ബംഗളൂരു: കൈരളീ കലാസമിതിയുടെ ഈ വർഷത്തെ ഓണാഘോഷം സെപ്റ്റംബർ 17 ന് കൈരളീ കലാസമിതി ഓഡിറ്റോറിയത്തിൽ നടക്കും.
രാവിലെ എട്ടു മുതൽ 9.30 വരെ പൂക്കള മത്സരം, 10 മുതൽ കൈരളീ മഹിളാവേദി, യുവജനവേദി, കൈരളീ നിലയം വിദ്യാർഥികൾ എന്നിവർ അവതരിപ്പിക്കുന്ന വിവിധയിനം കലാപരിപാടികൾ, തുടർന്ന് വിഭവ സമൃദ്ധമായ ഓണസദ്യ എന്നിവ ഉണ്ടായിരിക്കും. രാവിലെ 11.30 നു നടക്കുന്ന പൊതു സമ്മേളനത്തിൽ നടനും എം.എൽ.എയുമായ മുകേഷ്, എഴുത്തുകാരൻ സി.വി. ബാലകൃഷ്ണൻ, കെ.ആർ. പുരം മുൻ എം.എൽ.എ നന്ദിഷ റെഡ്ഡി എന്നിവർ അതിഥികളായി പങ്കെടുക്കും.
വൈകിട്ട് 3.30 മുതൽ കാസർഗോഡ് നിലമംഗലം റോസ് റോക്കേഴ്സ് അവതരിപ്പിക്കുന്ന 25 ൽ പരം കലാകാരൻമ്മാർ അണിനിരക്കുന്ന ഫ്യൂഷൻ ശിങ്കാരിമേളം, കലാനിധി നൃത്യമന്ദിരം സ്നേഹാദേവാനന്ദൻ ആൻഡ് ട്രൂപ്പിന്റെ നൃത്യം, പ്രശസ്ത സിനിമാ പിന്നണി ഗായകരായ ഉണ്ണി മേനോൻ, ദുർഗ്ഗാ വിശ്വനാഥ് എന്നിവർ നയിക്കുന്ന മെഗാ ഗാനമേള എന്നിവയും അരങ്ങേറും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.