ശ്രു​തി​യി​ൽ നി​ന്നു​യ​രും നാ​ദ​ശ​ല​ഭ​ങ്ങ​ൾ

മ​ല​യാ​ള ച​ല​ച്ചി​ത്ര സം​ഗീ​ത​ത്തി​ൽ സ്വ​കീ​യ​മാ​യ ശൈ​ലീവൈ​വി​ധ്യം കൊ​ണ്ട് ശ്ര​ദ്ധേ​യ​നാ​യ സം​ഗീ​ത സം​വി​ധാ​യ​ക​നാ​ണ് സാ​മു​വ​ൽ ജോ​സ​ഫ് എ​ന്ന ശ്യാം. ​മ​ല​യാ​ള​ത്തി​ൽ എ​ൺ​പ​തു​ക​ളാ​യി​രു​ന്നു ശ്യാ​മി​ന്റെ പാ​ട്ടു​കാ​ലം. സ്വ​ര​ങ്ങ​ളി​ലൂ​ടെ​യു​ള്ള സ്നേ​ഹ​സ്പ​ർ​ശ​മാ​ണ് ശ്യാ​മി​ന്റെ ഈ​ണം. പാ​ട്ട്, ശ്യാ​മി​ന്റെ സം​ഗീ​ത​ത്തി​ൽ അ​നു​പ​മ വി​രു​ന്നാ​യി മാ​റി. ച​ല​ച്ചി​ത്ര സ​ന്ദ​ർ​ഭ​ങ്ങ​ളു​ടെ പ​രി​മി​ത വൃ​ത്ത​ങ്ങ​ളി​ൽ​നി​ന്ന് പാ​ട്ടി​നെ ഈ​ണ​ത്തി​ന്റെ​യും താ​ള​ത്തി​ന്റെ​യും ബ​ഹു​വ​ർ​ണ സീ​മ​ക​ളി​ലേ​ക്ക് ന​യി​ച്ചു ശ്യാം. ​ശ്യാ​മി​ന്റെ ഗാ​ന​ങ്ങ​ളു​ടെ സൗ​ന്ദ​ര്യം അ​തി​ലു​ള്ള ഈ​ണ​ത്തി​ന്റെ അ​നു​ഭൂ​തി സാ​ന്ദ്ര​ത​യാ​ണ്. അ​ത് പ​ല​പ്പോ​ഴും പ്രേ​മ​ത്തി​ന്റെ ഭാ​ഷ​യി​ൽ പ്ര​വ​ർ​ത്തി​ക്കു​ന്നു. അ​തി​ലൊ​രു ഈ​ണ​ത്തി​ന്റെ സൂ​ക്ഷ്മ​മാ​യ ചേ​ർ​ച്ച​യു​ണ്ട്. ഈ​ണ​ത്തെ താ​ള​ത്തി​ൽ​നി​ന്ന് വേ​ർ​തി​രി​ക്കാ​നാ​വാ​ത്ത​ത്ര മാ​ത്ര​മു​ള്ള അ​വി​ഭാ​ജ്യ​ത. ച​ല​നാ​വേ​ശം നി​റ​ഞ്ഞ ഒ​രു കാ​ൽ​പ​നി​ക ഈ​ണ​ത്തി​ന്റെ ഉ​ത്സ​വ​മാ​ണ് ശ്യാ​മി​ന്റെ പാ​ട്ടു​ക​ളു​ടെ അ​ന്ത​രം​ഗം.

രാ​ഗ​ത്തി​ന്റെ ഹൃ​ദ​യ​ഭാ​ഗ​മെ​ടു​ത്ത് ഓ​ർ​ക്ക​സ്ട്രേ​ഷ​നി​ൽ ല​യി​പ്പി​ക്കു​മ്പോ​ൾ ഉ​ണ്ടാ​കു​ന്ന അ​പൂ​ർ​വാ​നു​ഭൂ​തി​യാ​ണ് ശ്യാ​മ സം​ഗീ​ത​ത്തി​ന്റെ സൗ​ന്ദ​ര്യ​സാ​ക​ല്യം. വെ​സ്റ്റേ​ൺ കോ​ഡ് സ​മ്പ്ര​ദാ​യ​ത്തെ അ​ടി​സ്ഥാ​ന​മാ​ക്കി ചി​ട്ട​പ്പെ​ടു​ത്തി​യ ജ​ന​പ്രി​യ സം​ഗീ​ത​ത്തി​ന്റെ കാ​ൽ​പ​നി​ക ധാ​ര​യാ​യി​രു​ന്നു ശ്യാ​മി​ന്റെ സം​ഗീ​തം. സം​ഗീ​ത വൈ​വി​ധ്യം സ്വീ​ക​രി​ക്കു​മ്പോ​ൾ ത​ന്നെ അ​വ​യെ സ്വ​കീ​യ​മാ​യി വ്യാ​ഖ്യാ​നി​ക്കു​ക​യാ​യി​രു​ന്നു ശ്യാം. ​ദേ​വ​രാ​ജ​നും ബാ​ബു​രാ​ജും രാ​ഘ​വ​നും ദ​ക്ഷി​ണാ​മൂ​ർ​ത്തി​യും ചേ​ർ​ത്ത് നി​ർ​മി​ച്ചെ​ടു​ത്ത ക്ലാ​സി​ക് യു​ഗ​ത്തി​ന്റെ അ​സ്ത​മ​ന​കാ​ല​ത്താ​ണ് ശ്യാം ​മ​ല​യാ​ള ച​ല​ച്ചി​ത്ര സം​ഗീ​ത വേ​ദി​യി​ലേ​ക്ക് ക​ട​ന്നു​വ​രു​ന്ന​ത്. കാ​ൽ​പ​നി​ക​വും പാ​ശ്ചാ​ത്യ​വും നാ​ടോ​ടി പ്ര​കൃ​ത​വു​മാ​യ ഒ​ട്ടേ​റെ ഈ​ണ​ങ്ങ​ളു​ടെ പ​രി​ക​ൽ​പ​ന​ക​ൾ ശ്യാ​മി​ന്റെ സം​ഗീ​ത പ​രി​സ​ര​ത്തെ ആ​ക​ർ​ഷ​ക​മാ​ക്കു​ന്നു. വ​യ​ലി​നി​സ്റ്റാ​യി സി​നി​മാ ജീ​വി​ത​ത്തി​ലേ​ക്ക് പ്ര​വേ​ശി​ച്ച ശ്യാം ​എം.​എ​സ്.​വി​യു​ടെ​യും സ​ലീ​ൽ​ദാ​യു​ടെ​യും ഓ​ർ​ക്ക​സ്ട്രേ​ഷ​ൻ സ​ഹാ​യി കൂ​ടി​യാ​യി​രു​ന്നു. ‘മാ​ന്യ​ശ്രീ വി​ശ്വാ​മി​ത്ര​ൻ’ എ​ന്ന ചി​ത്ര​ത്തി​ലാ​യി​രു​ന്നു മ​ല​യാ​ള​ത്തി​ൽ ശ്യാ​മി​ന്റെ അ​ര​ങ്ങേ​റ്റം. മ​ല​യാ​ള​ത്തി​ൽ അ​തു​വ​രെ കേ​ൾ​ക്കാ​ത്ത ഒ​രു സം​ഗീ​ത ശൈ​ലി​യാ​യി​രു​ന്നു നാം ​ആ സി​നി​മ​യി​ൽ കേ​ട്ട​ത്. ‘ഹാ ​സം​ഗീ​ത മ​ധു​ര​ല​യം’, ‘കേ​ട്ടി​ല്ലേ കോ​ട്ട​യ​ത്തൊ​രു’, ‘ക​ന​വു നെ​യ്ത’ എ​ന്നി​ങ്ങ​നെ ഭാ​സ്ക​ര​ൻ മാ​ഷി​ന്റെ വ​രി​ക​ൾ​ക്ക് ശ്യാം ​ഈ​ണം പ​ക​ർ​ന്നു.

ഈ​ണ​ത്തി​ന​നു​സ​രി​ച്ച് അ​തു​വ​രെ അ​ധി​കം പാ​ട്ടു​ക​ൾ എ​ഴു​താ​ത്ത ഭാ​സ്ക​ര​ൻ മാ​ഷ് ശ്യാ​മി​നുവേ​ണ്ടി വ​രി​ക​ൾ എ​ഴു​തി​യ​ത്, ശ്ര​ദ്ധേ​യ​മാ​യി. ‘തൃ​ഷ്ണ’​യി​ൽ ‘ശ്രു​തി​യി​ൽ നി​ന്നു​യ​രും’, ‘മൈ​നാ​കം’ എ​ന്നീ ഗാ​ന​ങ്ങ​ളാ​യി​രു​ന്നു ശ്യാ​മി​നെ പ്ര​ശ​സ്ത​നാ​ക്കി​യ​ത്. മെ​ല​ഡി​യു​ടെ ശ്യാ​മ​വ​സ​ന്ത​ത്തി​ന്റെ തു​ട​ക്ക​മാ​യി​രു​ന്നു അ​ത്. മ​ധു​ര​ത​ര​മാ​യ ഈ​ണശ​ല​ഭ​ങ്ങ​ൾ മ​ന​സ്സി​ന്റെ ഉ​പ​വ​ന​ങ്ങ​ളി​ൽ പ​റ​ന്നു​വ​ന്നു. ബി​ച്ചു​ തി​രു​മ​ല​യും ശ്യാ​മും ത​മ്മി​ലു​ള്ള സ​മാ​ഗ​മ​ത്തി​ന് അ​താ​രം​ഭം കു​റി​ച്ചു. ആ​ളു​ക​ളു​ടെ മ​ന​സ്സി​ൽ നി​റ​യെ പൂ​ത്തു​വി​ട​ർ​ന്നു ആ​സ്വാ​ദ​ന​പ്പൂ​ച്ചെ​ണ്ടു​ക​ൾ. മ​ധു​ര​ക്കി​നാ​വി​ന്റെ ല​ഹ​രി​യു​ണ്ടാ​യി​രു​ന്നു ശ്യാ​മി​ന്റെ ഗാ​ന​ങ്ങ​ൾ​ക്ക്. ബി​ച്ചു​വും ശ്യാ​മും ചേ​ർ​ന്ന എ​ത്ര​യെ​ത്ര ഗാ​ന​ങ്ങ​ളാ​ണ് ആ​ളു​ക​ൾ ഇ​ന്നും മൂ​ളു​ന്ന​ത്. പാ​ട്ടി​ലൂ​ടെ പ​ട​രു​ന്ന ഒ​രു വ​ശീ​ക​ര​ണം (enticement) ആ​യി​രു​ന്നു അ​ത്. ‘ക​ണ്ണും ക​ണ്ണും’, ‘ക​ണ്ണാ​ന്ത​ളി​യും’, ‘ക​സ്തൂ​രി​മാ​ൻ കു​രു​ന്നേ’, ‘പാ​വാ​ട​വേ​ണം’, ‘വെ​ള്ളാ​രം​കു​ന്നി​ൻ​മേ​ലേ’, ‘ക​ന്നി​പ്പ​ളു​​ങ്കേ’ (ഒ​പ്പ​ന​യ​നു​ഭ​വം), ‘ചെ​ല്ല​ക്കു​ട്ടി ചി​ന്നു​ക്കു​ട്ടി’ (ക്രോ​മാ​റ്റി​ക് പ്രോ​ഗ്ര​ഷ​ൻ), ‘ന​ള​ദ​മ​യ​ന്തി’ (നാ​ദ​സ്വ​ര​ത്തി​ന്റെ ന​ല​മെ​ഴും പ്ര​യോ​ഗ​ങ്ങ​ൾ), ​‘പ​രി​ശു​ദ്ധ ഗീ​ത​ങ്ങ​ൾ’ (എ​ൻ മ​നോ​ഫ​ല​ക​ങ്ങ​ളി​ൽ -പാ​ടു​മ്പോ​ൾ ക​ണ്ണീ​ർ ത​ട​ഞ്ഞ് യേ​ശു​ദാ​സ് പ​തി​മൂ​ന്ന് ടേ​ക്കു​ക​ൾ എ​ടു​ത്തു​പാ​ടി​യ ഗാ​നം) അ​ങ്ങ​നെ എ​ത്ര​യോ ഗാ​ന​ങ്ങ​ൾ. ഹൃ​ദ​യ​ത്തോ​ട് ചേ​ർ​ന്നു​നി​ൽ​ക്കു​ന്ന രാ​ഗ​മാ​ണ് ശ്യാ​മി​ന്റേത്. എ​ളു​പ്പ​ത്തി​ൽ കേ​ൾ​വി​ക്കാ​രു​മാ​യി അ​തി​ന് കൂ​ട്ടു​കൂ​ടാ​നാ​കു​ന്നു. ശ്രീ​കു​മാ​ര​ൻ ത​മ്പി-​ശ്യാം ടീ​മി​ന്റെ പാ​ട്ടു​ക​ളി​ൽ ഏ​റ്റ​വും ശ്ര​ദ്ധേ​യ​മാ​യ​ത് ‘സ​ന്ധ്യ ത​ന്ന​മ്പ​ല​ത്തി​ൽ’ ആ​ണ്. ഇ​രു​വ​രു​മൊ​ന്നി​ച്ച ‘കാ​ലം തെ​ളി​ഞ്ഞു’ എ​ന്ന പാ​ട്ടി​ൽ സം​ഘ​ഗാ​ന ശ്രു​തി​യും ‘അ​ന്ത​രം​ഗം ഒ​രു ചെ​ന്താ​മ​ര’ എ​ന്ന ഗാ​ന​ത്തി​ൽ ശാ​സ്ത്രീ​യ സം​ഗീ​ത​ശൈ​ലി​യും ‘പ​രി​മ​ള​ക്കു​ളി​ർ വാ​രി​ച്ചൂ​ടി​യ’ എ​ന്ന പാ​ട്ടി​ൽ മാ​പ്പി​ള​പ്പാ​ട്ട് രീ​തി​യും എ​ല്ലാം നാ​മ​നു​ഭ​വി​ച്ച​റി​ഞ്ഞ​താ​ണ്. ച​ർ​ച്ച് ഓ​റി​യ​ന്റാ​യ സം​ഗീ​ത​ത്തി​ൽ​നി​ന്നും പി​യാ​നോ​വി​ന്റെ ശ്രു​തി​ല​യ​ങ്ങ​ളി​ൽ​നി​ന്നും വ​യ​ലി​​ന്റെ നാ​ദ​സൗ​ഖ്യ​ത്തി​ൽ നി​ന്നു​മെ​ല്ലാം വി​ട​ർ​ന്നു വി​ല​സി​യ പു​ഷ്പ​ങ്ങ​ളാ​യി​രു​ന്നു ശ്യാ​മി​ന്റെ ഗാ​ന​ങ്ങ​ൾ’ എ​ന്നാ​ണ് ശ്രീ​കു​മാ​ര​ൻ ത​മ്പി​യു​ടെ നി​രീ​ക്ഷ​ണം. ശ്യാ​മും യൂ​സ​ഫ​ലി കേ​ച്ചേ​രി​യും ചേ​ർ​ന്നു​ണ്ടാ​ക്കി​യ മാ​പ്പി​ള​പ്പാ​ട്ടി​ന്റെ ച​ന്ത​മു​ള്ള ‘അ​മ്പി​ളി മ​ണ​വാ​ട്ടി’ അ​തി​ന്റെ നി​ർ​മി​തി​യി​ൽ സ​വി​ശേ​ഷ​മാ​കു​ന്ന​ത് മൂ​ന്നു മ​ത​ക്കാ​രു​ടെ വി​വാ​ഹ സം​ബ​ന്ധി​യാ​യ സം​ഗീ​ത പ​രി​ച​ര​ണ​ങ്ങ​ൾ അ​തി​ലു​ള്ള​തി​നാ​ലാ​ണ്. സാ​ര​ള്യ​ത്തി​ൽ അ​തീ​വ ശ്ര​ദ്ധ​പു​ല​ർ​ത്തു​ന്ന സം​ഗീ​ത ശൈ​ലി​യാ​ണ് ശ്യാ​മി​ന്റേത്. വൈ​വി​ധ്യ​മാ​ർ​ന്ന എ​ല്ലാ സം​ഗീ​ത ശൈ​ലി​ക​ളെ​യും ശ്യാം ​പാ​ട്ടി​ൽ പ​രീ​ക്ഷി​ക്കു​ന്നു​ണ്ട്. വെ​സ്റ്റേ​ൺ കോ​ഡ് സ​മ്പ്ര​ദാ​യ​ത്തി​ൽ തീ​ർ​ത്ത ‘രാ​വു​റ​ങ്ങി’, ‘പ​ക​ലി​ന്റെ വി​രി​മാ​റി​ൽ’ എ​ന്നി​വ ശ്യാ​മി​ന്റെ എ​ടു​ത്തു​പ​റ​യേ​ണ്ട ഗാ​ന​ങ്ങ​ൾ ആ​ണ്. അ​തേ​സ​മ​യം, പാ​ശ്ചാ​ത്യ സം​ഗീ​ത രീ​തി​ക​ൾ​ക്ക​പ്പു​റം നാ​ടോ​ടി സ്പ​ർ​ശ​മു​ള്ള ഗാ​ന​ങ്ങ​ളും ശ്യാം ​ഒ​രു​ക്കി​യി​ട്ടു​ണ്ട്. ‘ക​റു​ക​റു​ത്തൊ​രു’, ‘കാ​ട്ടു​ക്കു​റി​ഞ്ഞി’, ‘ഇ​ന്ന​ലെ പു​ഞ്ച​വ​യ​ൽ’ എ​ന്നി​വ​യൊ​ക്കെ ശ്യാം ​ഗാ​ന​ങ്ങ​ളി​ൽ പ്ര​ധാ​ന​ങ്ങ​ളാ​ണ്. എ​ൺ​പ​തു​ക​ളി​ലെ ഹി​റ്റു​ക​ളി​ൽ അ​ധി​ക​വും ശ്യാം ​സം​ഗീ​തം നി​ർ​വ​ഹി​ച്ച​വ​യാ​യി​രു​ന്നു. ‘രാ​പ്പാ​ടി​ത​ൻ’, വൈ​ശാ​ഖ സ​ന്ധേ്യ’, ‘ഹൃ​ദ​യ വ​നി​യി​ലെ’, ‘ഓ​ർ​മ​ത​ൻ വാ​സ​ന്ത’, ‘ഒ​രു മ​ഞ്ഞു​തു​ള്ളി​യി​ൽ’, ‘ഒ​രു കി​ളി ഇ​രു​കി​ളി’, ‘ക​ര​കാ​ണാ​ക്ക​ട​ല​ല​മേ​ലേ’, ‘ഹൃ​ദ​യം കൊ​​​ണ്ടെ​ഴു​തി​യ ക​വി​ത’, അ​ങ്ങ​നെ നീ​ണ്ടു​പോ​കു​ന്ന ആ ​ഗാ​ന​നി​ര​ക​ൾ. ഓ​ർ​ക്ക​സ്ട്രേ​ഷ​നി​ൽ പു​ല​ർ​ത്തു​ന്ന പു​തു​മ​യാ​ണ് ശ്യാ​മി​നെ മ​റ്റു​ള്ള​വ​രി​ൽ​നി​ന്ന് വേ​റി​ട്ടു​നി​ർ​ത്തു​ന്ന​ത്.

‘നി​ഴ​ലാ​യ് ഒ​ഴു​കി​വ​രും’ എ​ന്ന പാ​ട്ടി​ലെ യ​ക്ഷി സാ​ന്നി​ധ്യം, ‘കാ​ത്തി​രി​പ്പൂ’ (ഇ​ട​യ്ക്ക കൂ​ടു​ത​ൽ ഉ​പ​യോ​ഗി​ച്ച ഗാ​നം) റൊ​മാ​ന്റി​ക് ക​ഥ​ക​ൾ പ​റ​ഞ്ഞ ‘ല​വ്സ്റ്റോ​റി’​യി​ലെ​യും ‘ഡെ​യ്സി’​യി​ലെ​യും പാ​ട്ടു​ക​ളി​ലെ വ​യ​ലി​ൻ ബി​റ്റു​ക​ൾ, ‘നാ​യ​കാ പാ​ല​കാ’ എ​ന്ന ഭ​ക്തിഗാ​ന​ത്തി​ലെ കോ​റ​സു​ക​ൾ. ഇ​ങ്ങ​നെ വ്യ​ത്യ​സ്ത​മാ​കു​ന്നു ശ്യാം ​സം​ഗീ​തം. ചു​ന​ക്ക​ര​യു​മാ​യി ചേ​ർ​ന്നാ​ണ് ശ്യാം ​കൂ​ടു​ത​ൽ ഹി​റ്റു​ക​ൾ സൃ​ഷ്ടി​ച്ച​ത്. ‘സി​ന്ദൂ​ര​ത്തി​ല​ക​വു​മാ​യ്’ ‘ധ​നു​മാ​സ​ക്കാ​റ്റേ’, ‘മു​ല്ല​വ​ള്ളി​ക്കു​ടി​ലി​ൽ’, ‘ശ​ര​ത്കാ​ല സ​ന്ധ്യ’, ‘പാ​തി​രാ​ത്താ​ര​മേ’, ‘ച​ന്ദ​ക്കു​റി​യു​മാ​യി’, ‘ശ്യാ​മ​മേ​ഘ​മേ നീ’... ​അ​ങ്ങ​നെ ഒ​രു​പാ​ട് പാ​ട്ടു​ക​ൾ. ഒ.​എ​ൻ.​വി​യു​മാ​യി ചേ​ർ​ന്ന് ശ്യാം ​സം​ഗീ​തം നി​ർ​വ​ഹി​ച്ച പാ​ട്ടു​ക​ൾ ഭാ​വ​ഗീ​ത​ങ്ങ​ളോ​ടൊ​ത്തു നി​ൽ​ക്കു​ന്നു​ണ്ട്. വ​രി​ക​ൾ എ​ഴു​തി സം​ഗീ​തം ചെ​യ്ത​വ​യാ​യി​രു​ന്നു അ​വ​യി​ൽ ഭൂ​രി​ഭാ​ഗ​വും. കാ​വ്യാം​ശം ചോ​രാ​തെ​യു​ള്ള ഈ​ണ​ങ്ങ​ളാ​യി​രു​ന്നു അ​വ​യെ​ല്ലാം. ‘ഒ​രു മ​ഞ്ഞു​തു​ള്ളി​യി​ൽ നീ​ല​വാ​നം’ എ​ന്ന ഗാ​നം പ്ര​ണ​യ​ത്തി​ന്റെ വ്യ​ത്യ​സ്ത​മാ​യൊ​രു ജാ​ല​കം തു​റ​ക്കു​ന്നു. ‘ഇ​ട​നെ​ഞ്ചി​ൽ മ​ധു​ര​മാം കു​ളി​ർ​നാ​ദം കേ​ൾ​ക്ക​വേ, ഇ​വി​ടെ നി​ൻ​കൂ​ട്ടി​ലെ മൈ​ന പാ​ടി​യേ’ എ​ന്നി​ങ്ങ​നെ പ​ദ​ങ്ങ​ളി​ലെ സം​ഗീ​ത​ത്തെ ശ്യാം, ​ഈ​ണ​ത്തി​ന്റെ സൗ​മ്യ​ത​യി​ൽ ല​യി​പ്പി​ക്കു​ക​യാ​യി​രു​ന്നു. ‘തൊ​ഴു​തു​മ​ട​ങ്ങും’, ‘ക​റു​ത്ത തോ​ണി​ക്കാ​രാ’, ‘പൂ​വു​ള്ള മേ ​കാ​ണാ​ൻ’, ‘ത​ങ്ക​സൂ​ര്യ​ത്തി​ട​മ്പാ​രോ’... ഇ​ങ്ങ​നെ ഒ.​എ​ൻ.​വി​യു​ടെ വ​രി​ക​ളെ ഹൃ​ദ​യം തൊ​ട്ടു​ഴി​ഞ്ഞ് സു​ന്ദ​ര​മാ​ക്കി ശ്യാം ​എ​ന്ന​താ​ണ് ച​രി​ത്രം. ‘അ​ക്ഷ​ര​ങ്ങ​ൾ’ എ​ന്ന ചി​ത്ര​ത്തി​ലെ ‘അ​ല​സ​താ വി​ല​സി​താ’ എ​ന്ന പാ​ട്ടി​ൽ കോ​റ​ൽ ഹാ​ർ​മ​ണി​യു​ടെ സാ​ധ്യ​ത​ക​ൾ ശ്ര​ദ്ധി​ക്ക​പ്പെ​ട്ടി​രു​ന്നു.

കാ​വാ​ല​വു​മൊ​ത്ത് ശ്യാം ​നി​ർ​മി​ച്ച ഗാ​ന​ങ്ങ​ൾ നാ​ടോ​ടി വാ​ങ്മ​യ​ങ്ങ​ളെ വെ​സ്റ്റേ​ൺ സം​ഗീ​ത​ത്തി​ന്റെ വ​ർ​ണ​മ​ട്ടു​ക​ൾ ഉ​പ​യോ​ഗി​ച്ച് വി​ള​ക്കി​ച്ചേ​ർ​ക്കു​ന്ന പാ​ട്ടു​പ​ദ്ധ​തി​യി​ൽ പെ​ടു​ന്നു​ണ്ട്. ‘കാ​യാ​മ്പൂ കോ​ർ​ത്തു​ത​രും, ‘മൂ​ട​ൽ​മ​ഞ്ഞി​ൽ മൂ​വ​ന്തി’, ആ​ച്ചാ​മ​രം ചാ​ച്ചാ​മ​രം (ആ​ഫ്രി​ക്ക​ൻ പാ​ട്ടി​ൽ​നി​ന്ന് പു​നഃ​സൃ​ഷ്ടി​ച്ച​ത്), അ​ല്ലി​മ​ല​ർ (ആ​ൾ​ക്കൂ​ട്ട​ത്തി​ൽ ത​നി​യേ) -അ​ങ്ങ​നെ വാ​യ്ത്താ​രി​പോ​ലെ സു​ന്ദ​ര​മാ​യ വ​രി​ക​ൾ​ക്ക് നേ​ർ​ത്ത ഈ​ണം ചാ​ർ​ത്തി​ക്കൊ​ടു​ക്കു​ക​യാ​യി​രു​ന്നു ശ്യാം. ​പൂ​വ​ച്ച​ൽ ഖാ​ദ​ർ-​ശ്യാം സ​മാ​ഗ​മ​ത്തി​ൽ നി​ര​വ​ധി പാ​ട്ടു​ക​ളു​ണ്ട് ‘മ​ല​യാ​ള​ത്തി​ൽ. ഇ​തി​ലേ ഏ​ക​നാ​യി’, ‘ഒ​രു ചി​രി കാ​ണാ​ൻ’, ‘എ​ന്റെ വി​ണ്ണി​ൽ വി​ട​രും’, ‘പൂ​മാ​ന​മേ’, ‘വാ​സ​രം’ തു​ട​ങ്ങി ‘ക​ന്നി​പ്പു​ന്നാ​ര​ക്കി​ളി​യേ’, ‘അ​ര​യ​ന്ന​പ്പി​ട​യൊ​ന്നെ​ൻ’- അ​ങ്ങ​നെ അ​ത്ര​യും ജ​ന​കീ​യ​മാ​യ നി​ര​വ​ധി ഗാ​ന​ങ്ങ​ൾ. ‘ആ​രോ​മ​ലേ നി​ലാ​വി​ൽ’ (പു​തി​യ​ങ്കം മു​ര​ളി), ‘ആ​കാ​ശ ഗം​ഗ​യി​ൽ വ​ർ​ണ​ങ്ങ​ളാ​ൽ’ (ബി​ച്ചു​തി​രു​മ​ല), ‘ഏ​തോ വ​സ​ന്ത​നി​ശ്വാ​സ​മോ’ (കെ. ​ജ​യ​കു​മാ​ർ) എ​ന്നി​ങ്ങ​നെ മെ​ല​ഡി​ക​ളു​ടെ ശ്യാ​മ​കാ​ലം ന​മു​ക്കു​ണ്ടാ​യി​രു​ന്നു. മ​ല​യാ​ള​ത്തി​ൽ ഉ​ണ്ണി​മേ​നോ​നും കൃ​ഷ്ണ​ച​ന്ദ്ര​നും കൂ​ടു​ത​ൽ പാ​ട്ട​വ​സ​ര​ങ്ങ​ൾ ന​ൽ​കി​യ​ത് ശ്യാ​മാ​യി​രു​ന്നു. പ്ര​ണ​യ​ത്തി​ന്റെ ത​രം​ഗ​ലീ​ല​ക​ളു​ടെ തീ​വ്രാ​വി​ഷ്കാ​ര​മാ​യി​രു​ന്നു ശ്യാ​മി​ന്റെ ഗാ​ന​ങ്ങ​ൾ.

ഈ​ണ​ത്തെ വി​സ്തൃ​ത​യാ​ക്കു​ന്ന ഓ​ർ​ക്ക​സ്ട്രേ​ഷ​ൻ, ശ്യാ​മി​ന്റെ ഗാ​ന​ങ്ങ​ൾ​ക്ക് ആ​സ്വാ​ദ​ന​ത്തി​ന്റെ വ​ശ്യ​ഭൂ​മി​ക​യൊ​രു​ക്കു​ന്നു. മെ​ല​ഡി​യും റി​ഥ​വും ഗാ​ഢാ​ശ്ലേ​ഷ​ത്തി​ൽ ഒ​ന്നാ​വു​ന്ന പാ​ട്ടി​ന്റെ ഒ​രു ഭാ​വപ്ര​ദേ​ശ​മാ​ണ് ശ്യാ​മ​സം​ഗീ​തം. ശ്യാം ​ഇ​വി​ടെ അ​വ​ശേ​ഷി​പ്പി​ച്ച വെ​സ്റ്റേ​ൺ സം​ഗീ​ത മ​ധു​രി​മ​ക​ൾ പാ​ര​മ്പ​ര്യ​ത്തി​ലും സ​മ​കാ​ലി​ക​ത​യി​ലും ഒ​രു​പോ​ലെ നി​ല​നി​ൽ​ക്കു​ന്നു. ശ്യാ​മി​ന്റെ ഗാ​ന​ങ്ങ​ൾ പ്ര​ത്യാ​ശാ​ഭ​രി​ത​മാ​യ സ​ങ്ക​ൽ​പ​ങ്ങ​ളി​ലേ​ക്ക് ന​മ്മെ ന​യി​ക്കു​ന്നു. മ​ല​യാ​ള ഗാ​ന​ങ്ങ​ളി​ൽ പ്ര​ണ​യ​ത്തി​ന്റെ പാ​ശ്ചാത്യ​വും കാ​ൽ​പ​നി​ക​വു​മാ​യ സൗ​ന്ദ​ര്യ​ബോ​ധം രൂ​പ​പ്പെ​ടു​ത്തി​യ​ത് ഒ​രു​പ​ക്ഷേ, ശ്യാം ​ആ​യി​രു​ന്നു. വ​യ​ലി​നി​ൽ മു​ഗ്ധ​മാ​കു​ന്ന ഈ​ണ​ത്തി​ന്റെ വി​കാ​ര​പ​ര​മാ​യ ആ​വി​ഷ്കാ​ര​ങ്ങ​ളാ​യി​രു​ന്നു ശ്യാ​മി​ന്റെ ഗീ​തി​ക​ൾ. അ​വ​യി​ൽ വി​ലോ​ല​ത​യു​ടെ​യും അ​തി​ഭാ​വുക​ത്വ​ത്തി​ന്റെ​യു​മൊ​ക്കെ പു​ന​ർഭാ​വ​ന​ക​ൾ ഉ​ണ്ടാ​യി​രു​ന്നു. ഭാ​വ​ഗീ​താ​ത്മ​ക കാ​ൽ​പ​നി​ക​ത​യു​ടെ നേ​ർ​വി​പ​രീ​ത​മെ​ന്ന് വി​ളി​ക്കാ​വു​ന്ന ഒ​ന്നാ​യി​രു​ന്നു അ​ത്. വ​രി​ക​ളി​ൽ ഈ​ണ​മി​ടു​മ്പോ​ൾ മാ​ത്രം അ​ത്ത​രം ഭാ​വു​ക​ത്വം ശ്യാ​മി​ൽ ക​ട​ന്നു​വ​ന്നു. എ​ന്നാ​ൽ, ഉ​പ​ക​ര​ണ സം​ഗീ​ത സ്വ​രൂ​പ​ത്തി​ൽ ഒ​രു പാ​ട്ടി​നെ എ​ങ്ങ​നെ സൗ​ന്ദ​ര്യ ഭ​ദ്ര​മാ​ക്കാം എ​ന്ന​ത് ശ്യാം ​ത​ന്റെ ഗാ​ന​ങ്ങ​ളി​ൽ കാ​ണി​ച്ചു​ത​ന്നു. ഇ​ത് സ​ലി​ൽ ചൗ​ധരി​യു​ടെ ശൈ​ലി​ക​ളി​ൽനി​ന്ന് വ്യ​ത്യ​സ്ത​പ്ര​ദ​മാ​യി​രു​ന്നു. സി.​ബി.​ഐ ഒ​രു ഡ​യ​റി​ക്കു​റി​പ്പി​ലെ തീം ​മ്യൂ​സി​ക് ശ്യാ​മി​ന്റെ ഭാ​വ​ന​യി​ൽ, സാ​ർ​ഥ​ക​മാ​യ​ത് നാ​മ​നു​ഭ​വി​ച്ച​റി​ഞ്ഞ​വ​രാ​ണ്. അ​തി​ൽ ഉ​പ​യോ​ഗി​ച്ച ‘വി​ക്ട​റി നോ​ട്ടു​ക​ൾ’ അ​ത്ര​ക്കും ശ്ര​ദ്ധേ​യ​മാ​യി​രു​ന്നു. ‘സ​ന്ധ്യ​മ​യ​ങ്ങും നേ​ര’​ത്തി​ലെ മ​ർ​ഡ​ർ സീ​ക്വ​ൻ​സ്, ന്യൂ​ഡ​ൽ​ഹി, തു​ഷാ​രം എ​ന്നീ സി​നി​മ​ക​ളി​ലെ റീ ​റെ​ക്കോ​ഡി​ങ് എ​ന്നി​വ​യെ​ല്ലാം ശ്യാ​മി​ന്റെ സം​ഗീ​ത ജീ​വി​ത​ത്തി​ലെ നാ​ഴി​ക​ക്ക​ല്ലു​ക​ളാ​ണ്.

പ​ത്തു വ​ർ​ഷ​ക്കാ​ലം അ​ഞ്ഞൂ​റി​ലേ​റെ ഗാ​ന​ങ്ങ​ൾ മ​ല​യാ​ള​ത്തി​ന് സം​ഭാ​വ​ന ചെ​യ്ത ശ്യാം ​ഇ​പ്പോ​ൾ ഭ​ക്തി​യും ആ​ത്മീ​യ​ത​യും നി​റ​ഞ്ഞ സം​ഗീ​ത ലോ​ക​ത്ത് സ​ജീ​വ​മാ​ണ്. ക്രി​സ്ത്യ​ൻ ക​ൾ​ചറ​ൽ അ​ക്കാ​ദ​മി​യു​ടെ ചാ​രി​റ്റ​ബി​ൾ പ്ര​വ​ർ​ത്ത​ന​ങ്ങ​ളു​മാ​യി മു​ന്നോ​ട്ടുപോ​കു​ന്നു. ‘ജ​ന​ങ്ങ​ളു​ടെ ആ​സ്വാ​ദ്യ​ത മാ​ത്ര​മാ​ണ് എ​ന്റെ സം​ഗീ​ത​ത്തി​ന്റെ കാ​ത​ൽ’ -ശ്യാം ​പ​റ​യു​ന്നു. വെ​സ്റ്റേ​ൺ സം​ഗീ​ത​ത്തി​ന്റെ​യും ക്ലാ​സി​ക്ക​ൽ സം​ഗീ​ത​ത്തി​ന്റെ​യും ചേ​രു​വ​ക​ൾ പ്ര​ത്യേ​ക അ​നു​പാ​ത​ത്തി​ൽ ശ്യാം ​ത​ന്റെ ഗാ​ന​ങ്ങ​ളി​ൽ വി​ദ​ഗ്ധ​മാ​യി സം​യോ​ജി​പ്പി​ച്ചു. പു​തു​ത​ല​മു​റ​യെ​യും ആ​ക​ർ​ഷി​ച്ചു​കൊ​ണ്ട് ഈ ​ഗാ​ന​ങ്ങ​ൾ ഇ​ന്നും നി​ല​നി​ൽ​ക്കു​ന്ന​ത് അ​തി​നാ​ലാ​ണ്. അ​തു​ത​ന്നെ​യാ​ണ് ആ ​ഗാ​ന​ങ്ങ​ളു​ടെ വി​ജ​യ​വും.