അ​ഹ​മ്മ​ദ് മു​സ്​​ലിം -അരങ്ങൊഴിഞ്ഞത്​ മഹാപ്രതിഭ

ക​രു​നാ​ഗ​പ്പ​ള്ളി: അ​ഹ​മ്മ​ദ് മു​സ്​​ലിം എ​ന്ന മ​ഹാ പ്ര​തി​ഭ അ​ര​ങ്ങൊ​ഴി​ഞ്ഞു. സ്കൂ​ൾ ഓ​ഫ് ഡ്രാ​മ​യു​ടെ ആ​ദ്യ ബാ​ച്ചു​കാ​ര​നാ​യ അ​ദ്ദേ​ഹം മ​റ​ക്കാ​ൻ ക​ഴി​യാ​ത്ത സം​ഭാ​വ​ന​ക​ളാ​ണ് നാ​ട​ക​രം​ഗ​ത്തും സി​നി​മാ​രം​ഗ​ത്തും ബാ​ക്കി വെ​ച്ച​ത്.

ഇ​ട​ക്കു​ള​ങ്ങ​ര എ​ൽ.​പി.​എ​സി​ലാ​യി​രു​ന്നു പ്രൈ​മ​റി വി​ദ്യാ​ഭ്യാ​സം. തു​ട​ർ​ന്ന് ക​രു​നാ​ഗ​പ്പ​ള്ളി ബോ​യ്സ് ഹൈ​സ്കൂ​ളി​ൽ പ​ഠി​ക്കു​ന്ന കാ​ലം മു​ത​ൽ അ​ഭി​ന​യ മി​ക​വ്​ തെ​ളി​യി​ച്ചു​തു​ട​ങ്ങി. ശാ​സ്താം​കോ​ട്ട ഡി.​ബി കോ​ള​ജി​ൽ​നി​ന്ന് മ​ല​യാ​ള​ത്തി​ൽ ബി​രു​ദ​വും സ്കൂ​ൾ ഓ​ഫ് ഡ്രാ​മ​യി​ൽ​നി​ന്ന്​ തി​യ​റ്റ​ർ ആ​ർ​ട്​​സി​ൽ ബി​രു​ദ​വും നേ​ടി. ഡി.​ബി കോ​ള​ജി​ൽ ആ​ർ​ട്സ് ക്ല​ബ് സെ​ക്ര​ട്ട​റി​യു​മാ​യി​രു​ന്നു.

അ​ടി​യ​ന്ത​രാ​വ​സ്ഥ നാ​ളു​ക​ളി​ൽ കോ​ള​ജ് ക​ലോ​ത്സ​വ​ത്തി​ന് എ​ഴു​തി സം​വി​ധാ​നം ചെ​യ്ത് അ​വ​ത​രി​പ്പി​ച്ച 'കോ​ട​തി ല​ഞ്ചി​ന്​ പി​രി​യു​ന്നു', 'ഉ​ന്ന​ത​ങ്ങ​ളി​ൽ ഭാ​ഗ​ധേ​യം' എ​ന്നീ നാ​ട​ക​ങ്ങ​ൾ ഏ​റെ ശ്ര​ദ്ധ​നേ​ടി. പ്ര​ശ​സ്ത നാ​ട​ക ച​ല​ച്ചി​ത്ര പ്ര​വ​ർ​ത്ത​ക​നാ​യ പി. ​ബാ​ല​ച​ന്ദ്ര​െൻറ മ​കു​ടി എ​ന്ന നാ​ട​ക​ത്തി​ലെ പാ​മ്പാ​ട്ടി​യു​ടെ ക​ഥാ​പാ​ത്രം അ​ന​ശ്വ​ര​മാ​ക്കി. അ​ന്ന് സ​ർ​വ​ക​ലാ​ശാ​ലാ യു​വ​ജ​നോ​ത്സ​വ​ത്തി​ൽ മി​ക​ച്ച ന​ട​നാ​യി ഈ ​നാ​ട​ക​ത്തി​ലൂ​ടെ അ​ദ്ദേ​ഹം തെ​ര​ഞ്ഞെ​ടു​ക്ക​പ്പെ​ട്ടു. പി​ന്നീ​ട് തു​ട​ർ​ച്ച​യാ​യി മൂ​ന്നു​വ​ർ​ഷം മി​ക​ച്ച ന​ട​നാ​യി.

പ്രി​യ​ദ​ർ​ശ​ൻ, ലെ​നി​ൻ രാ​ജേ​ന്ദ്ര​ൻ, രാ​ജീ​വ്നാ​ഥ് തു​ട​ങ്ങി​യ സം​വി​ധാ​യ​ക​ർ​ക്കൊ​പ്പം ആ​ദ്യ​കാ​ല​ത്ത് സ​ഹ​സം​വി​ധാ​യ​ക​നാ​യി നി​ര​വ​ധി ചി​ത്ര​ങ്ങ​ളി​ൽ പ്ര​വ​ർ​ത്തി​ച്ചു. രാ​ജീ​വ് നാ​ഥ് സം​വി​ധാ​നം ചെ​യ്ത ഒ.​വി. വി​ജ​യ​െൻറ ചെ​റു​ക​ഥ​യെ അ​ടി​സ്ഥാ​ന​മാ​ക്കി നി​ർ​മി​ച്ച ക​ട​ൽ​ത്തീ​ര​ത്ത് എ​ന്ന ചി​ത്ര​ത്തി​ൽ നാ​യ​ക​വേ​ഷ​ത്തി​ലെ​ത്തി. നാ​ട​ക​മാ​ണ് ഇ​ട​മെ​ന്ന തി​രി​ച്ച​റി​വി​ൽ വീ​ണ്ടും തി​രി​കെ​യെ​ത്തി​യ അ​ഹ​മ്മ​ദ് മു​സ്​​ലിം ര​ക്ഷാ​പു​രു​ഷ​ൻ, തി​രു​മ്പി​വ​ന്താ​ൻ ത​മ്പി, അ​മാ​വാ​സി​യി​ൽ പൗ​ർ​ണ​മി തേ​ടി, വി.​കെ. ശി​വ​ൻ​കു​ട്ടി​യു​ടെ 'റു​ക്കി​യ​ഉ​മ്മ നി​സ്ക​രി​ക്കു​ക​യാ​ണ്' തു​ട​ങ്ങി ഒ​ട്ടേ​റെ ശ്ര​ദ്ധേ​യ​മാ​യ നാ​ട​ക​ങ്ങ​ൾ ചെ​യ്തു.

തോ​പ്പി​ൽ ഭാ​സി​യു​ടെ അ​പ്ര​കാ​ശി​ത നാ​ട​ക​മാ​യ 'അ​ളി​യ​ൻ വ​ന്ന​ത് ന​ന്നാ​യി' നാ​ട​കം വേ​ദി​യി​ലെ​ത്തി​ച്ച​തും അ​ഹ​മ്മ​ദാ​ണ്. നാ​ട​ക​പ്ര​തി​ഭ​യാ​യി തി​ള​ങ്ങി​നി​ന്ന കാ​ല​ത്ത് ല​ഹ​രി കീ​ഴ​ട​ക്കി​യ​തോ​ടെ ഏ​റെ​നാ​ൾ നി​ശ​ബ്​​ദ​നാ​യി. 'ഒ​രു സ​ങ്കീ​ർ​ത്ത​നം പോ​ലെ' എ​ന്ന നോ​വ​ലി​െൻറ നാ​ട​കാ​വി​ഷ്കാ​ര​ത്തി​ലൂ​ടെ അ​ടു​ത്ത​കാ​ല​ത്ത് തി​രി​കെ​യെ​ത്തി. അ​വ​സാ​ന​കാ​ല​ത്ത്​ പ​ത്താ​നാ​പു​രം ഗാ​ന്ധി​ഭ​വ​നി​ലെ അ​ന്തേ​വാ​സി​യാ​യി​രു​ന്നു. അ​വി​ടെ​വെ​ച്ചാ​യി​രു​ന്നു മ​ര​ണം.

തൊ​ടി​യൂ​ർ ഇ​ട​ക്കു​ള​ങ്ങ​ര​യി​ൽ ഏ​റെ​ക്കാ​ലം താ​മ​സി​ച്ചി​രു​ന്ന മ​ണ്ണേ​ൽ നാ​സ​റി​െൻറ വീ​ട്ടി​ൽ കൊ​ണ്ടു​വ​ന്ന മൃ​ത​ദേ​ഹം പൊ​തു​ദ​ർ​ശ​ന​ത്തി​ന് വെ​ച്ച​ശേ​ഷം വൈ​കു​ന്നേ​രം മൂ​ന്നോ​ടെ ഇ​ട​ക്കു​ള​ങ്ങ​ര പാ​ലോ​ലി​കു​ള​ങ്ങ​ര ജ​മാ​അ​ത്ത് ഖ​ബ​ർ​സ്ഥാ​നി​ൽ ഖ​ബ​റ​ട​ക്കി.