വരയാണ് അതിജീവന ഊർജം

കു​ണ്ട​റ: വൃ​ക്ക​രോ​ഗ​വും ഡ​യാ​ലി​സി​സും സാ​ധാ​ര​ണ​ക്കാ​രെ ഭ​യ​ച​കി​ത​രും നി​രാ​ശ​രു​മാ​ക്കു​മ്പോ​ള്‍ മ​ന​ക്ക​രു​ത്തി​ല്‍ ചി​റ്റു​മ​ല​യു​ടെ ചി​ത്ര​കാ​ര​ന്‍ ജ​യ​രാ​ജ് വ​ര​യു​ടെ മാ​യി​ക​പ്ര​പ​ഞ്ച​ത്തി​ല്‍ ഉ​ല്ലാ​സ​പ്പൂ​ത്തി​രി​ക​ള്‍ ക​ത്തി​ക്കു​ക​യാ​ണ്. ഡ​യാ​ലി​സി​സും രോ​ഗ​വും ത​ള​ർ​ത്തു​ന്ന​വ​ർ വീ​ടി​ന്​ പു​റ​ത്തി​റ​ങ്ങാ​തെ ചി​രി​യും ക​ളി​യു​മെ​ല്ലാം മ​റ​ന്ന് ഇ​രു​ട്ടി​ന്റെ ഉ​ള്ളി​ലേ​ക്ക് ഒ​ളി​ക്കു​മ്പോ​ള്‍, ജ​യ​രാ​ജ് വ്യ​ത്യ​സ്ത​നാ​ണ്. ഡ​യാ​ലി​സി​സ് മു​റി​യി​ല്‍നി​ന്ന് നേ​രെ വ​ര​യി​ട​ത്തേ​ക്കാ​ണ്​ അ​ദ്ദേ​ഹ​ത്തി​ന്‍റെ സ​ഞ്ചാ​രം.

സ്‌​കൂ​ള്‍ ത​ല​ത്തി​ല്‍ തു​ട​ങ്ങി​യ ചി​ത്ര​ര​ച​ന രോ​ഗ​പീ​ഡ​യെ തോ​ൽ​പി​ക്കാ​ൻ കൂ​ടെ കൂ​ട്ടു​ന്ന അ​ദ്ദേ​ഹം പ്ര​ചോ​ദ​ന​ത്തി​ന്‍റെ മ​റു​പേ​രാ​ണ്. ജീ​വി​ത​ത്തി​ലെ ഈ ​വ്യ​ത്യ​സ്ത​ത ചി​ത്ര​ര​ച​ന​യി​ലും പു​ല​ര്‍ത്തു​ന്നു. സ്‌​കൂ​ള്‍ കെ​ട്ടി​ട​ങ്ങ​ളെ തീ​വ​ണ്ടി​യാ​ക്കി​യും സ്കൂ​ളാ​കെ കാ​ന​ന​ഭം​ഗി​യി​ല്‍ കു​ളി​പ്പി​ച്ചും വ്യ​ത്യ​സ്​​ത രീ​തി​യി​ലാ​ണ് അ​ദ്ദേ​ഹ​ത്തി​ന്റെ വ​ര​ക​ളെ​ല്ലാം.

വൃ​ക്ക​രോ​ഗ​വു​മാ​യു​ള്ള പോ​രാ​ട്ട​ത്തി​ൽ ആ​ഴ്ച​യി​ല്‍ മൂ​ന്ന് ഡ​യാ​ലി​സി​സ് വീ​തം ചെ​യ്യു​മ്പോ​ഴും മു​റി​യി​ല്‍നി​ന്ന് നേ​രെ പോ​കു​ന്ന​ത് വി​ശ്ര​മി​ക്കാ​ന​ല്ല, തു​ട​ങ്ങി​വെ​ച്ച ചി​ത്രം പൂ​ര്‍ത്തി​യാ​ക്കാ​നാ​ണ്. ജി​ല്ല​യി​ലെ പ​ല പ്രൈ​മ​റി സ്‌​കൂ​ളു​ക​ളും തീ​വ​ണ്ടി​യു​ടെ​യും കൊ​ടും​വ​ന​ത്തി​ന്റെ​യും സു​ന്ദ​ര ലാ​ന്റ് സ്‌​കേ​പ്പി​ന്റെ​യും മാ​യി​ക പ്ര​പ​ഞ്ച​മാ​ക്കി തീ​ര്‍ക്കു​ന്ന​യാ​ളാ​ണ്​ ജ​യ​രാ​ജ് ചി​റ്റു​മ​ല.

സ​മ്പ​ന്ന​രു​ടെ വ​ലി​യ വീ​ടു​ക​ളി​ല്‍ ഉ​ള്‍ഭി​ത്തി​ക​ളി​ല്‍ മ​നോ​ഹ​ര ചി​ത്ര​ങ്ങ​ള്‍ വ​ര​ക്കാ​നും ചി​ല​പ്പോ​ഴൊ​ക്കെ ജ​യ​രാ​ജി​നെ ക്ഷ​ണി​ക്കാ​രു​ണ്ട്. ക്ഷേ​ത്ര​ങ്ങ​ളു​ടെ ചു​വ​രു​ക​ളി​ലും മ​റ്റും മ​നോ​ഹ​ര​മാ​യ മ്യൂ​റ​ല്‍ പെ​യി​ന്‍റി​ങ്ങു​ക​ളും ധാ​രാ​ള​മു​ണ്ട്. സാ​മൂ​ഹ്യ ബോ​ധ​വ​ത്ക​ര​ണ​ത്തി​ന്റെ ഭാ​ഗ​മാ​യി ല​ഹ​രി​വി​രു​ദ്ധ ചി​ത്ര​ങ്ങ​ള്‍, ട്രാ​ഫി​ക് ബോ​ധ​വ​ത്ക​ര​ണ ചി​ത്ര​ങ്ങ​ള്‍, മ​ദ്യ​ത്തി​നും മ​യ​ക്കു​മ​രു​ന്നി​നും എ​തി​രാ​യ ചി​ത്ര​ങ്ങ​ള്‍ എ​ല്ലാം ജ​യ​രാ​ജി​ന്റെ ബ്ര​ഷി​ന് വ​ഴ​ങ്ങും.

ര​ണ്ടാ​ഴ്ച മു​മ്പാ​ണ് ജ​ല​ജീ​വ​ന്‍ മി​ഷ​ന്റെ പ്ര​ചാ​ര​ണാ​ർ​ഥം ചി​റ്റു​മ​ല ജ​ങ്ഷ​നി​ലെ കാ​ത്തി​രി​പ്പ് കേ​ന്ദ്രം മൂ​ന്നു​ദി​വ​സം കൊ​ണ്ട് സു​ന്ദ​ര​കാ​ഴ്ച​യു​ടെ ഇ​ട​മാ​ക്കി മാ​റ്റി​യ​ത്. ഒ​രു സ​ഹാ​യി പോ​ലും ഇ​ല്ലാ​തെ​യാ​ണ് വ​ര. ചാ​രേ​ണി​യു​ടെ മു​ക​ളി​ല്‍നി​ന്ന് മ​ണി​ക്കൂ​റു​ക​ളെ​ടു​ത്താ​ണ് പ​ല ചി​ത്ര​ങ്ങ​ളും പൂ​ര്‍ത്തി​യാ​ക്കു​ന്ന​ത്. അ​വി​വാ​ഹി​ത​നാ​ണ്. മാ​താ​പി​താ​ക്ക​ള്‍ മ​രി​ച്ച​തോ​ടെ ഒ​റ്റ​ക്കാ​ണ് താ​മ​സം.

അ​സു​ഖ​ത്തെ പു​ണ​രാ​തെ ക​ല​യെ നി​റ​ങ്ങ​ളെ ഓ​രോ ശ്വാ​സ​നി​ശ്വാ​സ​ത്തി​ലും സ​ജീ​വ​മാ​ക്കു​ന്ന അ​ദ്ദേ​ഹം രോ​ഗ​പീ​ഡ​യാ​ല്‍ നി​രാ​ശ​രാ​കു​ന്ന​വ​ര്‍ക്ക് ഉ​ത്തേ​ജ​നാ​ഷൗ​ധ​മാ​ണ്. വ​ര​യി​ല്‍ നി​ന്നു​ള്ള തു​ച്ഛ​വ​രു​മാ​നം മാ​ത്ര​മാ​ണ് ആ​ശ്ര​യം. ഇ​ത് പ​ല​പ്പോ​ഴും ചി​കി​ത്സ ചെ​ല​വി​ന് പോ​ലും തി​ക​യി​ല്ല. നാ​ട്ടു​കാ​രു​ടെ​യും സു​ഹൃ​ത്തു​ക്ക​ളു​ടെ​യും സ​ഹാ​യ​ങ്ങ​ള്‍ വ​ല്ല​പ്പോ​ഴും ല​ഭി​ക്കു​ന്ന​തും കൂ​ടി​ച്ചേ​ർ​ത്താ​ണ്​ അ​ദ്ദേ​ഹം ത​ന്‍റെ വ​ര​ജീ​വി​തം മു​ന്നോ​ട്ടു​ന​യി​ക്കു​ന്ന​ത്.