കാട് കയറുന്ന സ്വപ്നങ്ങൾ

ഇ​ട​തൂ​ർ​ന്ന മ​ര​ങ്ങ​ൾ... ന​ന​ഞ്ഞ പ​ച്ച​പ്പ്... ചെ​വി തു​ള​ക്കു​ന്ന നി​ശ്ശബ്ദ​ത... ഇ​ല​ക​ൾ പ​ര​സ്പ​രം ഉ​ര​സി അ​ട​ക്കം പ​റ​യു​ന്നു. പ​ച്ച​മ​ണ​ക്കു​ന്ന വ​ഴി​ക​ളി​ൽ ചി​ന്തി​ച്ച് കാ​ട് ക​യ​റാ​ൻ നി​ൽ​ക്കാ​തെ അ​മീ​ർ. കാ​ട് ക​യ​റാ​ൻ തു​ട​ങ്ങി​യി​ട്ട് ഒ​രു പ​തി​റ്റാ​ണ്ടി​ലേ​റെ​യാ​യി. നാ​മ്പി​ട്ട് കി​ളി​ർ​ത്ത കാ​ലം മു​ത​ലെ പ്ര​കൃ​തി​യോ​ടും പ​ച്ച​യോ​ടും പ്ര​ത്യേ​ക ഇ​ഷ്ട​മാ​ണ്. നാ​ട്ടി​ലെ പാ​ട​ത്തും തൊ​ടി​യി​ലും ക​ളി​ച്ചു​വ​ള​ർ​ന്ന ഈ ​മ​ല​പ്പു​റ​ത്തു​കാ​ര​ന്റെ പ്ര​കൃ​തി സ്നേ​ഹം ഇ​ന്ന് കെ​നി​യ​യി​ലെ മ​സാ​യി​മാ​ര​വ​രെ എ​ത്തി നി​ൽ​ക്കു​ന്നു.

2006ന്റെ ​തു​ട​ക്കം

എ​ല്ലാ​വ​രെ​യും​പോ​ലെ കൈ​യി​ലു​ണ്ടാ​യി​രു​ന്ന പോയിന്റ്ഷൂട്ട് കാമറയി​ൽ ചി​ത്ര​ങ്ങ​ൾ പ​ക​ർ​ത്തി​യാ​ണ് തു​ട​ക്കം. പി​ന്നീ​ട് ഡി.​എ​സ്.​എ​ൽ.​ആ​ർ കാ​മ​റ​ ഉ​പ​യോ​ഗി​ച്ച് ചി​ത്ര​ങ്ങ​ളെ​ടു​ക്കാ​ൻ തു​ട​ങ്ങി. പ്ര​കൃ​തി​യോ​ടും മൃ​​ഗ​ങ്ങ​ളോ​ടും പ​ണ്ടു​മു​ത​ലേ​യു​ള്ള ഇ​ഷ്ടം വൈ​കാ​തെ ത​ന്നെ ഫോ​ട്ടോ​​ഗ്ര​ഫി പ്ര​ഫ​ഷ​നി​ൽ കൊ​ണ്ടെ​ത്തി​ച്ചു. വ​ഴി​കാ​ട്ടി​ക​ളാ​യി പ്രി​യ​പ്പെ​ട്ട​വ​ർ​കൂ​ടി എ​ത്തി​യ​പ്പോ​ൾ അ​മീ​ർ കാ‌​ട് ക​യ​റിത്തു​ട​ങ്ങി.

ഇ​രു​പ​ത്തി​നാ​ലാം വ​യ​സ്സി​ൽ ആ‍ദ്യ​മാ​യി കാ​മ​റ ഉ​പ​യോ​​ഗി​ച്ച് വൈ​ൽ​ഡ് ലൈ​ഫ് ഫോ​ട്ടോ​​ഗ്ര​ഫി​ക്ക് തു​ട​ക്കം​കു​റി​ച്ചു. അ​വി​ടു​ന്ന​ങ്ങോ​ട്ട് കാ​ട​റി​ഞ്ഞു​ള്ള യാ​ത്ര​ക​ളി​ലാ​യി​രു​ന്നു. പി​ന്നീ​ട് ആ​ര​ണ്യ​കം നേ​ച്ച​ർ ഫൗ​ണ്ടേ​ഷ​ൻ എ​ന്ന സം​ഘ​ട​ന​യു​ടെ നേ​തൃ​ത്വ​ത്തി​ൽ ന​ട​ത്തി​വ​ന്നി​രു​ന്ന പ്ര​കൃ​തി സം​ര​ക്ഷ​ണ പ്ര​വ​ർ​ത്ത​ന​ങ്ങ​ളി​ലും അ​മീ​ർ നി​റ സാ​ന്നി​ധ്യ​മാ​യി. ക​ർ​ണ്ണാ​ട​ക​യി​ലെ നാ​​ഗ​ർ ഹോ​ളെ ‍ടൈ​ഗ​ർ റി​സ​ർ​വ് ഫോ​റ​സ്റ്റി​ലെ ക​ബ​നി​യി​വെ​ച്ചാ​ണ് അ​മീ​ർ ആ​ദ്യ​ത്തെ ‘വൈ​ൽ​ഡ് ലൈ​ഫ് പി​ക്ച​ർ’ പ​ക​ർ​ത്തു​ന്ന​ത്.

ആ​ദ്യ ചി​ത്ര​ത്തി​ന്റെ സ​ന്തോ​ഷം

കാ​ട് ക​യ​റു​ന്ന എ​ല്ലാ വൈ​ൽ​ഡ് ലൈ​ഫ് ഫോ​ട്ടോ​​​ഗ്രാ​ഫ​ർ​മാ​രു‍‍ടെ ആ​​ഗ്ര​ഹ​മാ​ണ് വേ​ട്ട​യാ​ടു​ന്ന മൃ​​ഗ​ങ്ങ​ളെ കാ​മ​റ​യി​ൽ പ​ക​ർ​ത്തു​ക എ​ന്ന​ത്. അ​മീ​റി​ന്റെ ആ​ദ്യ ചി​ത്രം​ത​ന്നെ അ​താ​കു​മ്പോ​ൾ മേ​നി അ​ൽ​പ്പം കൂ​ടും. 2019ൽ ​ക​ബ​നി​യു​ടെ കാ​ടു​ക​ളി​ൽ ക​ടു​വ കാ​ട്ടു​പോ​ത്തി​നെ ക​ടി​ച്ചു​കീ​റു​ന്ന ചി​ത്ര​മാ​യി​രു​ന്നു അ​ത്. പി​ന്നീ​ട് വ​ർ​ഷ​ത്തി​ൽ ര​ണ്ടും മൂ​ന്നും ത​വ​ണ ക​ബ​നി​യി​ലെ​ത്തു​ന്ന​ത് ശീ​ല​മാ​യി. പ്രി​യ​പ്പെ​ട്ട ക​ടു​വ സ​ങ്കേ​ത​ങ്ങ​ളി​ലൊ​ന്നാ​യി ക​ബ​നി മാ​റു​ക​യും ചെ​യ്തു. ക​ർ​ണാ​ട​ക​യി​ലെ പ്ര​ധാ​ന​പ്പെ​ട്ട ക​ടു​വ സ​ങ്കേ​ത​ങ്ങ​ളി​ലേ​ക്കു​ള്ള സ​ഫാ​രി​യി​ലാ​യി​രു​ന്നു പി​ന്നീ​ട് അ​മീ​ർ. നാ​​ഗ​ർ​ഹോ​ളെ, ബ​ന്ദി​പൂ​ർ, ബി ​ആ​ർ ഹി​ൽ​സ്, ഭ​ദ്ര, ദ​ണ്ട​ലി ത​മി​ഴ്നാ​ട്ടി​ലെ മു​തു​മ​ല, സ​ത്യ​മം​​ഗ​ലം എ​ന്നി​വി​ട​ങ്ങ​ളി​ലെ​ല്ലാം സാ​ന്നി​ധ്യ​മ​റി​യി​ച്ചു.

ക​രി​മ്പു​ലി​യെ പ​ക​ർ​ത്തി​യ ക​ഥ

കാ​ട് ക​യ​റി​യ കാ​ലം മു​ത​ൽ കേ​ട്ടി​രു​ന്ന ക​ഥ​യാ​ണ് ക​ബ​നി​യി​ലെ ക​രി​മ്പു​ലി. പി​ന്നീ​ട് ക​രി​മ്പു​ലി​യെ കാ​ണ​ണ​മെ​ന്ന​തും ഫോ​ട്ടോ എ​ടു​ക്ക​ണ​മെ​ന്ന​തും വ​ലി​യൊ​രു ആ​ഗ്ര​ഹ​മാ​യി കി​ട​ന്നു. ആ ​ഭാ​ഗ്യം വൈ​കാ​തെ അ​മീ​റി​നെ തേ​ടി​യെ​ത്തി. 2013ലെ ​മ​ഴ​യൊ​ഴി​ഞ്ഞൊ​രു പ​ക​ൽ. കോ​ട മൂ​ടി​യ പ​ച്ച വി​രി​ച്ച പ​ര​വ​താ​നി​യി​ൽ ഒ​രു നി​ഴ​ലു​പോ​ലെ അ​മീ​ർ ക​രി​മ്പു​ലി​യെ കാ​ണു​മ്പോ​ൾ ഒ​ന്ന് സ്തം​ഭി​ച്ച് പോ​യെ​ങ്കി​ലും അ​ടു​ത്ത നി​മി​ഷം കാ​മ​റ​യി​ലൂ​ടെ അ​ത് ഒ​പ്പി​യെ​ടു​ത്തു. ഇ​ന്നും പ്രി​യ​പ്പെ​ട്ട ചി​ത്ര​ങ്ങ​ളി​ൽ ക​രി​മ്പു​ലി​ക്ക് ത​ന്നെ​യാ​ണ് ആ​ദ്യ സ്ഥാ​നം.

ഭ​യ​പ്പെ​ടു​ത്തി​യ കാ​ടു​രാ​ത്രി​ക​ൾ

കാ​ട് ​സു​ന്ദ​ര​മാ​ണെ​ങ്കി​ലും രാ​ത്രി അ​ൽ​പം ​ഭീ​തി​പ്പെ​ടു​ത്തു​ന്ന​താ​ണ്. നി​ശ്ശ​ബ്ദ​മാ​യ കാ​ടു​ക​ളി​ലാ​കും പ​ല​​പ്പോ​ഴും അ​പ​ക​ടം പ​തി​യി​രി​ക്കു​ന്ന​ത്. കാ​ടു​ക​ൾ ന​ല്ല അ​നു​ഭ​വം മാ​ത്ര​മാ​ണ് ന​ൽ​കി​യ​തെ​ങ്കി​ലും ഒ​രു കാ​ട്ടാ​ന പേ​ടി​പ്പി​ച്ചി​ട്ടു​ണ്ട് അ​മീ​റി​നെ. ബാ​ണാ​സു​ര സാ​​ഗ​റി​ന്റെ അ​ടു​ത്ത് ഏ​ക​ദേ​ശം എ​ട്ട് കി​ലോ​മീ​റ്റ​ർ മ​ല​മു​ക​ളി​ൽ ത​മ്പ​ടി​ച്ച ഒ​രു രാ​ത്രി. കാ​ട്ടാ​ന​ക​ളു​ടെ അ​ല​ർ​ച്ച​യും ​ഭീ​തി​പ്പെ​ടു​ത്തു​ന്ന ആ ​രൂ​പ​വും ഒ​രു നി​ഴ​ലാ​യി ഇ​ന്നും അ​മീ​റി​ന്റെ മ​ന​സ്സി​ലു​ണ്ട്. സ​ഫാ​രി​ക്ക് പോ​യ വ​ണ്ടി​ ത​ട​ഞ്ഞ കാ​ട്ടാ​ന​ക്കൂട്ട​ങ്ങ​ളേ​യും പേ​ടി​യോ​ടെ ആ​സ്വ​ദി​ച്ച​ത് അ​മീ​ർ ഓ​ർ​ക്കു​ന്നു.

കാ​ര്യം പ​റ​ഞ്ഞ ഫ്രെ​യി​മു​ക​ൾ

ക​ൺ​മു​ന്നി​ൽ​പെ​ട്ട ഫ്രെ​യി​മു​ക​ളി​ൽ പ​ല​തും കാ​ട് മാ​ത്ര​മാ​യി​രു​ന്നി​ല്ല, കാ​ട്ട​റി​വു​കൂ​ടി​യാ​യി​രു​ന്നു. അ​ത്ത​ര​ത്തി​ൽ ഒ​രു ചി​ത്ര​മു​ണ്ട്. കാ​ടു​ക​ളി​ലേ​ക്ക് എ​ത്തു​ന്ന മ​നു​ഷ്യ​ർ മൃ​​ഗ​ങ്ങ​ൾ​ക്ക് ഭ​ക്ഷ​ണം ന​ൽ​കു​ന്ന ചി​ത്രം. എ​ന്നാ​ൽ അ​ത് അ​വ​യോ​ട് ചെ​യ്യു​ന്ന ഏ​റ്റ​വും വ​ലി​യ ക്രൂ​ര​ത​യാ​ണെ​ന്ന് ഒ​റ്റ ഫ്രെ​യി​മി​ലൂ​ടെ അ​മീ​ർ പ​ഞ്ഞു​ത​രു​ന്നു​ണ്ട്.

ഇ​ന്ത്യ​യി​ലെ പ​ല ടൈ​ഗ​ർ റി​സ​ർ​വു​ക​ളി​ൽ നി​ന്നു​മാ​യി 100ൽ ​പ​രം ക​ടു​വ​ക​ളെ കാ​മ​റ​യി​ൽ പ​ക​ർ​ത്താ​ൻ അ​മീ​റി​ന് സാ​ധി​ച്ചി​ട്ടു​ണ്ട്. സ​ഹ്യ​പ​ർ​വ​ത​ത്തി​ൽ മാ​ത്രം ക​ണ്ടു​വ​രു​ന്ന വം​ശ​നാ​ശ​ഭീ​ഷ​ണി നേ​രി​ടു​ന്ന ത​വ​ള​ക​ളെ​യും പാ​മ്പു​ക​ളെ​യും ഈ ​യാ​ത്ര​യി​ൽ ചേ​ർ​ത്തു​വ​യ്ക്കാ​വു​ന്ന അ​മീ​റി​ന്റെ ഫ്രെ​യി​മു​ക​ളാ​ണ്. വൈ​ൽ​ഡ് ലൈ​ഫ് സി​നി​മ ചി​ത്രീ​ക​ര​ണ​ങ്ങ​ളി​ലും അ​മീ​ർ ശ്ര​ദ്ധ കേ​ന്ദ്രീ​ക​രി​ക്കു​ന്നു​ണ്ട്.