പവർ ലേഡി കവിത ടീച്ചർ

നൃ​ത്ത ചു​വ​ടി​ന്‍റെ കാ​ൽ​പെ​രു​മാ​റ്റ​ത്തെ സാ​ക്ഷി നി​ർ​ത്തി വെ​ല്ലു​വി​ളി​ക​ളെ അ​തി​ജീ​വി​ച്ചു വാ​ശി​യോ​ടെ പ്ര​യ​ത്നി​ച്ച് മു​ന്നേ​റു​ക​യാ​ണ് എ​റ​ണാ​കു​ളം വ​രാ​പ്പു​ഴ സ്വ​ദേ​ശി ക​വി​ത സു​രേ​ഷ്. അ​ൽ​ഐ​ൻ ഇ​ന്ത്യ​ൻ സ്കൂ​ളി​ലെ ഹി​ന്ദി അ​ധ്യാ​പി​ക​യാ​ണെ​ങ്കി​ലും പേ​രി​നെ അ​ർ​ഥ​വ​ത്താ​ക്കി ക​വി​ത എ​ഴു​ത്തി​ലും ക​വി​ത​ലാ​പ​ന​ത്തി​ലും ഗാ​നാ​ലാ​പ​ന​ത്തി​ലും നൃ​ത്ത​ത്തി​ലു​മെ​ല്ലാം നി​റ​ഞ്ഞു നി​ൽ​ക്കു​ക​യാ​ണ് ക​വി​ത ടീ​ച്ച​ർ. ക​ലാ കു​ടും​ബ​ത്തി​ൽ ജ​നി​ച്ച ക​വി​ത വ​ള​രെ ചെ​റു​പ്പം മു​ത​ലേ ക​ലാ​കാ​യി​ക​രം​ഗ​ത്ത് ക​ഴി​വ് തെ​ളി​യി​ച്ചി​ട്ടു​ണ്ട്. സ്കൂ​ൾ, കോ​ള​ജ് പ​ഠ​ന കാ​ല​ത്ത് നൃ​ത്ത രം​ഗ​ത്ത് സ​ജീ​വ​മാ​യി​രു​ന്നു. മാ​ർ​ഗം​ക​ളി, പ​രി​ച​മു​ട്ട് ക​ളി, നാ​ടോ​ടി നൃ​ത്തം, തി​രു​വാ​തി​ര, ക​ഥ​ക​ളി, സം​ഗ ഗാ​നം, പ്ര​സം​ഗം, ക​വി​ത ചൊ​ല്ല​ൽ എ​ന്നീ മ​ത്സ​ര​ങ്ങ​ളി​ൽ പ​ങ്കെ​ടു​ത്ത് നി​ര​വ​ധി സ​മ്മാ​ന​ങ്ങ​ൾ നേ​ടി​യി​ട്ടു​ണ്ട്. ബി.​എ​ഡി​ന് പ​ഠി​ക്കു​മ്പോ​ൾ ക​ലാ​തി​ല​ക​മാ​യി​രു​ന്നു. മ​ല​യാ​ളം, ഹി​ന്ദി ഭാ​ഷ​ക​ളി​ൽ പ്ര​സം​ഗി​ക്കാ​നും ക​വി​ത​ക​ൾ ചൊ​ല്ലാ​നും ന​ന്നാ​യി അ​ഭി​ന​യി​ക്കു​ക​യും ഗ​സ​ലു​ക​ൾ പാ​ടാ​നും ക​ഴി​വു​ണ്ട്.

നാ​ട്ടി​ൽ ഉ​പ​ജി​ല്ല, ജി​ല്ലാ ത​ല​ത്തി​ലു​ള്ള പ​രി​പാ​ടി​ക​ളു​ടെ വി​ധി​ക​ർ​ത്താ​വാ​യും കോ​ഡി​നേ​റ്റ​റാ​യും പ്ര​വ​ർ​ത്തി​ച്ചി​രു​ന്നു. എ​ൻ.​സി.​സി കേ​ഡ​റ്റ് ആ​യി​രി​ക്കെ ശി​ല്ലോ​ങ്ങി​ൽ ന​ട​ന്ന ഷൂ​ട്ടി​ങ്ങി​ൽ പ​ങ്കെ​ടു​ത്ത് ര​ണ്ടാം സ്ഥാ​നം ക​ര​സ്ഥ​മാ​ക്കി. നാ​ട്ടി​ലാ​യി​രി​ക്കു​മ്പോ​ൾ കു​ടും​ബ ശ്രീ​യി​ൽ അം​ഗ​മാ​യി​രു​ന്നു. കു​ടു​ബ​ശ്രീ അം​ഗ​ങ്ങ​ൾ​ക്ക് തീ​രു​വാ​തി​ര​യും മാ​ർ​ഗം ക​ളി​യും പ​ഠി​പ്പി​ക്കു​ന്ന​തി​ൽ നേ​തൃ​ത​വം ന​ൽ​കി. 2016ൽ ​ആ​ണ് അ​ൽ​ഐ​ൻ ഇ​ന്ത്യ​ൻ സ്കൂ​ളി​ൽ ജോ​ലി​ക്കെ​ത്തു​ന്ന​ത്. ക​ലാ​രം​ഗ​ത്തെ താ​ല്പ​ര്യ​മു​ള്ള കു​ട്ടി​ക​ളെ വി​വി​ധ പ​രി​പാ​ടി​ക​ൾ​ക്കാ​യി പ​രി​ശീ​ല​നം ന​ൽ​കു​ക​യും കു​വൈ​താ​ത്ത് ലു​ലു ഹൈ​പ്പ​ർ മാ​ർ​ക്ക​റ്റ്, അ​ൽ​ഐ​ൻ ഇ​ന്ത്യ​ൻ സോ​ഷ്യ​ൽ സെ​ന്‍റ​ർ, ഇ​ൻ​കാ​സ് എ​ന്നി​വ​രു​ടെ സ്റ്റേ​ജ് പ​രി​പാ​ടി​ക​ളി​ൽ വി​ദ്യാ​ർ​ഥി​ക​ൾ​ക്ക് അ​വ​സ​രം സ​മ്മാ​നി​ക്കാ​നും സാ​ധി​ച്ചു. ലു​ലു സെ​ന്‍റ​റി​ൽ ന​ട​ക്കു​ന്ന പ​ല പ​രി​പാ​ടി​ക​ളും ഏ​കോ​പി​പ്പി​ക്കു​ന്ന​ത്​ ഇ​വ​രാ​ണ്.

ഒ​ഴി​വ് ദി​വ​സ​ങ്ങ​ളി​ൽ പോ​ലും വി​ദ്യാ​ർ​ഥി​ക​ളെ സൗ​ജ​ന്യ​മാ​യി പ​രി​ശീ​ലി​പ്പി​ക്കു​ന്ന​തി​ൽ ആ​ന​ന്ദം ക​ണ്ടെ​ത്തു​ക​യാ​ണ്​ ക​വി​ത. വി​ദ്യാ​ർ​ത്ഥി​ക​ളു​ടെ ര​ക്ഷി​താ​ക്ക​ളു​ടെ അ​ക​മ​ഴി​ഞ്ഞ പി​ന്തു​ണ​യും പ്രോ​ത്സാ​ഹ​ന​വു​മാ​ണ് ഈ ​രം​ഗ​ത്ത് സ​ജീ​വ​മാ​യി തു​ട​രാ​ൻ ക​വി​ത​ക്ക് പ്ര​ചോ​ദ​നം. സ്വ​ന്ത​മാ​യി വാ​ഹ​ന​മി​ല്ലാ​ത്ത ഇ​വ​ർ ഈ ​ര​ക്ഷി​താ​ക്ക​ളു​ടെ സ​ഹാ​യ​ത്തോ​ടെ​യാ​ണ് അ​ൽ​ഐ​ന്‍റെ വി​വി​ധ ഭാ​ഗ​ങ്ങ​ളി​ലെ​ത്തി വി​ദ്യാ​ർ​ത്ഥി​ക​ളെ പ​രി​ശീ​ലി​പ്പി​ക്കു​ന്ന​ത്.

ഫു​ട്​​ബാ​ൾ ടീം ​അം​ഗ​വും വി​വി​ധ ഫു​ട്​​ബാ​ൾ മ​ത്സ​ര​ങ്ങ​ളി​ൽ റ​ഫ​റി​യാ​യും പ്ര​വ​ർ​ത്തി​ക്കു​ന്നു. ക​ഴി​ഞ്ഞ എ​ട്ടു​വ​ർ​ഷ​മാ​യി ബ്ലു ​സ്റ്റാ​ർ അ​ൽ​ഐ​ന്‍റെ അം​ഗ​വും വി​വി​ധ കാ​യി​ക മ​ത്സ​ര​ങ്ങ​ളു​ടെ വി​ധി​ക​ർ​ത്താ​വു​മാ​ണ്. കാ​യി​ക മ​ത്സ​ര​ങ്ങ​ളി​ൽ പ​ങ്കെ​ടു​ത്ത് നി​ര​വ​ധി സ​മ്മാ​ന​ങ്ങ​ൾ നേ​ടി​യി​ട്ടു​മു​ണ്ട്. വ​ടം വ​ലി ടീ​മി​ൽ അം​ഗ​മാ​യ ഇ​വ​ർ ദു​ബൈ​യി​ലും അ​ൽ​ഐ​നി​ലും ന​ട​ന്ന മ​ത്സ​ര​ങ്ങ​ളി​ൽ പ​ങ്കെ​ടു​ത്ത് വി​ജ​യ കി​രീ​ടം ചൂ​ടി​യി​രു​ന്നു. സേ​വ​ന പ്ര​വ​ർ​ത്ത​ന​ങ്ങ​ളി​ൽ ത​ല്പ​ര​രാ​യ ക​വി​ത ഇ​ന്ത്യ​ൻ സോ​ഷ്യ​ൽ സെ​ന്‍റ​റി​ലെ അം​ഗ​മാ​ണ്. ക​ലാ​കാ​ര​മാ​രു​ടെ കൂ​ട്ടാ​യ്മ​യാ​യ ദു​ബൈ​യി​ലെ എ​ൻ.​ടി.​ടി.​ഡി​യു​ടെ വ​നി​താ വി​ഭാ​ഗം കോ​ർ​ഡി​നേ​റ്റ​ർ ആ​ണ്.

മ​ല​യാ​ളം മി​ഷ​ൻ ഇ​ന്ത്യ​ൻ സോ​ഷ്യ​ൽ സെ​ൻ​റി​ൽ ന​ട​ത്തു​ന്ന മ​ല​യാ​ളം ക്ലാ​സി​ൽ അ​ദ്ധ്യാ​പി​ക​മാ​രി​ൽ ഒ​രാ​ളാ​ണ് ഇ​വ​ർ. വി​വി​ധ​യി​നം ഡാ​ൻ​സ് കൊ​റി​യോ​ഗ്ര​ഫി ചെ​യ്യു​ന്ന​തി​ന് പു​റ​മേ സ്വ​ന്ത​മാ​യി നൃ​ത്ത ചു​വ​ടു​ക​ൾ ചെ​യ്യു​ന്ന​തും ഡാ​ൻ​സ് മേ​ക്ക​പ്പു​മെ​ല്ലാം ചെ​യ്യു​ന്ന​ത് ഇ​വ​രു​ടെ താ​ല്പ​ര്യ​മു​ള്ള മേ​ഖ​ല​ക​ളാ​ണ്. ന​ല്ല ഒ​രു ഡ​ബ്ബി​ങ് ആ​ർ​ട്ടി​സ്റ്റ്കൂ​ടി​യാ​യ ഇ​വ​ർ സി​നി​മ​യി​ലും സീ​രി​യ​ലി​ലും ശ​ബ്ദം ന​ൽ​കി​യി​ട്ടു​ണ്ട്. ക​ലാ​രം​ഗ​ത്ത് നി​റ​ഞ്ഞു നി​ൽ​ക്കു​ന്ന മ​ക​ൾ കൃ​ഷ്ണ​പ്രി​യ അ​ൽ​ഐ​ൻ ഇ​ന്ത്യ​ൻ സ്കൂ​ളി​ൽ പ​ത്താം​ത​ര​ത്തി​ൽ പ​ഠി​ക്കു​ന്നു. വി​മു​ക്​​ത ഭ​ട​നാ​യ ഭ​ർ​ത്താ​വ് സു​രേ​ഷ് ​ഇ​പ്പോ​ൾ കാ​യി​ക അ​ധ്യാ​പ​ക​നാ​ണ്. അ​മ്മ ജ​യ​ല​ക്ഷ്മി അ​ച്ഛ​ൻ സെ​ൽ​വ​രാ​ജ്. മാ​താ​പി​താ​ക​ളു​ടെ പി​ന്തു​ണ​യും സ​ഹ​ക​ര​ണ​വു​മാ​ണ് ഈ ​മേ​ഖ​ല​യി​ലേ​ക്ക് ക​ട​ന്നു വ​രാ​ൻ പ്ര​ചോ​ദ​നം. സി​നി​മ പ്ര​വ​ർ​ത്ത​ക​രാ​യ ര​തീ​ഷ്, സെ​ന്തി​ൽ​കു​മാ​ർ എ​ന്നി​വ​ർ സ​ഹോ​ദ​ര​ങ്ങ​ളാ​ണ്.