അഫീഫ അറബി കാലിഗ്രഫി രചനകൾക്കൊപ്പം
മുക്കം: അറബിക് കാലിഗ്രഫിയിൽ വിസ്മയം തീർത്ത് വേറിട്ട വഴിയിലൂടെ സഞ്ചരിക്കുകയാണ് പുൽപറമ്പ് സ്വദേശി കെ.കെ. അഫീഫ. വിശുദ്ധ ഖുർആൻ വചനങ്ങൾ, പ്രവാചക വചനങ്ങൾ, അറബി പേരുകൾ, ആപ്തവാക്യങ്ങൾ എന്നിവ ആകർഷകവും വ്യത്യസ്തവുമായ രൂപങ്ങളിലും രീതികളിലും ആവിഷ്കരിക്കുകയാണ് ഈ പ്ലസ്ടു വിദ്യാർഥിനി.
നിരവധി ചിത്രങ്ങളാണ് ആക്രിലിക്, ഫാബ്രിക് പെയിൻറുകൾ ഉപയോഗിച്ച് കാൻവാസിലും ഐവറി പേപ്പറിലും ഒക്കെയായി ഈ മിടുക്കി വരച്ചുകൊണ്ടിരിക്കുന്നത്.
വരയ്ക്കുന്ന ചിത്രങ്ങൾ സമൂഹമാധ്യമങ്ങൾ മുഖേന പരസ്യപ്പെടുത്തുന്നതുകൊണ്ട് ധാരാളം ആവശ്യക്കാർ സമീപിക്കുന്നതായി അഫീഫ പറഞ്ഞു.
ചേന്ദമംഗലൂർ ഹയർ സെക്കൻഡറി സ്കൂൾ ഹ്യൂമാനിറ്റീസ് രണ്ടാം വർഷ വിദ്യാർഥിനിയാണ് അഫീഫ. പുൽപറമ്പ് ചങ്ങണഞ്ചേരി തഫ്സീറി‍െൻറയും ഉമ്മുകുൽസുവി‍െൻറയും മകളാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.