തകഴിയെ പകർത്താൻ എം.ടിയെത്തി; കഥാകാരൻ അഭിനേതാവായി

ആ​ല​പ്പു​ഴ: മ​ല​യാ​ളി​യു​ടെ പ്രി​യ​പ്പെ​ട്ട ക​ഥാ​കാ​ര​ന്‍റെ ജീ​വി​ത​വും ക​ഥാ​പാ​ത്ര​ങ്ങ​ളും വെ​ള്ളി​ത്തി​ര​യി​ലേ​ക്ക്​ പ​ക​ർ​ത്തി​യ സം​വി​ധാ​യ​ക​ൻ എം.​ടി​യു​ടെ മു​ന്നി​ൽ ത​ക​ഴി ശി​വ​ശ​ങ്ക​ര​പ്പി​ള്ള അ​ഭി​നേ​താ​വാ​യി മാ​റി. കാ​ൽ​നൂ​റ്റാ​ണ്ടി​ലേ​റെ പ​ഴ​ക്ക​മു​ള്ള ആ ​ച​രി​ത്ര​നി​യോ​ഗം ആ​ല​പ്പു​ഴ​ക്കാ​ർ മ​റ​ക്കി​ല്ല. ത​ക​ഴി ശ​ങ്ക​ര​മം​ഗ​ല​ത്തെ വീ​ട്ടി​ലെ​ത്തി​യ എം.​ടി. വാ​സു​ദേ​വ​ൻ നാ​യ​ർ ത​ക​ഴി​യോ​ടും ഭാ​ര്യ കാ​ർ​ത്യാ​യ​നി എ​ന്ന കാ​ത്ത​യോ​ടും ഒ​ട്ടേ​റെ വി​വ​ര​ങ്ങ​ൾ ചോ​ദി​ച്ച​റി​ഞ്ഞും ക​ഥാ​പാ​ത്ര​ങ്ങ​ൾ ജ​ന്മ​മെ​ടു​ത്ത പ്ര​ദേ​ശ​ങ്ങ​ളി​ൽ നേ​രി​ട്ടെ​ത്തി​യും ത​യാ​റാ​ക്കി​യ ഡോ​ക്യു​മെ​ന്‍റ​റി 1998ലാ​ണ്​ പു​റ​ത്തി​റ​ക്കി​യ​ത്. ​ഇ​തി​നാ​യി പ​ല ദി​വ​സ​ങ്ങ​ളാ​യി ഒ​രു​മാ​സ​ത്തോ​ള​മാ​ണ്​​ ത​ക​ഴി​യു​ടെ വീ​ട്ടി​ൽ എം.​ടി താ​മ​സി​ച്ച​ത്.

കു​ട്ട​നാ​ടി​ന്‍റെ ക​ഥാ​കാ​ര​നാ​യ ത​ക​ഴി​യെ കാ​മ​റ​യി​ലേ​ക്ക്​ ആ​ദ്യം പ​ക​ർ​ത്തി ഷൂ​ട്ടി​ങ്ങി​ന്​ തു​ട​ക്ക​മി​ട്ട​തും എം.​ടി​യാ​യി​രു​ന്നു. ക​ർ​ഷ​ക​ൻ​കൂ​ടി​യാ​യ ത​ക​ഴി​യു​ടെ നോ​വ​ലും സി​നി​മ​യു​മാ​യ ’ചെ​മ്മീ​ൻ’ ക​ഥാ​പാ​ത്ര​ങ്ങ​ൾ പി​റ​വി​യെ​ടു​ത്ത പു​റ​ക്കാ​ട്​ ക​ട​പ്പു​റം, ക​ഥാം​ശം നി​റ​ഞ്ഞു​നി​ൽ​ക്കു​ന്ന ത​ക​ഴി​യി​ലെ ഗ്രാ​മ​​പ്ര​ദേ​ശ​ങ്ങ​ൾ, വ​ക്കീ​ൽ​ജോ​ലി​ക്കി​ടെ ക​ണ്ടു​മു​ട്ടി​യ​ ജീ​വി​ത​ങ്ങ​ൾ പ​ക​ർ​ത്തി​യ അ​മ്പ​ല​പ്പു​ഴ ക​ച്ചേ​രി ജ​ങ്​​ഷ​ൻ, സ​ത്യ​ൻ നാ​യ​ക​നാ​യെ​ത്തി​യ ‘അ​നു​ഭ​വ​ങ്ങ​ൾ പാ​ളി​ച്ച​ക​ൾ’ സി​നി​മ​യു​ടെ പി​ന്നാ​മ്പു​റ​മാ​യ കു​ട്ട​നാ​ട്ടി​ലെ ഗ്രാ​മ​ങ്ങ​ൾ എ​ന്നി​വി​ട​ങ്ങ​ളി​ലാ​യി​രു​ന്നു ഏ​റെ​യും ഷൂ​ട്ടി​ങ്. ക​ഥാ​പാ​ത്ര​ങ്ങ​ൾ ജീ​വി​ച്ച ആ ​മ​ണ്ണി​ലേ​ക്ക്​ ത​ക​ഴി​യെ കൂ​ടെ​കൂ​ട്ടി​യാ​ണ്​ ഓ​രോ സീ​നും എ​ടു​ത്ത​ത്. ക​ഥാ​കാ​ര​ൻ ക​ഥാ​പാ​ത്ര​ത്തി​ലേ​ക്ക്​ മാ​റി​യ​പ്പോ​ൾ ജീ​വി​താ​നു​ഭ​വ​ങ്ങ​ൾ ഏ​റെ​യു​ള്ള ത​ക​ഴി​യു​ടെ​യും കാ​ത്ത​യു​ടെ​യും ഹൃ​ദ​യ​ബ​ന്ധ​ത്തി​ന്‍റെ ആ​ഴ​വും പ​ര​പ്പും അ​തേ​പ​ടി പ​ക​ർ​ത്തി​യ​തും ഏ​റെ പ്ര​ശം​സ​പി​ടി​ച്ചു​പ​റ്റി​യി​രു​ന്നു.

സം​വി​ധാ​ന​ത്തി​ന്‍റെ കു​പ്പാ​യ​മ​ണി​​ഞ്ഞെ​ത്തി​യ എം.​ടി​യു​ടെ സി​നി​മ​വി​ശേ​ഷ​ങ്ങ​ളും വി​വ​ര​ങ്ങ​ളും അ​റി​യാ​ൻ ആ​കാം​ക്ഷ​യോ​ടെ എ​ത്തി​യ അ​ന്ന​ത്തെ പ​ത്ര​പ്ര​വ​ർ​ത്ത​ക​രെ ആ​രെ​യും അ​ടു​പ്പി​ച്ചി​ല്ല. പ​ല​ത​വ​ണ ഇ​തി​നാ​യി അ​വ​ർ ശ്ര​മി​ച്ചെ​ങ്കി​ലും വി​വ​ര​ങ്ങ​ൾ പ​ങ്കു​വെ​ച്ചി​ല്ല. വീ​ടി​ന്‍റെ ഉ​മ്മ​റ​ത്ത്​ മു​റു​ക്കാ​ൻ​ചെ​ല്ല​വും പി​ടി​ച്ചി​രു​ന്ന ത​ക​ഴി​യോ​ട്​ ചെ​ന്ന്​ അ​വ​ർ കാ​ര്യം പ​റ​ഞ്ഞു. എം.​ടി​യു​മാ​യി സം​സാ​രി​ക്കാ​ൻ അ​വ​സ​ര​മൊ​രു​ക്ക​ണ​മെ​ന്നാ​യി​രു​ന്നു ആ​വ​ശ്യം. എം.​ടി​യെ ത​ക​ഴി വാ​സൂ​വെ​ന്നാ​ണ്​ വി​ളി​ച്ചി​രു​ന്ന​ത്. വാ​സൂ​വേ.....​ഇ​ത്​ ന​മ്മു​ടെ പി​ള്ളേ​​രാ​ണ്. അ​വ​ർ​ക്ക്​ വേ​ണ്ട​ത്​ ചെ​യ്​​തു​കൊ​ടു​ക്ക​ണ​മെ​ന്ന്​ പ​റ​ഞ്ഞ​തോ​ടെ​യാ​ണ്​ അ​ഭി​മു​ഖ​ത്തി​ന്​ ത​യാ​റാ​യ​ത്.

ത​ക​ഴി​ച്ചേ​ട്ട​നെ​പ്പോ​ലെ പി​തൃ​തു​ല്യ​നാ​യ എ​ഴു​ത്തു​കാ​ര​ന്‍റെ ജീ​വി​ത​വും ആ​ത്​​മ​ക​ഥാം​ശം ഉ​ൾ​പ്പെ​ട്ട ക​ഥാ​പാ​ത്ര​ങ്ങ​ളും അ​ഭ്ര​പാ​ളി​യി​ലേ​ക്ക്​ പ​ക​ർ​ത്താ​നാ​യ​ത്​ ജീ​വി​ത​ത്തി​ലെ മ​ഹാ​ഭാ​ഗ്യ​മാ​ണെ​ന്നാ​ണ്​ അ​ന്ന്​ എം.​ടി പ​റ​ഞ്ഞ​ത്.