വയോയുവം: പ്ര​സാ​ദാ​ത്മ​ക​മാ​ക്കാം സാ​യ​ന്ത​നം

ബാ​ല്യം ക​ളി​ചി​രി​ക​ളു​ടെ​യും കൗ​മാ​രം പു​തി​യ​കാ​ര്യ​ങ്ങ​ൾ തേ​ടി​യു​ള്ള കൗ​തു​ക​ങ്ങ​ളു​ടെ​യും യൗ​വ​നം സാ​ഹ​സി​ക​ത​ക​ളു​ടെ​യും കാ​ല​മാ​ണെ​ങ്കി​ൽ മ​ധ്യ​വ​യ​സ്സു​ക​ഴി​ഞ്ഞു​ള്ള വാ​ർ​ധ​ക്യ​ത്തെ അ​വ​ശ​ത​ക​ളു​ടെ​യും രോ​ഗ​ങ്ങ​ളു​ടെ​യും കാ​ല​മാ​യാ​ണ്​ ന​മ്മ​ളി​ൽ പ​ല​രും ക​രു​തി​വ​രു​ന്ന​ത്. ഒ​ര​ൽ​പം ആ​ശ​ങ്ക​യോ​ടെ​യും ഭീ​തി​യോ​ടെ​യു​മാ​ണ്​ ചി​ല​രെ​ങ്കി​ലും വാ​ർ​ധ​ക്യ​ത്തെ കാ​ണു​ന്ന​ത്. എ​ന്നാ​ൽ, വി​വി​ധ കാ​ല​ഘ​ട്ട​ങ്ങ​ൾ സ​മ്മാ​നി​ച്ച അ​റി​വു​ക​ളു​ടെ​യും പ​രി​ച​യ​സ​മ്പ​ന്ന​ത​യു​ടെ​യും ആ​കെ​ത്തു​ക​യാ​ണ്​ യൗ​വ​നം ക​ഴി​ഞ്ഞു​ള്ള കാ​ലം എ​ന്ന​താ​ണ്​ യാ​ഥാ​ർ​ഥ്യം. വാ​ർ​ധ​ക്യ​ത്തെ ഭ​യ​പ്പെ​ടു​ന്ന​തി​നു​പ​ക​രം, മ​റ്റു​ള്ള​വ​രെ ആ​ശ്ര​യി​ക്കാ​തെ ചു​റ്റു​മു​ള്ള​വ​ർ​ക്ക്​ ത​ണ​ലും ആ​ശ്വാ​സ​വും ന​ൽ​കു​ന്ന രീ​തി​യി​ൽ പ്ര​സാ​ദാ​ത്മ​ക​മാ​യും ഊ​ർ​ജ​ത്തോ​ടെ​യും ജീ​വി​ക്കാ​നാ​ണ്​ ഒ​രു വ്യ​ക്​​തി ശ്ര​മി​ക്കേ​ണ്ട​ത്.

വി​ക​സി​ത രാ​ഷ്ട്ര​ങ്ങളെ​പോ​ലെ മു​തി​ർ​ന്ന പൗ​ര​ന്മാ​രു​ടെ എ​ണ്ണം കേ​ര​ള​ത്തി​ലും വ​ർ​ധി​ക്കു​ക​യാ​ണ്. മി​ക​ച്ച ആ​തു​ര​ശ്രു​ശ്രൂ​ഷാ സം​വി​ധാ​ന​ങ്ങ​ൾ, കു​ട്ടി​ക​ളു​ടെ എ​ണ്ണ​ത്തി​ൽ​വ​ന്ന കു​റ​വ്, കു​ടും​ബ​ബ​ന്ധ​ങ്ങ​ളി​ലെ ക​രു​ത​ൽ, ഉ​യ​ർ​ന്ന വി​ദ്യാ​ഭ്യാ​സ നി​ല​വാ​രം, ആ​രോ​ഗ്യ​പ്ര​ദ​മാ​യ ഭൂ​പ്ര​കൃ​തി തു​ട​ങ്ങി മ​ല​യാ​ളി​ക​ൾ​ക്കു​മാ​ത്രം സ്വ​ന്ത​മാ​യ ചി​ല സ​വി​ശേ​ഷ​ത​ക​ളു​ടെ ഫ​ലം കൂ​ടി​യാ​ണ്​ ആ​യു​ർ​ദൈ​ർ​ഘ്യ​ം.

സൗ​ന്ദ​ര്യം സാ​യാ​ഹ്ന​ത്തി​ന്

യ​ഥാ​ർ​ഥ​ത്തി​ൽ പ്ര​ഭാ​ത​ത്തേ​ക്കാ​ൾ സൗ​ന്ദ​ര്യം സാ​യാ​ഹ്ന​ത്തി​നാ​ണ്. എ​ന്നാ​ൽ, മ​ക്ക​ളെ​യും മ​റ്റ്​ ബ​ന്ധു​ക്ക​ളെ​യും ആ​ശ്ര​യി​ച്ച്​ ജീ​വി​ക്കേ​ണ്ട ഒ​രു കാ​ല​ഘ​ട്ടം എ​ന്ന നി​ല​യി​ലാ​ണ്​ വാ​ർ​ധ​ക്യ​ത്തെ സ​മൂ​ഹം ഇ​പ്പോ​ഴും കാ​ണു​ന്ന​ത്. മ​റ്റു​ള്ള​വ​രെ ആ​ശ്ര​യി​ക്കു​ന്ന​തി​നു​പ​ക​രം സ്വ​യം​പ​ര്യാ​പ്ത​മാ​യി ജീ​വി​ക്കാ​നു​ള്ള ആ​ത്മ​വി​ശ്വാ​സ​മു​ള്ള മാ​ന​സി​കാ​വ​സ്ഥ സൃ​ഷ്ടി​ച്ചെ​ടു​ക്കു​ക​യാ​ണ്​ ​ ആ​ദ്യം ചെ​യ്യേ​ണ്ട​ത്.

നി​വൃ​ത്തി​യി​ല്ലാ​ത്ത സാ​ഹ​ച​ര്യ​ങ്ങ​ളി​ൽ മാ​ത്ര​മാ​യി​രി​ക്ക​ണം മ​റ്റു​ള്ള​വ​രെ ആ​ശ്ര​യി​ക്കേ​ണ്ട​ത്. കൂ​ടെ​യു​ള്ള​വ​രെ സ​ഹാ​യി​ക്കാ​നു​ള്ള അ​വ​സ​ര​ങ്ങ​ളും പാ​ഴാ​ക്കേ​ണ്ട​തി​ല്ല. കൊ​ച്ചു​മ​ക്ക​ൾ​ക്ക്​ ക​ഥ പ​റ​ഞ്ഞു​കൊ​ടു​ക്കു​ന്ന​തു​മു​ത​ൽ പ​ഠ​ന​കാ​ര്യ​ങ്ങ​ളി​ൽ സ​ഹാ​യി​ക്കു​ന്ന​തു​വ​രെ​യു​ള്ള കാ​ര്യ​ങ്ങ​ളി​ൽ ആ​രോ​ഗ്യം അ​നു​വ​ദി​ക്കു​ന്ന​ത​നു​സ​രി​ച്ച്​ സ​ജീ​വ​ത നി​ല​നി​ർ​ത്ത​ണം.

ക​ട​ലി​ന​ക്ക​രെ​യു​ള്ള കാ​ര്യ​ങ്ങ​ൾ

എ​ല്ലാ കാ​ര്യ​ങ്ങ​ളി​ലും വി​ദേ​ശ​രാ​ജ്യ​ങ്ങ​ളി​ലെ ജീ​വി​ത​ശൈ​ലി​യെ അ​നു​ക​രി​ക്കാ​ൻ ശ്ര​മി​ക്കു​ന്ന ന​മ്മ​ൾ പ​ക്ഷേ, അ​വി​ടെ​ മു​തി​ർ​ന്ന​വ​ർ ജീ​വി​ക്കു​ന്ന​ത്​ എ​ങ്ങ​നെ​യാ​ണെ​ന്ന്​ ശ്ര​ദ്ധി​ക്കാ​റി​ല്ല. പ്രാ​യ​മാ​യ​വ​ർ കാ​റോ​ടി​ച്ച്​ ആ​ശു​പ​ത്രി​ക​ളി​ലെ​ത്തി ചി​കി​ത്സ​തേ​ടി മ​ട​ങ്ങു​ന്ന​തും സൂ​പ്പ​ർ​മാ​ർ​ക്ക​റ്റു​ക​ളി​ലും മ​റ്റും പോ​യി സാ​ധ​ന​ങ്ങ​ൾ വാ​ങ്ങി​വ​രു​ന്ന​തും വി​ദേ​ശ​ങ്ങ​ളി​ലെ പ​തി​വു​കാ​ഴ്ച​യാ​ണ്. എ​ന്നാ​ൽ, ഇ​വി​ടെ ത​ല​ന​ര​ച്ചാ​ൽ, പ​ല്ലൊ​ന്ന്​ കൊ​ഴി​ഞ്ഞാ​ൽ, മ​ക്ക​ൾ കൂ​ടെ​യി​ല്ലാ​തെ ആ​രും പുറത്തിറങ്ങില്ല. പ്രാ​യ​മാ​യ​വ​ർ​ക്ക്​ രോ​ഗം വ​ന്നാ​ൽ ശു​ശ്രൂ​ഷി​ക്കേ​ണ്ട​തും ചി​കി​ത്സ​ക്കി​ട​ക്ക​യി​ൽ കൂ​ട്ടി​രി​ക്കേ​ണ്ട​തും മ​ക്ക​ളാ​ണ്​ എ​ന്ന ധാ​ര​ണ​ മാ​റ്റണം. അ​ൽ​പ​മെ​ങ്കി​ലും ആ​രോ​ഗ്യ​മു​​ണ്ടെ​ങ്കി​ൽ കാ​ര്യ​ങ്ങ​ൾ സ്വ​യം ചെ​യ്യാ​നു​ള്ള ​ധൈ​ര്യം ഉ​ണ്ടാ​ക്കി​യെ​ടു​ക്ക​ണം.

ആ​സൂ​ത്ര​ണം അ​നി​വാ​ര്യം

വാ​ർ​ധ​ക്യം സ​ന്തോ​ഷ​പ്ര​ദ​മാ​ക്കാ​ൻ വ​ള​രെ നേ​ര​ത്തെ​ ആ​സൂ​ത്ര​ണം വേണ്ട​തു​ണ്ട്. ഏ​റ്റ​വും പ്ര​ധാ​നം സാ​മ്പ​ത്തി​ക​ സ്വ​യം​പ​ര്യാ​പ്ത​ത​യാ​ണ്. വി​ര​മി​ക്കു​മ്പോ​ൾ ല​ഭി​ക്കു​ന്ന തു​ക​യും ജീ​വി​ത​കാ​ലം അ​ധ്വാ​നി​ച്ച സ​മ്പാ​ദ്യ​വുമെ​ല്ലാം മ​ക്ക​ളു​ടെ വി​വാ​ഹം ആ​ർ​ഭാ​ട​മാ​ക്ക​ാനോ വ​ലി​യ വീ​ടു​ക​ളുണ്ടാ​ക്കാ​നോ മ​ക്ക​ൾ​ക്ക്​ ബി​സി​ന​സ്​ തു​ട​ങ്ങാ​നോ ന​ൽ​കു​ം.ഒ​ഴി​ഞ്ഞ കീ​ശ​യു​മാ​യി ജീ​വി​ത സാ​യാ​ഹ്ന​ത്തി​ലേ​ക്ക്​ പ്ര​വേ​ശി​ച്ചാ​ൽ എ​ല്ലാറ്റിനും മ​റ്റു​ള്ള​വ​രെ ആ​ശ്ര​യി​ക്കേ​ണ്ടി​വ​ന്നേ​ക്കാം. പേ​ര​ക്കി​ടാ​വി​ന്​ മി​ഠാ​യി​യോ ക​ളി​പ്പാ​ട്ട​മോ പോ​ലും വാ​ങ്ങാൻ മ​റ്റു​ള്ള​വ​രെ ആ​ശ്ര​യി​ക്കേ​ണ്ടി​വ​രു​ന്ന​ത്​ സ​ങ്ക​ട​ക​ര​മാ​ണ്. അ​തു​കൊ​ണ്ട്​ ജീ​വി​ത​ത്തി​ലെ ന​ല്ല സ​മ​യത്ത് കു​റ​ച്ച്​ പ​ണം മാ​റ്റി​വെ​ക്കാ​നു​ള്ള ക​രു​ത​ൽ ഉ​ണ്ടാ​യി​രി​ക്ക​ണം. ജോ​ലി​യി​ൽ ക​യ​റു​​മ്പോ​ഴേ ഇ​തി​ന് ശ്ര​മം ആ​രം​ഭി​ക്ക​ണം.

ജീ​വി​തം സ്വ​യം തീ​രു​മാ​നി​ക്ക​ണം

വാ​ർ​ധ​ക്യ​കാ​ലം വീ​ട്ടി​നു​ള്ളി​ൽ ച​ട​ഞ്ഞി​രി​ക്കാ​നു​ള്ള​ത​ല്ല, മ​റി​ച്ച്​ സ​മൂ​ഹ​ത്തി​ന്‍റെ ഭാ​ഗ​മാ​യി ക​ഴി​യാ​നു​ള്ള​താ​ണ്. ഇ​തി​നാ​യി ചെ​റി​യ​ചെ​റി​യ സാ​മൂ​ഹി​ക പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടാ​നും സ​മ​പ്രാ​യ​ക്കാ​രു​മാ​യി കൂ​ട്ടു​കൂടാനും വി​നോ​ദ​ങ്ങ​ളി​ൽ ഏ​ർ​പ്പെ​ടാ​നും ശ്ര​മി​ക്ക​ണം.

ശാ​രീ​രി​കാ​രോ​ഗ്യ​ത്തെ​പ്പോ​ലെ​ത്ത​ന്നെ മാ​ന​സി​കാ​രോ​ഗ്യ​വും ഈ ​പ്രാ​യ​ത്തി​ൽ അ​ത്യാ​വ​ശ്യ​മാ​ണ്.

വാ​യ​ന, സൗ​ഹൃ​ദ​ങ്ങ​ൾ, പാ​ട്ടുകേ​ൾ​ക്ക​ൽ, സി​നി​മ​ പോ​ലു​ള്ള വി​നോ​ദ​ങ്ങ​ളി​ലൂടെ ഇ​ത്​ സാ​ധ്യ​മാ​ക്കാം. ജീ​വി​ത​പ​ങ്കാ​ളി​ക​ളു​മൊ​ത്തു​ള്ള ഉ​ല്ലാ​സ​ങ്ങ​ൾ​ക്ക് സ​മ​യം ക​ണ്ടെ​ത്തണം.

ക​രു​ത​ലെ​ടു​ക്കാം, പ​ക്ഷേ മാ​റി​നി​ൽ​ക്കേ​ണ്ട​തി​ല്ല

ഓ​ർ​മ​ക്കു​റ​വ്​ പ്രാ​യ​മാ​യ​വ​ർ നേ​രി​ടു​ന്ന സാ​ധാ​ര​ണ പ്ര​ശ്ന​മാ​ണ്. കു​റി​പ്പു​ക​ൾ എ​ഴു​തി സൂ​ക്ഷി​ച്ചും ചെ​യ്യേ​ണ്ട കാ​ര്യ​ങ്ങ​ൾ ഡ​യ​റി​യി​ൽ എ​ഴു​തി​വെ​ച്ചും മു​ന്നോ​ട്ടു​പോ​ക​ണം.

ക​ട​യി​ൽ പോ​കു​മ്പോ​ൾ വാ​ങ്ങേ​ണ്ട സാ​ധ​ന​ങ്ങ​ളു​ടെ ലി​സ്റ്റ്​ കൈ​യി​ൽ ക​രു​താം. ച​ട​ങ്ങു​ക​ൾ​ക്ക് ക്ഷ​ണം ല​ഭി​ച്ചാ​ലു​ട​ൻ ഡ​യ​റി​യി​ൽ എ​ഴു​തി​വെ​ക്കാം.

ച​ല​ന​ശേ​ഷി​ക്ക്​ പ്ര​ശ്ന​മു​ള്ള​വ​ർ​ക്ക്​ റോ​ഡ്​ മു​റി​ച്ചു​ക​ട​ക്കാ​നും മ​റ്റും മ​റ്റു​ള്ള​വ​രു​ടെ സ​ഹാ​യം തേ​ടാ​വു​ന്ന​താ​ണ്. പ്രാ​യ​മാ​യ​ത് മ​റ്റു​ള്ള​വ​ർ അ​റി​യു​മെ​ന്നു​ക​രു​തി റോ​ഡ്​ സ്വ​യം മു​റി​ച്ചു​ക​ട​ക്കാ​ൻ മു​തി​ർ​ന്നാ​ൽ അ​പ​ക​ട​ത്തി​ൽ​പ്പെ​ട്ടേ​ക്കാം.

(കൊച്ചിയിലെ പ്രമുഖ ആശുപത്രിയിൽ ചീ​ഫ്​ സൈ​ക്യാ​ട്രി​സ്റ്റാണ് ലേഖകൻ)