ഷാർജ: കോഴിക്കോട് സ്വദേശി ഖോർഫക്കാനിൽ ഹൃദയാഘാതം മൂലം മരിച്ചു. ചെലവൂർ പള്ളിത്താഴം പൂക്കാട്ട് പരേതനായ അബ്ദുറഹിമാൻ കുട്ടിയുടെ മകൻ മുഹമ്മദ് (പൂക്കാട്ട് ബാവ-63) ആണ് മരിച്ചത്.
സന്ദർശന വിസയിൽ എത്തിയ ഇദ്ദേഹം പെരുന്നാൾ ആഘോഷത്തിന്‍റെ ഭാഗമായി ഖോർഫക്കാൻ സന്ദർശിക്കുന്നതിനിടെ നെഞ്ചുവേദന അനുഭവപ്പെടുകയും കുഴഞ്ഞുവീഴുകയുമായിരുന്നു. ആശുപത്രിയിൽ എത്തിച്ചെങ്കിലും മരണം സംഭവിച്ചു. ഭാര്യ: സുഹറ.മക്കൾ: മുഹ്സിൻ റഹ്മാൻ (സൗദി), മുർഷിത (അജ്‌മാൻ). മരുമക്കൾ: ജബ്ബാർ (പുനത്തിൽ), അൽ മെഹാസ് (അജ്‌മാൻ), ശബാന (വെള്ളിപ്പറമ്പ്). സഹോദരങ്ങൾ: ഹമീദ്, പരേതനായ കോയട്ടി, ബീരാൻ മൂസ, പാത്തുട്ടി, കുട്ടീബി, മറിയം സൈന.
ഖോർഫക്കാൻ ആശുപത്രിയിൽ സൂക്ഷിച്ചിരിക്കുന്ന മൃതദേഹം നടപടിക്രമങ്ങൾ പൂർത്തിയാക്കി ചെലവൂർ പുളിക്കൽ പള്ളിയിൽ ഖബറടക്കുമെന്ന് ബന്ധുക്കൾ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.