നി​ഷ്കാ​സി​ത

വി​ക​സി​ച്ചു​കൊ​ണ്ടേ​യി​രി​ക്കു​ന്നൊ​രു പ്ര​പ​ഞ്ച​ത്തി​ലാ​ണ് ന​മ്മു​ടെ ജീ​വി​തം. ഈ ​വി​കാ​സ​ത്തി​​​െൻറ ഓ​രോ നി​മി​ഷ​ത്തി​ലും പു​തി​യ താ​ര​ക​ങ്ങ​ളും താ​രാ​പ​ഥ​ങ്ങ​ളും സൃ​ഷ്​ടി​ക്ക​പ്പെ​ട്ടുകൊ​ണ്ടേ​യി​രി​ക്കു​ന്നു. ഒ​പ്പം, പ​ഴ​യ ന​ക്ഷ​ത്ര​ങ്ങ​ൾ മൃ​തി​യ​ട​യു​ക​യോ ത​മോ​ഗ​ർ​ത്ത​ങ്ങ​ളാ​യി പ​രി​ണ​മി​ക്കു​ക​യോ ചെ​യ്യു​ന്നു. ദ്ര​വ്യ​ത്തി​​െൻറ ജ​ന​ന-​മൃ​തി​ക​ളു​ടെ ഈ ​ആ​വ​ർ​ത്ത​നംപോ​ലെ​ത്ത​ന്നെ​യാ​ണ് ലോ​ക​ത്തി​ലെ ക​മ്യൂ​ണിസ്​റ്റ്​ പ്ര​സ്ഥാ​ന​ങ്ങ​ളു​ടെ വി​കാ​സ​വും സം​ഭ​വി​ച്ചുകൊ​ണ്ടി​രി​ക്കു​ന്ന​ത്. പാ​ർ​ട്ടി​യാ​യാ​ലും പാ​ർ​ട്ടി​ഭ​ര​ണ​മാ​യാ​ലും കാ​ലാ​നു​ഗ​ത​മാ​യി അ​വി​ടെ പു​തി​യ രാ​ഷ്​ട്രീ​യ താ​ര​ക​ങ്ങ​ൾ ഉ​ദ​യം ചെ​യ്തേ തീ​രൂ: അ​തി​ന​നു​സ​രി​ച്ച് വ​ഴി​മാ​റി​ക്കൊ​ടു​ക്കേണ്ട ബാ​ധ്യ​ത​ പ​ഴ​യ ന​ക്ഷ​ത്ര​ങ്ങ​ൾക്കുണ്ട്. കാ​ര്യ​ങ്ങ​ളെ ഇ​ങ്ങ​നെ മ​ന​സ്സി​ലാ​ക്കി​യാ​ൽ പി​ന്നെ ശൈ​ല​ജ ടീ​ച്ച​ർ ത​ഴ​യ​പ്പെ​​ട്ടെന്ന് ആ​ർ​ക്കും പ​റ​യാ​നാ​കി​ല്ല. പു​തി​യ ഭ​ര​ണ​വ​ർ​ഗം വ​ന്നേതീ​രൂ. പാ​ർ​ട്ടി​യി​ലാ​​െണ​ങ്കി​ൽ പ്ര​തി​ഭ​ക​ൾ​ക്കൊ​ട്ടും പ​ഞ്ഞ​വു​മി​ല്ല. പാ​ർ​ട്ടി സെ​ക്ര​ട്ട​റി മു​ത​ൽ പോ​രാ​ളി ഷാ​ജി വ​രെ സ​ർവം തി​ക​ഞ്ഞ പ്ര​തി​ഭ​ക​ൾത​ന്നെ. അ​പ്പോ​ൾ പി​ന്നെ ടീ​ച്ച​ർ​ക്ക് വ​ഴിമാ​റാ​തെ ത​ര​മി​ല്ല. എ​ന്നി​ട്ടും വെ​റും ​ൈകയോ​ടെ ഇ​റ​ക്കി​വി​ടാ​തെ വി​പ്പ് ന​ൽ​കി ആ​ദ​രി​ച്ചു​വെ​ന്ന​ത് മ​റ​ക്ക​രു​ത്. അ​താ​ണ് പാ​ർ​ട്ടി​യു​ടെ ഖ്യാ​തി.

എ​ന്നി​ട്ടും, ടീ​ച്ച​റെ പു​റ​ത്താ​ക്കി​യേ എ​ന്നാ​ണ് വി​ലാ​പം. ക​ണ്ണീ​ർ പൊ​ഴി​ക്കു​ന്ന​വ​രു​ടെ കൂ​ട്ട​ത്തി​ൽ വ​ർ​ഗ​ശ​ത്രു​ക്ക​ളും കു​ലം​കു​ത്തി​ക​ളു​മൊ​ക്കെ​യു​ണ്ട്. ഈ ​വി​ലാ​പ​കാ​രി​ക​ൾ​ക്കു​ള്ള മ​റു​പ​ടി പി​ണ​റാ​യി സ​ഖാ​വ് പാ​ർ​ട്ടി സെ​ക്ര​ട്ട​റി​യാ​യ കാ​ല​ത്തുത​ന്നെ പ​റ​ഞ്ഞ് വെ​ച്ചി​ട്ടു​ണ്ട്: 'ഈ ​പാ​ർ​ട്ടി​യെ കു​റി​ച്ച് നി​ങ്ങ​ൾ​ക്ക് ഒ​രു ചു​ക്കു​മ​റി​യി​ല്ല'. ബൂ​ർ​ഷ്വാ മാ​ധ്യ​മ​ങ്ങ​ളും വ​ർ​ഗ​ശ​ത്രു​ക്ക​ളും പാ​ർ​ട്ടി​യെ കു​റി​ച്ചോ പാ​ർ​ട്ടി നേ​താ​ക്ക​ളെ കു​റി​ച്ചോ ന​ല്ല​ത് പ​റ​ഞ്ഞാ​ൽ അ​തി​ലെ​ന്തോ കെ​ണി​യു​ണ്ടെ​ന്ന് ധ​രി​ക്കു​ന്ന​വ​രാ​ണ് ക​മ്യൂ​ണിസ്​റ്റു​ക​ൾ. പാ​ർ​ട്ടി ആ​ചാ​ര്യ​​െൻറ വി​ഖ്യാ​ത​മാ​യ ഈ ​ഉ​പ​ദേ​ശ​വും ടീ​ച്ച​റു​ടെ കാ​ര്യ​ത്തി​ൽ സ​ഖാ​വ് അ​ക്ഷ​രംപ്ര​തി അ​നു​സ​രി​ച്ചു. ക​ഴി​ഞ്ഞ സ​ർ​ക്കാ​റി​നെ​തി​രെ ആ​ഞ്ഞ​ടി​ക്കു​മ്പോ​ഴും ഈ ​ബൂർഷ്വാ​സി​ക​ൾ ടീ​ച്ച​റോ​ട് അ​ൽ​പം ദയ കാ​ണി​ക്കു​ന്ന​ത് അ​ന്നേ മു​ഖ്യ​ൻ ശ്ര​ദ്ധി​ച്ച​താ​ണ്.​ അ​തു​കൊ​ണ്ടാ​ണ് ആ​റു​മ​ണി വാ​ർ​ത്ത സ​മ്മേ​ള​ന​ങ്ങ​ളി​ൽ ടീ​ച്ച​റെ 'സാമൂഹിക അ​ക​ല'ത്തി​ൽ ഇരുത്തി പ​ണിതു​ട​ങ്ങി​യ​ത്. അ​ന്നേ ചി​ല രാ​ഷ്​ട്രീ​യ പ​ണ്ഡി​റ്റു​ക​ൾ ടീ​ച്ച​റു​ടെ ഭാ​വി പ്ര​വ​ചി​ച്ചി​രു​ന്നു: ഭ​ര​ണ​ത്തു​ട​ർ​ച്ച​യൊ​ന്നു​ണ്ടെ​ങ്കി​ൽ ആ ​ക്യാ​ബി​ന​റ്റി​ൽ ശൈ​ല​ജ ടീ​ച്ച​ർ ഉ​ണ്ടാ​വി​ല്ല. അ​തു മാ​ത്ര​മാ​ണി​പ്പോ​ൾ സം​ഭ​വി​ച്ച​ത്. എ​ന്നാ​ലും ടീ​ച്ച​ർ​ക്ക് പ​രി​ഭ​വ​മി​ല്ല. ഒ​ന്നി​നെ​യും വൈ​കാ​രി​ക​മാ​യി കാ​ണാ​നി​ല്ലെ​ന്ന് തു​റ​ന്നുപ്ര​ഖ്യാ​പി​ച്ചി​ട്ടു​ണ്ട്. അ​ഞ്ചു​വ​ർ​ഷ​ത്തെ പ്ര​വ​ർ​ത്ത​ന​ങ്ങ​ളു​ടെ സു​ദീ​ർ​ഘ​മാ​യ റി​പ്പോ​ർ​ട്ട് സോ​ഷ്യ​ൽ മീ​ഡി​യ​യു​ടെ മേ​ശ​പ്പു​റ​ത്ത് വെ​ച്ചാ​ണ് പ​ടി​യി​റ​ക്കം.

അ​ധ്യാ​പ​ന ജീ​വി​ത​ത്തി​ൽനി​ന്ന് വി​ടു​ത​ൽ തേ​ടി​യി​ട്ട് വ​ർ​ഷം പ​ത്തു​പ​തി​നേ​ഴാ​യെങ്കിലും രണ്ടു വർഷമായി ടീ​ച്ച​ർ, ടീ​ച്ച​റ​മ്മ എ​ന്നൊ​ക്കെ കേ​ൾ​ക്കു​മ്പോ​ൾ മ​ല​യാ​ളി​ക​ളു​ടെ മ​ന​സ്സി​ൽ തെ​ളി​യു​ന്ന മു​ഖം കെ.കെ. ശൈ​ല​ജ​യു​ടേ​താ​ണ്. ക്ലാ​സ് മു​റി​ക​ളി​ൽനി​ന്നി​റ​ങ്ങി​യ​തി​നു ശേ​ഷ​മാ​ണ് ശ​രി​ക്കു​മൊ​രു ടീ​ച്ച​റാ​യി മാ​റി​യ​ത്. അ​ക്കാ​ദ​മി​ക് ക​രി​ക്കു​ല​ത്തി​ന​പ്പു​റം, കേ​ര​ളീ​യ​ർ​ക്ക് അ​ത്യാ​വ​ശ്യം വേ​ണ്ട രാ​ഷ്​ട്രീ​യ വി​ദ്യാ​ഭ്യാ​സം ന​ൽ​കു​ക​യാ​യി​രു​ന്നു അ​വ​ർ.​ മു​ഴു​വ​ൻസ​മ​യ രാ​ഷ്​ട്രീ​യത്തി​ലേ​ക്കി​റ​ങ്ങു​ന്ന​തി​നു മു​​േമ്പത​ന്നെ​യു​ണ്ടി​ത്. തൊ​ണ്ണൂ​റു​ക​ളി​ൽ പാ​ർ​ട്ടി​യു​ടെ പ്ര​ഭാ​ഷ​ണ വേ​ദി​ക​ളി​ൽ തി​ള​ങ്ങു​ന്ന സാ​ന്നി​ധ്യ​മാ​യി​രു​ന്നു. പു​ത്ത​ൻ സാ​മ്പ​ത്തി​ക ന​യ​ങ്ങ​ളെ കു​റി​ച്ചും ഗാ​ട്ട് ക​രാ​റി​നെ​ക്കു​റി​ച്ചു​മെ​ല്ലാം.

അ​ക്കാ​ല​ങ്ങ​ളി​ൽ ന​ട​ത്തി​യ പ്ര​സം​ഗ​ങ്ങ​ളാ​ണ് ശൈ​ല​ജ എ​ന്ന രാ​ഷ്​ട്രീ​​യ നേ​താ​വി​നെ കേ​ര​ള​ത്തി​നു സ​മ്മാ​നി​ച്ച​ത്. 24 വ​ർ​ഷം വി​ദ്യാ​ർ​ഥി​ക​ളു​മാ​യി ചെല​വ​ഴി​ച്ച​തി​​െൻറ ത​ഴ​ക്കം, അ​ടി​സ്ഥാ​ന ജ​ന​വി​ഭാ​ഗ​ങ്ങ​ളു​മാ​യു​ള്ള നി​ര​ന്ത​ര​സ​മ്പ​ർ​ക്കം, പ​ര​ന്ന വാ​യ​ന ഇ​വ​യൊ​ക്കെ​യാ​യി​രു​ന്നു ആ ​പ്ര​ഭാ​ഷ​ണ​ങ്ങ​ളെ ധ​ന്യമ​നോ​ഹ​ര​മാ​ക്കി​യ​ത്. ജ​ന​പ്ര​തി​നി​ധി എ​ന്നനി​ല​യി​ൽ അ​സൂ​യാ​വ​ഹ​മാ​യ നേ​ട്ട​ങ്ങ​ൾ കൈ​പ്പി​ടി​യി​ലൊ​തു​ക്കാ​ൻ സ​ഹാ​യി​ച്ച​തും അ​ക്കാ​ല​ത്തെ പാ​ർ​ട്ടി വേ​ദി​ക​ളി​ലെ അ​നു​ഭ​വ​ങ്ങ​ൾത​ന്നെ​യാ​ണ്. ആ ​അ​നു​ഭ​വ​ങ്ങ​ളു​ടെ തു​ട​ർ​ച്ച​യി​ലാ​ണ് ടീ​ച്ച​ർ ടീ​ച്ച​റ​മ്മ​യാ​യി വ​ള​ർ​ന്ന​ത്.​ ടീ​ച്ച​റ​മ്മ എ​ന്നൊ​ക്കെ കേ​ൾ​ക്കാ​ൻ സു​ഖ​മു​​െണ്ട​ങ്കി​ലും ആ ​വി​ളി​യി​ൽ പാ​ട്രി​യാ​ർ​ക്കി​യു​ടെ ഒ​ളി​യ​മ്പു​ക​ളു​ണ്ടെ​ന്നാ​യി ചി​ല​ർ. എ​ന്നാ​ലും സാ​ര​മി​ല്ല ഭൂ​രി​പ​ക്ഷം മ​ല​യാ​ളി​ക​ൾ​ക്കും റാ​ഡി​ക്ക​ൽ ഫെ​മി​നി​സ​ത്തി​​െൻറ അ​ടി​സ്ഥാ​ന​തത്ത്വങ്ങ​ളൊ​ന്നും വ​ലി​യ പി​ടി​യി​ല്ലാ​ത്ത സ്ഥി​തി​ക്ക് ആ ​വി​ളി ന​ല്ലൊ​രു സ​ർ​ട്ടി​ഫി​ക്ക​റ്റുത​ന്നെ​യാ​ണ്.

നി​യ​മ​സ​ഭ​യി​ലേ​ക്ക് ഇ​ത് നാ​ലാ​മൂ​ഴ​മാ​ണ്. സ​ഭ​യി​ലെ​ത്തി​യ​പ്പോ​ഴെ​ല്ലാം ഭ​ര​ണ​പ​ക്ഷ​ത്തി​രി​ക്കാ​നായി​രു​ന്നു യോ​ഗം. 1996ൽ ​കൂ​ത്തു​പ​റ​മ്പി​ൽ നി​ന്നാ​ണ് ആ​ദ്യ​മാ​യി തെ​ര​ഞ്ഞെ​ടു​ക്ക​പ്പെ​ട്ട​ത്. 2006ൽ ​പേ​രാ​വൂ​രി​ൽനി​ന്നും 2016ൽ കൂ​ത്തു​പ​റ​മ്പി​ൽനി​ന്നും സ​ഭ​യി​ലെത്തി​. ഇ​ക്കു​റി മ​ട്ട​ന്നൂ​രി​ൽനി​ന്ന്. അ​തും റെ​ക്കോ​ഡ് ഭൂ​രി​പ​ക്ഷ​ത്തി​ൽ. ഒ​ന്നാം പി​ണ​റാ​യി സ​ർ​ക്കാ​റി​ൽ അം​ഗ​മാ​കു​മ്പോ​ൾ ഒ​ട്ടും ആ​ത്മ​വി​ശ്വാ​സ​മു​ണ്ടാ​യി​രു​ന്നി​ല്ല. സു​പ്ര​ധാ​ന​മാ​യ ആ​രോ​ഗ്യ​ വ​കു​പ്പി​ൽനി​ന്ന്​ മാ​റ്റി ല​ഘു​വാ​യ വ​ല്ല​തും ത​ന്നാ​ൽ മ​തി​യെ​ന്ന് അ​ക്കാ​ല​ത്ത് പാ​ർ​ട്ടി നേ​തൃ​ത്വ​ത്തോ​ട് ടീ​ച്ച​ർ അ​പേ​ക്ഷി​ച്ചി​രു​ന്നു​വ​ത്രെ. പ​​േക്ഷ, പാ​ർ​ട്ടി അ​ത് ചെ​വി​ക്കൊ​ണ്ടി​ല്ല. ആ​രോ​ഗ്യ മ​ന്ത്രി​യെ​ന്ന നി​ല​യി​ൽ ആ​ദ്യ പ​രീ​ക്ഷ​ണം നേ​രി​ട്ട​ത് നി​പ​യു​ടെ കാ​ല​ത്താ​ണ്

17 മ​ല​യാ​ളി​ക​ളു​ടെ ജീ​വ​ൻ എ​ടു​ത്ത നി​പ കാ​ലം മ​ല​യാ​ളി​ക്ക് അ​ത്ര​ പെ​ട്ടെ​ന്ന് മ​റ​ക്കാ​നാ​വി​ല്ല. നി​പ​യു​ടെ ഒ​ന്നാം ഇ​ര സാ​ബി​ത്ത് എ​ന്ന ചെ​റു​പ്പ​ക്കാ​ര​​െൻറ മ​ര​ണ​വാ​ർ​ത്ത എ​ത്തു​മ്പോ​ൾ ടീ​ച്ച​ർ നി​പ എ​ന്ന പേ​രുത​ന്നെ കേ​ട്ടി​ട്ടു​ണ്ടാ​യി​രു​ന്നി​ല്ല. ആ ​സ​മ​യം അ​വ​ർ ക​ണ്ണൂ​രി​ലായി​രു​ന്നു. അ​വി​ടെ​നി​ന്ന്​ കോ​ഴി​ക്കോ​ട്ടേ​ക്കു​ള്ള കാ​ർ യാ​ത്ര​ക്കി​ട​യി​ലാ​ണ് വൈ​റ​സി​നെ കു​റി​ച്ച് ഇ​ൻ​റ​ർ​നെ​റ്റി​ൽ പ​ര​തി​യ​ത്. ല​ഭ്യ​മാ​യ കു​റ​ച്ച് വി​വ​ര​ങ്ങ​ൾ വാ​യി​ച്ച​റി​ഞ്ഞശേ​ഷ​മാ​ണ് അ​ന്ന് ക​ല​ക്ട​റേ​റ്റി​ൽ ആ​രോ​ഗ്യ വി​ദ​ഗ്ധ​രു​മാ​യി ടീ​ച്ച​ർ ച​ർ​ച്ച​ക്ക് എ​ത്തി​യ​ത്. പി​ന്നീ​ട് ന​ട​ന്ന​തെ​ല്ലാം ച​രി​ത്രം. 21 ദി​വ​സംകൊ​ണ്ട് മാ​ര​ക വൈ​റ​സി​നെ കെ​ട്ടു​കെ​ട്ടി​ച്ച്​ കേ​ര​ള ആ​രോ​ഗ്യ മോ​ഡ​ലി​ൽ പു​തി​യ അ​ധ്യാ​യം കൂ​ട്ടി​ച്ചേ​ർ​ത്തു ടീ​ച്ച​റും സം​ഘ​വും.

നി​പ​യു​ടെ ര​ണ്ടാം​ വ​ര​വി​നെ​യും ഇ​തു​പോ​ലെ നേ​രി​ട്ടു. ആ ​മി​ടു​ക്കി​ലാ​ണ് ന​മ്മു​ടെ ആ​രോ​ഗ്യ മോ​ഡ​ലി​​െൻറ ലെ​ഗ​സി അ​ങ്ങ് ബാ​ൾ​ട്ടി​മോ​റി​ലെ ഗ​വേ​ഷ​ണ​കേ​ന്ദ്ര​ത്തി​ൽ വ​രെ എ​ത്തി​യ​ത്. കേ​ര​ള​ത്തി​ൽ വൈ​റോ​ള​ജി ഇ​ൻ​സ്​റ്റി​റ്റ്യൂ​ട്ട് യാ​ഥാ​ർ​ഥ്യ​മാ​കു​ന്ന​തും അ​ങ്ങ​നെ​യാ​ണ്. സ​മാ​ന​മാ​യി​രു​ന്നു കോ​വി​ഡ് കാ​ല​വും. രാ​ജ്യ​ത്തെ മ​റ്റൊ​രു സം​സ്ഥാ​ന​വും ഒ​രു​ക്കാ​ത്ത​വി​ധം ആ​രോ​ഗ്യ​ര​ക്ഷാ സം​വി​ധാ​ന​ങ്ങ​ൾ സ​ജ്ജീ​ക​രി​ച്ച്​ മ​റ്റൊ​രു മാ​തൃ​കകൂ​ടി സൃ​ഷ്​ടി​ച്ച്​ കോ​വി​ഡി​​െൻറ ഒ​ന്നാം ത​രം​ഗ​ത്തെ കാ​ര്യ​മാ​യ അ​പ​ക​ട​ങ്ങ​ളി​ല്ലാ​തെ പി​ടി​ച്ചുകെ​ട്ടി​യ​ത് ആ ​സം​വി​ധാ​ന​ങ്ങ​ളി​ലൂ​ടെ​യാ​ണ്. എ​ങ്ങനെ​യാ​ണ് അ​ത്ഭു​ത​ക​ര​മാം വി​ധം ഇ​തെ​ല്ലാം സാ​ധ്യ​മാ​വു​ന്ന​തെ​ന്ന് ചോ​ദി​ച്ചാ​ൽ ടീ​ച്ച​ർ​ക്ക് അ​തി​ന് കൃ​ത്യ​മാ​യ ഒ​രു​ത്ത​ര​മു​ണ്ട്. ഒ​രി​ക്ക​ൽ ഒ​രു ദേ​ശീ​യ ചാ​ന​ലി​ന് അ​നു​വ​ദി​ച്ച അ​ഭി​മു​ഖ​ത്തി​ൽ അ​വ​ർ ഇ​ങ്ങ​നെ പ​റ​ഞ്ഞു: ''സ​മൂ​ഹ​ത്തി​ലേ​ക്ക് ക​ണ്ണും കാ​തും തു​റ​ന്നുവെ​ച്ചാ​ൽ മാ​റ്റ​ങ്ങ​ൾ സൃ​ഷ്​ടി​ക്കാ​നാ​കും. കോ​വി​ഡി​നെ കു​റി​ച്ചെ​ല്ലാം എ​ത്ര​യോ ലേ​ഖ​ന​ങ്ങ​ൾ ഇ​ൻറ​ർ​നെ​റ്റി​ൽ ല​ഭ്യ​മാ​ണ​ല്ലോ. സ​മ​യം കി​ട്ടു​മ്പോ​ഴെ​ല്ലാം അ​ത്​വാ​യി​ക്കാ​ൻ ശ്ര​മി​ക്കും. അ​ല്ലാ​തെ, ഹി​ന്ദു​ത്വർ പ്ര​ച​രി​പ്പി​ക്കു​ന്ന അ​ന്ധ​വി​ശ്വാ​സ​ങ്ങ​ളു​ടെ പി​റ​കെ പോ​കി​ല്ല.''

എ​ന്തുചെ​യ്യാം, ഈ ​ദീ​ർ​ഘ​വീ​ക്ഷ​ണ​ത്തി​നും ശാ​സ്ത്രബോ​ധ​ത്തി​നും ഒ​ന്നു​മ​ല്ല ഭ​ര​ണ​ത്തു​ട​ർ​ച്ച​യി​ൽ മാ​ർ​ക്ക്. ചി​ട്ട​പ്പെ​ടു​ത്തി​യ പാ​ർ​ട്ടി ന​യ​ങ്ങ​ൾ​ക്ക​നു​സ​രി​ച്ച് മാ​ത്ര​മേ കാ​ര്യ​ങ്ങ​ൾ മു​ന്നോ​ട്ടു പോ​കൂ എ​ന്നാ​ണെ​ങ്കി​ൽ പി​ന്നെ പ​റ​ഞ്ഞി​ട്ടെ​ന്ത് കാ​ര്യം.

1956 ന​വം​ബ​ർ 20ന് ​ജ​ന​നം. ക​ണ്ണൂ​ർ പാ​യം പ​ഞ്ചാ​യ​ത്തി​ലെ മാ​ട​ത്തി​യി​ൽ കു​ണ്ട​​െൻറ​യും ശാ​ന്ത​യു​ടെ​യും ഏ​ക​മ​ക​ൾ. മ​ട്ട​ന്നൂ​ർ പ​ഴ​ശ്ശി കോ​ള​ജി​ൽ​നി​ന്ന് ബി.എസ്​സി ​ബി​രു​ദം. തു​ട​ർ​ന്ന് അ​ധ്യാ​പ​ന ബി​രു​ദ​വും. ഇ​പ്പോ​ൾ പാ​ർ​ട്ടി​യു​ടെ കേ​ന്ദ്ര ക​മ്മി​റ്റി അം​ഗ​മാ​ണ്. 'സ്ത്രീ​ശ​ബ്​ദം' മാ​സി​ക​യു​ടെ എ​ഡി​റ്റ​റാ​യി​രു​ന്നു. ഏ​താ​നും പു​സ്ത​ക​ങ്ങ​ൾ ര​ചി​ച്ചി​ട്ടു​ണ്ട്. നി​പ പ്ര​തി​രോ​ധ പ്ര​വ​ർ​ത്ത​ന​ങ്ങ​ളു​ടെ പേ​രി​ൽ മാ​ൾ​ഡോ​വ​യി​ലെ ഒ​രു ആ​രോ​ഗ്യ സ​ർവ​ക​ലാ​ശാ​ല വി​സി​റ്റിങ്​ പ്ര​ഫ​സ​ർ പ​ദ​വി ന​ൽ​കി ആ​ദ​രി​ച്ചി​ട്ടു​ണ്ട്. മ​ട്ട​ന്നൂ​ർ ന​ഗ​ര​സ​ഭ മു​ൻ ചെ​യ​ർ​മാ​ൻ കെ. ​ഭാ​സ്ക​ര​നാ​ണ് ഭ​ർ​ത്താ​വ്.