മീ ടൂ വെളിപ്പെടുത്തലുകളെ പിന്തുണച്ച് നിരവധി പേരാണ് രംഗത്തുവരുന്നത്. അക്ഷയ് കുമാർ, ആമിർ ഖാൻ, അമിതാഭ് ബച്ചൻ, അജയ് ദേവ്ഗൺ എന്നീ താരങ്ങളാണ് പിന്തുണയുമായി രംഗത്തെത്തിയത്. അതിനിടെ അമിതാഭ് ബച്ചനെതിരെ ആരോപണവുമായി സെലിബ്രിറ്റി ഹെയര്‍ സ്റ്റൈലിസ്റ്റ് സപ്ന ഭവ്നാനി രംഗത്തെത്തി. നിങ്ങളെ കുറിച്ചുള്ള സത്യവും വൈകാതെ പുറത്തു വരുമെന്ന് സപ്ന ട്വിറ്ററില്‍ കുറിച്ചു.
ഇതു വരെ കേട്ട ഏറ്റവും വലിയ നുണയാണ് ഇത്. താങ്കളുടെ ചിത്രമായ 'പിങ്ക്' തിയേറ്ററില്‍ വന്നു തിരിച്ചു പോയത് പോലെ താങ്കളുടെ ആക്ടിവിസവും വൈകാതെ തിരിച്ചു പോകും. നിങ്ങളുടെ സത്യം വൈകാതെ പുറത്തു വരും. അപ്പോള്‍ നഖങ്ങള്‍ മാത്രം കടിച്ചാല്‍ മതിയാവില്ല, കൈകള്‍ മുഴുവന്‍ കടിക്കേണ്ട അവസ്ഥയാവും. നിങ്ങളുടെ മോശംപെരുമാറ്റം സംബന്ധിച്ച് നിരവധി കഥകൾ കേട്ടിട്ടുണ്ട്. ഈ സ്ത്രീകൾ പുറത്തുവരുമെന്നാണ് പ്രതീക്ഷിക്കുന്നത്.
-സപ്ന ഭവ്നാനി
തൊഴിലിടങ്ങളിലെ സ്ത്രീകളെ അപമാനിക്കുന്നത് അങ്ങേയറ്റം മനുഷ്യത്വരഹിതമാണ്. എല്ലാ മേഖലകളിലും സ്ത്രീ പ്രാതിനിധ്യം വർധിച്ചുകൊണ്ടിരിക്കുന്ന കാലമാണിത്. ഇത്തരം വിഷയങ്ങളില്‍ കര്‍ശന നടപടികള്‍ സ്വീകരിക്കണം. സ്ത്രീകളോടുള്ള ബഹുമാനവും സാംസ്‌കാരിക മൂല്യങ്ങളും പ്രാരംഭ വിദ്യാഭ്യാസഘട്ടം മുതല്‍ രൂപപ്പെടേണ്ടതാണ്. എപ്പോഴും സ്ത്രീകളുടെ പ്രശ്‌നം മനസിലാക്കി അവര്‍ക്കൊപ്പം നില്‍ക്കുമെന്നുമാണ് അമിതാഭ് ബച്ചൻ ട്വിറ്ററിൽ കുറിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.