ട്രെ​യി​നി​നു മു​ന്നി​ൽ അ​ക​പ്പെ​ട്ട നാ​ല് ജീ​വ​നു​ക​ൾ​ക്ക് ര​ക്ഷ​ക​നാ​യി വി​ജി​ല​ൻ​സ് എ​സ്.​ഐ

ന​ടു​വ​ണ്ണൂ​ർ: കു​തി​ച്ചു​വ​രു​ന്ന ട്രെ​യി​നി​നു മു​ന്നി​ൽ അ​ക​പ്പെ​ട്ട നാ​ല് ജീ​വ​നു​ക​ളെ ര​ക്ഷ​പ്പെ​ടു​ത്തി യു​വാ​വ്.​വി​ജി​ല​ൻ​സി​ന്റെ കോ​ഴി​ക്കോ​ട് നോ​ർ​ത്ത് വി​ങ് സ​ബ് ഇ​ൻ​സ്പെ​ക്ട​റാ​യ ന​ടു​വ​ണ്ണൂ​ർ സ്വ​ദേ​ശി ഇ.​കെ. മു​നീ​റി​ന്റെ അ​വ​സ​രോ​ചി​ത ഇ​ട​പെ​ട​ലി​ലാ​ണ് നാ​ലു​പേ​ർ ര​ക്ഷ​പ്പെ​ട്ട​ത്.

വ്യാ​ഴാ​ഴ്ച രാ​വി​ലെ 10.45 ഓ​ടെ കൊ​യി​ലാ​ണ്ടി റെ​യി​ൽ​വേ സ്റ്റേ​ഷ​നി​ലാ​ണ് സം​ഭ​വം. ല​ഖ്നോ​വി​ൽ എം.​ബി.​ബി.​എ​സ് അ​ഡ്‌​മി​ഷ​ൻ ല​ഭി​ച്ച മ​ക​ൾ​ക്കാ​യി ത​ൽ​ക്കാ​ൽ ടി​ക്ക​റ്റ് എ​ടു​ക്കാ​നാ​ണ് മു​നീ​ർ കാ​ല​ത്ത് റെ​യി​ൽ​വേ സ്റ്റേ​ഷ​നി​ലെ​ത്തി​യ​ത്. ടി​ക്ക​റ്റ് ബു​ക്ക് ചെ​യ്ത ശേ​ഷം എ​ഗ് മോ​ർ എ​ക്സ‌്പ്ര​സി​ന് കോ​ഴി​ക്കോ​ട്ടേ​ക്ക് പോ​കാ​നി​രി​ക്കെ​യാ​ണ് ട്രാ​ക്കി​ല​ക​പ്പെ​ട്ട​വ​രെ മു​നീ​ർ ര​ക്ഷി​ച്ച​ത്. ര​ണ്ടാം പ്ലാ​റ്റ്ഫോ​മി​ൽ​നി​ന്ന് മൂ​ന്നു സ്ത്രീ​ക​ളും ഒ​രു കു​ട്ടി​യും ട്രാ​ക്ക് മു​റി​ച്ചു​ക​ട​ന്ന് ഒ​ന്നാം പ്ലാ​റ്റ്ഫോ​മി​ലേ​ക്ക് ക​ട​ക്കു​ന്ന​തി​നി​ടെ കൂ​ട്ട​ത്തി​ലെ പ്രാ​യ​മാ​യ സ്ത്രീ ​ന​ട​ക്കാ​ൻ ക​ഴി​യാ​തെ ട്രാ​ക്കി​ൽ നി​സ്സ​ഹാ​യ​വ​സ്ഥ​യി​ൽ നി​ൽ​ക്കു​ക​യാ​യി​രു​ന്നു. എ​ഗ് മോ​ർ എ​ക്സ്പ്ര​സ് വ​രാ​ൻ ഏ​താ​നും നി​മി​ഷ​ങ്ങ​ൾ മാ​ത്ര​മാ​ണ് ബാ​ക്കി​യു​ണ്ടാ​യ​ത്. കു​ട്ടി​യെ എ​ടു​ത്ത് ഒ​രു സ്ത്രീ​യും മ​റ്റൊ​രു സ്ത്രീ​യും കൂ​ടി ട്രാ​ക്ക് മ​റി ക​ട​ന്ന് ഒ​ന്നാം ട്രാ​ക്കി​ലേ​ക്ക് എ​ത്തി​യി​രു​ന്നു. ര​ണ്ടാം ട്രാ​ക്കി​ലൂ​ടെ ട്രെ​യി​ൻ വ​രു​ന്നു​വെ​ന്ന് മ​ന​സ്സി​ലാ​ക്കി​യ വ​യോ​ധി​ക്ക​ക്ക് പ​ക്ഷേ മു​മ്പോ​ട്ടു​പോ​വാ​നോ തി​രി​ഞ്ഞു ന​ട​ക്കാ​നോ പ​റ്റാ​ത്ത അ​വ​സ്ഥ​യാ​യി​രു​ന്നു. മു​മ്പി​ൽ പോ​യ സ്ത്രീ​ക​ൾ ഇ​വ​രെ ട്രാ​ക്ക് മു​റി​ച്ചു​ക​ട​ത്താ​ൻ വേ​ണ്ടി പി​ന്തി​രി​ഞ്ഞു വ​ന്ന് ഒ​രു ശ്ര​മം ന​ട​ത്തി​നോ​ക്കി​യെ​ങ്കി​ലും അ​വ​രും പ​രി​ഭ്ര​മ​ത്തി​ലാ​യി​രു​ന്നു. ഇ​ത് നേ​രി​ൽ ക​ണ്ട മു​നീ​ർ ബാ​ഗും മൊ​ബൈ​ൽ ഫോ​ണും പ്ലാ​റ്റ്ഫോ​മി​ലേ​ക്കെ​റി​ഞ്ഞ് ട്രാ​ക്കി​ലേ​ക്ക് ചാ​ടി​യി​റ​ങ്ങി ഇ​വ​രെ ര​ക്ഷ​പ്പെ​ടു​ത്തു​ക​യാ​യി​രു​ന്നു.

റെ​യി​ൽ​വേ സ്റ്റേ​ഷ​നി​ലു​ണ്ടാ​യി​രു​ന്ന ആ​രോ ഇ​ദ്ദേ​ഹ​ത്തി​ന്റെ സാ​ഹ​സി​ക കൃ​ത്യം സമൂ​ഹ മാ​ധ്യ​മ​ത്തി​ൽ പ​ങ്കു​വെ​ച്ച​തോ​ടെ​യാ​ണ് സം​ഭ​വം ലോ​ക​മ​റി​ഞ്ഞ​ത്. കു​ടും​ബ​ക്കാ​രും നാ​ട്ടു​കാ​രും സു​ഹൃ​ത്തു​ക്ക​ളും മു​നീ​റി​നെ അ​ഭി​ന​ന്ദ​ന​ങ്ങ​ൾ കൊ​ണ്ട് മൂ​ടു​ക​യാ​ണ്. സോ​ഷ്യ​ൽ മീ​ഡി​യ​യി​ലും ഇ​പ്പോ​ൾ മു​നീ​ർ താ​ര​മാ​യി.