വാഷിങ്ടൺ: തൊണ്ണുറാമത് ഒാസ്കാർ പുരസ്കാരങ്ങൾക്കുള്ള നോമിനേഷനുകൾ പ്രഖ്യാപിച്ചു. 13 നോമിനേഷനുകളുമായി അമേരിക്കൻ ഫാൻറസി ഡ്രാമ വിഭാഗത്തിൽപ്പെട്ട ചിത്രം ഷെയ്പ് ഒാഫ് വാട്ടർ മുന്നിൽ നിൽക്കുന്നു. മികച്ച ചിത്രം, സംവിധായകൻ, നടി ഉൾപ്പടെയുള്ള പ്രധാനപ്പെട്ട വിഭാഗങ്ങളിലെ നോമിനേഷനുകളാണ് ചിത്രം നേടിയത്. ക്രിസ്റ്റഫർ നോളൻ സംവിധാനം ചെയ്ത ഡൺകിർകിന് എട്ട് നോമിനേഷനുകൾ ലഭിച്ചു.
ഒൻപത് ചിത്രങ്ങളാണ് മികച്ച ചിത്രത്തിനായി മൽസരിക്കുന്നത്. ഗാരി ഒാൾഡ്മാൻ, ഡെൻസെൽ വാഷിങ്ടൺ, ഡാനിയൽ ഡെ ലൂവിസ്, തിമോത്തി കാലമെറ്റ്. ഡാനിയൽ കലുയ തുടങ്ങിയവരാണ് മികച്ച നടനുള്ള മൽസരത്തിൽ.
ഷേപ്പ് ഓഫ് വാട്ടറിലെ സല്ലി ഹവ്കിൻസ്, ലേഡി ബേർഡിലെ സൗർസ് റോനാൻ, ദി പാസ്റ്റിലെ മേറിൽ സ്ട്രീപ്പ്, ടോനിയയിലെ മാർഗറ്റ് റോബി, ത്രീ ബിൽബോർഡ്സ് ഔട്സൈഡിലെ ഫ്രാൻസെസ് എന്നിവരാണ് മികച്ച നടിക്കുള്ള നോമിനേഷനുകളിൽ ഉൾപ്പെട്ടിരിക്കുന്നത്.
ക്രിസ്റ്റപർ നോളൻ, പോൾ തോമസ് അൻജഡേർസൻ, ജോർദൻ പീലി, ഗില്ലെർമോ ഡെൽ ടോറോ, ഗ്രേറ്റാ ഗെര്ഡവിങ് എന്നിവർ മികച്ച സംവിധായകരുടെ പട്ടികയിലുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.