സെക്രട്ടേറിയറ്റിന് മുമ്പിൽ മുട്ടിലിഴഞ്ഞ് വനിത സി.പി.ഒമാരുടെ പ്രതിഷേധവും പൊട്ടിക്കരച്ചിലും

തി​രു​വ​ന​ന്ത​പു​രം: കാലാവധി അവസാനിക്കുന്ന പി.എസ്.സി റാങ്ക് ലിസ്റ്റിൽ നിന്ന് നിയമനം നടത്തണമെന്ന് ആവശ്യപ്പെട്ട് സെക്രട്ടേറിയറ്റിന് മുമ്പിൽ വനിത സിവിൽ പൊലീസ് ഓഫീസർ ഉദ്യോഗാർഥികൾ നടത്തുന്ന അനിശ്ചിതകാല നിരാഹാര സമരം ഏഴാം ദിവസത്തിലേക്ക്. നിരാഹര സമരത്തിന്റെ ഭാഗമായി സെക്രട്ടേറിയറ്റിന് മുമ്പിൽ മുട്ടിലിഴഞ്ഞ് ഉദ്യോഗാർഥികൾ പ്രതിഷേധിച്ചു. മുട്ടിലിഴഞ്ഞ് ഉദ്യോഗാർഥികൾ വിഷമം സഹിക്കാതെ പൊട്ടിക്കരയുകയും ചെയ്തു.

സമരം ചെയ്യുന്ന സി.പി.ഒ റാങ്ക് ലിസ്റ്റിൽ ഉൾപ്പെട്ടവർ നിരാഹര സമരത്തിന്റെ ഭാഗമായി മുട്ടിലിഴഞ്ഞ് പ്രതിഷേധിച്ച ശേഷം പൊട്ടിക്കരയുന്നു

നി​യ​മ​ന​മാ​വ​ശ്യ​പ്പെ​ട്ട് വ​നി​ത സി​വി​ൽ പൊ​ലീ​സ് ഓ​ഫി​സേ​ഴ്സ് റാ​ങ്ക് ലി​സ്റ്റി​ൽ ഉ​ൾ​പ്പെ​ട്ട​വ​ർ സെ​ക്ര​ട്ടേ​റി​യ​റ്റി​നു ​മു​ന്നി​ൽ ആ​രം​ഭി​ച്ച നി​രാ​ഹാ​ര സ​മ​രം ആ​റു ദി​വ​സം പി​ന്നി​ട്ടി​ട്ടും സ​മ​ര​ക്കാ​രോട് ഭ​ര​ണ-​പ്ര​തി​പ​ക്ഷ ക​ക്ഷി​ക​ൾ ഒ​രു​പോ​ലെ ക​ണ്ണ​ട​ച്ച​തി​ൽ സ​ങ്ക​ട​ത്തി​ലാ​ണ് ഉ​ദ്യോ​ഗാ​ർ​ഥി​ക​ൾ.

നി​രാ​ഹാ​രം കി​ട​ന്നും സെ​ക്ര​ട്ടേ​റി​യ​റ്റി​നു മു​ന്നി​ൽ ശ​യ​ന പ്ര​ദ​ക്ഷി​ണം ന​ട​ത്തി​യും ക​ല്ലു​പ്പി​ൽ മു​ട്ടു​കു​ത്തി ​നി​ന്നും സ​മ​രം ​ചെ​യ്ത ഉ​ദ്യോ​ഗാ​ർ​ഥി​ക​ൾ, തി​ങ്ക​ളാ​ഴ്ച കൈ​കാ​ലു​ക​ൾ പ​ര​സ്പ​രം ബ​ന്ധി​പ്പി​ച്ച് പ്ലാ​വി​ല തൊ​പ്പി​യും ത​ല​യി​ലേ​ന്തി​യാ​ണ് ​​പ്ര​തി​ഷേ​ധി​ച്ച​ത്.

മെ​യി​ൻ ലി​സ്റ്റി​ൽ 674, സ​പ്ലി​മെ​ന്‍റ​റി ലി​സ്റ്റി​ൽ 293 എ​ന്നി​ങ്ങ​നെ 967 പേ​രെ​യാ​ണ് റാ​ങ്ക് ലി​സ്റ്റി​ൽ ഉ​ൾ​പ്പെ​ടു​ത്തി​യി​രു​ന്ന​ത്. ഏ​പ്രി​ൽ 19ന് ​റാ​ങ്ക് ലി​സ്റ്റ്​ കാ​ലാ​വ​ധി അ​വ​സാ​നി​ക്കാ​നി​രി​ക്കെ, 292 പേ​ർ​ക്ക് മാ​ത്ര​മാ​ണ് നി​യ​മ​ന ശി​പാ​ർ​ശ ല​ഭി​ച്ച​ത്.

ഇ​തി​ൽ 60ഉം ​എ​ൻ.​ജെ.​ഡി (നോ​ൺ ജോ​യി​നി​ങ് ഡ്യൂ​ട്ടി) ആ​ണ്. അ​താ​യ​ത് പു​തു​താ​യി റി​പ്പോ​ർ​ട്ട് ചെ​യ്ത​ത് 232 ഒ​ഴി​വ്​ മാ​ത്രം. മു​ൻ റാ​ങ്ക് ലി​സ്റ്റി​ൽ​ നി​ന്ന് 815 പേ​ർ​ക്ക്​ നി​യ​മ​ന ശി​പാ​ർ​ശ ല​ഭി​ച്ചി​രു​ന്ന സ്ഥാ​ന​ത്താ​ണി​ത്.