നെല്ല് കാറ്റത്തിടുന്നതിനിടെ കർഷകൻ ഫാനിൽനിന്ന് ഷോക്കേറ്റ് മരിച്ചു

മാത്തൂർ: പതിര് വേർതിരിക്കാൻ നെല്ല് കാറ്റത്തിടുന്നതിനിടെ വാടകക്കെടുത്ത ഫാനിൽനിന്ന് ഷോക്കേറ്റ് കർഷകൻ മരിച്ചു. മാത്തൂർ ചുങ്കമന്ദം പ്ലാക്കൽ വീട്ടിൽ ദാമോദരനാണ് (60) മരിച്ചത്. 

തിങ്കളാഴ്ച ഉച്ചക്ക് വീട്ടുമുറ്റത്ത് നെല്ലുണക്കവേയാണ് ഷോക്കേറ്റത്. ഉടൻ പാലക്കാട്ടെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചു. പോസ്റ്റ്മോർട്ടം നടത്തി. സംസ്കാരം ചൊവ്വാഴ്ച രാവിലെ. ഭാര്യ: അനിത. മക്കൾ: ആര്യലക്ഷ്മി, അരുൺ.