തമിഴ്നാട് മുൻ മുഖ്യമന്ത്രി ജയലളിതയുടെ ജീവിതം പറയുന്ന ‘‘തലൈവി’’ സിനിമയുടെ പുതിയ പോസ്റ്റർ പുറത്തിറക്കി. ജയലളിതയുടെ 72ാം പിറന്നാളിനോട് അനുബന്ധിച്ചാണ് തിങ്കളാഴ്ച പോസ്റ്റർ പുറത്തിറക്കിയത്. എ.എൽ. വിജയ് സംവിധാനം ചെയ്യുന്ന ചിത്രത്തിൽ കങ്കണ റണാവത്താണ് ജയലളിതയായി എത്തുന്നത്.
വെള്ള സാരിയുടുത്ത് നെറ്റിയിൽ ചുമന്ന വലിയ പൊട്ടുതൊട്ട് ചിരിക്കുന്ന മുഖവുമായി നിൽക്കുന്ന ജയലളിതയുടെ ചിത്രത്തിന് സാമ്യമുള്ളതാണ് േപാസ്റ്റർ. കൂടാതെ മറ്റൊരു പോസ്റ്റിൽ ജയലളിതയുടെ ഒറിജിനൽ ചിത്രവും പങ്കുവെച്ചിട്ടുണ്ട്. ചിത്രത്തിൻെറ അണിയറ പ്രവർത്തകരാണ് സാമൂഹ്യമാധ്യമങ്ങളിലൂടെ പോസ്റ്റർ പങ്കുവെച്ചത്.
ജയലളിതയുടെ ജീവിതത്തിലെ അധികം ആരും അറിയാത്ത കാര്യങ്ങളിലേക്ക് ചിത്രം വെളിച്ചം വീശാൻ ശ്രമിക്കുന്നുവെന്നും പോസ്റ്ററിനൊപ്പം പങ്കുവെച്ച കുറിപ്പിൽ പറയുന്നു.
‘തലൈവി’ ജയലളിതയുടെ സിനിമ- രാഷ്ട്രീയ ജീവിതം ചൂണ്ടിക്കാണിക്കുന്നതാണെന്ന് നേരത്തേ പുറത്തിറക്കിയ ചിത്രത്തിൻെറ ടീസറിൽനിന്നും വ്യക്തമായിരുന്നു. ജയലളിതയുടെ പഴയകാല സിനിമയിലെ ഒരു നൃത്തരംഗവും രാഷ്ട്രീയക്കാരിയായ ശേഷമുള്ള അവരുടെ രൂപമാറ്റവുമായിരുന്നു ടീസറിൽ.
ചിത്രം തമിഴിയിലും ഹിന്ദിയിലും ഒരേസമയം പുറത്തിറങ്ങുമെന്നാണ് വിവരം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.