മുസ്‍ലിം ലീഗ് ദേശീയ ജനറൽ സെക്രട്ടറി പി.കെ. കുഞ്ഞാലിക്കുട്ടി കർണാടക ശരീഅത്ത് അമീർ സഗീർ അഹമ്മദ് റഷാദിയുമായി കൂടിക്കാഴ്ച നടത്തുന്നു
ബംഗളൂരു: കർണാടക സംസ്ഥാന ശരീഅത്ത് അമീർ സഗീർ അഹമ്മദ് റഷാദിയെ മുസ്‍ലിം ലീഗ് ദേശീയ ജനറൽ സെക്രട്ടറി പി.കെ. കുഞ്ഞാലിക്കുട്ടി സന്ദർശിച്ചു. സംസ്ഥാനത്തെയും രാജ്യത്തെയും ന്യൂനപക്ഷ സമുദായം അനുഭവിക്കുന്ന പ്രയാസങ്ങളിലുള്ള ആശങ്ക ഇരുവരും പങ്കുവെച്ചു.
കർണാടക നിയമസഭ തെരഞ്ഞെടുപ്പിൽ വോട്ടുകൾ ഭിന്നിച്ചുപോകാതെ മതേതര സ്ഥാനാർഥികൾക്ക് നൽകി ഫാഷിസ്റ്റ് വർഗീയശക്തികളെ ഭരണത്തിൽനിന്ന് അകറ്റിനിർത്താൻ എല്ലാവരും ജാഗ്രതയോടെ നിലകൊള്ളണമെന്ന് സഗീർ അഹ്മദ് റഷാദി അഭിപ്രായപ്പെട്ടു.
മുസ്‍ലിം ലീഗിന്റെ മുൻകാല നേതാക്കളായ ഖാഇദേ മില്ലത്ത് മുഹമ്മദ് ഇസ്മായിൽ സാഹിബ്, അബ്ദുറഹ്മാൻ ബാഫഖി തങ്ങൾ, സി.എച്ച്. മുഹമ്മദ് കോയ, മുഹമ്മദലി ശിഹാബ് തങ്ങൾ, ഇ. അഹമ്മദ് തുടങ്ങിയവർ മുൻകാലങ്ങളിൽ സ്ഥാപനം സന്ദർശിച്ചത് കുഞ്ഞാലിക്കുട്ടി ഓർമിപ്പിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.