വടശ്ശേരിക്കര: പെരുനാട്ടിൽ സ്വകാര്യ ബസിന്‍റെ ചവിട്ടു പടിയിൽനിന്നു വീണ് വയോധികൻ മരിച്ചു. മേലേടത്തു മേലേതിൽ വീട്ടിൽ എം.പി. കമലാസനൻ (75) ആണ് മരിച്ചത്. ചൊവ്വാഴ്ച രാവിലെ 9.30നാണ് അപകടം ഉണ്ടായത്. തുടർന്ന് നാട്ടുകാരും ബന്ധുക്കളും ചേർന്ന് പത്തനംതിട്ട ജനറൽ ആശുപത്രിയിൽ എത്തിച്ചെങ്കിലും മരിച്ചു.
പെരുനാട് ചന്തയിൽ നിന്നു മഠത്തും മൂഴിയിലേക്ക് പോയ ഗ്രേസ് എന്ന പേരിലുള്ള ബസിൽനിന്നാണ് തെറിച്ചു വീണത്. പെരുനാട് അമ്പലത്തിനു സമീപത്തുവെച്ചായിരുന്നു അപകടം. കൊച്ചുമകളെ സ്കൂളിൽ വിടുന്നതിന് വേണ്ടി ബസിൽ കയറ്റിയ ശേഷം തിരിച്ചു ഇറങ്ങുന്നതിനിടെയാണ് വീണക്. ഈസമയം ബസ്സ് മുമ്പോട്ട് എടുത്തതാണ് അപകട കാരണമെന്ന് പറയുന്നു. അലക്ഷ്യമായി വാഹനമോടിച്ചതിന് ബസ് ഡ്രൈവർക്കെതിരെ പൊലീസ് കേസെടുത്തു. മൃതദേഹം പത്തനംതിട്ട ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുന്നു. സംസ്കാരം പിന്നീട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.