എന്റെ മകൾ കറുത്ത ക്യൂട്ടക്സേ ഇടൂ...

മേ​പ്പാ​ടി: പൊ​ന്നു​മോ​ളെ തി​രി​ച്ച​റി​ഞ്ഞ് അ​ല​മു​റ​യി​ട്ട അ​ച്ഛ​നെ ആ​ശ്വ​സി​പ്പി​ക്കാ​ൻ സ​മീ​പ​ത്ത് കൂ​ടി​നി​ന്ന​വ​ർ​ക്കാ​യി​ല്ല. ശ​നി​യാ​ഴ്ച ഉ​ച്ച​ക്ക് മേ​പ്പാ​ടി ആ​ശു​പ​ത്രി​യോ​ട് ചേ​ർ​ന്നു​ള്ള ക​മ്യൂ​ണി​റ്റി ഹാ​ളി​ന് മു​ന്നി​ലാ​യി​രു​ന്നു നെ​ഞ്ചു​പി​ട​യു​ന്ന ഈ​കാ​ഴ്ച. ത​മി​ഴ്നാ​ട് കോ​ട്ടൂ​ർ സ്വ​ദേ​ശി​യാ​യ സാ​മി​ദാ​സ​ൻ എ​ട്ടു വ​യ​സ്സു​ള്ള മ​ക​ൾ അ​നാ​മി​ക​യെ തി​രി​ച്ച​റി​ഞ്ഞ് പു​റ​ത്തി​റ​ങ്ങി​യ​താ​യി​രു​ന്നു. മ​ക​ൾ​ക്ക് ഒ​ന്നും സം​ഭ​വി​ച്ചി​ട്ടു​ണ്ടാ​വി​ല്ല, അ​വ​ൾ എ​വി​ടെ​യെ​ങ്കി​ലും ജീ​വി​ച്ചി​രി​പ്പു​ണ്ടെ​ന്ന ഉ​റ​ച്ച വി​ശ്വാ​സ​ത്തി​ലാ​ണ് സാ​മി​ദാ​സ​ൻ മൃ​ത​ശ​രീ​ര​ങ്ങ​ൾ സൂ​ക്ഷി​ച്ചി​രി​ക്കു​ന്ന ഹാ​ളി​ന​ക​ത്ത് ക​യ​റി​യ​ത്. ‘‘എ​ന്റെ മോ​ള് കൈ​യി​ൽ ക​റു​ത്ത നി​റ​ത്തി​ലെ ക്യൂ​ട്ട​ക്സേ ഇ​ടൂ... ഇ​ട​തു​കാ​ലി​ൽ മ​റു​കു​മു​ണ്ട്... അ​ത​വ​ൾ​ത​ന്നെ...’’

ദു​ര​ന്തം സം​ഭ​വി​ച്ച ചൂ​ര​ൽ​മ​ല​യി​ൽ അ​നാ​മി​ക​യു​ടെ അ​മ്മ​വീ​ടാ​യി​രു​ന്നു. അ​മ്മ ര​ണ്ടു​വ​ർ​ഷം മു​മ്പ് അ​ർ​ബു​ദം ബാ​ധി​ച്ച് മ​രി​ച്ച​തോ​ടെ സാ​മി​ദാ​സ് മ​ക​ളെ ചൂ​ര​ൽ​മ​ല​യി​ലെ സ്കൂ​ളി​ലേ​ക്ക് മാ​റ്റു​ക​യാ​യി​രു​ന്നു. വീ​ട്ടി​ൽ അ​നാ​മി​ക അ​ട​ക്കം ആ​റു​പേ​രാ​ണ് ഉ​ണ്ടാ​യി​രു​ന്ന​ത്.

ദു​ര​ന്ത​ത്തി​ൽ വീ​ട് ഒ​ലി​ച്ചു​പോ​യി. എ​ങ്കി​ലും വി​വി​ധ ദു​രി​താ​ശ്വാ​സ ക്യാ​മ്പു​ക​ളി​ലൊ​ക്കെ ക​ഴി​ഞ്ഞ​ദി​വ​സ​ങ്ങ​ളി​ൽ സാ​മി​ദാ​സ​ൻ ക​യ​റി​യി​റ​ങ്ങി. ഒ​രു​കു​ട്ടി​യു​ടെ മൃ​ത​ദേ​ഹം എ​ത്തി​യ​ത​റി​ഞ്ഞ് സു​ഹൃ​ത്ത് ശി​വ​ദാ​സ​നാ​ണ് ഹാ​ളി​ലേ​ക്ക് കൂ​ട്ടി​ക്കൊ​ണ്ടു​വ​ന്ന​ത്. പി​ന്നീ​ട് കൂ​ടു​ത​ൽ ബ​ന്ധു​ക്ക​ളെ​ത്തി. ‘‘മു​ഖ​മൊ​ന്നും തി​രി​ച്ച​റി​യു​ന്നി​ല്ല​ല്ലോ..! ഓ​ളെ കാ​ൽ​പാ​ദം എ​ന്റെ പോ​ലെ​യാ...’’ ബ​ന്ധ​ത്തി​ൽ​പ്പെ​ട്ട ഒ​രു​യു​വ​തി ക​ര​ഞ്ഞു​കൊ​ണ്ട് പ​റ​ഞ്ഞു. ചൂ​ര​ൽ​മ​ല​യി​ലെ വീ​ട്ടി​ലു​ണ്ടാ​യി​രു​ന്ന മ​റ്റു​ള്ള​വ​രെ​ക്കു​റി​ച്ച് വി​വ​ര​മി​ല്ല.