പി​താ​വി​ന്‍റെ ജീ​വ​നെ​ടു​ത്ത​ത്​ ക​ണ്ണി​ൽ​നി​ന്ന്​ മാ​യും​മു​മ്പേ മ​ക​നെ​യും വാ​ഹ​നം ഇ​ടി​ച്ചു​തെ​റി​പ്പി​ച്ചു​

അ​ടൂ​ർ: എം.​സി റോ​ഡി​ൽ പു​തു​ശ്ശേ​രി​ഭാ​ഗം ജ​ങ്ഷ​ന് സ​മീ​പം ഞാ​യ​റാ​ഴ്ച രാ​വി​ലെ​ ത​മി​ഴ്നാ​ട്ടു​കാ​രാ​യ ശ​ബ​രി​മ​ല തീ​ർ​ഥാ​ട​ക​രു​ടെ വാ​ഹ​നം ഇ​ടി​ച്ചു​തെ​റി​പ്പി​ച്ച പു​തു​ശ്ശേ​രി​ഭാ​ഗം മ​ണ​പ്പു​റ​ത്ത് അ​ല​ക്സ് വി​ല്ല​യി​ൽ എ​ബി​ൻ​ അ​ല​ക്സി​ന്​ (25) ഇ​ത്​ ഇ​ര​ട്ട ദു​ര​ന്തം. ര​ണ്ടാ​ഴ്ച മു​മ്പ് വാ​ഹ​നാ​പ​ക​ട​ത്തി​ൽ​ പി​താ​വി​ന്‍റെ ജീ​വ​നെ​ടു​ത്ത​തി​ന്‍റെ ഞെ​ട്ട​ലി​ൽ​നി​ന്ന്​ മാ​റും മു​മ്പാ​ണ്​ എ​ബി​നെ​യും മ​റ്റൊ​രു വാ​ഹ​നാ​പ​ക​ടം ദുഃ​ഖ​ത്തി​ലാ​ഴ്ത്തി​യ​ത്. ക​ഴി​ഞ്ഞ 13ന് ​രാ​വി​ലെ സ്കൂ​ട്ട​റി​ൽ റോ​ഡു മു​റി​ച്ചു​ക​ട​ക്കു​മ്പോ​ൾ വീ​ടി​ന് സ​മീ​പം കാ​റി​ടി​ച്ചാ​ണ്​ പി​താ​വ് അ​ല​ക്സ് പി. ​ഉ​മ്മ​ൻ മ​രി​ച്ച​ത്. അ​ന്ന്​ മാ​താ​വി​നും ഗു​രു​ത​ര പ​രി​ക്കേ​റ്റി​രു​ന്നു.

രാ​വി​ലെ 7.30ന് ​​പ്രാ​ർ​ഥ​ന​ക്കാ​യി പ​ള്ളി​യി​ലേ​ക്ക്​ ​ന​ട​ന്നു​പോ​കു​മ്പോ​ഴാ​ണ്​ മ​ഹ​ർ​ഷി​ക്കാ​വ് ക്ഷേ​ത്ര​ത്തി​നു സ​മീ​പം എ​ബി​നെ വാ​ഹ​നം ഇ​ടി​ച്ചു​തെ​റി​പ്പി​ച്ച​ത്. സാ​ര​മാ​യി പ​രി​ക്കേ​റ്റ എ​ബി​ൻ കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. ന​ട​പ്പാ​ത​യും ക​ഴി​ഞ്ഞ് ഓ​ട ഭാ​ഗ​ത്തു​കൂ​ടി ന​ട​ക്കു​മ്പോ​ഴാ​ണ് വാ​ഹ​നം ഇ​ടി​ച്ചു​തെ​റി​പ്പി​ച്ച​തെ​ന്ന് ദൃ​ക്സാ​ക്ഷി​ക​ൾ പ​റ​ഞ്ഞു. ഡ്രൈ​വ​ർ ഉ​റ​ങ്ങി​യ​താ​ണ് അ​പ​ക​ട കാ​ര​ണം. നി​ർ​ത്താ​തെ പോ​കാ​ൻ ശ്ര​മി​ച്ച വാ​ഹ​നം ക​ണ്ടു​നി​ന്ന​വ​ർ ബ​ഹ​ളം​വെ​ച്ച് പി​ടി​കൂ​ടി. പ​രി​ക്കേ​റ്റ എ​ബി​നെ അ​തേ വാ​ഹ​ന​ത്തി​ൽ അ​ടൂ​ർ ജ​ന​റ​ൽ ആ​ശു​പ​ത്രി​യി​ൽ എ​ത്തി​ക്കു​ക​യാ​യി​രു​ന്നു.