യു​വ​തി​യെ വീ​ട്ടി​ൽ ക​യ​റി കു​ത്തി​ക്കൊ​ന്നു

ബം​ഗ​ളൂ​രു: ഹു​ബ്ബ​ള്ളി ന​ഗ​ര​ത്തി​ൽ ബെ​ൻ​ഡി​ഗേ​രി പൊ​ലീ​സ് സ്റ്റേ​ഷ​ൻ പ​രി​ധി​യി​ൽ ബു​ധ​നാ​ഴ്ച പു​ല​ർ​ച്ച യു​വാ​വ് വീ​ട്ടി​ൽ അ​തി​ക്ര​മി​ച്ച് ക​യ​റി യു​വ​തി​യെ കു​ത്തി​ക്കൊ​ന്നു. വീ​ര​പു​ര ഓ​നി​യി​ൽ അ​ഞ്ജ​ലി അം​ബി​ഗെ​ര​യാ​ണ് (20) കൊ​ല്ല​പ്പെ​ട്ട​ത്. അ​ക്ര​മി കെ. ​വി​ശ്വ എ​ന്ന ഗി​രീ​ഷ് (27) കൃ​ത്യം ചെ​യ്ത​ശേ​ഷം ര​ക്ഷ​പ്പെ​ട്ടു. പു​ല​ർ​ച്ച അ​ഞ്ച​ര​യോ​ടെ​യാ​ണ് ഹു​ബ്ബ​ള്ളി​ക്ക് മ​റ്റൊ​രു ആ​ഘാ​ത​മാ​യി കൊ​ല​പാ​ത​കം ന​ട​ന്ന​ത്. എം.​സി.​എ വി​ദ്യാ​ർ​ഥി​നി നേ​ഹ ഹേ​മ​ന്ത് (23) കാ​മ്പ​സി​ൽ കു​ത്തേ​റ്റ് മ​രി​ച്ച സം​ഭ​വ​ത്തി​ന്റെ ഞെ​ട്ട​ൽ മാ​റി​യി​ട്ടി​ല്ല. യു​വ​തി​യു​ടെ വ​ല്യ​മ്മ ഗം​ഗ​മ്മ​യും സ​ഹോ​ദ​രി​മാ​രും മാ​ത്ര​മു​ള്ള സ​മ​യ​ത്താ​ണ് അ​ക്ര​മി വീ​ട്ടി​ൽ എ​ത്തി​യ​തെ​ന്ന് പൊ​ലീ​സ് പ​റ​ഞ്ഞു. യു​വ​തി​യെ വ​ലി​ച്ചി​ഴ​ച്ച് അ​ടു​ക്ക​ള ഭാ​ഗ​ത്തേ​ക്ക് കൊ​ണ്ടു​പോ​യി ക​ത്തി ഉ​പ​യോ​ഗി​ച്ച് തു​രു​തു​രാ കു​ത്തി കൊ​ല്ലു​ക​യാ​യി​രു​ന്നു. ര​ക്ഷി​താ​ക്ക​ൾ അ​റി​യാ​തെ ഒ​രു​മി​ച്ച് മൈ​സൂ​രു​വി​ൽ പോ​വാ​ൻ അ​ഞ്ജ​ലി​യെ വി​ശ്വ നി​ർ​ബ​ന്ധി​ച്ചി​രു​ന്ന​താ​യി മു​ത്ത​ശ്ശി പ​റ​ഞ്ഞു. യു​വാ​വി​ന്റെ മോ​ശം പ​ശ്ചാ​ത്ത​ലം അ​റി​യു​ന്ന​തി​നാ​ൽ ഇ​തു​സം​ബ​ന്ധി​ച്ച് താ​ൻ പൊ​ലീ​സി​ൽ പ​രാ​തി ന​ൽ​കി​യി​രു​ന്നു.

വ​ഴ​ങ്ങി​യി​ല്ലെ​ങ്കി​ൽ നേ​ഹ​യു​ടെ അ​നു​ഭ​വം ഓ​ർ​മ വേ​ണം എ​ന്ന് അ​ഞ്ജ​ലി​യെ ഭീ​ഷ​ണി​പ്പെ​ടു​ത്തി​യ കാ​ര്യം ഉ​ണ​ർ​ത്തി​യാ​യി​രു​ന്നു പ​രാ​തി. വി​ശ്വ ബൈ​ക്ക് മോ​ഷ​ണം ഉ​ൾ​പ്പെ​ടെ നി​ര​വ​ധി കേ​സു​ക​ളി​ൽ പ്ര​തി​യാ​ണെ​ന്ന് പൊ​ലീ​സ് അ​റി​യി​ച്ചു.