നാച്വർ ഫസ്റ്റ് ആൻഡ് പീപ്ൾ ഫസ്റ്റ്

‘‘വികസനത്തി​​െന്റ പേരിൽ മലകളും കാടുകളും നശിപ്പിക്കുകയും അമിത നിർമാണങ്ങൾ നടത്തുകയും ചെയ്യു​മ്പോൾ മണ്ണിടിച്ചിലടക്കം സംഭവിക്കുന്നു. ഭൂഗർഭ ജലത്തി​​െന്റ അളവ് കുറയുന്നു. ഓരോ വർഷവും ഇത്തരം ദുരന്തങ്ങൾ അധികരിക്കുമ്പോൾ ജനങ്ങളുടെ ജീവനോപാധികൾ നഷ്ടപ്പെടും. സ്വാഭാവികമായും ദാരിദ്ര്യത്തിലേക്ക് കൂപ്പുകുത്തും.ഇതാവണമോ യഥാർഥ വികസനം? ‘നാച്വർ ഫസ്റ്റ് ആൻഡ് പീപ്ൾ ഫസ്റ്റ്’ എന്നതാവണം ഏതൊരു വികസനത്തി​െന്റയും അടിസ്ഥാനം. ഈ സങ്കൽപനം ഒരിക്കലും വികസനവിരുദ്ധമല്ല’’ പ്രശസ്ത കാലാവസ്ഥ ശാസ്ത്രജ്ഞൻ പ്രഫ. ചിരാഗ് ധാര സംസാരിക്കുന്നു... 

ഇ​ന്ത്യ​യി​ലെ യു​വ കാ​ലാ​വ​സ്ഥ വി​ജ്ഞാ​നീ​യ​രി​ൽ ശ്ര​ദ്ധേ​യ​നാ​ണ് പ്ര​ഫ. ചി​രാ​ഗ് ധാ​ര. മാ​ക്സ് പ്ലാ​ങ്ക് ഇ​ൻ​സ്റ്റി​റ്റ്യൂ​ട്ട് ഫോ​ർ ബ​യോ​ജി​യോ​കെ​മി​സ്ട്രി​യി​ൽ നി​ന്നും ജ​ർ​മ​നി​യി​ലെ ഹാം​ബ​ർ​ഗ് സ​ർ​വ​ക​ലാ​ശാ​ല​യി​ൽ​നി​ന്ന് എ​ർ​ത്ത് സ​യ​ൻ​സി​ൽ പി​എ​ച്ച്.​ഡി നേ​ടി​യ ചി​രാ​ഗ് ധാ​ര ക്വാ​ണ്ടം മെ​ക്കാ​നി​ക്സി​ലും ക്വാ​ണ്ടം ക​മ്യൂ​ണി​ക്കേ​ഷ​നി​ലും വി​ദ​ഗ്ധ​നാ​ണ്. ഭൗ​തി​ക ശാ​സ്ത്ര​ത്തി​ലും പി​എ​ച്ച്.​ഡി​യു​ണ്ട്. നി​ല​വി​ൽ Krea സ​ർ​വ​ക​ലാ​ശാ​ല​യി​ൽ അ​സി. പ്ര​ഫ​സ​ർ. പ്ര​ശ​സ്ത പ​രി​സ്ഥി​തി എ​ൻ​ജി​നീ​യ​റും ആ​ക്ടി​വി​സ്റ്റു​മാ​യ പ്ര​ഫ. സാ​ഗ​ർ ധാ​ര​യു​ടെ മ​ക​നാ​ണ്. വി​ക​സ​നം, കാ​ലാ​വ​സ്ഥ പ്ര​തി​സ​ന്ധി, ബ​ദ​ൽ, പ്ര​തി​വി​ധി, ജി​യോ എ​ൻ​ജി​നീ​യ​റി​ങ് തു​ട​ങ്ങി വി​ഷ​യ​ങ്ങ​ളെ​ക്കു​റി​ച്ച് നി​രീ​ക്ഷ​ണ​ങ്ങ​ളും നി​ർ​ദേ​ശ​ങ്ങ​ളും അ​ദ്ദേ​ഹം പ​ങ്കു​വെ​ക്കു​ന്നു.

പ​രി​സ്ഥി​തി ആ​ക്ടി​വി​സ്റ്റു​ക​ൾ വി​ക​സ​നം ഒ​രു അ​നി​വാ​ര്യ​ത​യ​ല്ലെ​ന്ന് നി​രീ​ക്ഷി​ക്കു​ന്നു​വെ​ന്നാ​ണ് പൊ​തു സം​സാ​രം. അ​തി​നാ​ൽ ത​ന്നെ ആ​ക്ടി​വി​സ്റ്റു​ക​ളു​ടെ മു​ന്ന​റി​യി​പ്പു​ക​ൾ പൊ​തു​ജ​നം അ​വ​ഗ​ണി​ക്കു​ന്ന സ്ഥി​തി​യു​ണ്ട്. ഇ​തി​നെ എ​ങ്ങ​നെ​യാ​ണ് നോ​ക്കി​ക്കാ​ണു​ന്ന​ത്?

പ്ര​ഫ. ചി​രാ​ഗ് ധാ​രവി​ക​സ​നം അ​നി​വാ​ര്യ​ത​യ​ല്ലെ​ന്ന് ​കാ​ലാ​വ​സ്ഥ ആ​ക്ടി​വി​സ്റ്റു​ക​ൾ പ​റ​യു​മെ​ന്ന് ഞാ​ൻ ക​രു​തു​ന്നി​ല്ല. എ​ന്തു​ത​രം വി​ക​സ​ന​മാ​ണ് ന​മു​ക്ക് വേ​ണ്ട​തെ​ന്ന​തി​നെ​ക്കു​റി​ച്ചാ​ണ് അ​വ​ർ കൃ​ത്യ​മാ​യി പ​റ​ഞ്ഞു​കൊ​ണ്ടി​രി​ക്കു​ന്ന​ത്. വി​ക​സ​നം എ​ന്ന​ത് ശ​രി​യാ​യ രീ​തി​യി​ൽ ആ​യി​രി​ക്കം. സം​സാ​രി​ക്കു​ന്ന​ത് വി​ക​സ​ന​വി​രു​ദ്ധ​ത​യെ​ക്കു​റി​ച്ച​ല്ല. അ​ടി​സ്ഥാ​ന​സൗ​ക​ര്യ വി​ക​സ​നം അ​നി​വാ​ര്യ​മാ​ണെ​ന്ന​തി​ൽ ര​ണ്ട​ഭി​പ്രാ​യ​മി​ല്ല. എ​ന്നാ​ൽ, അ​തി​രു​ക​വി​യ​ൽ അ​പ​ക​ട​ക​ര​മാ​ണ്.

ഉ​ദാ​ഹ​ര​ണ​ത്തി​ന് പ​രി​സ്ഥി​തി വ​ള​രെ ദു​ർ​ബ​ല​മാ​യ കേ​ര​ള​മെ​ടു​ക്കാം. വി​ക​സ​ന​ത്തി​​െ​ന്റ പേ​രി​ൽ കൂ​ടു​ത​ൽ മ​ല​ക​ളും കാ​ടു​ക​ളും ന​ശി​പ്പി​ക്കു​ക​യും അ​മി​ത നി​ർ​മാ​ണ​ങ്ങ​ൾ ന​ട​ത്തു​ക​യും ചെ​യ്യു​​മ്പോ​ൾ മ​ണ്ണി​ടി​ച്ചി​ല​ട​ക്കം സം​ഭ​വി​ക്കു​ന്നു. ഭൂ​ഗ​ർ​ഭ ജ​ല​ത്തി​​െ​ന്റ അ​ള​വ് കു​റ​യു​ന്നു. ഓ​രോ വ​ർ​ഷ​വും ഇ​ത്ത​രം ദു​ര​ന്ത​ങ്ങ​ൾ അ​ധി​ക​രി​ക്കു​മ്പോ​ൾ ജ​ന​ങ്ങ​ളു​ടെ ജീ​വ​നോ​പാ​ധി​ക​ൾ ന​ഷ്ട​പ്പെ​ടും. സ്വാ​ഭാ​വി​ക​മാ​യും ദാ​രി​ദ്ര്യ​ത്തി​ലേ​ക്ക് കൂ​പ്പു​കു​ത്തും. ഇ​താ​വ​ണ​മോ യ​ഥാ​ർ​ഥ വി​ക​സ​നം? ‘നാ​ച്വ​ർ ഫ​സ്റ്റ് ആ​ൻ​ഡ് പീ​പ്ൾ ഫ​സ്റ്റ്’ എ​ന്ന​താ​വ​ണം ഏ​തൊ​രു വി​ക​സ​ന​ത്തി​െ​ന്റ​യും അ​ടി​സ്ഥാ​നം. ഈ ​സ​ങ്ക​ൽ​പ​നം ഒ​രി​ക്ക​ലും വി​ക​സ​ന​വി​രു​ദ്ധ​മ​ല്ല. എ​ന്നാ​ൽ, പ​രി​സ്ഥി​തി പ്ര​വ​ർ​ത്ത​ക​രു​ടെ ത​ല​യി​ൽ ഈ ​ഒ​രു പ​ദം കെ​ട്ടി​വെ​ക്കു​ക​യാ​ണ് ചെ​യ്തു​വ​രു​ന്ന​ത്.

പ​രി​സ്ഥി​തി​യെ പ​രി​ഗ​ണി​ക്കു​ന്ന ബ​ദ​ലു​ക​ളെ​ക്കു​റി​ച്ച് ന​മ്മ​ൾ കേ​ൾ​ക്കാ​റു​ണ്ട്? യ​ഥാ​ർ​ഥ​ത്തി​ൽ ഈ ​ബ​ദ​ലു​ക​ൾ ഫ​ല​പ്ര​ദ​മാ​ണോ?

ലോ​ക​ത്തി​െ​ന്റ വി​വി​ധ ഭാ​ഗ​ങ്ങ​ളി​ൽ പ​രി​സ്ഥി​തി​യെ പ​രി​ഗ​ണി​ക്കു​ന്ന ശ​രി​യാ​യ വി​ക​സ​ന​ങ്ങ​ൾ ന​ട​ക്കു​ന്നു​ണ്ട്. ഉ​ദാ​ഹ​ര​ണ​മാ​യി ക്യൂ​ബ. ആ​രോ​ഗ്യ - വി​ദ്യാ​ഭ്യാ​സ രം​ഗ​ങ്ങ​ളി​ൽ മു​ഴു​വ​ൻ ജ​ന​ത​യെ​യും ഉ​ൾ​ക്കൊ​ള്ളി​ച്ചു​കൊ​ണ്ടു​ള്ള വി​ക​സ​ന​മാ​ണ് ന​ട​പ്പാ​ക്കു​ന്ന​ത്. വ​ള​രെ പ​രി​മി​ത വി​ഭ​വ​ങ്ങ​ൾ വെ​ച്ചു​കൊ​ണ്ടാ​ണ് അ​വ​ർ ഇ​ത് യാ​ഥാ​ർ​ഥ്യ​മാ​ക്കി​യ​ത്. ഇ​തു​പോ​ലെ​യാ​ണ് കോ​സ്റ്റ​റീ​ക. എ​ല്ലാ​വ​ർ​ക്കും നി​ർ​ബ​ന്ധി​ത​വും സൗ​ജ​ന്യ​വു​മാ​യ മേ​ൽ​ത്ത​രം വി​ദ്യാ​ഭ്യാ​സം അ​വ​ർ ഉ​റ​പ്പു​വ​രു​ത്തു​ന്നു. പ​രി​സ്ഥി​തി​ക്ക് കോ​ട്ടം​വ​രു​ത്താ​ത്ത മി​ക​ച്ച രൂ​പ​ത്തി​ലു​ള്ള ജീ​വി​തം കെ​ട്ടി​പ്പ​ടു​ക്കു​ന്നു. നി​ല​വി​ലു​ള്ള വി​ഭ​വ​ങ്ങ​ളെ ക്രി​യാ​ത്മ​ക​മാ​യി ഉ​പ​യോ​ഗി​ച്ചാ​ണി​ത്. സ്വ​കാ​ര്യ​വ​ത്ക​ര​ണ​ത്തി​ലൂ​ടെ​യ​ല്ല, പൊ​തു​സം​വി​ധാ​ന​ത്തി​ലൂ​ടെ​യാ​ണ് അ​വ​ർ ഇ​ത് സാ​ധ്യ​മാ​ക്കു​ന്ന​ത്. ഇ​ത്ത​ര​ത്തി​ൽ ന​ല്ല മാ​തൃ​ക​ക​ൾ ലോ​ക​ത്തെ​മ്പാ​ടു​മു​ണ്ട്. ഇ​ന്ത്യ​യി​ലെ മ​റ്റു സം​സ്ഥാ​ന​ങ്ങ​ളെ അ​പേ​ക്ഷി​ച്ച് കേ​ര​ളം മി​ക​ച്ച മാ​തൃ​ക​ക​ൾ സൃ​ഷ്ടി​ച്ചി​രു​ന്നു.

എ​ന്നാ​ൽ, ഇ​ത്ത​രം ബ​ദ​ലു​ക​ളെ കു​റി​ച്ച് ആ​രും പ​റ​യു​ന്നി​ല്ല​ല്ലോ! പ്ര​ത്യേ​കി​ച്ച് മാ​ധ്യ​മ​ങ്ങ​ൾ ഇ​ക്കാ​ര്യ​ങ്ങ​ൾ ഉ​യ​ർ​ത്തി​ക്കാ​ണി​ക്കു​ന്നേ​യി​ല്ല.

അ​തെ, വ​ള​രെ ശ​രി​യാ​ണ്. എ​ന്നാ​ൽ, ഈ ​കാ​ല​ത്ത് ജീ​വി​ച്ചി​രി​ക്കു​ന്ന ഏ​റ്റ​വും പ്ര​ഗ​ല്ഭ​നാ​യ പ​രി​സ്ഥി​തി പ്ര​വ​ർ​ത്ത​ക​നാ​യ ആ​ശി​ഷ് കോ​ഠാ​രി അ​ട​ക്ക​മു​ള്ള​വ​ർ ന​ല്ല മാ​തൃ​ക​ക​ൾ ആ​വി​ഷ്ക​രി​ച്ചി​ട്ടു​ണ്ട്. കോ​ഠാ​രി മി​ക​ച്ച ചെ​റു​കി​ട ബ​ദ​ലു​ക​ൾ കൊ​ണ്ടു​വ​ന്നി​ട്ടു​ണ്ട്. ഇ​ത്ത​രം കാ​ര്യ​ങ്ങ​ൾ ച​ർ​ച്ച​ചെ​യ്യു​ന്ന നി​ര​വ​ധി വെ​ബ്സൈ​റ്റു​ക​ൾ ലോ​ക​ത്തു​ട​നീ​ള​മു​ണ്ട്. ഇ​ത് അ​സാ​ധ്യ​മാ​യ കാ​ര്യ​മ​​ല്ല. പൊ​തു​വാ​യി ചോ​ദി​ക്കാ​റു​ണ്ട്, ഏ​തു രാ​ജ്യ​മാ​ണ് സു​സ്ഥി​ര വി​ക​സ​നം സാ​ധ്യ​മാ​ക്കി​യ​ത് എ​ന്ന്. സ്വീ​ഡ​ൻ, ഡെ​ൻ​മാ​ർ​ക്ക്, നോ​ർ​വേ എ​ന്നൊ​ക്കെ​യാ​ണ് ഉ​ത്ത​ര​മാ​യി കേ​ൾ​ക്കാ​റു​ള്ള​ത്. എ​ന്നാ​ൽ, ഇ​ത് പൂ​ർ​ണ​മാ​യും തെ​റ്റാ​ണ്. ഇ​വ​യെ​ല്ലാം അ​ത്യ​ന്തം അ​സ​ന്തു​ലി​ത​മാ​ണ്. എ​ന്നാ​ൽ, ന​മു​ക്ക് ഉ​ദാ​ഹ​ര​മാ​യി എ​ടു​ത്തു​പ​റ​യാ​വു​ന്ന രാ​ജ്യ​ങ്ങ​ളാ​ണ് ക്യൂ​ബ​യും കോ​സ്റ്റ​റീ​ക​യു​മൊ​ക്കെ. ന​മ്മു​ടെ അ​യ​ൽ​രാ​ജ്യ​മാ​യ ​ശ്രീ​ല​ങ്ക​യും ഈ ​ഗ​ണ​ത്തി​ലു​ണ്ട്. അ​വി​ടെ​യി​പ്പോ​ൾ സാ​മ്പ​ത്തി​ക അ​ര​ക്ഷി​താ​വ​സ്ഥ ഉ​ണ്ടെ​ങ്കി​ൽ ത​ന്നെ​യും. ഇ​വി​ട​ത്തെ മ​നു​ഷ്യ​വി​ക​സ​ന സൂ​ചി​ക മ​റ്റേ​തു ദ​ക്ഷി​ണേ​ഷ്യ​ൻ രാ​ജ്യ​ങ്ങ​ളെ​ക്കാ​ളും വ​ള​രെ ഉ​യ​ര​ത്തി​ലാ​ണ്.

അ​പ്പോ​ൾ അ​വി​ട​ത്തെ ഇ​പ്പോ​ഴ​ത്തെ അ​ര​ക്ഷി​താ​വ​സ്ഥ​യു​ടെ കാ​ര​ണം?

അ​തി​ന് മു​ഖ്യ​കാ​ര​ണം, ടൂ​റി​സ​മാ​ണ് അ​വി​ടെ പ്ര​ധാ​ന​മാ​യു​ണ്ടാ​യി​രു​ന്ന​ത്. കോ​വി​ഡ് മ​ഹാ​മാ​രി വ​ന്ന​തോ​ടെ ടൂ​റി​സ​ത്തി​ന് തി​രി​ച്ച​ടി നേ​രി​ട്ടു. അ​ത് സാ​മ്പ​ത്തി​ക പ്ര​തി​സ​ന്ധി​യി​ലേ​ക്ക് ന​യി​ച്ചു. അ​തോ​ടൊ​പ്പം അ​വ​ർ മ​രു​ന്നി​െ​ന്റ കാ​ര്യ​ത്തി​ൽ സ്വ​യം​പ​ര്യാ​പ്ത​രാ​യി​രു​ന്നി​ല്ല. ക​ർ​ഷ​ക​രു​ടെ പ​ക്ക​ൽ വേ​ണ്ട​ത്ര വ​ള​വും ഇ​ല്ലാ​യി​രു​ന്നു. പി​ന്നെ​യ​വ​ർ ജൈ​വ​കൃ​ഷി​യി​ലേ​ക്ക് മാ​റാ​ൻ തു​ട​ങ്ങി. എ​ന്നാ​ൽ അ​തി​ന് വേ​ണ്ട​ത്ര മു​ന്നൊ​രു​ക്ക​ങ്ങ​ൾ ന​ട​ത്തി​യി​രു​ന്നി​ല്ല. ഇ​താ​ണ് പ​രാ​ജ​യ​ത്തി​ലേ​ക്ക് ന​യി​ച്ച​ത്.

വ​ലി​യ​തോ​തി​ലു​ള്ള ജൈ​വ​കൃ​ഷി സാ​ധ്യ​മാ​ണോ?

- ഞാ​നും ഇ​തേ ചോ​ദ്യം സ്വ​യം ചോ​ദി​ച്ചി​രു​ന്നു. എ​ന്നാ​ൽ, കാ​ലാ​വ​സ്ഥ സ​മ്മേ​ള​ന​ത്തി​ൽ പ്ര​തി​നി​ധി​യാ​യി വ​ന്ന ശ്രീ​കു​മാ​ർ എ​ന്ന പ​രി​സ്ഥി​തി പ്ര​വ​ർ​ത്ത​ക​ൻ ഇ​തേ​ക്കു​റി​ച്ച് വ​ള​രെ താ​ൽ​പ​ര്യ​ജ​ന​ക​മാ​യ ചി​ല കാ​ര്യ​ങ്ങ​ൾ പ​ങ്കു​വെ​ക്കു​ക​യു​ണ്ടാ​യി. രാ​സ​വ​ളം ഉ​​പ​യോ​ഗി​ച്ചു​ള്ള പ​ര​മ്പ​രാ​ഗ​ത കൃ​ഷി​രീ​തി തി​ക​ച്ചും ജൈ​വ​രീ​തി​യി​ലേ​ക്ക് മാ​റ്റു​ക എ​ന്ന​ത് അ​ത്ര ല​ളി​ത​മാ​യ പ്ര​ക്രി​യ​യ​ല്ല. അ​തേ​സ​മ​യം, ഇ​ങ്ങ​നെ ഒ​രു മാ​റ്റം കൊ​ണ്ടു​വ​രു​മ്പോ​ൾ കൃ​ത്യ​മാ​യ ആ​സൂ​ത്ര​ണ​ത്തോ​ടെ​യാ​ണെ​ങ്കി​ൽ അ​ത് അ​സാ​ധ്യ​വു​മ​ല്ല. ഇ​പ്പോ​ഴു​ള്ള ഭ​ക്ഷ​ണ ഉ​പ​ഭോ​ഗ​രീ​തി​യി​ൽ നി​യ​ന്ത്ര​ണം കൊ​ണ്ടു​വ​രു​ക എ​ന്ന​താ​ണ് അ​തി​ലൊ​ന്ന്.

ന​മ്മ​ൾ ഉ​പ​യോ​ഗി​ക്കേ​ണ്ട​ത് പ്രാ​ദേ​ശി​ക​മാ​യി ഉ​ൽ​പാ​ദി​പ്പി​ക്കു​ന്ന ഭ​ക്ഷ​ണ​മാ​ണോ അ​തോ വി​ദൂ​ര​ദേ​ശ​ങ്ങ​ളി​ൽ​നി​ന്ന് ഗ​താ​ഗ​ത മാ​ർ​ഗം എ​ത്തി​ക്കു​ന്ന​വ​യാ​ണോ എ​ന്ന​ത് ആ​ദ്യം തീ​രു​മാ​നി​ക്ക​ണം. പി​ന്നെ, കൃ​ഷി​ചെ​യ്യു​ന്ന​ത് എ​ന്താ​യി​രി​ക്ക​ണം? കൃ​ഷി​നി​ല​ത്തി​െ​ന്റ ഉ​ട​മ​സ്ഥാ​വ​കാ​ശം ആ​ർ​ക്കാ​യി​രി​ക്ക​ണം? ഏ​താ​നും സ്വ​കാ​ര്യ​വ്യ​ക്തി​ക​ൾ ഭൂ​മി വ​ൻ​തോ​തി​ൽ കൈ​വ​ശം​വെ​ക്കു​ന്ന കൃ​ഷി​രീ​തി വേ​ണോ, അ​ത​ല്ല ക​ർ​ഷ​ക​രും തൊ​ഴി​ലാ​ളി​ക​ളും കൂ​ടു​ത​ൽ സു​ര​ക്ഷി​ത​രാ​യി​രി​ക്കു​ന്ന പൊ​തു ഭൂ ​ഉ​ട​മ​സ്ഥ സ​മ്പ്ര​ദാ​യ​ത്തി​ലാ​യി​രി​ക്ക​​ണ​മോ എ​ന്ന​തും പ​ര​മ​പ്ര​ധാ​ന​മാ​ണ്. ഈ ​രീ​തി​യി​ൽ ആ​സൂ​ത്ര​ണം​ചെ​യ്ത് ന​ട​പ്പാ​ക്കു​ക​യാ​ണെ​ങ്കി​ൽ പ​ര​മ്പ​രാ​ഗ​ത രാ​സ​കൃ​ഷി​യേ​ക്കാ​ൾ എ​ന്തു​കൊ​ണ്ടും ബ​ദ​ലാ​യി ജൈ​വ കാ​ർ​ഷി​ക വ്യ​വ​സ്ഥ മാ​റും.

അ​തോ​ടൊ​പ്പം ബ​ദ​ലെ​ന്ന നി​ല​യി​ൽ ചി​ല​തു ​കൊ​ണ്ടു​വ​രു​ന്ന​തി​ലേ​ക്ക് കൂ​ട്ടി​ച്ചേ​ർ​ക്കാ​നു​മു​ണ്ട്. മ​ലി​നീ​ക​ര​ണം കു​റ​ക്കാ​ൻ ഇ​ല​ക്ട്രി​ക് വാ​ഹ​ന​ങ്ങ​ളെ ഒ​രു പ​രി​ഹാ​ര​മാ​യി ഇ​ന്ന് എ​ല്ലാ​വ​രും പ​റ​യു​ന്നു. എ​ന്നാ​ൽ, ഇ​ന്നു​പ​യോ​ഗി​ക്കു​ന്ന എ​ല്ലാ ഫോ​സി​ൽ ഇ​ന്ധ​ന വാ​ഹ​ന​ങ്ങ​ളും ഇ​ല​ക്ട്രി​ക് വാ​ഹ​ന​മാ​ക്കി മാ​റ്റം ഉ​ണ്ടാ​ക്കു​ക എ​ന്ന​ത് സം​ഭ​വ്യ​മ​ല്ല. ഒ​ന്ന്, ഇ​വ ഓ​ടു​ന്ന​ത് നി​ല​വി​ലു​ള്ള അ​തേ റോ​ഡു​ക​ളി​ലൂ​ടെ​യാ​യി​രി​ക്കും. മ​ല​യും കാ​ടും കീ​റി​മു​റി​ച്ചു​കൊ​ണ്ടു​ള്ള പ​തി​വു പാ​ത​ക​ളി​ലൂ​ടെ. ഇ​ല​ക്ട്രി​ക് വാ​ഹ​ന​ങ്ങ​ളും ഇ​വ​യെ നാ​ശോ​ന്മു​ഖ​മാ​ക്കും. മ​റ്റൊ​ന്ന്, ഇ​ത്ത​രം കാ​റു​ക​ളു​ടെ നി​ർ​മാ​ണം പ​ല​ത​ര​ത്തി​ലു​ള്ള അ​ന്ത​രീ​ക്ഷ മ​ലി​നീ​ക​ര​ണ​ത്തി​ന് കാ​ര​ണ​മാ​വും. മ​ണ്ണും വെ​ള്ള​വും മ​ലി​ന​മാ​ക്കും. ഇ​വ നി​ർ​മി​ക്കാ​ൻ വേ​ണ്ടി​വ​രു​ന്ന അ​സം​സ്കൃ​ത വ​സ്തു​ക്ക​ൾ ഒ​ക്കെ​യും ഖ​ന​നം ചെ​യ്യേ​ണ്ട​വ​യാ​ണ്. ക​ണ​ക്ക​റ്റ ലോ​ഹ​ങ്ങ​ളാ​ണ് ഇ​തി​നാ​യി വേ​ണ്ടി​വ​രു​ന്ന​ത്.

ഖ​ന​നം ന​ട​ക്കു​ന്ന മേ​ഖ​ല​യി​ലും അ​തി​നു സ​മീ​പ​ത്തെ ജ​ന​വാ​സ​കേ​ന്ദ്ര​ങ്ങ​ളെ​യും കൃ​ഷി​യി​ട​ങ്ങ​ളെ​യു​മൊ​ക്കെ ദോ​ഷ​ക​ര​മാ​യി ബാ​ധി​ക്കും. അ​വി​ട​ങ്ങ​ളി​ൽ വി​ള​വ് കു​റ​യും. വേ​റൊ​ന്ന്, ഒ​രു കാ​റി​െ​ന്റ കാ​ലാ​വ​ധി അ​വ​സാ​നി​ച്ചാ​ൽ അ​തി​െ​ന്റ എ​ല്ലാ മെ​റ്റീ​രി​യ​ലു​ക​ളും ഫ​ല​പ്ര​ദ​മാ​യി റീ​സൈ​ക്കി​ൾ ചെ​യ്യാ​ൻ ക​ഴി​യു​മെ​ന്ന് ക​രു​തു​ന്നു​ണ്ടോ? അ​തു​കൊ​ണ്ടു​ത​ന്നെ എ​ല്ലാ വാ​ഹ​ന​ങ്ങ​ളും ഇ​ല​ക്ട്രി​ക് ആ​ക്കി മാ​റ്റു​ക എ​ന്ന​ത് അ​സാ​ധ്യ​മാ​ണ്. അ​തി​നു​പ​ക​രം ന​മ്മ​ൾ ചി​ന്തി​ക്കേ​ണ്ട​ത് ഇ​ല​ക്ട്രി​ക് വാ​ഹ​ന​ങ്ങ​ളി​ലേ​ക്ക് മാ​റി​ക്കൊ​ണ്ടു​ള്ള പൊ​തു​ഗ​താ​ഗ​ത സ​മ്പ്ര​ദാ​യ​ത്തെ​ക്കു​റി​ച്ചാ​ണ്. സ്വ​കാ​ര്യ​വ​ത്ക​ര​ണ​ത്തെ ഇ​ല്ലാ​താ​ക്കു​ന്ന​തി​നെ കു​റി​ച്ചാ​ണ്. സ്വ​കാ​ര്യ ഉ​ട​മ​സ്ഥ​ത​യി​ൽ​നി​ന്ന് പൊ​തു ഉ​ട​മ​സ്ഥ​ത​യി​ലേ​ക്ക് വ​രു​ക​യാ​ണ് വേ​ണ്ട​ത്. ഏ​തെ​ങ്കി​ലും ഒ​ന്നി​നെ മാ​റ്റി പ​ക​രം മ​റ്റൊ​ന്ന് ഉ​പ​യോ​ഗി​ക്കു​ന്ന​തി​ല​ല്ല പ​രി​ഹാ​രം. മ​റി​ച്ച് മു​ഴു​വ​ൻ വ്യ​വ​സ്ഥ​യി​ലും സ​മ​ഗ്ര​മാ​യ മാ​റ്റം കൊ​ണ്ടു​വ​രു​ക എ​ന്ന​താ​വ​ണം.

പാ​രി​സ്ഥി​തി​ക പ്ര​തി​സ​ന്ധി​ക​ൾ​ക്ക് സാ​​ങ്കേ​തി​ക വി​ദ്യ​ക​ളു​ടെ സ​ഹാ​യ​ത്തോ​ടെ പ​രി​ഹാ​രം ക​ണ്ടെ​ത്ത​ൽ എ​ളു​പ്പ​മാ​ണോ?

സാ​​ങ്കേ​തി​ക​വി​ദ്യ​യെ പ്ര​ശ്ന​പ​രി​ഹാ​ര​ത്തി​ലേ​ക്കു​ള്ള ഒ​രു വ​ഴി​യാ​യി​ട്ടാ​ണ് ഞാ​ൻ കാ​ണു​ന്ന​ത്. അ​ല്ലാ​തെ അ​തു​മാ​ത്ര​മാ​ണ് വ​ഴി എ​ന്ന​ത​ല്ല. ന​മ്മു​ടെ കൈ​യി​ലു​ള്ള മൊ​ബൈ​ൽ ഫോ​ൺ. ഇ​ത് ആ​വ​ശ്യ​മാ​ണോ? അ​ത്യാ​വ​ശ്യ​മാ​ണോ? ചി​ല​രൊ​ക്കെ പ​റ​യു​ന്ന​ത് കേ​ൾ​ക്കാം. ആ​വ​ശ്യ​മാ​ണെ​ന്ന്. അ​തേ​സ​മ​യം, മ​ഹാ​മാ​രി​യു​ടെ സ​മ​യ​ത്ത് വി​ദ്യാ​ർ​ഥി​ക​ൾ​ക്ക് പ​ഠി​ക്കാ​ൻ ലാ​പ്ടോ​പ്പും മൊ​ബൈ​ൽ​ഫോ​ണും ഇ​ല്ലാ​തെ​വ​യ്യെ​ന്നു​വ​ന്നു. അ​വി​ടെ ആ​വ​ശ്യ​മ​ല്ല, അ​ത്യാ​വ​ശ്യ​മാ​യി മാ​റി. എ​ന്നാ​ൽ, സാ​​ങ്കേ​തി​ക​വി​ദ്യ ആ​ദ്യ​ഘ​ട്ട​ത്തി​ൽ ക​ട​ന്നു​വ​രു​ന്ന​ത് ആ​വ​ശ്യ​മാ​യി​ട്ടാ​ണ്. ഇ​ന്ന് വൈ​ദ്യ​ശാ​സ്ത്ര​രം​ഗ​ത്തെ സാ​​ങ്കേ​തി​ക​വി​ദ്യ മ​നു​ഷ്യ​രു​ടെ ജീ​വ​ൻ​വ​രെ ര​ക്ഷി​ക്കു​ന്നു.

ഇ​ങ്ങ​നെ​യൊ​ക്കെ​യാ​ണെ​ങ്കി​ലും എ​ല്ലാ​ത്ത​രം പ്ര​തി​സ​ന്ധി​ക​ൾ​ക്കു​മു​ള്ള പ​രി​ഹാ​രം സാ​​ങ്കേ​തി​ക​വി​ദ്യ​യി​ൽ മാ​​ത്ര​മേ ഉ​ള്ളൂ എ​ന്ന് തോ​ന്നു​ന്നി​ട​ത്താ​ണ് പ്ര​ശ്നം. ഒ​രു ഉ​ദാ​ഹ​ര​ണം പ​റ​യാം. ബി​ൽ​ഗേ​റ്റ്സ്. അ​ദ്ദേ​ഹ​ത്തി​​െ​ന്റ പ​ക്ക​ൽ ധാ​രാ​ളം പ​ണ​മു​ണ്ട്. വ​ൻ​കി​ട ചാ​രി​റ്റ​ബ്ൾ ഫ​ണ്ട​ർ ആ​ണ്. പ​ല രാ​ജ്യ​ങ്ങ​ളി​ലും അ​ദ്ദേ​ഹ​ത്തി​​ന് വ​ലി​യ സ്വാ​ധീ​ന​മു​ണ്ട്. മെ​ഡി​ക്ക​ൽ ഫീ​ൽ​ഡി​ൽ വ​ലി​യ​തോ​തി​ൽ പ​ണ​മാ​ണ് ബി​ൽ​ഗേ​റ്റ്സ് പ​മ്പു​ചെ​യ്യു​ന്ന​ത്. ഇ​ത് ഒ​രു ന​ല്ല വ​ശ​മാ​യി​രി​ക്കാം. അ​തേ​സ​മ​യം, ഏ​തു​ത​രം വാ​ക്സി​നാ​ണ് വി​ക​സി​പ്പി​ക്കേ​ണ്ട​തെ​ന്നും വി​ക​സി​പ്പി​ക്കാ​തി​രി​ക്കേ​ണ്ട​തെ​ന്നു​മൊ​ക്കെ​യു​ള്ള അ​മി​താ​ധി​കാ​രം ഒ​രു വ്യ​ക്തി​യി​ൽ നി​ക്ഷി​പ്ത​മാ​വു​ക​യാ​ണ്. ഇ​ത് പ്ര​ശ്നം ത​ന്നെ​യാ​ണ്. ആ​രാ​ണ് ടെ​ക്നോ​ള​ജി​യു​ടെ കൈ​കാ​ര്യ ക​ർ​ത്താ​ക്ക​ൾ എ​ന്ന​ത് ഒ​രു പ്ര​ധാ​ന പോ​യ​ന്റാ​ണ്. ടെ​ക്നോ​ള​ജി ഒ​രു പ്ര​ശ്ന​ത്തെ പ​രി​ഹ​രി​ച്ചേ​ക്കാം. പ​ക്ഷേ, പ​ല പ്ര​ശ്ന​ങ്ങ​ളെ അ​ത് സൃ​ഷ്ടി​ക്കു​ക​യും ചെ​യ്യു​ന്നു. പ്രൈ​വ​റ്റ് ഇ​ല​ക്ട്രി​ക് വാ​ഹ​ന​ങ്ങ​ൾ പോ​ലെ. ഇ​ത് കാ​ർ​ബ​ർ ബ​ഹി​ർ​ഗ​മ​ന​ത്തെ ല​ഘൂ​ക​രി​ക്കു​മാ​യി​രി​ക്കും. പ​ക്ഷേ, ​ഖ​ന​നം​പോ​ലെ പു​തി​യ പ​ല പ്ര​ശ്ന​ങ്ങ​ളും ഉ​ണ്ടാ​ക്കും.

ബ​ദ​ൽ എ​ന്ന ത​ര​ത്തി​ൽ അ​വ​ത​രി​പ്പി​ക്കു​ന്ന സോ​ളാ​ർ എ​ന​ർ​ജി​യു​ടെ കാ​ര്യ​ത്തി​ലും ഇ​തു​ത​ന്നെ​യ​ല്ലേ?

സോ​ളാ​ർ പാ​ന​ലു​ക​ൾ റീ ​സൈ​ക്കി​ൾ ചെ​യ്യു​ന്ന​തി​നു​ള്ള ഫ​ല​പ്ര​ദ​മാ​യ മാ​ർ​ഗ​ങ്ങ​ൾ ന​മ്മു​ടെ പ​ക്ക​ലി​ല്ല. ഇ​തി​​െ​ന്റ വി​ൻ​ഡ് ട​ർ​ബൈ​ൻ േബ്ല​ഡു​ക​ൾ നി​ർ​മി​ക്കു​ന്ന​ത് ഫൈ​ബ​ർ ഗ്ലാ​സ് കൊ​ണ്ടാ​ണ്. ഈ ​ഗ്ലാ​സു​ക​ൾ റീ ​സൈ​ക്കി​ൾ ചെ​യ്യാ​നു​ള്ള മാ​ർ​ഗ​ങ്ങ​ളി​ല്ല. അ​തു​കൊ​ണ്ട് ത​ന്നെ ഇ​വ കു​ഴി​കു​ത്തി അ​തി​ലി​ടും. ഘ​ന ലോ​ഹ​ങ്ങ​ൾ ആ​ണ് സോ​ളാ​ർ പാ​ന​ലു​ക​ളി​ൽ അ​ട​ങ്ങി​യി​രി​ക്കു​ന്ന​ത്. ഇ​വ കു​ഴി​ച്ചു​മൂ​ടു​ക​യോ സോ​ളാ​ർ പാ​ട​ങ്ങ​ളി​ൽ കി​ട​ക്കു​ക​യോ ചെ​യ്യു​മ്പോ​ൾ അ​വി​ടെ​യു​ള്ള മ​ണ്ണി​ലും ഭൂ​ഗ​ർ​ഭ​ജ​ല​ത്തി​ലു​​മൊ​ക്കെ ക​ല​രും.

ഇ​ത് കേ​വ​ല​മാ​യ പാ​രി​സ്ഥി​തി​ക പ്ര​ശ്നം മാ​ത്ര​മ​ല്ല, ഭൂ​ഗ​ർ​ഭ​ജ​ല​ത്തി​ൽ ക​ല​രു​ന്ന​തു​വ​ഴി മൃ​ഗ​ങ്ങ​ൾ ഇ​വി​ട​ങ്ങ​ളി​​ലെ സ​സ്യ​ങ്ങ​ൾ ഭ​ക്ഷ​ണ​മാ​ക്കും. അ​വ​യു​ടെ മാം​സം ന​മ്മ​ൾ ക​ഴി​ക്കും. മ​നു​ഷ്യ​രു​ടെ ആ​രോ​ഗ്യ​ത്തെ ദോ​ഷ​ക​ര​മാ​യി ബാ​ധി​ക്കും. ഈ ​വി​ഷ​ങ്ങ​ൾ ക​ല​ർ​ന്ന ഭ​ക്ഷ​ണം ക​ഴി​ക്കു​ക വ​ഴി കോ​ശ​ക​ല​ക​ൾ രൂ​പ​പ്പെ​ടു​ന്ന ചെ​റു​പ്രാ​യ​ത്തി​ലു​ള്ള​വ​രു​ടെ ആ​രോ​ഗ്യ​ത്തെ ഗു​രു​ത​ര​മാ​യി ബാ​ധി​ക്കും.

അ​പ്പോ​ൾ പി​ന്നെ പ​രി​ഹാ​ര​ത്തി​ലേ​ക്ക് എ​ന്താ​ണ് വ​ഴി​?

സോ​ളാ​ർ എ​ന​ർ​ജി​യി​ലേ​ക്ക് മാ​റി​യാ​ലും ന​മ്മ​ൾ ഇ​പ്പോ​ൾ ഉ​ന്ന​യി​ച്ചു​കൊ​ണ്ടി​രി​ക്കു​ന്ന ചോ​ദ്യ​ങ്ങ​ൾ​ക്ക് ഉ​ത്ത​ര​മാ​കി​ല്ല. ന​മു​ക്ക് എ​ത്ര​ത്തോ​ളം ഉൗ​ർ​ജം ആ​വ​ശ്യ​മു​ണ്ട് എ​ന്ന് ആ​ദ്യം നി​ശ്ച​യി​ക്ക​ണം. കു​റ​ഞ്ഞ ദൂ​ര​ത്തേ​ക്കു​ള്ള​തും അ​ത്ര അ​നി​വാ​ര്യ​മ​ല്ലാ​ത്ത​തു​മാ​യ യാ​ത്ര​ക​ൾ​ക്ക് പൊ​തു​ഗ​താ​ഗ​ത സൗ​ക​ര്യ​വും ട്രെ​യി​നു​ക​ളും മ​റ്റും ഉ​പ​യോ​ഗി​ക്കേ​ണ്ട​തി​ന് പ​ക​രം വി​മാ​ന​യാ​ത്ര തെ​ര​ഞ്ഞെ​ടു​ക്കേ​ണ്ട​തു​ണ്ടോ? കാ​ർ​ബ​ൺ ബ​ഹി​ർ​ഗ​മ​നം വ​ലി​യ​തോ​തി​ൽ ന​ട​ക്കു​ക​യാ​ണ്. ന​മ്മു​ടെ അ​ത്യാ​വ​ശ്യ​ങ്ങ​ൾ​ക്കു​ള്ള ഊ​ർ​ജം പോ​ലും ഇ​ല്ലാ​താ​വു​ക​യാ​ണ്. ഇ​ത്ത​ര​മൊ​രു സാ​ഹ​ച​ര്യ​ത്തി​ൽ ആ​ഡം​ബ​ര​ത്തി​നാ​യി ഇ​ത്ര​യ​ധി​കം ഉൗ​ർ​ജം ന​മ്മ​ൾ ഉ​പ​യോ​ഗി​ക്കേ​ണ്ട​തു​ണ്ടോ എ​ന്ന് പു​ന​രാ​ലോ​ച​ന ന​ട​ത്തി​യേ പ​റ്റൂ. പ​രി​സ്ഥി​തി​യെ ആ​ദ​രി​ക്കു​ന്ന സ​മീ​പ​നം കൈ​​​ക്കൊ​ണ്ടേ മ​തി​യാ​വൂ. 

കാലാവസ്ഥ പ്രതിസന്ധി അധികരിക്കുന്ന സാഹചര്യത്തിൽ ഈജിപ്തിലെ ശറമുശൈഖിൽ നടന്ന ഉച്ചകോടിയെ എങ്ങനെ നോക്കിക്കാണുന്നു?

കാലാവസ്ഥ പ്രതിസന്ധിമൂലമുണ്ടാവുന്ന നാശനഷ്ടങ്ങളുടെ ഫണ്ട് അനുവദിക്കാൻ ചൈനയടക്കമുള്ള സമ്പന്നരാഷ്ട്രങ്ങൾ ഒടുവിൽ കോപ് 27ൽ തീരുമാനിച്ചു. പക്ഷേ, ഈ ഫണ്ടിനെക്കുറിച്ചുള്ള ഒരു വിശദാംശവും ലഭ്യമല്ല. ആരാണ് പണം നൽകുക, എത്ര പണം നൽകും, ചൈന ഇതിനോട് സഹകരിക്കുമോ? എന്നതിനെക്കുറിച്ചൊന്നും ഒരു വ്യക്തതയുമില്ല. നിരവധി ചോദ്യങ്ങൾ ഇേപ്പാഴും നിലനിൽക്കുന്നു. അതോടൊപ്പം ഫോസിൽ ഇന്ധനങ്ങളുടെ ഉപയോഗത്തിന് പരിധിവെക്കാൻ ഇവരാരും തീരുമാനിച്ചിട്ടുമില്ല. ഇതുമായി ബന്ധപ്പെട്ട ആവശ്യങ്ങൾ അംഗീകരിക്കുന്നതിലും കോപ് 27 സമ്പൂർണമായി പരാജയപ്പെട്ടു.

കേരളത്തെ സംബന്ധിച്ചിടത്തോളം അറബിക്കടൽ കൊടുങ്കാറ്റുകളുടെയും ചുഴലിക്കാറ്റുകളുടെയും തട്ടകമാവുകയാണ്. ഓരോ വർഷവും പ്രളയത്തിനും ഉരുൾപൊട്ടലുകൾക്കും സാക്ഷ്യം വഹിക്കുന്നു. ഒരു കാലാവസ്ഥ ശാസ്ത്രജ്ഞനെന്ന നിലയിൽ ഈ പ്രശ്നത്തെ എങ്ങനെയാണ് നോക്കിക്കാണുന്നത്?

അറബിക്കടൽ മറ്റു സമുദ്രഭാഗങ്ങളേക്കാൾ വേഗത്തിലാണ് ചൂടുപിടിക്കുന്നത്. കടൽവെള്ളം ചൂടുപിടിക്കുന്നതിനനുസരിച്ച് ചുഴലിക്കാറ്റുകൾ കൂടുതലായി രൂപപ്പെടും. കാരണം, ചുഴലിക്കാറ്റുകൾ ഊർജം സംഭരിക്കുന്നത് ഇതിൽനിന്നാണ്. എന്നാൽ, ഇതിനെ ഇങ്ങനെമാത്രം നോക്കിക്കാണുന്നതും ശരിയല്ല. ചുഴലിക്കാറ്റുകൾ മനുഷ്യജീവിതത്തിെന്റ ഭാഗമായി ഉള്ളതാണ്. അതേസമയം, കാലാവസ്ഥ മാറ്റത്തിെന്റ രൂക്ഷമായ പ്രത്യാഘാതങ്ങളെ മറ്റു വികസന പ്രശ്നങ്ങളുമായി ബന്ധിപ്പിച്ചുകൊണ്ടുതന്നെ കാണണം. ഒരുദാഹരണം, നമ്മൾ തീരപ്രദേശങ്ങളിൽനിന്ന് കണ്ടൽകാടുകൾ നീക്കംചെയ്യുന്നപക്ഷം ചുഴലിക്കാറ്റുകളുടെ ആക്രമണം അവിടെ കൂടുതലായിരിക്കും. കണ്ടൽമരങ്ങൾ തീരദേശങ്ങളെ കടലാക്രമണങ്ങളിൽനിന്ന് രക്ഷിക്കുന്നതിൽ വലിയ പങ്കുവഹിക്കുന്നവയാണ്. വികസനപ്രവർത്തനങ്ങളുടെ പേരിൽ ഇവ മുറിച്ചുകളയുന്നപക്ഷം ഇത് കടുക്കും. മറ്റൊരുവശത്ത് കാർബൺ ബഹിർഗമനം അധികരിപ്പിക്കുന്ന ജീവിതരീതിയുമായി നമ്മൾ കൂടുതൽ മുന്നോട്ടുപോവുന്നു. ഇതിെന്റ ഭാഗമായും ചുഴലികൾ നമ്മുടെ കരഭാഗങ്ങളിൽ കനത്ത നാശം വിതക്കും.

മനുഷ്യർ ബോധപൂർവം നടത്തുന്ന കാലാവസ്ഥ നിയന്ത്രണത്തെക്കുറിച്ച് വായിക്കാനിടയായിരുന്നു. യഥാർഥത്തിൽ എന്താണിത്? ഇത് പരിഹാരമാണോ അതോ കൂടുതൽ പ്രതിസന്ധികൾ ആണോ ഉയർത്തുക?

ഇതിനെ വിളിക്കുന്നത് ജിയോ എൻജിനീയറിങ് എന്നാണ്. ഇതുമായി ബന്ധപ്പെട്ട നിരവധി ആശയങ്ങളുണ്ട്. അവയെ എല്ലാം തള്ളാനോ കൊള്ളാനോ കഴിയില്ല. ജിയോ എൻജിനീയറിങ് ടെക്നോളജിയെക്കുറിച്ച് പഠിക്കാൻ യു.എസിലെ പല സർവകലാശാലകളും ഒരുപാട് ഫണ്ട് സ്വീകരിക്കുന്നുണ്ട്. അവർ അതിനെ പലരീതിയിൽ ന്യായീകരിക്കുന്നുമുണ്ട്. മറ്റൊരു പോംവഴിയില്ലാത്ത സാഹചര്യത്തിൽ നമ്മൾക്ക് ജിയോ എൻജിനീയറിങ്ങിനെ ആശ്രയിക്കേണ്ടിവരുമെന്ന വാദമാണ് അവർ ഉയർത്തുന്നത്. എന്നാൽ, ജിയോ എൻജിനീയറിങ്ങിന്റെ പരീക്ഷണങ്ങളുടെ സങ്കീർണമായ ഫലങ്ങളെ മുഴുവനായി മനസ്സിലാക്കാൻ നമുക്കായിട്ടില്ല. സ്ട്രാറ്റോസ്ഫിയറിൽ മേഘധൂളികൾ വിതറി ചൂടു കുറക്കലും കൃത്രിമ മഴ പെയ്യിക്കലുമടക്കമുള്ള ഗൗരവതരമായ കാര്യങ്ങൾക്കാണ് ഇത് ഉപയോഗിക്കുന്നത്.

എന്നാൽ, കാലാവസ്ഥ വ്യതിയാനത്തിലേക്ക് വരുമ്പോൾ സൂര്യനിൽനിന്നുള്ള റേഡിയേഷനെ കുറക്കാനുള്ള ഒന്നായാണിതിനെ അവതരിപ്പിക്കുന്നത്. ഇത് വളരെ അപകടകരമായ ഒന്നുകൂടിയാണ്. കാരണം, ലോകത്തുടനീളം മഴയുടെ പെയ്ത്ത് വിവിധ തോതിലാണ്. ഇതുവരെ ആയിട്ടും കാലാവസ്ഥ സംവിധാനത്തെ നല്ല തോതിൽ മനസ്സിലാക്കാൻ നമുക്കായിട്ടില്ല. കൃത്രിമമായ മഴപ്പെയ്ത്ത് ഒരു പ്രദേശത്തിനുമേൽ ഏതുതരത്തിലുള്ള മാറ്റമുണ്ടാക്കുമെന്ന് നമുക്കു പറയാനാവില്ല. മേഘധൂളികൾ സ്ട്രാറ്റോസ്ഫിയറിൽ നിക്ഷേപിച്ചാൽ, അതിെന്റ പത്തോ പതിനേഞ്ചാ കിലോമീറ്റർ പരിധിയിൽ ശക്തമായ കാറ്റ് ഉണ്ടാവും. അതിനു ചുറ്റിലും അത് പരക്കും. ഇത് ചിലയിടങ്ങളിൽ മഴയെ കുറക്കും ചിലയിടങ്ങളിൽ കൂട്ടും. ഇതിെന്റ ഫലം എന്തായിരിക്കുമെന്ന് കൃത്യമായി പറയാനാവില്ല. അതുകൊണ്ടുതന്നെയാണ് ഇത് വളരെ അപകടകരമായ സംഗതിയാണെന്ന് പറയേണ്ടിവരുന്നത്. രാജ്യത്തിെന്റ പല ഭാഗങ്ങളിൽ ആസിഡ് മഴ പെയ്യുന്നതായ വാർത്തകൾ വരുന്നു. ഇത്തരത്തിലുള്ള കാലാവസ്ഥ- സാമൂഹിക പ്രതിസന്ധികൾ കാര്യങ്ങളെ കൂടുതൽ സങ്കീർണമാക്കുന്നുമുണ്ട്.

ജിയോ എൻജിനീയറിങ് മറ്റു രാജ്യങ്ങൾക്കെതിരിലുള്ള ആയുധമായി ഉപയോഗിക്കാൻ കഴിയുമോ?

ഒരു ആയുധമായി ഇത് ഉപയോഗിക്കുമോ എന്നതിൽ തീർച്ചയില്ല. എന്നാൽ, ഒരു സമ്പന്നരാജ്യം ഏതെങ്കിലും ഒരു ആഫ്രിക്കൻ രാജ്യത്തിലോ ഏഷ്യൻ രാജ്യത്തിനുമുകളിലോ ഇതിനെ നിക്ഷേപിക്കാൻ തീരുമാനിച്ചാൽ അവിടെയുണ്ടാവുന്ന കഷ്ടനഷ്ടങ്ങൾക്ക് ആര് സമാധാനം പറയും? ആര് പിഴയൊടുക്കും. അങ്ങനെ ഇത് ഉപയോഗിച്ചാൽ എന്തുമാത്രം പ്രത്യാഘാതങ്ങൾ ഉണ്ടാവുമെന്നും നമുക്കിപ്പോൾ പറയാനാവില്ല. മറ്റു പലതും ഇതിലുണ്ട്. ആരാണ് ടെക്നോളജിയുടെ കൈകാര്യ കർത്താക്കൾ എന്നത് ഒരു പ്രധാന പോയന്റാണ്. ആരുടെ കൈയിലാണ് പണം? അതൊരു രാജ്യമാവട്ടെ, വ്യക്തിയാവട്ടെ കാര്യങ്ങൾ അവർക്ക് തീരുമാനിക്കാം. ഒരു യുദ്ധം നടക്കുന്നുവെന്നു കരുതുക. അവർ കാര്യങ്ങൾ തീരുമാനിക്കുകയാണെങ്കിൽ അത് നല്ലതിനായിരിക്കുമോ?

ഇനി, മലിനീകരണതോത് നിയന്ത്രിക്കാനുള്ള നീക്കങ്ങൾ ഇതുവഴി നടത്തുന്നുവെന്നിരിക്കട്ടെ, ആ സമയത്ത് പിന്നെയും ചൂട് കൂടാൻ തുടങ്ങും. ഇത് പൂർവാധികം വേഗത്തിലായിരിക്കും. പനിക്ക് പാരസെറ്റമോൾ നൽകുന്നതുപോലെ. തൽക്കാലത്തേക്ക് പനിയടങ്ങും. മേഘ കണങ്ങൾ നിക്ഷേപിക്കുന്നത് നിർത്തിയാൽ വീണ്ടും ചൂട് ഉയരും.

ആഗോളതാപനം അടക്കമുള്ള പ്രതിസന്ധികളോട് പുതിയ തലമുറയുടെ സമീപനമെന്താണ്? സർവകലാശാല പ്രഫസർ എന്ന നിലയിൽകൂടി ഇതിനെ വിലയിരുത്താമോ?

ചെറുപ്പക്കാർ ഈ വിഷയത്തിൽ ഏറെ താൽപര്യമുള്ളവരായാണ് ഞാൻ മനസ്സിലാക്കുന്നത്. പരിസ്ഥിതി എന്നത് എപ്പോഴും കാണാൻ കഴിയുന്നത് പൊതുജനങ്ങളിൽനിന്ന് മാറിനിൽക്കുന്ന ഒന്നായിട്ടാണ്. എന്നാൽ, എല്ലാ മനുഷ്യ നാഗരികതകളും ഉരുവംകൊണ്ടത് പ്രത്യേക കാലാവസ്ഥകളിലൂടെയാണ്. അതുകൊണ്ടുതന്നെ കാലാവസ്ഥ എന്നത് നമ്മളിൽനിന്ന് വേറിട്ടുനിൽക്കുന്ന ഒന്നല്ല. ഇവിടെ 20 ഡിഗ്രി സെൽഷ്യസാണ് തണുപ്പെങ്കിൽ നമുക്ക് പുറത്തിറങ്ങാൻ കഴിയില്ലായിരുന്നു. അതുെകാണ്ട് നമ്മുടെ ജീവിതമെല്ലാം കാലാവസ്ഥയെ ആശ്രയിച്ചാണ്. ഭക്ഷണം അടക്കം.

കാലാവസ്ഥമാറ്റം നമ്മുടെ നിലനിൽപിെന്റ അടിസ്ഥാനത്തെ തന്നെ ബാധിക്കും. ധാരാളം ചെറുപ്പക്കാർ ഇത് തിരിച്ചറിയുന്നുണ്ട്. സമൂഹമാധ്യമങ്ങൾ ഉപയോഗിച്ച് ഈ പ്രതിസന്ധിയെ അവർ പുറത്തെത്തിക്കുന്നുണ്ട്. മൂവ്മെന്റുകൾ കൊണ്ടുവരുന്നുണ്ട്. കാലാവസ്ഥമാറ്റങ്ങളെക്കുറിച്ച് അവർ ജനങ്ങളെ ബോധവത്കരിക്കുന്നുണ്ട്. ഇതൊരു വലിയ കാര്യമാണ്. ഞാൻ വളരെ നല്ലൊരു വാക്യം അടുത്തിടെ വായിക്കാനിടയായി. നമുെക്കാരിക്കലും പൂർവികരിൽനിന്ന് അനന്തരമായി എടുക്കാനുള്ളത് ഭൂമിയിലില്ല. നമ്മുടെ മക്കൾക്കുള്ളതിൽനിന്ന് കടംവാങ്ങാനുള്ളതേ ഉള്ളൂ എന്ന്. അതാണ് യാഥാർഥ്യം. ഇതിനെ ഉൾക്കൊണ്ടുകൊണ്ടുള്ള വലിയ ജാഗ്രതയാണ് അനിവാര്യമായത്.