ട്രാ​ക്ക്മാ​ന്റെ മ​ന​സ്സാ​ന്നി​ധ്യം വ​ൻ ട്രെ​യി​ൻ ദു​ര​ന്തം ഒ​ഴി​വാ​യി

മം​ഗ​ളൂ​രു: കൊ​ങ്ക​ൺ പാ​ത​യി​ൽ കും​ത​ക്കും ഹൊ​ന്നാ​വ​റി​നും ഇ​ട​യി​ൽ സം​ഭ​വി​ക്കു​മാ​യി​രു​ന്ന വ​ൻ ട്രെ​യി​ൻ ദു​ര​ന്തം ട്രാ​ക്ക്മാ​ൻ മ​ഹാ​ദേ​വ​യു​ടെ ത​ത്സ​മ​യ ഇ​ട​പെ​ട​ൽ​മൂ​ലം ഒ​ഴി​വാ​യി. വെ​ൽ​ഡ് ചെ​യ്ത ഭാ​ഗ​ത്ത് വി​ള്ള​ൽ ക​ണ്ട മ​ഹാ​ദേ​വ അ​ര കി​ലോ​മീ​റ്റ​ർ ട്രാ​ക്കി​ലൂ​ടെ ഓ​ടി തി​രു​വ​ന​ന്ത​പു​രം-​ഡ​ൽ​ഹി രാ​ജ​ധാ​നി എ​ക്സ്പ്ര​സ് കൊ​ടി കാ​ട്ടി നി​ർ​ത്തു​ക​യാ​യി​രു​ന്നു. വെ​ള്ളി​യാ​ഴ്ച പു​ല​ർ​ച്ച നാ​ല​ര​യോ​ടെ​യാ​ണ് പ​തി​വ് പാ​ളം പ​രി​ശോ​ധ​ന​ക്കി​ടെ മ​ഹാ​ദേ​വ വി​ള്ള​ൽ ക​ണ്ട​തെ​ന്ന് റെ​യി​ൽ​വേ അ​ധി​കൃ​ത​ർ അ​റി​യി​ച്ചു.

ഉ​ട​ൻ കും​ത സ്റ്റേ​ഷ​നി​ൽ ബ​ന്ധ​പ്പെ​ട്ടെ​ങ്കി​ലും രാ​ജ​ധാ​നി എ​ക്സ്പ്ര​സ് സ്റ്റേ​ഷ​ൻ വി​ട്ടി​രു​ന്നു. ലോ​ക്കോ പൈ​ല​റ്റി​നെ നേ​രി​ട്ട് ബ​ന്ധ​പ്പെ​ടാ​നു​ള്ള ശ്ര​മം പ​രാ​ജ​യ​പ്പെ​ട്ടു. തു​ട​ർ​ന്ന് വി​ള്ള​ൽ ക​ണ്ടി​ട​ത്തു​നി​ന്ന് ട്രെ​യി​ൻ വ​രു​ന്ന ഭാ​ഗ​ത്തേ​ക്ക് അ​ഞ്ചു മി​നി​റ്റി​നു​ള്ളി​ൽ അ​ര​കി​ലോ​മീ​റ്റ​ർ ഓ​ടി ചു​വ​ന്ന​കൊ​ടി കാ​ണി​ച്ചു.

വി​ള്ള​ൽ ക​ണ്ടെ​ത്തി​യ ഭാ​ഗ​ത്ത് എ​ത്തും മു​മ്പ് ട്രെ​യി​ൻ നി​ന്നു. പി​ന്നീ​ട് ട്രാ​ക്ക് നേ​രെ​യാ​ക്കി​യ​ശേ​ഷം രാ​ജ​ധാ​നി എ​ക്സ്പ്ര​സ് യാ​ത്ര തു​ട​ർ​ന്നു. കൊ​ങ്ക​ൺ റെ​യി​ൽ​വേ സി.​എം.​ഡി സ​ന്തോ​ഷ് കു​മാ​ർ മ​ഹാ​ദേ​വ​യെ 15000 രൂ​പ പാ​രി​തോ​ഷി​കം ന​ൽ​കി ആ​ദ​രി​ച്ചു.