മറവുചെയ്യാൻ സ്ഥലമില്ലാത്തവർ; മൃതദേഹം വെച്ച് സമരം

‘ആ​ദി​വാ​സി​ക​ൾ​ക്ക് അ​ങ്ങനെ​യൊ​ക്കെ മ​തി’ എന്നാണോ? ജി​ല്ല​യി​ൽ ആ​ദി​വാ​സി​ക​ൾ​ക്കെ​തി​രാ​യ പീ​ഡ​ന​ങ്ങ​ൾ വ​ർ​ധി​ക്കു​ന്ന സാ​ഹ​ച​ര്യ​ത്തി​ൽ ‘മാ​ധ്യ​മം’ ന​ട​ത്തു​ന്ന അ​ന്വേ​ഷ​ണം തുടരുന്നു

‘മൃ​ത​ദേ​ഹം മ​റ​വു ചെ​യ്യാ​ൻ ഭൂ​മി​യി​ല്ല, ആ​ദി​വാ​സി വൃ​ദ്ധ​ന്റെ മൃ​ത​ദേ​ഹം അ​ടു​ക്ക​ള​മു​റ്റ​ത്ത് അ​ട​ക്കി’​എ​ന്ന വാ​ർ​ത്ത​ക്ക് വ​യ​നാ​ട്ടി​ൽ പ​തി​റ്റാ​ണ്ടു​ക​ളു​ടെ പ​ഴ​ക്ക​മു​ണ്ട്. അ​വ​സാ​നം ആ​റ​ടി മ​ണ്ണി​ൽ അ​ന്ത്യ​വി​ശ്ര​മം കൊ​ള്ളു​ക എ​ന്ന​ത് ആ​ദി​വാ​സി​യു​ടെ​യും അ​വ​കാ​ശ​മാ​ണ്. എ​ന്നാ​ൽ, കാ​ടി​ന്റെ മ​ക്ക​ളാ​യി മു​ദ്ര​കു​ത്തി​യ ഈ ​ജ​ന​വി​ഭാ​ഗം ഉ​റ്റ​വ​രെ എ​വി​ടെ​യെ​ങ്കി​ലും അ​ട​ക്ക​ട്ടെ എ​ന്നാ​ണ് അ​ധി​കൃ​ത​രു​ടെ മ​നോ​ഭാ​വം.

ശ്മ​ശാ​ന​ത്തി​ന് സ്ഥ​ല​മെ​ടു​പ്പും സം​വി​ധാ​ന​ങ്ങ​ൾ ഒ​രു​ക്ക​ലും ത​കൃ​തി​യാ​ണെ​ങ്കി​ലും മൃ​ത​ദേ​ഹ​ങ്ങ​ൾ അ​ട​ക്കു​ന്ന​തി​ലെ ത​ർ​ക്കം തീ​രു​ന്നി​ല്ല. പ്ര​തി​ഷേ​ധം ഉ​യ​രു​മ്പോ​ൾ താൽകാ​ലി​ക പ​രി​ഹാ​രം ക​ണ്ടെ​ത്തി മ​ട​ങ്ങു​ന്ന അ​ധി​കൃ​ത​ർ പി​ന്നീ​ട് ഇ​വ​രെ​ക്കു​റി​ച്ച് ഓ​ർ​ക്കാ​റി​ല്ല എ​ന്ന​താ​ണ് യാ​ഥാ​ർ​ഥ്യം.

മൃ​ത​ദേ​ഹം മ​റ​വു ചെ​യ്യാ​ൻ ഭൂ​മി​യി​ല്ലാ​ത്ത​തി​നാ​ൽ ആ​ദി​വാ​സി വൃ​ദ്ധ​ന്റെ മൃ​ത​ദേ​ഹം അ​ടു​ക്ക​ള​മു​റ്റ​ത്ത് അ​ട​ക്കി​യ​ത് വെ​റും ക​ഥ​യ​ല്ല. വെ​ള്ള​മു​ണ്ട ഗ്രാ​മ​പ​ഞ്ചാ​യ​ത്തി​ലെ ആ​റു​വാ​ൾ മു​ട​പ്പി​ലാ​വി​ൽ പ​ണി​യ കോ​ള​നി​യി​ൽ ന​ട​ന്ന സം​ഭ​വ​മാ​ണ്. ജി​ല്ല​യി​ലെ വി​വി​ധ​കോ​ള​നി​ക​ളി​ൽ സ​മാ​ന സം​ഭ​വം നി​ര​വ​ധി ത​വ​ണ ന​ട​ന്നി​ട്ടു​ണ്ട്.

വെ​ള്ള​മു​ണ്ട പാ​ല​യാ​ണ ഉ​ന്ന​തി​യി​ലും ഇ​തേ പ്ര​തി​ഷേ​ധം ഉ​യ​ർ​ന്ന​ത് മാ​സ​ങ്ങ​ൾ​ക്ക് മു​മ്പാ​ണ്. രാ​ത്രി​യി​ല്‍ മ​ര​ണ​പ്പെ​ട്ട കോ​ള​നി​യി​ലെ ക​യ​മ​യു​ടെ (90) മൃ​ത​ദേ​ഹം സം​സ്‌​ക​രി​ക്കാ​ന്‍ ശ്മ​ശാ​ന​മി​ല്ലാ​ത്ത​തി​നാ​ല്‍ മൃ​ത​ദേ​ഹ​വു​മാ​യി ന​ട​ത്തി​യ പ്ര​തി​ഷേ​ധം ഏ​റെ വി​വാ​ദ​മാ​യി​രു​ന്നു. ചി​ല​യി​ട​ങ്ങ​ളി​ൽ ശ്മ​ശാ​ന​മു​ണ്ടെ​ങ്കി​ലും അ​വി​ടേ​ക്ക് വ​ഴി​യി​ല്ല.

സ്വ​കാ​ര്യ വ്യ​ക്തി​ക​ൾ സൗ​ജ​ന്യ​മാ​യി ന​ൽ​കി​യ ഭൂ​മി ഉ​പ​യോ​ഗി​ക്കു​ന്ന കോ​ള​നി​ക​ൾ​ക്ക് രേ​ഖ​പ്ര​കാ​രം ശ്മ​ശാ​ന ഭൂ​മി ഇ​ല്ല. ത​രു​വ​ണ​യി​ലെ ഒ​രു കോ​ള​നി​യി​ൽ സ്വ​കാ​ര്യ ഭൂ​മി​യി​ലാ​ണ് മൃ​ത​ദേ​ഹ​ങ്ങ​ൾ അ​ട​ക്കു​ന്ന​ത്. ഓ​രോ മ​ര​ണ​ങ്ങ​ളി​ലും ശ്മ​ശാ​ന​ത്തി​നാ​യി പ്ര​തി​ഷേ​ധ​മു​യ​രും.

എ​ന്നാ​ൽ ശാ​ശ്വ​ത​പ​രി​ഹാ​രം കാ​ണാ​ൻ അ​ധി​കൃ​ത​ർ​ക്കും താ​ൽ​പ​ര്യ​മി​ല്ല. പ​റ​ഞ്ഞു മ​ടു​ത്ത ആ​ദി​വാ​സി​ക​ൾ ഒ​ടു​​വി​ൽ അ​ടു​ക്ക​ള​മു​റ്റ​ത്തും കി​ണ​റി​ന​രി​കി​ലും മൃ​ത​ദേ​ഹം അ​ട​ക്കം ചെ​യ്യും.

പൊ​തു​ശ്മ​ശാ​നം പോ​ര സ​ർ

ഉ​റ്റ​വ​രെ മ​റ​വു ചെ​യ്യാ​നു​ള്ള ഒ​രു തു​ണ്ട് ഭൂ​മി​ക്ക് വേ​ണ്ടി സ​മ​രം ചെ​യ്യേ​ണ്ടി വ​രു​ന്ന അ​ടി​സ്ഥാ​ന വ​ർ​ഗ​മാ​ണ് ഇ​ന്നും ആ​ദി​വാ​സി​ക​ൾ. ജി​ല്ല​യി​ലെ എ​ല്ലാ ഭാ​ഗ​ങ്ങ​ളി​ലും പ​ണി​യ വി​ഭാ​ഗം സ്വ​ന്ത​മാ​യി ശ്മ​ശാ​ന​മി​ല്ലാ​തെ അ​ല​യു​ക​യാ​ണ്. സ്വ​ന്ത​മാ​യി ശ്മ​ശാ​ന​ഭൂ​മി ഇ​ല്ലാ​ത്ത പ​ണി​യ​വി​ഭാ​ഗ​ക്കാ​ർ ധാ​രാ​ളം ഉ​ണ്ട്.

പ​ത്ത് സെ​ന്റി​ൽ താ​ഴെ ഭൂ​മി​യാ​ണ് പ​ല കോ​ള​നി​ക​ളി​ലും ഇ​പ്പോ​ഴും കു​ടും​ബ​ങ്ങ​ൾ​ക്കു​ള്ള​ത്. ഒ​ന്നി​നോ​ടൊ​ന്നു ചേ​ർ​ന്ന് വീ​ട് വെ​ച്ച​തി​നു ശേ​ഷം മി​ച്ചം എ​ന്ന് പ​റ​യാ​ൻ മു​റ്റം മാ​ത്ര​മാ​ണ് പ​ല​ർ​ക്കു​മു​ള്ള​ത്. കു​ടും​ബ​ത്തി​ൽ ഒ​ന്നി​ല​ധി​കം മ​ര​ണ​ങ്ങ​ളു​ണ്ടാ​യാ​ൽ അ​ടു​ക്ക​ള പൊ​ളി​ച്ച് മൃ​ത​ദേ​ഹം മ​റ​വു​ചെ​യ്യേ​ണ്ട ഗ​തി​കേ​ടി​ലാ​ണ് ഈ ​മ​ണ്ണി​ന്റെ മ​ക്ക​ളു​ള്ള​ത്.

ആ​രോ​പ​ണ​ങ്ങ​ൾ ഉ​യ​രു​മ്പോ​ൾ പൊ​തു ശ്മ​ശാ​നം ചൂ​ണ്ടിക്കാ​ട്ടി ത​ടി​യൂ​രു​ക​യാ​ണ് ഉ​ദ്യോ​ഗ​സ്ഥ​ർ. ഇ​ത്ത​രം സ​ന്ദ​ർ​ഭ​ങ്ങ​ളി​ൽ ഗോ​ത്ര​വി​ഭാ​ഗ​ങ്ങ​ൾ ത​മ്മി​ലെ ത​ർ​ക്കം പ​രി​ഹ​രി​ക്കാ​നും അ​ധി​കൃ​ത​ർ മെ​ന​ക്കെ​ടാ​റി​ല്ല. വി​വി​ധ വി​ഭാ​ഗ​ങ്ങ​ളി​ലു​ള്ള ആ​ദി​വാ​സി​ക​ൾ മ​റ്റു വി​ഭാ​ഗ​ങ്ങ​ളി​ലെ മൃ​ത​ദേ​ഹ​ങ്ങ​ൾ ത​ങ്ങ​ളു​ടെ പ​രി​ധി​യി​ലു​ള്ള ഭൂ​മി​യി​ൽ അ​ട​ക്കം ചെ​യ്യാ​ൻ സ​മ്മ​തി​ക്കാ​റി​ല്ല.

ഓ​രോ വി​ഭാ​ഗ​ത്തി​നും ഒ​രു ശ്മ​ശാ​നം എ​ന്ന ആ​ദി​വാ​സി​ക​ളു​ടെ കാ​ല​ങ്ങ​ളാ​യു​ള്ള ആ​വ​ശ്യ​വും ഇ​തു​വ​രെ പ​രി​ഹ​രി​ച്ചി​ട്ടി​ല്ല. മു​മ്പ് ജി​ല്ല പ​ഞ്ചാ​യ​ത്ത് ഇ​ട​പെ​ട്ട് ആ​ദി​വാ​സി ശ്മ​ശാ​ന​ഭൂ​മി​ക​ൾ വാ​ങ്ങി പ്ര​ശ്നം പ​രി​ഹ​രി​ക്കു​ന്ന​തി​ന് ഫ​ണ്ട് വ​ക​യി​രു​ത്തി​യി​രു​ന്നെ​ങ്കി​ലും തു​ട​ർ ന​ട​പ​ട​പ​ടി​ക​ൾ പാ​തി​യി​ൽ നി​ല​ക്കു​ക​യാ​യി​രു​ന്നു. അ​ന്യാ​ധീ​ന​പ്പെ​ട്ട അ​തേ ഭൂ​മി ആ​ദി​വാ​സി​ക​ൾ​ക്കു വീ​ണ്ടെ​ടു​ത്തു കൊ​ടു​ക്കേ​ണ്ട​താ​യി​രു​ന്നു.

മാ​ധ​വ മേ​നോ​ൻ ക​മീ​ഷ​ൻ റി​പ്പോ​ർ​ട്ട് പ്ര​കാ​രം, ആ​ദി​വാ​സി​ക​ൾ​ക്ക് അ​ഞ്ചേ​ക്ക​ർ ഭൂ​മി പ​തി​ച്ചു ന​ൽ​ക​ണ​മെ​ന്നാ​ണ് നി​ർ​ദ്ദേ​ശം. ഈ ​ആ​വ​ശ്യ​മു​ന്ന​യി​ച്ച് മു​ത്ത​ങ്ങ​യി​ൽ സ​മ​രം ചെ​യ്ത ആ​ദി​വാ​സി​ക​ളെ നി​ഷ്ഠൂ​ര​മാ​യി ആ​ക്ര​മി​ക്കു​ക​യും ജോ​ഗി​യെ​ന്ന ആ​ദി​വാ​സി​യെ വെ​ടി​വെ​ച്ച് കൊ​ല്ലു​ക​യു​മാ​ണ് അ​ന്ന​ത്തെ ഭ​ര​ണ​കൂ​ടം ചെ​യ്ത​ത്.

1975 ലെ ​ആ​ദി​വാ​സി ഭൂ​സം​ര​ക്ഷ​ണ നി​യ​മം ന​ട​പ്പി​ലാ​ക്കി​യി​രു​ന്നെ​ങ്കി​ൽ കോ​ള​നി​ക​ൾ ത​ന്നെ ഉ​ണ്ടാ​കു​മാ​യി​രു​ന്നി​ല്ല. മു​ഖ്യ​ധാ​രാ സ​മൂ​ഹ​ത്തി​ന്റെ ക​ടു​ത്ത ചൂ​ഷ​ണ​ത്തി​നും അ​രി​കു​വ​ത്ക​ര​ണ​ത്തി​നും വി​ധേ​യ​രാ​യ ആ​ദി​വാ​സി​ക​ളു​ടെ ഭൂ​മി പ്ര​ശ്നം അ​ട​ക്ക​മു​ള്ള അ​ടി​സ്ഥാ​ന ആ​വ​ശ്യ​ങ്ങ​ൾ പ​രി​ഹ​രി​ച്ചും അ​വ​രു​ടെ ശാ​ക്തീ​ക​ര​ണ​ത്തി​നു​ള്ള ശാ​സ്ത്രീ​യ പ​ദ്ധ​തി​ക​ൾ രൂ​പ​വ​ത്ക​രി​ച്ചു​മു​ള്ള മു​ന്നേ​റ്റ​ത്തി​നാ​ണ് വ​യ​നാ​ട് ജി​ല്ല നേ​തൃ​ത്വം ന​ൽ​കേ​ണ്ട​ത്.

(തു​ട​രും)