അധ്യാപകർക്ക് മലബാറിലേക്ക് സ്ഥലംമാറ്റം; പിന്നിൽ രാഷ്ട്രീയ പ്രതികാരമെന്ന്, അഡ്​മിനിസ്​​ട്രേറ്റിവ്​ ട്രൈബ്യൂണലിനെ സമീപിച്ചു

കോ​ട്ട​യം: കൃ​ത്യ​മാ​യി ക്ലാ​സെ​ടു​ക്കു​ന്നി​ല്ലെ​ന്നാ​രോ​പി​ച്ച്​ മലബാർ ജി​ല്ല​ക​ളി​ലേ​ക്ക്​ സ്ഥ​ലം​മാ​റ്റ​പ്പെ​ട്ട ച​ങ്ങ​നാ​ശ്ശേ​രി ഗ​വ. എ​ച്ച്.​എ​സ്​.​എ​സ്​ അ​ധ്യാ​പ​ക​ർ കേ​ര​ള അ​ഡ്​​മി​നി​സ്ട്രേ​റ്റി​വ്​ ട്രൈ​ബ്യൂ​ണ​ലി​ൽ പ​രാ​തി ന​ൽ​കി. സ്ഥ​ലം​മാ​റ്റം ഉ​ട​ൻ പ്രാ​ബ​ല്യ​ത്തി​ൽ വ​രു​ത്താ​നാ​ണ്​ ഉ​ത്ത​ര​വെ​ങ്കി​ലും അ​ധ്യാ​പ​ക​ർ വി​ടു​ത​ൽ നേ​ടി​യി​ട്ടി​ല്ല. സ്കൂ​ളി​ൽ പ​ക​രം അ​ധ്യാ​പ​ക​രെ​ത്തി​യി​ട്ടു​മി​ല്ല. നീ​തു ജോ​സ​ഫ് (ഇം​ഗ്ലീ​ഷ്), വി.​എം. ര​ശ്മി (ബോ​ട്ട​ണി), ടി.​ആ​ർ. മ​ഞ്ജു (കോ​മേ​ഴ്​​സ്), എ.​ആ​ർ. ല​ക്ഷ്മി (ഹി​ന്ദി), ​ ജെ​സി ജോ​സ​ഫ് (ഫി​സി​ക്സ്) എ​ന്നി​വ​രെ​യാ​ണ്​ സ്ഥ​ലം​മാ​റ്റി​യ​ത്.

അ​തേ​സ​മ​യം, അ​ധ്യാ​പ​ക​ർ​ക്കെ​തി​രാ​യ ന​ട​പ​ടി​ക്കു​പി​ന്നി​ൽ രാ​ഷ്ട്രീ​യ ഇ​ട​പെ​ട​ലാ​ണെ​ന്ന്​ ആ​രോ​പ​ണ​മു​ണ്ട്. ഭ​ര​ണ​പ​ക്ഷ സം​ഘ​ട​ന​യു​ടെ മു​തി​ർ​ന്ന നേ​താ​വാ​യി​രു​ന്ന പ്രി​ൻ​സി​പ്പ​ലി​ന്‍റെ പ​രാ​തി​യി​ലാ​ണ്​ ന​ട​പ​ടി. ഇ​​​ദ്ദേ​ഹം മാ​ർ​ച്ചി​ൽ വി​ര​മി​ച്ചു. 2023 ഫെ​ബ്രു​വ​രി​യി​ൽ പ്രി​ൻ​സി​പ്പ​ലി​നെ​തി​രെ അ​ധ്യാ​പ​ക​ർ പ​രാ​തി ന​ൽ​കി​യി​രു​ന്നു. അ​തി​ൽ ന​ട​പ​ടി​യു​ണ്ടാ​യി​ല്ല. ഇ​പ്പോ​ഴ​ത്തെ പ​രാ​തി​യി​ൽ അ​ന്വേ​ഷ​ണം ന​ട​ത്തി​യ റീ​ജ​ന​ൽ ഡെ​പ്യൂ​ട്ടി ഡ​യ​റ​ക്ട​ർ ആ​രോ​പ​ണ​വി​ധേ​യ​രാ​യ അ​ധ്യാ​പ​ക​രെ കേ​ൾ​ക്കാ​തെ​യാ​ണ്​ റി​പ്പോ​ർ​ട്ട്​ ത​യാ​റാ​ക്കി​യ​തെ​ന്നാ​ണ്​ പ​രാ​തി.

പ്രി​ൻ​സി​പ്പ​ൽ സ്റ്റാ​ഫ്​ മു​റി​യി​ൽ അ​ധ്യാ​പ​ക​രെ നി​രീ​ക്ഷി​ക്കാ​ൻ സി.​സി ടി.​വി കാ​മ​റ വെ​ച്ച​താ​ണ്​ പ്ര​ശ്ന​ങ്ങ​ളു​ടെ തു​ട​ക്ക​മെ​ന്ന്​ മ​റ്റ്​ അ​ധ്യാ​പ​ക​ർ പ​റ​യു​ന്നു. സ്വ​കാ​ര്യ​ത ഹ​നി​ക്കു​ന്ന ഈ ​ന​ട​പ​ടി​യെ വ​നി​ത അ​ധ്യാ​പ​ക​ർ ചോ​ദ്യം​ചെ​യ്തു. പ്രി​ൻ​സി​പ്പ​ലി​ന്‍റെ മു​റി​യി​ൽ ക​യ​റി പ​ല​രും ഈ ​ദൃ​ശ്യ​ങ്ങ​ൾ ദു​രു​പ​യോ​ഗം ചെ​യ്തി​രു​ന്ന​താ​യും അ​ധ്യാ​പ​ക​ർ​ക്ക്​ പ​രാ​തി​യു​ണ്ട്. തു​ട​ർ​ന്ന്​ നാ​ല്​ വ​നി​ത അ​ധ്യാ​പ​ക​ർ വ​നി​ത ക​മീ​ഷ​നി​ൽ പ​രാ​തി ന​ൽ​കി. ക​മീ​ഷ​ൻ അ​ധ്യ​ക്ഷ ഏ​പ്രി​ൽ 17ന്​ ​സ്കൂ​ൾ സ​ന്ദ​ർ​ശി​ച്ച്​ പ്രി​ൻ​സി​പ്പ​ൽ ഇ​ൻ ചാ​ർ​ജി​ൽ​നി​ന്നും അ​ധ്യാ​പ​ക​രി​ൽ​നി​ന്നും​ വി​വ​ര​ങ്ങ​ൾ തേ​ടി.

പ്രി​ൻ​സി​പ്പ​ലി​ന്‍റെ മു​റി​യി​ൽ ആ​ർ​ക്കും ക​യ​റി​വ​ന്ന്​ ദൃ​ശ്യ​ങ്ങ​ൾ നി​രീ​ക്ഷി​ക്കാ​വു​ന്ന വി​ധ​മാ​ണ്​ കാ​മ​റ സ്ഥാ​പി​ച്ചി​രി​ക്കു​ന്ന​തെ​ന്ന്​ ക​മീ​ഷ​ൻ ക​​ണ്ടെ​ത്തി. അ​ധ്യാ​പ​ക​രു​ടെ ക്ലാ​സ്​ കാ​മ​റ​യി​ൽ വീ​ക്ഷി​ച്ച്​ പി.​ടി.​എ​യി​ലെ ചി​ല അം​ഗ​ങ്ങ​ൾ ആ​ക്ഷേ​പം പ​റ​യു​ക​യു​മു​ണ്ടാ​യി. മ​റ്റ്​ അ​ധ്യാ​പ​ക​രും കാ​മ​റ മാ​റ്റു​ന്ന​താ​ണ്​ ഉ​ചി​ത​മെ​ന്ന്​​​ മൊ​ഴി ന​ൽ​കി. സ്റ്റാ​ഫ്​ മു​റി​യി​ലെ കാ​മ​റ സൂം ​ചെ​യ്യാ​നും സൂ​ക്ഷ്മ​മാ​യി കാ​ണാ​നും സാ​ധി​ക്കു​ന്ന​താ​ണ്. സ്വ​കാ​ര്യ​ത​ക്ക്​ ഭം​ഗം വ​രു​ത്തു​ന്ന​തി​നാ​ൽ കാ​മ​റ മാ​റ്റു​ന്ന​താ​ണ്​ അ​ഭി​കാ​മ്യ​മെ​ന്നാ​യി​രു​ന്നു​ ക​മീ​ഷ​ന്‍റെ അ​ഭി​പ്രാ​യം.

സ​ർ​ക്കാ​ർ നി​ഷ്ക​ർ​ഷി​ച്ച നി​ർ​ദേ​ശ​ങ്ങ​ൾ​ക്ക​നു​സ​രി​ച്ച​ല്ല പി.​ടി.​എ എ​ക്സി​ക്യൂ​ട്ടി​വ്​ ക​മ്മി​റ്റി രൂ​പ​വ​ത്​​ക​രി​ച്ചി​ട്ടു​ള്ള​ത്. സ്കൂ​ളി​ൽ പോ​ഷ്​ ആ​ക്ട്​ പ്ര​കാ​രം ഇ​ന്‍റേ​ണ​ൽ ക​മ്മി​റ്റി രൂ​പ​വ​ത്​​ക​രി​ച്ചി​ട്ടു​ണ്ടെ​ങ്കി​ലും അ​ധ്യ​ക്ഷ​യാ​യ മു​തി​ർ​ന്ന അ​ധ്യാ​പി​ക​ക്ക്​ ആ​രൊ​ക്കെ​യാ​ണ്​ അം​ഗ​ങ്ങ​ൾ എ​ന്ന​റി​യി​ല്ല. പോ​ഷ്​ ആ​ക്ട്​ പ്ര​കാ​രം അ​ടി​യ​ന്ത​ര​മാ​യി ഇ​ന്‍റേ​ണ​ൽ ക​മ്മി​റ്റി രൂ​പ​വ​ത്​​ക​രി​ച്ച്​ അ​ധ്യാ​പ​ക​രു​ടെ പ​രാ​തി കേ​ട്ട്​ 15 ദി​വ​സ​ത്തി​ന​കം റി​​പ്പോ​ർ​ട്ട്​ ന​ൽ​കാ​ൻ നി​ർ​ദേ​ശി​ച്ച്​ ക​മീ​ഷ​ൻ ​മേ​യ്​ എ​ട്ടി​ന്​ പ്രി​ൻ​സി​പ്പ​ലി​ന്​ ക​ത്ത്​ ന​ൽ​കി​യി​രു​ന്നു. അ​തി​നി​ടെ​യാ​ണ്​ സ്ഥ​ലം​മാ​റ്റം.

ഉ​ത്ത​ര​വി​ലെ അ​നു​ചി​ത പ​രാ​മ​ർ​ശ​ങ്ങ​ൾ അ​ന്വേ​ഷി​ക്കും -മ​ന്ത്രി

കോ​ട്ട​യം: ച​ങ്ങ​നാ​ശ്ശേ​രി ഗ​വ. എ​ച്ച്.​എ​സ്.​എ​സി​ലെ​ അ​ധ്യാ​പ​ക​രു​ടെ സ്ഥ​ലം​മാ​റ്റം സം​ബ​ന്ധി​ച്ച ഉ​ത്ത​ര​വി​ൽ അ​നു​ചി​ത​മാ​യ ചി​ല പ​രാ​മ​ർ​ശ​ങ്ങ​ൾ ക​ട​ന്നു​കൂ​ടി​യ​ത്​ ശ്ര​ദ്ധ​യി​ൽ​പെ​ട്ടെ​ന്നും ഇ​ക്കാ​ര്യ​ത്തി​ൽ അ​ന്വേ​ഷ​ണം ഉ​ണ്ടാ​കു​മെ​ന്നും മ​ന്ത്രി ശി​വ​ൻ​കു​ട്ടി ​അ​റി​യി​ച്ചു. ഇ​ത്ത​രം ഉ​ത്ത​ര​വ് ഇ​റ​ക്കാ​നു​ണ്ടാ​യ സാ​ഹ​ച​ര്യ​ത്തെ​ക്കു​റി​ച്ച്​ ഉ​ദ്യോ​ഗ​സ്ഥ​ത​ല​ത്തി​ൽ​നി​ന്ന് വി​ശ​ദീ​ക​ര​ണം തേ​ടി. വേ​ണ്ട തി​രു​ത്ത​ൽ ന​ട​പ​ടി​ക​ൾ വ​രു​ത്താ​നും പൊ​തു​വി​ദ്യാ​ഭ്യാ​സ ഡ​യ​റ​ക്​​ട​റോ​ട് മ​ന്ത്രി ആ​വ​ശ്യ​പ്പെ​ട്ടു. സ്ഥ​ലം​മാ​റ്റം പി​ൻ​വ​ലി​ക്ക​ണ​മെ​ന്നാ​വ​ശ്യ​പ്പെ​ട്ട്​ ഹ​യ​ർ സെ​ക്ക​ൻ​ഡ​റി സ്കൂ​ൾ ടീ​ച്ചേ​ഴ്​​സ്​ അ​സോ​സി​യേ​ഷ​ൻ (എ​ച്ച്.​എ​സ്.​എ​സ്.​ടി.​എ) സം​സ്ഥാ​ന പ്ര​സി​ഡ​ൻ​റ് കെ. ​വെ​ങ്കി​ട​മൂ​ർ​ത്തി, ജ​ന​റ​ൽ സെ​ക്ര​ട്ട​റി അ​നി​ൽ എം. ​ജോ​ർ​ജ് എ​ന്നി​വ​ർ മ​ന്ത്രി​യെ​യും പൊ​തു​വി​ദ്യാ​ഭ്യാ​സ ഡ​യ​റ​ക്​​ട​റെ​യും ക​ണ്ടി​രു​ന്നു.