ചെ​റി​യ പെ​രു​ന്നാ​ളാ​യി​രു​ന്നു അ​ന്ന് വ​ലി​യ പെ​രു​ന്നാ​ൾ

പെ​രു​ന്നാ​ളി​ന്റെ സ​ന്തോ​ഷ​ങ്ങ​ൾ​ക്കി​ട​ക്കും ഫ​ല​സ്തീ​നി​ല​ട​ക്കം ലോ​ക​ത്തി​ന്റെ പ​ല ഭാ​ഗ​ത്തും മ​നു​ഷ്യ​ർ​ക്കു​നേ​രെ ക്രൂ​ര​മാ​യ അ​ക്ര​മ​ങ്ങ​ളും അ​ധി​ക്ഷേ​പ​ങ്ങ​ളും മ​റ്റും അ​ര​ങ്ങേ​റു​ന്നു​ണ്ട്. എ​ല്ലാ മ​ത​വി​ഭാ​ഗ​ങ്ങ​ൾ​ക്കി​ട​യി​ലും വേ​ദ​നി​ക്കു​ന്ന​വ​രു​ണ്ട്. അ​വ​രെ ചേ​ർ​ത്തു പി​ടി​ച്ചു കൊ​ണ്ടാ​ക​ണം ന​മ്മു​ടെ പെ​രു​ന്നാ​ളാ​ഘോ​ഷ​ങ്ങ​ൾ

കു​ട്ടി​ക​ളാ​യി​രി​ക്കു​മ്പോ​ൾ ചെ​റി​യ​പെ​രു​ന്നാ​ളാ​യി​രു​ന്നു വ​ലി​യ പെ​രു​ന്നാ​ൾ. കാ​ര​ണം പു​ത്ത​നു​ടു​പ്പു​ക​ളും സ​കാ​ത്-​സ​ദ​ഖ പൈ​സ​ക​ളും ഒ​ക്കെ കി​ട്ടു​ന്ന​ത് ചെ​റി​യ പെ​രു​ന്നാ​ളി​ലാ​യി​രു​ന്നു. കു​ട്ടി​ക്കാ​ല​ത്ത് നോ​മ്പി​നു​ള്ള പ്ര​ത്യേ​ക​ത ക​ളി​ക്കാ​ൻ വി​ടി​ല്ല എ​ന്ന​താ​യി​രു​ന്നു. വ​ള​രെ ചെ​റു​പ്പകാ​ലം തൊ​ട്ടേ ഞാ​ൻ നോ​മ്പ് എ​ടു​ക്കു​മാ​യി​രു​ന്നു. അ​ടു​ത്ത വീ​ട്ടി​ലെ അ​മ്മി​ണി ചേ​ച്ചി​യും ജാ​ന​കി ചേ​ച്ചി​യും ഉ​മ്മ​യോ​ട് വ​ന്ന് ചോ​ദി​ക്കും ‘എ​ന്തി​നാ ന​ബി​സു​മ്മേ ഈ ​കു​ട്ടി​യെ​കൊ​ണ്ട് ഇ​ങ്ങ​നെ ചെ​യ്യി​പ്പി​ക്കു​ന്ന​ത്’ എ​ന്ന്. അ​പ്പോ​ൾ ഉ​മ്മ പ​റ​യും ‘ഞാ​ൻ നി​ർ​ബ​ന്ധി​ച്ചി​ട്ട​ല്ല അ​വ​ൻ നോ​മ്പ് നോ​ക്കു​ന്ന​ത്. അ​വ​ന്റെ ഇ​ഷ്ട​ത്തി​നാ​ണ്’.

മ​റ്റൊ​ന്ന് ചെ​റു​പ്പ​കാ​ല​ത്ത് നോ​മ്പു​കാ​ലം എ​ന്നാ​ൽ വാ​യ​ന​യു​ടെ കാ​ലം കൂ​ടി ആ​യി​രു​ന്നു. ഖു​ർ​ആ​ൻ പാ​രാ​യ​ണം മാ​ത്ര​മ​ല്ല മ​റ്റ് പു​സ്ത​ക​ങ്ങ​ളും വാ​യി​ക്കു​ന്ന കാ​ലം. എ​ന്റെ ത​റ​വാ​ട്ടി​ൽ ചെ​റി​യൊ​രു ലൈ​ബ്ര​റി ഉ​ണ്ടാ​യി​രു​ന്നു. എ​ന്റെ മൂ​ത്ത ജ്യേ​ഷ്ഠ​ൻ സാ​ദി​ഖ് ന​ന്നാ​യി വാ​യി​ക്കു​മാ​യി​രു​ന്നു. ഞ​ങ്ങ​ളു​ടെ ത​റ​വാ​ട്ടി​ൽ ഒ​രു ക​സി​ൻ ബ്ര​ദ​റാ​യ നാ​സ​റി​ക്ക​യു​ടെ ചി​ത്ര​ങ്ങ​ൾ, അ​മ്മാ​വ​ന്മാ​രു​ടെ ലേ​ഖ​ന​ങ്ങ​ൾ, ക​വി​ത​ക​ൾ ഒ​ക്കെ ആ​യി​ട്ട് ‘സാ​ന്ധ്യ താ​ര​കം’ എ​ന്ന കൈ​യെ​ഴു​ത്തു മാ​സി​ക ഉ​ണ്ടാ​ക്കി​യി​രു​ന്നു. അ​തി​നാ​ൽ വാ​യ​ന​യു​ടെ പെ​രു​ന്നാ​ളു​ക​ളാ​യി​രു​ന്നു നോ​മ്പു​കാ​ലം.

പി​ന്നെ കു​ട്ടി ആ​യി​രി​ക്കു​മ്പോ​ൾ സ​ദ​ഖ കി​ട്ടി​യ പൈ​സ​കൊ​ണ്ട് പെ​രു​ന്നാ​ൾ നമസ്കാ​രം ക​ഴി​ഞ്ഞാ​ൽ ആ​ദ്യം പോ​യി​രു​ന്ന​ത് സി​നി​മ​ക്കാ​യി​രു​ന്നു. പെ​രു​ന്നാ​ളി​ന്റെ അ​ന്ന് ദി​വ​സം നാ​ലു സി​നി​മ ക​ണ്ട സ​ന്ദ​ർ​ഭം ഉ​ണ്ട്. എ​നി​ക്ക് 13 വ​യ​സ്സു​ള്ള​പ്പോ​ൾ ബാ​പ്പ മ​രി​ച്ചു. അ​തി​നാ​ൽ എ​വി​ടെ​യാ​ണെ​ങ്കി​ലും പെ​രു​ന്നാ​ളു​ക​ൾ​ക്ക് ഉ​മ്മ​യു​ടെ അ​ടു​ത്തെത്തു​ക എ​ന്ന നി​ർ​ബ​ന്ധ​മു​ണ്ടാ​യി​രു​ന്നു. ഒ​രു​പാ​ട് സി​നി​മ​ക​ളു​ടെ സെ​റ്റി​ൽ പെ​രു​ന്നാ​ൾ ആ​ഘോ​ഷി​ച്ചി​ട്ടു​ണ്ട്. 'ദ്രോ​ണ' എ​ന്ന സി​നി​മ​യു​ടെ ഷൂ​ട്ട് ഒ​റ്റ​പ്പാ​ല​ത്ത് ന​ട​ക്കു​മ്പോ​ൾ അ​തി​ന്റെ സെ​റ്റി​ൽനി​ന്ന് ഞാ​നും അ​ബൂ​സ​ലീ​മും സു​ബൈ​റും ഒ​രു​മി​ച്ചാ​ണ് പെ​രു​ന്നാ​ൾ ന​മ​സ്കാ​ര​ത്തി​ന് പോ​യ​ത്. പി​റ്റ​ത്തെ പെ​രു​ന്നാ​ൾ ആ​യ​പ്പോ​ഴേ​ക്കും സു​ബൈ​ർ നൊ​മ്പ​ര​പ്പെ​ടു​ത്തു​ന്ന ഓ​ർ​മ​യാ​യി മാ​റി.

എ​ല്ലാ നോ​മ്പു​ക​ളും എ​ല്ലാ പ്രാ​ർ​ഥ​ന​ക​ളും മ​നു​ഷ്യ​നു​വേ​ണ്ടി ഉ​ണ്ടാ​ക്കി​യി​ട്ടു​ള്ള​താ​ണ് എ​ന്നാ​ണ് എ​ന്റെ വി​ശ്വാ​സം. നമസ്കാ​രം ഒ​രു പ്രാ​ർ​ഥ​ന​യാ​ണ്. ഏ​കാ​ഗ്ര​ത​ക്കും അ​ച്ച​ട​ക്ക​ത്തി​നും വേ​ണ്ടി​യാ​ണ​ത്. ഇ​ന്ന​ത്തെ കാ​ല​ത്ത് അ​തി​നേ​റെ പ്ര​സ​ക്തി​യു​ണ്ട്. അ​തു​പോ​ലെ ത​ന്നെ​യാ​ണ് നോ​മ്പും. ആ​ത്യ​ന്തി​ക​മാ​യി ഞാ​ൻ പ​ട്ടി​ണി കി​ട​ന്നി​ട്ട് പ​ട​ച്ചോ​ന് ഒ​ന്നും കി​ട്ടാ​നി​ല്ല. അ​ത് എ​ന്റെ ശ​രീ​ര​ത്തി​ന്റെ ആ​ത്മ​നി​യ​ന്ത്ര​ണ​ത്തി​നും അ​ച്ച​ട​ക്ക​ത്തി​നും വേ​ണ്ടി​യാ​ണ്. അ​തി​നാ​ൽത​ന്നെ എ​ന്റെ മ​ന​സ്സി​നെ നി​യ​ന്ത്രി​ക്കാ​ൻ ശ​രീ​ര​ത്തെ സ​ർ​വി​സ് ചെ​യ്യാ​ൻ ഞാ​നി​പ്പോ​ഴും പി​ന്തു​ട​രു​ന്ന ഒ​ന്നാ​ണ് എ​ന്നെ സം​ബ​ന്ധി​ച്ച് നോ​മ്പ്.

എ​ല്ലാ മ​ത​ങ്ങ​ളി​ലു​ള്ള നോ​മ്പു​ക​ളെ​യും ഞാ​ൻ അ​ങ്ങ​നെ​യാ​ണ് കാ​ണു​ന്ന​ത്. ഈ ​നി​മി​ഷം വ​രെ വ​ലി​യ രോ​ഗ​ങ്ങ​ൾ ഒ​ന്നും ഇ​ല്ലാ​തി​രി​ക്കു​ന്ന​തി​ന് ഒ​രു കാ​ര​ണം നോ​മ്പാ​ണെ​ന്ന് ഞാ​ൻ വി​ശ്വ​സി​ക്കു​ന്നു. ആ ​സ​ന്തോ​ഷ​മാ​ണ് പെ​രു​ന്നാ​ൾ. എ​ന്നാ​ൽ പെ​രു​ന്നാ​ളി​ന്റെ സ​ന്തോ​ഷ​ങ്ങ​ൾ​ക്കി​ട​ക്കും ഫ​ല​സ്തീ​നി​ല​ട​ക്കം ലോ​ക​ത്തി​ന്റെ പ​ല ഭാ​ഗ​ത്തും മ​നു​ഷ്യ​ർ​ക്കു​നേ​രെ ക്രൂ​ര​മാ​യ അ​ക്ര​മ​ങ്ങ​ളും അ​ധി​ക്ഷേ​പ​ങ്ങ​ളും മ​റ്റും അ​ര​ങ്ങേ​റു​ന്നു​ണ്ട്. എ​ല്ലാ മ​ത​വി​ഭാ​ഗ​ങ്ങ​ൾ​ക്കി​ട​യി​ലും വേ​ദ​നി​ക്കു​ന്ന​വ​രു​ണ്ട്. അ​വ​രെ ചേ​ർ​ത്തു പി​ടി​ച്ചു കൊ​ണ്ടാ​ക​ണം ന​മ്മു​ടെ പെ​രു​ന്നാ​ളാ​ഘോ​ഷ​ങ്ങ​ൾ.