ശബരിമല: ശബരിമല ദർശനത്തിനെത്തുന്ന തീർഥാടകരുടെ പ്രതിദിന എണ്ണം 90000 കടന്നു. ശനിയാഴ്ച ആറു മണി വരെ ലഭിച്ച കണക്ക് അനുസരിച്ച് 71176 ഭക്തർ ദർശനത്തിന് എത്തി. വെള്ളിയാഴ്ച 92,562 തീർഥാടകരാണ് ദർശനം നടത്തിയത്. ഇതിൽ 17425 പേർ സ്പോട്ട് ബുക്കിങ്ങിലൂടെയാണ് എത്തിയത്.
തീർഥാടകരുടെ എണ്ണം വർധിച്ചിട്ടും ശരംകുത്തി മുതൽ മാത്രമാണ് തീർഥാടകരുടെ ക്യൂ ഉണ്ടാവുന്നത്. പ്രസാദ വിതരണ കൗണ്ടറുകൾക്ക് മുമ്പിലും കാര്യമായ തിരക്ക് അനുഭവപ്പെടുന്നില്ല. അതേസമയം പമ്പയിലെ സ്പോട്ട് ബുക്കിങ് കേന്ദ്രത്തിൽ വൻ തിരക്കാണ് അനുഭവപ്പെടുന്നത്.
8 കൗണ്ടറുകളാണ് ഇവിടെ പ്രവർത്തിക്കുന്നത്. സ്പോട്ട് ബുക്കിങ്ങിന് എത്തുന്നവരുടെ തിരക്ക് പരിഗണിച്ച് കൗണ്ടറുകളുടെ എണ്ണം വർധിപ്പിക്കണമെന്ന ആവശ്യവും ഉയരുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.