എ.പി. അബൂബക്കര് മുസ്ലിയാര്
കോഴിക്കോട്: രാജ്യത്തിന്റെ മതേതരത്വ മൂല്യങ്ങളും ന്യൂനപക്ഷ അവകാശങ്ങളും കവര്ന്നെടുക്കുന്ന ഭരണഘടന വിരുദ്ധമായ വഖഫ് ഭേദഗതി ബില്ലിനെതിരെ കോടതിയെ സമീപിക്കാന് സമസ്ത കേരള ജംഇയ്യതുല് ഉലമ മുശാവറ തീരുമാനിച്ചു. യോഗം ജനറല് സെക്രട്ടറി കാന്തപുരം എ.പി. അബൂബക്കര് മുസ്ലിയാര് ഉദ്ഘാടനം ചെയ്തു.
പ്രസിഡന്റ് ഇ. സുലൈമാന് മുസ്ലിയാർ അധ്യക്ഷത വഹിച്ചു. കോഴിക്കോട് അടിയന്തരമായി ചേര്ന്ന യോഗത്തിലാണ് തീരുമാനം. വഖഫ് സ്വത്തുക്കളെ ഇല്ലായ്മ ചെയ്യാനുമുള്ള നീക്കമാണ് ബില്ലിന് പിന്നില്. പാര്ലമെന്റില് മതേതര രാഷ്ട്രീയ പാര്ട്ടികള് ഉന്നയിച്ച പല ചോദ്യങ്ങള്ക്കും സര്ക്കാറിന് കൃത്യമായ ഉത്തരം നല്കാന് കഴിഞ്ഞിട്ടില്ല.
ഈ പ്രതിസന്ധി ഘട്ടത്തില് നീതിപീഠത്തെ സമീപിക്കുകയേ വഴിയുള്ളൂവെന്നും സമസ്ത മുശാവറ അഭിപ്രായപ്പെട്ടു. സയ്യിദ് അലി ബാഫഖി, സയ്യിദ് ഇബ്റാഹീം ഖലീല് അല് ബുഖാരി, പേരോട് അബ്ദുറഹ്മാന് സഖാഫി, കെ.പി. മുഹമ്മദ് മുസ്ലിയാര് കൊമ്പം, സി. മുഹമ്മദ് ഫൈസി പന്നൂര്, ഡോ. ഹുസൈന് സഖാഫി ചുള്ളിക്കോട്, അബ്ദുല് ജലീല് സഖാഫി ചെറുശ്ശോല തുടങ്ങിയവര് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.