‘‘ഷ​ഹ​ബാ​സേ എ​ണീ​റ്റ് വാ...’’; ഖ​ബ​റി​ലേ​ക്ക് മ​ണ്ണ് വാ​രി​യി​ടു​മ്പോ​ൾ കൈ​ക​ൾ വി​റ​ച്ച് ഉറ്റവർ...

കോ​ഴി​ക്കോ​ട്: ‘‘ഷ​ഹ​ബാ​സേ എ​ണീ​റ്റ് വാ​ടോ... ഷ​ഹ​ബാ​സേ എ​ണീ​റ്റ് വാ...’’ ​ത​ങ്ങ​ളു​ടെ നി​ഴ​ലാ​യി ക​ളി​ച്ചു​ന​ട​ന്ന ഷ​ഹ​ബാ​സി​ന്‍റെ മൃ​ത​ദേ​ഹം ചു​ങ്കം ത​ൻ​വീ​റു​ൽ ഉ​ലൂം മ​ദ്റ​സ​യി​ൽ പൊ​തു​ദ​ർ​ശ​ന​ത്തി​ന് വെ​ച്ച​പ്പോ​ൾ ക​ളി​ക്കൂ​ട്ടു​കാ​ർ​ക്ക് നി​യ​ന്ത്രി​ക്കാ​നാ​യി​ല്ല. ഷ​ഹ​ബാ​സ് ഇ​നി ത​ങ്ങ​ളു​ടെ കൂ​ടെ​യു​ണ്ടാ​വി​ല്ലെ​ന്ന​ത് ഉ​ൾ​ക്കൊ​ള്ളാ​ൻ ക​ഴി​യാ​തെ അ​വ​ർ പൊ​ട്ടി​ക്ക​ര​ഞ്ഞു. പ​ല​രും നി​യ​ന്ത്ര​ണം​വി​ട്ടു. ചു​ങ്കം കെ​ട​വൂ​ർ ജു​മാ​മ​സ്ജി​ദി​ലെ അ​ന്ത്യ​നി​ദ്ര​ക്കാ​യി ഒ​രു​ക്കി​യ ഖ​ബ​റി​ലേ​ക്ക് മ​ണ്ണ് വാ​രി​യി​ടു​മ്പോ​ൾ അ​ധ്യാ​പ​ക​രു​ടെ​യും ബ​ന്ധു​ക്ക​ളു​ടെ​യും ച​ങ്കു​പി​ട​ഞ്ഞ്, കൈ​ക​ൾ വി​റ​ച്ചു.

ത​ങ്ങ​ൾ ഇ​ന്നു​വ​രെ സാ​ക്ഷ്യം​വ​ഹി​ച്ചി​ട്ടി​ല്ലാ​ത്ത ദു​ര​ന്ത​ത്തി​ന്‍റെ ഞെ​ട്ട​ൽ ഉ​ൾ​ക്കൊ​ള്ളാ​ൻ അ​വ​ർ​ക്കു ക​ഴി​ഞ്ഞി​രു​ന്നി​ല്ല. ത​ങ്ങ​ളു​ടെ കു​ഞ്ഞു​മ​ക്ക​ൾ​ക്ക് സ​മ​പ്രാ​യ​ക്കാ​രോ​ട് ഇ​ങ്ങ​നെ​യൊ​ക്കെ ചെ​യ്യാ​ൻ ക​ഴി​യു​മോ എ​ന്ന് അ​വ​ർ പ​ര​സ്പ​രം ചോ​ദി​ച്ചു​കൊ​ണ്ടി​രു​ന്നു. മ​ക്ക​ളെ ഗു​ണ​ദോ​ഷി​ക്കു​ന്ന​തി​നെ​ക്കു​റി​ച്ച് പ​റ​ഞ്ഞ് നെ​ടു​വീ​ർ​പ്പി​ടു​ക​യാ​യി​രു​ന്നു മ​റ്റു​ചി​ല​ർ. അ​ടു​ത്ത ബ​ന്ധു​ക്ക​ളും സ​ഹ​പാ​ഠി​ക​ളും പ്ര​തി​ക​രി​ക്കാ​ൻ പോ​ലും ക​ഴി​യാ​ത്ത വി​ധം വി​കാ​ര​ഭ​രി​ത​രാ​യി.

സ​മ​പ്രാ​യ​ക്കാ​രു​മാ​യും മ​റ്റും അ​തി​വി​പു​ല​മാ​യ സു​ഹൃ​ദ് ബ​ന്ധം കാ​ത്തു​സൂ​ക്ഷി​ച്ചി​രു​ന്ന ഷ​ഹ​ബാ​സി​നെ ഒ​രു നോ​ക്കു​കാ​ണാ​ൻ സ്കൂ​ളി​ൽ​നി​ന്നും ട്യൂ​ഷ​ൻ സെ​ന്റ​റി​ൽ​നി​ന്നും നൂ​റു​ക​ണ​ക്കി​ന് വി​ദ്യാ​ർ​ഥി​ക​ൾ വീ​ട്ടി​ലും മൃ​ത​ദേ​ഹം പൊ​തു​ദ​ർ​ശ​ന​ത്തി​നു വെ​ച്ച ചു​ങ്കം ത​ൻ​വീ​റു​ൽ ഉ​ലൂം മ​ദ്റ​സ​യി​ലും എ​ത്തി​യി​രു​ന്നു. മ​ർ​ദ​ന വി​വ​രം അ​റി​ഞ്ഞ​തു മു​ത​ൽ ഷ​ഹ​ബാ​സി​ന്‍റെ തി​രി​ച്ചു​വ​ര​വി​നാ​യി പ്രാ​ർ​ഥി​ച്ച നാ​ട് മ​ര​ണ​വി​വ​രം അ​റി​ഞ്ഞ​തോ​ടെ നി​ശ്ശ​ബ്ദ​മാ​യി​രു​ന്നു. പി.​സി മു​ക്കി​ലെ വാ​ട​ക വീ​ട്ടി​ലേ​ക്കും ചു​ങ്കം പാ​ലോ​റ​ക്കു​ന്നി​ലെ ത​റ​വാ​ട് വീ​ട്ടി​ലേ​ക്കും അ​ണ​മു​റി​യാ​ത്ത ജ​ന​പ്ര​വാ​ഹ​മാ​യി​രു​ന്നു. അ​ധ്യാ​പ​ക​രും സ​ഹ​പാ​ഠി​ക​ളും നാ​ട്ടു​കാ​രും ഉ​ൾ​പ്പെ​ടെ സ​മൂ​ഹ​ത്തി​ന്‍റെ നാ​നാ​തു​റ​ക​ളി​ൽ നി​ന്നു​മു​ള്ള​വ​ർ അ​ക്കൂ​ട്ട​ത്തി​ലു​ണ്ടാ​യി​രു​ന്നു.

ഷ​ഹ​ബാ​സി​ന്‍റെ ഉ​പ്പ​യെ​യും ഉ​മ്മ​യെ​യും സ​ഹോ​ദ​ര​ങ്ങ​ളെ​യും പി.​സി മു​ക്കി​ലെ വാ​ട​ക​വീ​ട്ടി​ൽ​നി​ന്ന് ഉ​ച്ച​യോ​ടെ​യാ​ണ് ചു​ങ്കം പാ​ലോ​റ​ക്കു​ന്ന് ത​റ​വാ​ട്ടു​വീ​ട്ടി​ലേ​ക്ക് എ​ത്തി​ച്ച​ത്. സ​ങ്ക​ട​ക്ക​ട​ലാ​യ ചു​ങ്ക​ത്തെ ത​റ​വാ​ട്ടു വീ​ട്ടി​ലേ​ക്ക്, കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​​പ​ത്രി​യി​ൽ​നി​ന്ന് പോ​സ്റ്റ്മോ​ർ​ട്ട​ത്തി​നു​ശേ​ഷം 3.15ഓ​ടെ​യാ​ണ് ഷ​ഹ​ബാ​സി​ന്‍റെ ചേ​ത​ന​യ​റ്റ ശ​രീ​രം എ​ത്തി​ച്ച​ത്. സ്ത്രീ​ക​ൾ​ക്കും അ​ടു​ത്ത ബ​ന്ധു​ക്ക​ളെ​യും സ​ന്ദ​ർ​ശ​ന​ത്തി​നു​ശേ​ഷം 3.40ഓ​ടെ മ​യ്യി​ത്ത് ന​മ​സ്കാ​ര​ത്തി​നാ​യി ചു​ങ്കം ടൗ​ൺ ജു​മാ​മ​സ്ജി​ദി​ലേ​ക്ക് പു​റ​പ്പെ​ട്ടു. 3.50ന് ​മ​യ്യി​ത്ത് ന​മ​സ്കാ​ര​ത്തി​നു​ശേ​ഷം നാ​ലു മ​ണി​യോ​ടെ പൊ​തു​ദ​ർ​ശ​ന​ത്തി​നാ​യി ചു​ങ്കം കെ​ട​വൂ​ർ ത​ൻ​വീ​റു​ൽ ഉ​ലൂം മ​ദ്റ​സ​യി​ൽ എ​ത്തി​ച്ചു. ഷ​ഹ​ബാ​സി​നെ അ​വ​സാ​ന നോ​ക്ക് കാ​ണാ​നാ​യി ആ​യി​ര​ക്ക​ണ​ക്കി​ന് പേ​ർ അ​വി​ടെ കാ​ത്തി​രി​ക്കു​ന്നു​ണ്ടാ​യി​രു​ന്നു. അ​ര​മ​ണി​ക്കൂ​റോ​ളം പൊ​തു​ദ​ർ​ശ​ന​ത്തി​നു വെ​ച്ച​ശേ​ഷം തൊ​ട്ട​ടു​ത്ത കെ​ട​വൂ​ർ ജു​മാ​മ​സ്ജി​ദ് ഖ​ബ​ർ​സ്ഥാ​നി​ൽ ഖ​ബ​റ​ട​ക്കി. ന​ജീ​ബ് കാ​ന്ത​പു​രം, ഡി.​സി.​സി പ്ര​സി​ഡ​ന്‍റ് അ​ഡ്വ. കെ. ​പ്ര​വീ​ൺ​കു​മാ​ർ തു​ട​ങ്ങി​യ​വ​രും ഷ​ഹ​ബാ​സി​ന് അ​ന്തി​മോ​പ​ചാ​ര​മ​ർ​പ്പി​ക്കാ​ൻ എ​ത്തി​യി​രു​ന്നു.