തൃശൂർ: ചേറ്റുവ പാലത്തിൽ സ്കൂട്ടറിൽ ഓട്ടോയിടിച്ച് ലോ കോളജ് വിദ്യാർഥി മരിച്ചു. വാടാനപ്പള്ളി എടശ്ശേരി സ്വദേശി പുത്തൻ വീട്ടിൽ മിസ്ബാഹ് ആണ് മരിച്ചത്. ഇന്ത്യൻ സ്കൂൾ സലാലയിലെ മുൻ അധ്യാപിക യാസ്മിൻ റഷീദിന്റെയും ഗസ്സാനി സ്‌പോർട്‌സ് മാനേജർ റഷീദിന്റെയും മകനാണ്.
ചേറ്റുവ പാലത്തിൽ ശനിയാഴ്ച രാവിലെ 9.30ഓടെയാണ് അപകടം. മിസ്ബാഹ് സഞ്ചരിച്ചിരുന്ന സ്കൂട്ടറിൽ ഓട്ടോറിക്ഷ ഇടിക്കുകയായിരുന്നു. ഉടൻ ചാവക്കാട്ടെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചു.
കോഴിക്കോട് ഗവ. ലോ കോളജിലെ നാലാംവർഷ വിദ്യാർഥിയാണ്. ഫ്രറ്റേണിറ്റി മൂവ്മെന്‍റ് യൂണിറ്റ് സെക്രട്ടറിയാണ്.
സഹോദരങ്ങൾ: മിസ്അബ് (ഖത്തർ), ബാസിമ (വിദ്യാർഥി).
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.