കഥ പറയുന്ന കണ്ണുകള്‍, പേടമാന്‍ മിഴികള്‍, താമര പൂ മിഴികള്‍ എന്നിങ്ങനെ കണ്ണുകളുടെ ഭംഗിയെ വര്‍ണിക്കാന്‍ മലയാളത്തില്‍ അസംഖ്യം മനോഹരമായ ഉപമകളുണ്ട്. കണ്ണുകളെ ഉപമകളേക്കാള്‍ മനോഹരമായി സൂക്ഷിക്കാന്‍ കൃത്യമായ സംരക്ഷണം ആവശ്യമാണ്. കമ്പ്യൂട്ടറിനും ടി.വിക്കുമൊക്കെ മുന്നിലായി വളരെ നേരം ചെലവാക്കുന്നവര്‍ക്ക് കണ്ണിനുചുറ്റും ചുളിവും കറുത്തപാടുകളും വരാന്‍ എളുപ്പമാണ്.
കണ്ണിന് കറുപ്പു നിറവും കുളിമര്‍മയും നല്‍കാന്‍ കണ്‍മഷിയും സുറുമയും പോലുള്ളവ ഉപയോഗിക്കുന്നത് നല്ലതാണ്. കൃത്രിമമില്ലാത്ത കണ്‍മഷി വീട്ടില്‍ തന്നെ ഉണ്ടാക്കാവുന്നതാണ്.
നല്ല വൃത്തിയുള്ള മല്ല് തുണി നാരങ്ങാനീരും പച്ചക്കര്‍പ്പൂരവും കലര്‍ത്തിയ നീരില്‍ മുക്കി ഉണക്കിയെടുക്കുക. ഇത് നാലോ അഞ്ചോ തവണ ആവര്‍ത്തിക്കുന്നത് വളരെ നല്ലതാണ്. ഓട്ടു വിളക്കില്‍ വെളിച്ചണ്ണെ ഒഴിച്ച് ഈ തുണി തിരിയാക്കിയിട്ട് കത്തിക്കുക. തിരിനാളത്തിന് മുകളിലായി ഒരു വൃത്തിയുള്ള കിണ്ണമോ പാത്രമോ കെട്ടിത്തൂക്കി ഇടുക. തിരി മുഴുവനായി കത്തുമ്പോള്‍ പാത്രത്തില്‍ പിടിച്ച കരി പൊടിച്ച് ചെപ്പിലാക്കി തേങ്ങ വെന്ത വെളിച്ചണ്ണെയോ ശുദ്ധമായ വെളിച്ചെണ്ണയോ ഒന്നുരണ്ടു തുള്ളി ചേര്‍ത്ത് പാകത്തിന് ചാലിച്ചെടുക്കണം. കണ്ണിന് നല്ല കുളിര്‍മ നല്‍കാനും അണുബാധയില്‍നിന്ന് രക്ഷിക്കാനും ഈ മഷിക്ക് കഴിയും
കണ്ണിനു താഴെയുള്ള കറുപ്പു നിറം, കരിവാളിപ്പ്, ഉഷ്ണാവസ്ഥ എന്നിവ പ്രകൃതി ദത്തമായ പരിചരണത്തിലൂടെ മാറ്റാവുന്നതാണ്.
ടിപ്സ്
ബ്ളീച്ച് പോലെയുള്ള സൗന്ദര്യവര്‍ധക വസ്തുക്കള്‍ ഉപയോഗിക്കുമ്പോള്‍ കണ്‍തടങ്ങളില്‍ പുരളാതെ സൂക്ഷിക്കണം.
കണ്‍തടങ്ങള്‍ മസാജ് ചെയ്യുമ്പോള്‍ ചൂണ്ടുവിരലുപയോഗിച്ച് പതുക്കെ ചെയ്യുക.
കണ്ണിന്‍്റെ ആരോഗ്യത്തിന് വിറ്റാമിന്‍ എ, വിറ്റാമിന്‍ സി എന്നിവയടങ്ങിയ പഴങ്ങളും പച്ചക്കറികളും ആഹാരത്തിലുള്‍പ്പെടുത്തുക. ഇലക്കറികള്‍ ആഹാരത്തില്‍ ഉള്‍പ്പെടുത്തുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.