കോൺ​ഗ്രസിന്റെ കെടാവിളക്ക്

ഇ​ന്ത്യ​ൻ നാ​ഷ​ന​ൽ കോ​ൺ​​ഗ്ര​സി​ന് കേ​ര​ള​ത്തി​ൽ ഇ​ന്നും ഉ​രു​ക്കു​കോ​ട്ട​യാ​ണ് എ​റ​ണാ​കു​ളം ജി​ല്ല. നാ​ല് ലോ​ക്സ​ഭാ മ​ണ്ഡ​ല​ങ്ങ​ളാ​ണ് ജി​ല്ല​യു​ടെ പ​രി​ധി​യി​ൽ വ​രു​ന്ന​ത്. നാ​ലി​ട​ത്തും ഇ​ന്ത്യ​ൻ നാ​ഷ​ന​ൽ കോ​ൺ​​ഗ്ര​സി​ന്റെ പ്ര​തി​നി​ധി​ക​ൾ ലോ​ക്സ​ഭ​യി​ലി​രി​ക്കു​ന്നു. പാ​ർ​ട്ടി​യു​ടെ ഈ ​ക​രു​ത്തി​ന് അ​ടി​ത്ത​റ​യി​ട്ട കാ​രി​രു​മ്പാ​ണ് ഇ​ന്ന​ലെ ന​മ്മെ വി​ട്ടു​പോ​യ ടി.​എ​ച്ച്. മു​സ്ത​ഫ. കോ​ൺ​​ഗ്ര​സി​ന്റെ എ​ക്കാ​ല​ത്തെ​യും വ​ലി​യ തീ​പ്പൊ​രി​നേ​താ​വ്.

14 വ​ർ​ഷ​മാ​ണ് എ​റ​ണാ​കു​ളം ഡി.​സി.​സി​യു​ടെ അ​ധ്യ​ക്ഷ പ​ദ​വി​യി​ലി​രു​ന്ന് അ​ദ്ദേ​ഹം പാ​ർ​ട്ടി വ​ള​ർ​ത്തി​യ​ത്. സ​ഹാ​യം തേ​ടി​യെ​ത്തു​ന്ന​വ​രു​ടെ ജാ​തി​യോ മ​ത​മോ, എ​ന്തി​ന് രാ​ഷ്‌​ട്രീ​യം പോ​ലും നോ​ക്കാ​തെ, സ​മീ​പി​ക്കു​ന്ന​വ​ർ​ക്ക് സാ​ധ്യ​മാ​യ​തെ​ല്ലാം ചെ​യ്തു കൊ​ടു​ത്തു. സ​മൂ​ഹ​ത്തി​ന്റെ ഏ​തു കി​ട​യി​ൽ​പ്പെ​ട്ട ആ​ളാ​യാ​ലും അ​ദ്ദേ​ഹ​ത്തി​നു ച​ങ്ങാ​തി​യാ​യി​രു​ന്നു. ഈ ​ആ​ത്മ​ബ​ന്ധ​മാ​ണ് മു​സ്ത​ഫ​യെ ജ​ന​ഹൃ​ദ​യ​ങ്ങ​ളി​ൽ കു​ടി​യി​രു​ത്തി​യ​ത്.

1978ൽ ​പാ​ർ​ട്ടി​യി​ൽ ഭി​ന്നി​പ്പ് രൂ​ക്ഷ​മാ​യ​പ്പോ​ൾ ലീ​ഡ​ർ കെ. ​ക​രു​ണാ​ക​ര​ന്റെ വ​ലം​കൈ​യാ​യി മു​സ്ത​ഫ​യു​ണ്ടാ​യി​രു​ന്നു. കേ​ര​ള​ത്തി​ൽ അ​ങ്ങോ​ള​മി​ങ്ങോ​ളം ഓ​ടി​ന​ട​ന്ന് അ​ദ്ദേ​ഹം പാ​ർ​ട്ടി​യെ ശ​ക്തി​പ്പെ​ടു​ത്തി. എ​ത്ര വ​ലി​യ ജ​ന​ക്കൂ​ട്ട​ത്തെ​യും പി​ടി​ച്ചി​രു​ത്തു​ന്ന പ്ര​സം​​ഗ ശൈ​ലി അ​ദ്ദേ​ഹ​ത്തെ മി​ക​ച്ച ക്രൗ​ഡ് പു​ള്ള​റാ​ക്കി. സ​മ​കാ​ലീ​ന രാ​ഷ്‌​ട്രീ​യം അ​ടി​സ്ഥാ​ന​മാ​ക്കി മ​ണി​ക്കൂ​റു​ക​ളോ​ളം നീ​ളു​ന്ന പ്ര​സം​​ഗ​ത്തി​ലൂ​ടെ എ​തി​രാ​ളി​ക​ളു​ടെ പോ​ലും മ​ന​സ്സി​ൽ ഇ​ടം​പി​ടി​ച്ചു.

എ​വി​ടെ​യെ​ങ്കി​ലും മു​സ്ത​ഫ പ്ര​സം​​ഗി​ക്കു​ന്നു എ​ന്ന​റി‍ഞ്ഞാ​ൽ ജ​നം അ​വി​ടേ​ക്ക് ഒ​ഴു​കു​ന്ന കാ​ല​മു​ണ്ടാ​യി​രു​ന്നു. പ്ര​സം​​ഗം കേ​ട്ട് തൃ​പ്തി​വ​രാ​ത്ത ശ്രോ​താ​ക്ക​ൾ അ​ത് റെ​ക്കോ‍ഡ് ചെ​യ്യാ​നും തു​ട​ങ്ങി. അ​ക്കാ​ല​ത്ത് ഏ​റ്റ​വും ഡി​മാ​ൻ​ഡു​ള്ള രാ​ഷ്‌​ട്രീ​യ കാ​സ​റ്റു​ക​ൾ മു​സ്ത​ഫ​യു​ടെ പ്ര​സം​​ഗ​ത്തി​ന്റേ​താ​യി​രു​ന്നു.

ഞാ​ൻ വി​ദ്യാ​ർ​ഥി രാ​ഷ്‌​ട്രീ​യം തു​ട​ങ്ങി​യ കാ​ല​ത്ത് മു​സ്ത​ഫ കെ.​പി.​സി.​സി ഭാ​ര​വാ​ഹി​യാ​യി​രു​ന്നു. ജ​ന​റ​ൽ സെ​ക്ര​ട്ട​റി എ​ന്ന നി​ല​യി​ൽ അ​ദ്ദേ​ഹം ന​ൽ​കി​യ പി​ന്തു​ണ​യും പ്രോ​ത്സാ​ഹ​ന​വും ന​ന്ദി​യോ​ടെ​യ​ല്ലാ​തെ ഇ​പ്പോ​ഴും ഓ​ർ​ക്കാ​നാ​വി​ല്ല. ഏ​തു പ്ര​തി​സ​ന്ധി​ക്കും മു​സ്ത​ഫ​ക്കു പ​രി​ഹാ​ര​മു​ണ്ടാ​യി​രു​ന്നു. ചോ​ദി​ക്കാ​ൻ ഞ​ങ്ങ​ൾ​ക്കാ​യി​രു​ന്നു മ​ടി. ന​ൽ​കാ​ൻ എ​ല്ലാ കാ​ല​ത്തും അ​ദ്ദേ​​ഹം ധാ​രാ​ളി​യാ​യി​രു​ന്നു.

ഇ​ന്ദി​രാ പ​ക്ഷ​ത്തേ​ക്ക് കേ​ര​ള​ത്തി​ലെ ചെ​റു​പ്പ​ക്കാ​രെ ആ​ട്ടി​ത്തെ​ളി​ക്കാ​ൻ ഇ​റ​ങ്ങി​യ ഞ​ങ്ങ​ൾ​ക്ക് മു​സ്ത​ഫ ക​ല​വ​റ​യി​ല്ലാ​തെ പി​ന്തു​ണ ന​ൽ​കി. അ​തു ന​ൽ​കി​യ ഊ​ർ​ജ​ത്തി​ന്റെ കൂ​ടി വെ​ളി​ച്ച​ത്തി​ലാ​ണ് ഒ​രി​ക്ക​ൽ സം​ഘ​ട​ന വി​ട്ടു​പോ​യ വി​ഭാ​​ഗ​ത്തെ​ക്കൂ​ടി മാ​തൃ​സം​ഘ​ട​ന​യി​ൽ തി​രി​കെ കൊ​ണ്ടു​വ​രാ​ൻ സ​ഹാ​യ​ക​മാ​യ​ത്.

വ​ള​രെ സ​മ്പ​ന്ന​മാ​യ ത​റ​വാ​ട്ടി​ലാ​യി​രു​ന്നു അ​ദ്ദേ​ഹ​ത്തി​ന്റെ ജ​ന​നം. പ​ക്ഷേ, ത​ന്റെ സ​മ്പ​ത്തി​ന്റെ ന​ല്ലൊ​രു ഭാ​​ഗം അ​ദ്ദേ​ഹം പൊ​തു​പ്ര​വ​ർ​ത്ത​ന​ത്തി​നാ​യി മാ​റ്റി​വെ​ച്ചു. സ​ഹാ​യം തേ​ടി​യെ​ത്തു​ന്ന ഒ​രാ​ളെ​പ്പോ​ലും നി​രാ​ശ​രാ​ക്കി മ​ട​ക്കി​യ​യ​ച്ചി​ട്ടി​ല്ല. മു​സ്ത​ഫ​യു​ടെ അ​ച്ഛ​നും മു​ത്ത​ച്ഛ​നു​മൊ​ക്കെ നാ​ട്ടി​ൽ പ​ര​ക്കെ സ്വീ​കാ​ര്യ​ത​യു​ള്ള പൊ​തു പ്ര​വ​ർ​ത്ത​ക​രു​മാ​യി​രു​ന്നു.

പാ​ർ​ട്ടി​യു​ടെ സാ​ധാ​ര​ണ പ്ര​വ​ർ​ത്ത​ക​നാ​യി തു​ട​ങ്ങി ചി​ട്ട​യാ​യ പ്ര​വ​ർ​ത്ത​ന​ത്തി​ലൂ​ടെ​യും ക​ഠി​നാ​ധ്വാ​ന​ത്തി​ലൂ​ടെ​യും ഡി.​സി.​സി അ​ധ്യ​ക്ഷ​ൻ, കെ.​പി.​സി.​സി ഭാ​ര​വാ​ഹി, എം.​എ​ൽ.​എ, മ​ന്ത്രി എ​ന്നീ സ്ഥാ​ന​ങ്ങ​ളി​ലേ​ക്ക് എ​ത്തി​യ നേ​താ​വാ​യി​രു​ന്നു ടി.​എ​ച്ച്. മു​സ്ത​ഫ.

1957-1960 കാ​ല​ത്ത് യൂ​ത്ത് കോ​ൺ​ഗ്ര​സ് വാ​ഴ​ക്കു​ളം മ​ണ്ഡ​ലം പ്ര​സി​ഡ​ൻ​റ് എ​ന്ന നി​ല​യി​ലാ​യി​രു​ന്നു തു​ട​ക്കം.

പാ​ർ​ട്ടി​യി​ലും ബ​ഹു​ജ​ന​ങ്ങ​ൾ​ക്കു​മി​ട​യി​ലു​ള്ള സ്വാ​ധീ​ന​വും സ്വീ​കാ​ര്യ​ത​യും മു​സ്ത​ഫ​യെ അ​ഞ്ചു​ത​വ​ണ നി​യ​മ​സ​ഭ​യി​ലെ​ത്തി​ച്ചു. 1991-1995ൽ ​കെ. ക​രു​ണാ​ക​ര​ൻ മ​ന്ത്രി​സ​ഭ​യി​ൽ ഭ​ക്ഷ്യ പൊ​തു​വി​ത​ര​ണ വ​കു​പ്പ് മ​ന്ത്രി​യാ​യും സേ​വ​ന​മ​നു​ഷ്ഠി​ച്ചു.

ഈ ​കാ​ല​ത്താ​ണ് കേ​ര​ള​ത്തി​ൽ ദാ​രി​ദ്ര്യ രേ​ഖ​ക്ക് താ​ഴെ​യു​ള്ള​വ​ർ​ക്കു പ്ര​ത്യേ​ക​മാ​യി റേ​ഷ​ൻ കാ​ർ​ഡ് ഏ​ർ​പ്പെ​ടു​ത്താ​നു​ള്ള ന​ട​പ​ടി​ക​ൾ തു​ട​ങ്ങി​യ​ത്. പൊ​തു​വി​ത​ര​ണ സ​മ്പ്ര​ദാ​യം ശ​ക്തി​പ്പെ​ടു​ത്തു​ന്ന​തി​നു​വേ​ണ്ടി ഭ​ക്ഷ്യ​മ​ന്ത്രി​യാ​യി​രു​ന്ന കാ​ല​ത്ത് അ​ദ്ദേ​ഹം നി​ര​വ​ധി ന​ട​പ​ടി​ക​ൾ സ്വീ​ക​രി​ച്ചി​ട്ടു​ണ്ട്. കോ​ൺ​ഗ്ര​സ് പ്ര​വ​ർ​ത്ത​ക​ർ​ക്ക് ആ​വേ​ശം പ​ക​രു​ന്ന​താ​യി​രു​ന്നു മു​സ്ത​ഫ​യു​ടെ പ്ര​വ​ർ​ത്ത​ന രീ​തി. മി​ക​ച്ച സം​ഘാ​ട​ക​നും ഭ​ര​ണ​ക​ർ​ത്താ​വു​മാ​യി​രു​ന്നു.

കോ​ൺ​ഗ്ര​സ് യു​വ​ജ​ന പ്ര​സ്ഥാ​ന​ത്തി​ലൂ​ടെ പൊ​തു​രം​ഗ​ത്തെ​ത്തി​യ അ​ദ്ദേ​ഹം തീ​പ്പൊ​രി പ്രാ​സം​ഗി​ക​നും മി​ക​ച്ച സം​ഘാ​ട​ക​നു​മാ​യി​രു​ന്നു.

എ​റ​ണാ​കു​ളം മ​റൈ​ൻ ഡ്രൈ​വി​ൽ അ​ദ്ദേ​ഹം ന​ട​ത്തി​യ നാ​ലു​മ​ണി​ക്കൂ​ർ ദൈ​ർ​ഘ്യ​മു​ള്ള പ്ര​സം​ഗം ച​രി​ത്ര​ത്തി​ന്റെ ഭാ​ഗ​മാ​ണ്. കെ. ​ക​രു​ണാ​ക​ര​ൻ പ്ര​തി​പ​ക്ഷ നേ​താ​വാ​യി​രി​ക്കെ, അ​ന്ന​ത്തെ ഇ​ട​തു സ​ർ​ക്കാ​റി​നെ​തി​രെ, മു​സ്ത​ഫ ന​യി​ച്ച രാ​ജ്ഭ​വ​ൻ മാ​ർ​ച്ച് വ​ൻ വി​ജ​യ​മാ​യി​രു​ന്നു.

ആ​യി​ര​ത്തി​ൽ പ​രം കി​ലോ​മീ​റ്റ​ർ കാ​ൽ​ന​ട​യാ​യാ​ണ് അ​ദ്ദേ​ഹം യാ​ത്ര ന​യി​ച്ച​ത്. ജ​ന​പി​ന്തു​ണ കൊ​ണ്ടും രാ​ഷ്‌​ട്രീ​യ കാ​ലാ​വാ​സ്ഥ കൊ​ണ്ടും ഈ ​യാ​ത്ര വ​ലി​യ ജ​ന​ശ്ര​ദ്ധ നേ​ടി.കോ​ൺ​ഗ്ര​സി​ന്റെ ക​രു​ത്ത​നാ​യ നേ​താ​വും പ്ര​വ​ർ​ത്ത​ക​രു​ടെ ക​ണ്ണി​ലു​ണ്ണി​യു​മാ​യി​രു​ന്നു ടി.​എ​ച്ച്. മു​സ്ത​ഫ. മി​ക​ച്ച സം​ഘാ​ട​ക​നെ​ന്ന നി​ല​യി​ൽ പാ​ർ​ട്ടി​യെ ശ​ക്തി​പ്പെ​ടു​ത്തു​ന്ന​തി​ൽ നി​സ്തു​ല​മാ​യ പ​ങ്കാ​ണ് അ​ദ്ദേ​ഹം വ​ഹി​ച്ചി​ട്ടു​ള്ള​ത്.

പാ​ർ​ട്ടി പ്ര​വ​ർ​ത്ത​ക​രെ മാ​ത്ര​മ​ല്ല എ​ല്ലാ​വ​രെ​യും സ​ഹാ​യി​ക്കാ​നു​ള്ള വി​ശാ​ല മ​ന:​സ്ഥി​തി അ​ദ്ദേ​ഹ​ത്തി​നു​ണ്ടാ​യി​രു​ന്നു. ഭ​ര​ണാ​ധി​കാ​രി എ​ന്ന നി​ല​യി​ലും അ​ദ്ദേ​ഹം ശോ​ഭി​ച്ചു. വി​ദ്യാ​ർ​ഥി- യു​വ​ജ​ന പ്ര​സ്ഥാ​ന​ങ്ങ​ളി​ൽ പ്ര​വ​ർ​ത്തി​ച്ചി​രു​ന്ന ഞ​ങ്ങ​ൾ​ക്കൊ​ക്കെ ആ​ശ്ര​യ​മാ​യി​രു​ന്നു അ​ദ്ദേ​ഹം. അ​ദ്ദേ​ഹ​വു​മാ​യി ദീ​ർ​ഘ​കാ​ല​ത്തെ സ്നേ​ഹ​ബ​ന്ധ​മാ​ണ് എ​നി​ക്കു​ണ്ടാ​യി​രു​ന്ന​ത്.

ഏ​റെ സ്നേ​ഹ​വാ​ത്സ​ല്യ​ത്തോ​ടെ ആ​ത്മ​ബ​ന്ധം പു​ല​ർ​ത്തി​യി​രു​ന്ന മു​തി​ർ​ന്ന നേ​താ​വാ​യി​രു​ന്നു മു​സ്ത​ഫ. ദീ​ർ​ഘ​കാ​ലം എ​റ​ണാ​കു​ളം ഡി.​സി.​സി പ്ര​സി​ഡ​ന്റ് എ​ന്ന നി​ല​യി​ൽ സം​ഘ​ട​നാ സം​വി​ധാ​നം ശ​ക്തി​പ്പെ​ടു​ത്താ​ൻ ത്യാ​ഗോ​ജ്ജ്വ​ല​മാ​യ സേ​വ​ന​മാ​ണ് അ​ദ്ദേ​ഹം ചെ​യ്ത​ത്.

കെ.​പി.​സി.​സി വൈ​സ് പ്ര​സി​ഡ​ന്റ് എ​ന്ന നി​ല​യി​ൽ സം​സ്ഥാ​ന​ത്താ​കെ ഏ​റെ സൗ​ഹൃ​ദ​ങ്ങ​ൾ വ​ള​ർ​ത്തി​യ നേ​താ​വാ​യി​രു​ന്നു. ടി.​എ​ച്ച്. മു​സ്ത​ഫ​യു​ടെ നി​ര്യാ​ണം കോ​ൺ​ഗ്ര​സി​ന് നി​ക​ത്താ​നാ​കാ​ത്ത ന​ഷ്ട​മാ​ണ്. കു​ടും​ബാം​ഗ​ങ്ങ​ളു​ടെ​യും സ​ഹ​പ്ര​വ​ർ​ത്ത​ക​രു​ടെ​യും ദുഃ​ഖ​ത്തി​ൽ പ​ങ്കു​ചേ​രു​ന്നു.