​ ലാ​പ് ടോ​പ്പു​ക​ളും നാ​ല്​ പ്രൊ​ജ​ക്ട​റു​ക​ളും മോ​ഷ​ണം പോ​യ വി​വ​രം സ്കൂ​ൾ അ​ധി​കൃ​ത​ർ അ​റി​ഞ്ഞ​ത്.