വാ​ടി​ത്ത​ള​രാ​തെ

പരിമിതികളെ കഴിവുകൊണ്ടും കഠിന പരിശ്രമംകൊണ്ടും കീഴടക്കി മുന്നേറുകയാണ് ലിജി. ഓ​ട്ടി​സം ബാ​ധി​ച്ച് ന​ട​ക്കാ​നോ ന​ന്നാ​യി സം​സാ​രി​ക്കാ​നോ​പോ​ലും ശേ​ഷ​ിയി​ല്ലാ​തെ കഴിയാതിരുന്ന ലിജിക്ക് ആത്മവിശ്വാസമായിരുന്നു തുണ

വീ​ടി​ന് സ​മീ​പ​ത്തു​ള്ള ക​ളി​ക്ക​ള​ത്തി​ന്റെ മ​തി​ലി​ലി​രു​ന്ന് മ​റ്റു​ള്ള​വ​രു​ടെ ഓ​ട്ട​വും ചാ​ട്ട​വും ക​ണ്ട് ത​നി​ക്കും അ​തു​പോ​ലെ ഓ​ട​ണ​മെ​ന്ന് അ​മ്മ​യോ​ട് വാ​ശിപി​ടി​ച്ചു ക​ര​ഞ്ഞ, പോ​ളി​യോ ബാ​ധി​ച്ച് കാ​ലു​ക​ൾ ത​ള​ർ​ന്ന് ന​ട​ക്കാ​ൻപോ​ലും ക​ഴി​യാ​ത്ത പെ​ൺ​കു​ട്ടി​യെ​ക്കു​റി​ച്ച് പ​ല​ർ​ക്കും അ​റി​യാ​നി​ട​യി​ല്ല. എ​ന്നാ​ൽ, 1960ലെ ​റോം ഒ​ളി​മ്പി​ക്സി​ൽ 100, 200 മീ​റ്റ​റി​ലും 4 x 100 മീ​റ്റ​ര്‍ റി​ലേ​യി​ലും സ്വ​ർണ​മെ​ഡ​ല്‍ വാ​രി​ക്കൂ​ട്ടി​യ വി​ല്‍മ റു​ഡോ​ള്‍ഫ് എ​ന്ന പെ​ണ്‍കു​ട്ടി​യു​ടെ ച​രി​ത്ര​മാ​ണി​തെ​ന്ന​റി​ഞ്ഞ​പ്പോ​ൾ ശാ​സ്ത്ര​ലോ​കം​പോ​ലും ഞെ​ട്ടി.

നാ​ലാം വ​യ​സ്സി​ല്‍ ഇ​ന്‍ഫ​ന്റ​യി​ല്‍ പ​രാ​ലി​സി​സ് എ​ന്ന​ രോ​ഗം ബാ​ധി​ച്ച് കി​ട​പ്പി​ലാ​യ മ​ക​ളെ വീ​ട്ടി​ലെ ജോ​ലി തീ​ർ​ക്കാ​നാ​യി​രു​ന്നു കു​റ​ച്ചു സ​മ​യ​ത്തേ​ക്ക് ഗ്രൗ​ണ്ടി​ന​രി​കി​ൽ ഇ​രു​ത്തി​യി​രു​ന്ന​ത്. ഒ​രി​ക്ക​ലും ന​ട​ക്കാ​ത്ത മ​ക​ളു​ടെ വാ​ശി​യെ​ കു​റി​ച്ച് കോ​ച്ചി​നോ​ട് പ​റ​ഞ്ഞ അ​മ്മ​യോ​ട് ഈ ​കു​ട്ടി വ​ലി​യൊ​രു ഓ​ട്ട​ക്കാ​രി​യാ​കു​മെ​ന്നാ​യി​രു​ന്നു കോ​ച്ചി​ന്റെ മ​റു​പ​ടി. ല​ക്ഷ്യ​ത്തി​ലേ​ക്കു​ള്ള കു​തി​പ്പി​ന് ത​ട​യി​ടാ​നെ​ത്തി​യ പോ​ളി​യോ എ​ന്ന രോ​ഗ​ത്തെ ഇ​ച്ഛാ​ശ​ക്തി​കൊ​ണ്ട് മ​റി​ക​ട​ന്ന ച​രി​ത്ര​മാ​യി​രു​ന്നു വി​ല്‍മ റു​ഡോ​ള്‍ഫി​ന്റേ​ത്. 1940ല്‍ ​അ​മേ​രി​ക്ക​യി​ല്‍ ജ​നി​ച്ച വി​ല്‍മ​യു​ടെ മ​ന​സ്സി​ൽ കാ​യി​ക​താ​ര​മാ​വു​ക എ​ന്ന ആ​ഗ്ര​ഹം വ​ള​ർ​ന്നു​വ​ന്നു.

ത​ള​ര്‍ന്ന കി​ട​പ്പി​ലും വി​ല്‍മ​ അത് സ്വ​പ്നം ക​ണ്ടു​കൊ​ണ്ടേയിരു​ന്നു. പ​തി​യെ അ​വ​ള്‍ ന​ട​ക്കാ​നും പി​ന്നീ​ട് ഗ്രൗ​ണ്ടി​ലൂ​ടെ ഓ​ടാ​നും. മ​ന​ശ്ശ​ക്തികൊ​ണ്ട് ശാ​രീ​രി​കാ​വ​ശ​ത​ക​ളെ മ​റി​ക​ട​ന്ന് ലോ​ക കാ​യി​ക ഭൂ​പ​ട​ത്തി​ല്‍ ത​ന്റെ പേ​ര് സ്വ​ർ​ണ​ലി​പി​ക​ളാ​ൽ ആ​ലേ​ഖ​നം ചെ​യ്ത വി​ല്‍മ​യെ പോ​ലെ പ​ല​രു​മു​ണ്ട് അ​റി​യ​പ്പെ​ടാ​തെ പോ​കു​ന്ന​വ​ർ.

ലി​ജി​യു​ടെ ക​ഥ

എ​ഴു​തി​യ ഡ​യ​റി​യും ക​ഥ​ക​ളും വാ​യി​ച്ചു കേ​ട്ടാ​ണ് ത​നി​ക്കും അ​തു​പോ​ലെ എ​ഴു​ത​ണ​മെ​ന്ന് ലി​ജി​ക്ക് തോ​ന്നി​യ​ത്. ഓ​ട്ടി​സം ബാ​ധി​ച്ച് ന​ട​ക്കാ​നോ ന​ന്നാ​യി സം​സാ​രി​ക്കാ​നോ​പോ​ലും ശേ​ഷ​ിയി​ല്ലാ​തെ ഒ​ന്നാം​ക്ലാ​സി​ൽ പാ​തി​വ​ഴി​യി​ൽ പ​ഠ​നം അ​വ​സാ​നി​പ്പി​ച്ച ഭി​ന്ന​ശേ​ഷി​ക്കാ​രി 23ാം വ​യ​സ്സി​ൽ ത​നി​ക്കും ക​വി​ത​യും ക​ഥ​യു​മൊ​ക്കെ എ​ഴു​ത​ണ​മെ​ന്ന് പ​റ​ഞ്ഞ​പ്പോ​ൾ നി​രാ​ശ​യും ഒ​പ്പം അ​ത്ഭു​ത​വു​മാ​യി​രു​ന്നു ടീ​ച്ച​ർ​മാ​ർ​ക്ക്.

എ​ന്നാ​ൽ നാ​ലു വ​ർ​ഷം മു​മ്പ് ‘ഞാ​ൻ’ എ​ന്ന ക​ഥ ടീ​ച്ച​ർ​ക്ക് മു​മ്പി​ൽ ലി​ജി അ​വ​ത​രി​പ്പി​ച്ച​പ്പോ​ൾ ശാ​രീ​രി​ക പ​രി​മി​തി​ക​ളെ തോ​ൽ​പി​ച്ച് മ​ന​സ്സി​നു​ള്ളി​ൽ അ​ടു​ക്കി​​െവ​ച്ചി​രു​ന്ന ക​ഴി​വു​ക​ളു​ടെ വ​ലി​യൊ​രു വാ​തി​ൽ അ​വി​ടെ തു​റ​ക്ക​പ്പെ​ടു​ക​യാ​യി​രു​ന്നു. ത​ന്റെ അ​മ്മ അ​മ്മി​ണി അ​ർ​ബു​ദ​ത്തോ​ട് മ​ല്ലി​ട്ട് എ​ട്ടാം വ​യ​സ്സി​ൽ ത​നി​ച്ചാ​ക്കി പോ​യ​പ്പോ​ൾ അ​ച്ഛ​മ്മ​യാ​യി​രു​ന്നു മേ​പ്പാ​ടി കു​ന്ന​മം​ഗ​ലം വ​യ​ലി​ൽ ലി​ജി വി​ജി​യു​ടെ ഏ​ക കൂ​ട്ട്.

മേ​പ്പാ​ടി​യിലെ സെ​ന്റ് ജോ​സ​ഫ്സ് സ്കൂ​ളി​ൽ ലി​ജി​യെ ഒ​ന്നാം ക്ലാ​സി​ൽ ചേ​ർ​ത്ത​തോ​ടെ അ​മ്മ ദി​വ​സ​വും രാ​വി​ലെ വീ​ട്ടി​ൽനി​ന്നും എ​ടു​ത്തു കൊ​ണ്ടു​പോ​യി ക്ലാ​സി​ൽ ഇ​രു​ത്തും. ഉ​ച്ച​യാ​വു​മ്പോ​ൾ ഭ​ക്ഷ​ണ​ത്തി​ന് വീ​ണ്ടും വീ​ട്ടി​ലേ​ക്ക് കൊ​ണ്ടു​വ​രും. വൈ​കു​ന്നേ​രം സ്കൂ​ൾ വി​ട്ടാ​ൽ വീ​ട്ടി​ലേ​ക്ക് തി​രി​കെ എ​ടു​ത്ത് കൊ​ണ്ടു​വ​രും. പ​ക്ഷേ ഇ​ത് അ​ധി​ക​നാ​ൾ നീ​ണ്ടു​നി​ന്നി​ല്ല. കാ​ൻ​സ​ർ ബാ​ധി​ത​യാ​യി അ​മ്മി​ണി കി​ട​പ്പി​ലാ​യ​തോ​ടെ ലി​ജി​യു​ടെ പ​ഠ​ന​വും മു​ട​ങ്ങി. താ​മ​സി​യാ​തെ അ​മ്മ മ​രി​ച്ചു.

അ​ച്ഛ​ൻ വി​ദേ​ശ​ത്താ​യ​തി​നാ​ൽ അ​ച്ഛ​മ്മ​യും ലി​ജി​യും മാ​ത്ര​മാ​യി പി​ന്നീ​ട് വീ​ട്ടി​ൽ. എ​ട്ടു വ​ർ​ഷം മു​മ്പ് ലി​ജി​യെ വി​ട്ട് അ​ച്ഛ​നും യാ​ത്ര​യാ​യ​തോ​ടെ ഒ​ന്നെ​ഴു​ന്നേ​റ്റ് ന​ട​ക്കാ​ൻ പോ​ലു​മാ​കാ​ത്ത ഭി​ന്ന​ശേ​ഷി​ക്കാ​രി​യാ​യ ലി​ജി​യെ ക​രു​ത​ലോ​ടെ പ​രി​ച​രി​ച്ചു കൊ​ണ്ടി​രി​ക്കു​ന്ന​ത് 85നോ​ട​ടു​ത്ത അ​ച്ഛ​മ്മ​യാ​യി​രു​ന്നു. നാ​ലു വ​ർ​ഷം മു​മ്പ് ടീ​ച്ച​ർ​ക്ക് പ​റ​ഞ്ഞുകൊ​ടു​ത്ത ക​ഥ ലി​ജി​യു​ടെ ജീ​വി​തം ത​ന്നെ​യാ​യി​രു​ന്നു.

അ​തെ​ല്ലാം ടീ​ച്ച​ർ​മാ​ർ പു​സ്ത​ക​ത്തി​ലേ​ക്ക് പ​ക​ർ​ത്തി​യെ​ഴു​തി​യ​തോ​ടെ കൂ​ടു​ത​ൽ ക​ഥ​ക​ളും ക​വി​ത​ക​ളും ലിജി​യു​ടെ ചെ​റി​യ മ​ന​സ്സി​ൽ നി​ന്ന് പി​റ​വി​യെ​ടു​ത്തു. ‘വാ​ടി​ത്ത​ള​ര​രു​തേ’ എ​ന്ന​താ​യി​രു​ന്നു ആ​ദ്യ ക​വി​ത. കു​റ​ഞ്ഞ കാ​ല​ത്തെ അ​മ്മ​യു​ടെ സ്നേ​ഹ​വും ത​ലോ​ട​ലും സ്പ​ർ​ശി​ക്കാ​ത്ത ഒ​രു ക​വി​ത​യും ക​ഥ​യും ലി​ജി​യി​ൽ നി​ന്ന് ജ​നി​ച്ചി​ട്ടി​ല്ല. പൂ​ക്ക​ളും പ്ര​കൃ​തി​യു​മൊ​ക്കെ ക​ഥ​ക്കും ക​വി​ത​ക്കും വി​ഷ​യ​മാ​ണെ​ങ്കി​ലും അ​തി​ലെ​ല്ലാം അ​മ്മ​യെ​ന്ന സ്നേ​ഹം കൂ​ടി​ക്ക​ല​രും.

അ​തി​ൽ എ​ല്ലാ​മു​ണ്ട്...

കേ​ര​ള​ത്തി​ന്റെ നെ​ഞ്ചു​ല​ച്ച ഉ​രു​ൾ ദു​ര​ന്ത​വും ലി​ജി​യു​ടെ ക​ഥ​യി​ലെ കേ​ന്ദ്ര​മാ​യി. ‘ഞാ​നും ഒ​ന്നു തീ​രു​മാ​നി​ച്ചി​ട്ടു​ണ്ട്, എ​ന്നെ പോ​ലെ ഉ​രു​ൾപൊ​ട്ട​ലി​ൽ ബാ​ക്കി​യാ​യ കു​റേ അ​നാ​ഥ ബാ​ല്യ​ങ്ങ​ളു​ണ്ട്. അ​വ​ർ​ക്ക് ചെ​റി​യ സ​ഹാ​യ​മാ​യി ന​ൽ​കാ​ൻ എ​ന്റെ പ​ഴ​യ ഒ​രു ജോ​ടി ക​മ്മ​ൽ വി​റ്റ് കാ​ശ് എ​ടു​ത്ത് ​െവ​ച്ചി​ട്ടു​ണ്ട്. അ​തി​ൽ എ​ന്റെ സ്നേ​ഹ​വും ക​രു​ത​ലും പ്രാ​ർ​ഥ​ന​യു​മെ​ല്ലാ​മു​ണ്ട്.’ അ​വ​ളെ​ഴു​തി. ഒ​രു ക​ഥ​യോ ക​വി​ത​യോ എ​ങ്കി​ലും എ​ഴു​താ​ത്ത ദി​വ​സ​ങ്ങ​ൾ ലി​ജി​യു​ടെ ജീ​വി​ത​ത്തി​ൽ ഇ​പ്പോ​ൾ ഇ​ല്ല. കൈ ​വ​ഴ​ങ്ങാ​ത്ത ലി​ജി ചി​ത്ര​ങ്ങ​ൾ വ​ര​ക്കാ​നും ശ്ര​മം ന​ട​ത്താ​റു​ണ്ട്.

ബ​ന്ധു​വി​ൽനി​ന്ന് സ്മാ​ർ​ട്ട് ഫോ​ൺ കി​ട്ടി​യ​തോ​ടെ സോ​ഷ്യ​ൽ മീ​ഡി​യ​യി​ലും സ​ജീ​വ​മാ​ണി​പ്പോ​ൾ ലി​ജി. അ​ടു​ത്തി​ടെ​യാ​ണ് യൂ​ട്യൂ​ബ് ചാ​ന​ലി​ന് തു​ട​ക്ക​മി​ട്ട​ത്. ‘ലി​ജി വ​യ​നാ​ട്’ എ​ന്ന യൂ​ട്യൂ​ബ് ചാ​ന​ലി​നും ഇ​ൻ​സ്റ്റ​ഗ്രാ​മി​നും ഇ​ന്ന് ഒ​ട്ടേ​റെ ആ​രാ​ധ​ക​രു​ണ്ട്. യൂട്യൂ​ബി​ൽ മി​ക്ക​വാ​റും എ​ല്ലാ ദി​വസ​ങ്ങ​ളി​ലും വിഡി​യോ അ​പ് ലോ​ഡ് ചെ​യ്യും. വി​ഡി​യോ എ​ടു​ക്കാ​ൻ ആ​രെ​ങ്കി​ലും സ​ഹാ​യി​ക്കും, ചി​ല​പ്പോ​ൾ സ്വ​യം​ത​ന്നെ ചെ​യ്യും.

ക​ൽ​പ​റ്റ ചാ​രി​റ്റ​ബ്​ൾ സൊ​സൈ​റ്റി​യു​ടെ മാ​സാ​ന്ത പെ​ൻ​ഷ​നും മെ​ഡി​ക്ക​ൽ സ​ഹാ​യ​വും ല​ഭി​ക്കു​ന്ന 75 കു​ട്ടി​ക​ളി​ൽ ഒ​രാ​ളാ​ണ് ലി​ജി. മേ​പ്പാ​ടി​യി​ലെ പൂ​ത്ത​ക്കൊ​ല്ലി​യി​ൽ പ്ര​വ​ർ​ത്തി​ക്കു​ന്ന ലേ​ക് ഷോ​ർ റി​ഹാ​ബി​ലി​റ്റേ​ഷ​ൻ സെ​ന്റ​റി​ൽ എ​ല്ലാ ദി​വ​സ​വും രാ​വി​ലെ കു​ന്ന​മം​ഗ​ലം വ​യ​ലി​ലെ വീ​ട്ടി​ൽ​നി​ന്ന് ലി​ജി​യും സ​ഹ​പാ​ഠി​ക​ളും എ​ത്തും. ഭി​ന്ന​ശേ​ഷി​ക്കാ​രാ​യ 30ഓ​ളം പേ​രു​ണ്ട് ഇ​വി​ടെ.