മുംബൈ: ബോളിവുഡ് നടൻ ദിലീപ് കുമാറി (93)നെ ആശുപത്രിയിൽ പ്രവേശിപ്പിച്ചു. കാൽമുട്ടിനു വേദനയും നീരും അനുഭവപ്പെട്ടതിനെത്തുടർന്നാണ് ഇദ്ദേഹത്തെ ആശുപത്രിയിൽ പ്രവേശിപ്പിച്ചത്. മുബൈയിലെ ലീലാവതി ആശുപത്രിയിലാണ് ഇദ്ദേഹത്തെ പ്രവേശിപ്പിച്ചിട്ടുള്ളത്.
.@TheDilipKumar hospitalised, tweets that he is feeling better #DilipKumarhttps://t.co/VVoeufLzF3 pic.twitter.com/psJGAOhLhN
— India Today Showbiz (@Showbiz_IT) December 7, 2016
ഭാര്യ സൈറാ ഭാനുവിനൊപ്പം ആശുപത്രിയിൽ നിന്നുള്ള ചിത്രം താരം താരം തന്നെയാണ് ട്വിറ്ററിലൂടെ പോസ്റ്റ് ചെയ്ത്. താൻ ആരോഗ്യവാനായി ഇരിക്കുകയാണെന്നും താരം തന്നെ ട്വീറ്റിലൂടെ അറിയിച്ചു. ഈ വർഷം ഇത് രണ്ടാം തവണയാണ് ദിലീപ് കുമാറിനെ ആശുപത്രിയിൽ പ്രവേശിപ്പിക്കുന്നത്. ഇക്കഴിഞ്ഞ ഏപ്രിലിൽ ശ്വാസകോശ സംബന്ധമായ അസുഖം മൂലം അദ്ദേഹത്തെ ഇതേ ആശുപത്രിയിൽ പ്രവേശിപ്പിച്ചിരുന്നു. ഡിസംബർ 11ന് അദ്ദേഹത്തിന്റെ 94മത്തെ ജന്മദിനമാണ്.
മുഹമ്മദ് യൂസുഫ് ഖാൻ എന്ന ദിലീപ് കുമാറിന്റെ പ്രധാന ചിത്രങ്ങൾ മധുമിത, ദേവ്ദാസ്, ഗംഗാ ജമുന, മുതലായവയാണ്. 1998 ഖില എന്ന ചിത്രത്തിലാണ് ഒടുവിൽ അഭിനയിച്ചത്. 1991ൽ പത്മഭൂഷണും 2015ൽ പത്മവിഭൂഷണും നൽകി രാജ്യം അദ്ദേഹത്തെ ആദരിച്ചു. ആസാദ് എന്ന ചിത്രത്തിലൂടെ മികച്ച നടനുള്ള ആദ്യ ഫിലിം ഫെയർ അവാർഡ് നേടിയതും ദിലീപ് കുമാറാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.