പിണറായിയും കാരാട്ടും ആരെയാണ്​ ഭയക്കുന്നത്​?

ഭാ​ഷ​യെ​യും സം​സ്കാ​ര​ത്തെ​യും സ്വാ​ഭി​മാ​ന​ത്തെ​യും ആ​യു​ധ​ങ്ങ​ളാ​ക്കി ത​മി​ഴ്‌​നാ​ട്ടി​ലെ വി​ശാ​ല മ​ത​നി​ര​പേ​ക്ഷ ജ​നാ​ധി​പ​ത്യ സ​ഖ്യം ഹി​ന്ദു​ത്വ ഫാ​ഷി​സ്റ്റ് വി​രു​ദ്ധ പോ​രാ​ട്ട​ത്തെ അ​തി​ന്റെ എ​ല്ലാ പൂ​ർ​ണ​ത​യി​ലും മു​ന്നോ​ട്ടു കൊ​ണ്ടു​പോ​കു​മ്പോ​ഴാ​ണ് സി.​പി.​എ​മ്മി​ന്റെ 24ാം പാ​ർ​ട്ടി കോ​ൺ​ഗ്ര​സ് മ​ധു​ര​യി​ൽ​വെ​ച്ച് ന​ട​ക്കാ​ൻ പോ​കു​ന്ന​ത്.

ഇ​ട​തു​പ​ക്ഷ​ത്തെ​യും കോ​ൺ​ഗ്ര​സി​നെ​യും മു​സ്‌​ലിം ലീ​ഗി​നെ​യും യോ​ജി​പ്പു​ള്ള മ​റ്റു പ്രാ​ദേ​ശി​ക പാ​ർ​ട്ടി​ക​ളെ​യും കൂ​ടെ നി​ർ​ത്തി ഡി.​എം.​കെ​യും എം.​കെ. സ്റ്റാ​ലി​നും ന​ട​ത്തു​ന്ന ഹി​ന്ദി അ​ടി​ച്ചേ​ൽ​പി​ക്ക​ൽ വി​രു​ദ്ധ പോ​രാ​ട്ട​വും ന​രേ​ന്ദ്ര മോ​ദി സ​ർ​ക്കാ​റി​നെ​തി​രെ​യു​ള്ള തു​റ​ന്ന യു​ദ്ധ​വും ബി.​ജെ.​പി​യെ വ​ലി​യ അ​ള​വി​ലാ​ണ് പ്ര​തി​രോ​ധ​ത്തി​ലാ​ക്കി​യി​രി​ക്കു​ന്ന​തും.

ക്ഷേ​ത്ര​ന​ഗ​രി എ​ന്ന​തു​പോ​ലെ പു​രോ​ഗ​മ​ന രാ​ഷ്ട്രീ​യ​ത്തി​നും അ​ടി​സ്ഥാ​ന​വ​ർ​ഗ മു​ന്നേ​റ്റ​ത്തി​നും വ​ലി​യ വ​ള​ക്കൂ​റു​ള്ള മ​ണ്ണാ​ണ് മ​ധു​ര​യു​ടേ​ത്. അ​വി​ടെ നി​ന്നു​ള്ള ലോ​ക്‌​സ​ഭാം​ഗം സി.​പി.​എം പ്ര​തി​നി​ധി​യാ​ണ്. അ​ദ്ദേ​ഹ​ത്തെ ര​ണ്ടാം​വ​ട്ട​വും തെ​ര​ഞ്ഞെ​ടു​ത്ത് പാ​ർ​ല​മെ​ന്റി​ൽ അ​യ​ച്ച​ത് ആ ​പ്ര​ദേ​ശ​ത്തെ ഡി.​എം.​കെ, കോ​ൺ​ഗ്ര​സ്, മു​സ്‌​ലിം ലീ​ഗ്, എം.​ഡി.​എം.​കെ, വി.​സി.​കെ തു​ട​ങ്ങി​യ​വ​യു​ടെ പ്ര​വ​ർ​ത്ത​ക​രും അ​നു​ഭാ​വി​ക​ളു​മാ​ണ്.

കേ​ര​ള​ത്തി​ൽ നി​ന്ന്​ ഇ​ട​തു​പ​ക്ഷ​ത്തി​ന് ഒ​രേ​യൊ​രു ലോ​ക്‌​സ​ഭാം​ഗം മാ​ത്ര​മു​ള്ള​പ്പോ​ൾ ത​മി​ഴ്നാ​ട്ടി​ൽ നി​ന്നു​ള്ള​ത് നാ​ലു​പേ​രാ​ണ്. ത​മി​ഴ്നാ​ട്ടി​ലെ ഇ​ട​തു​പ​ക്ഷ പ്ര​വ​ർ​ത്ത​ക​ർ അ​ന്ധ​മാ​യ കോ​ൺ​ഗ്ര​സ് വി​രോ​ധം എ​ന്നേ ഉ​പേ​ക്ഷി​ച്ച​തു​മാ​ണ്.

ഏ​പ്രി​ൽ ആ​ദ്യ​വാ​രം ന​ട​ക്കു​ന്ന പാ​ർ​ട്ടി കോ​ൺ​ഗ്ര​സി​ന് കേ​ര​ള മു​ഖ്യ​മ​ന്ത്രി പി​ണ​റാ​യി വി​ജ​യ​നും പാ​ർ​ട്ടി അ​ഖി​ലേ​ന്ത്യ കോ​ഓ​ഡി​നേ​റ്റ​ർ പ്ര​കാ​ശ് കാ​രാ​ട്ടും മ​ധു​ര​യി​ൽ എ​ത്തു​മ്പോ​ൾ അ​വി​ട​ത്തെ രാ​ഷ്ട്രീ​യ പ​ശ്ചാ​ത്ത​ല​ത്തെ​പ്പ​റ്റി ഇ​ത്ര​യെ​ങ്കി​ലും മു​ൻ​കൂ​റാ​യി പ​റ​യാ​തെ വ​യ്യ.

കൊ​ല്ല​ത്തെ സം​സ്ഥാ​ന സ​മ്മേ​ള​ന​ത്തി​ന് തൊ​ട്ടു​മു​മ്പ് പി​ണ​റാ​യി വി​ജ​യ​ൻ മാ​ധ്യ​മ​ങ്ങ​ൾ​ക്ക് പ്ര​സി​ദ്ധീ​ക​ര​ണ​ത്തി​ന് ന​ൽ​കി​യ കു​റി​പ്പി​ൽ നി​റ​ഞ്ഞു നി​ന്ന​ത് ബി.​ജെ.​പി വി​രു​ദ്ധ​ത​യേ​ക്കാ​​ളേ​റെ കോ​ൺ​ഗ്ര​സ് വി​രോ​ധ​മാ​യി​രു​ന്നു.

ദേ​ശീ​യ​ത​ല​ത്തി​ൽ​പോ​ലും കോ​ൺ​ഗ്ര​സി​നെ വി​ശ്വ​സി​ക്കാ​ൻ കൊ​ള്ളി​ല്ലെ​ന്നാ​ണ് സ​മീ​പ തെ​ര​ഞ്ഞെ​ടു​പ്പു​ക​ളി​ൽ രാ​ജ​സ്ഥാ​നി​ലും മ​ഹാ​രാ​ഷ്ട്ര​യി​ലും ഹ​രി​യാ​ന​യി​ലും പ​ശ്ചി​മ ബം​ഗാ​ളി​ലും അ​തി​നൊ​പ്പം മ​ത്സ​രി​ച്ച പ്ര​ധാ​ന ഇ​ട​തു​പാ​ർ​ട്ടി​യു​ടെ ഏ​ക മു​ഖ്യ​മ​ന്ത്രി പ​റ​യു​ന്ന​ത്.

ക​ഴി​ഞ്ഞ ലോ​ക്‌​സ​ഭാ തെ​ര​ഞ്ഞെ​ടു​പ്പ് കാ​ല​ത്ത് കേ​ര​ള​ത്തി​ലെ വോ​ട്ടെ​ടു​പ്പ് ക​ഴി​ഞ്ഞ സ​മ​യ​ത്ത് പ​ശ്ചി​മ ബം​ഗാ​ളി​ൽ അ​ട​ക്കം സ്വ​ന്തം പാ​ർ​ട്ടി​യു​ടെ സ്ഥാ​നാ​ർ​ഥി​ക​ൾ​ക്ക് വോ​ട്ടു​ചോ​ദി​ക്കാ​ൻ പോ​കാ​തെ ഇ​ന്തോ​നേ​ഷ്യ​യി​ൽ കു​ടും​ബ​ത്തോ​ടൊ​പ്പം വി​നോ​ദ​യാ​ത്ര പോ​യ ആ​ളാ​ണ് കേ​ര​ള​ത്തി​ലെ മു​ഖ്യ​മ​ന്ത്രി. അ​തു​കൊ​ണ്ടൊ​ക്കെ​ത്ത​ന്നെ ദേ​ശീ​യ ത​ല​ത്തി​ൽ വി​ശാ​ല ജ​നാ​ധി​പ​ത്യ-​മ​തേ​ത​ര കൂ​ട്ടാ​യ്മ രൂ​പ​പ്പെ​ടു​ന്ന​തി​ൽ അ​ദ്ദേ​ഹ​ത്തി​ന് ബു​ദ്ധി​മു​ട്ടു​ള്ള​ത് മ​ന​സ്സി​ലാ​ക്കാം. കേ​ര​ള​മാ​ണ് ഇ​ന്ത്യ എ​ന്നു​ള്ള പ​രി​മി​ത​മാ​യ സ​ങ്ക​ൽ​പ​ത്തി​ലാ​കാം അ​ദ്ദേ​ഹം കോ​ൺ​ഗ്ര​സു​മാ​യി ദേ​ശീ​യ​ത​ല​ത്തി​ൽ കൂ​ട്ടു​ണ്ടാ​ക​രു​ത് എ​ന്ന് ഇ​പ്പോ​ഴും വാ​ദി​ക്കു​ന്ന​തും.

കൊ​ല്ലം സ​മ്മേ​ള​ന​പ്പി​റ്റേ​ന്നാ​ണ്‌, ‘ഇ​ൻ​ഡ്യ’ മു​ന്ന​ണി ക​ഴി​ഞ്ഞ ലോ​ക്‌​സ​ഭാ തെ​ര​ഞ്ഞെ​ടു​പ്പി​നു​വേ​ണ്ടി മാ​ത്ര​മാ​യി ഉ​ണ്ടാ​ക്കി​യ ഒ​ന്നാ​ണ് എ​ന്നും അ​തി​ന്റെ പ്ര​സ​ക്തി ഇ​നി​യി​ല്ലെ​ന്നും പ​റ​ഞ്ഞ്​ പ്ര​കാ​ശ് കാ​രാ​ട്ട് ‘ദ ​ഹി​ന്ദു’ ദി​ന​പ​ത്ര​ത്തി​ന് അ​ഭി​മു​ഖം ന​ൽ​കു​ന്ന​ത്.

ആ​ശ​യ​പ​ര​മാ​യും രാ​ഷ്ട്രീ​യ​മാ​യും വ്യ​ത്യ​സ്ത​ങ്ങ​ളാ​യ 26 പാ​ർ​ട്ടി​ക​ൾ ഒ​ന്നി​ച്ചു​നി​ൽ​ക്കു​ക എ​ന്ന​ത് അ​പ്രാ​യോ​ഗി​ക​മാ​യ ആ​ശ​യ​മാ​ണെ​ന്ന് അ​ദ്ദേ​ഹം പ​റ​യു​ന്നു. പൊ​തു​ശ​ത്രു​വി​നെ​തി​രെ ഒ​രു മി​നി​മം പ​രി​പാ​ടി​യു​ടെ അ​ടി​സ്ഥാ​ന​ത്തി​ലു​ള്ള വി​ശാ​ല സ​ഖ്യം എ​ന്ന ചി​ന്ത​പോ​ലും അ​ദ്ദേ​ഹം നി​രാ​ക​രി​ക്കു​ന്നു. അ​താ​യ​ത്, മ​ധു​ര​യി​ലെ പാ​ർ​ട്ടി കോ​ൺ​ഗ്ര​സി​ലേ​ക്ക് പോ​കു​മ്പോ​ൾ സി.​പി.​എ​മ്മി​നെ ന​യി​ക്കു​ക ഇ​ർ​ഫാ​ൻ ഹ​ബീ​ബും സീ​താ​റാം യെ​ച്ചൂ​രി​യും സ​മീ​പ​നാ​ളു​ക​ൾ വ​രെ ചൂ​ണ്ടി​ക്കാ​ണി​ച്ച​തും അ​വ​ർ​ക്കു​മു​മ്പ് ഹ​ർ​കി​ഷ​ൻ സി​ങ് സു​ർ​ജി​ത്തും ജ്യോ​തി​ബ​സു​വും പ​റ​ഞ്ഞ​തു​മാ​യ വി​ശാ​ല ബ​ഹു​സ്വ​ര മ​തേ​ത​ര ജ​നാ​ധി​പ​ത്യ കൂ​ട്ടാ​യ്മ​യു​ടെ വ​ഴി​യ​ല്ല എ​ന്നാ​ണ്.

കാ​രാ​ട്ട് ഇ​ത് കു​റേ​ക്കാ​ല​മാ​യി പ​റ​യു​ന്ന​തു​മാ​ണ്. കേ​ന്ദ്രം ഭ​രി​ക്കു​ന്ന​ത് ഒ​രു ഫാ​ഷി​സ്റ്റ് സ​ർ​ക്കാ​ർ ആ​ണെ​ന്ന ഇ​ത​ര ഇ​ട​തു​പ​ക്ഷ​ക്കാ​രു​ടെ നി​ല​പാ​ട്​ പോ​ലും അ​ദ്ദേ​ഹം അം​ഗീ​ക​രി​ക്കു​ന്നി​ല്ല. ന​വ ഫാ​ഷി​സ്റ്റ് പ്ര​വ​ണ​ത​ക​ൾ മാ​ത്ര​മേ ബി.​ജെ.​പി​ക്ക് ഉ​ള്ളൂ എ​ന്ന കാ​ര്യ​ത്തി​ൽ അ​ദ്ദേ​ഹ​ത്തി​ന്റെ അ​ത്ര തീ​ർ​ച്ച പാ​ർ​ട്ടി​യി​ൽ അ​ദ്ദേ​ഹ​ത്തേ​ക്കാ​ൾ പ്ര​ബ​ല​നാ​യ പി​ണ​റാ​യി​ക്ക് മാ​ത്ര​മേ​യു​ള്ളു.

ന്യൂ​ന​പ​ക്ഷ​ങ്ങ​ളി​ലും ദ​ലി​ത​രി​ലും പാ​ർ​ശ്വ​വ​ത്ക​രി​ക്ക​പ്പെ​ട്ട മ​നു​ഷ്യ​രി​ലും മാ​ത്ര​മ​ല്ല ജ​ന​സാ​മാ​ന്യ​ത്തി​ൽ ഏ​താ​ണ്ടെ​ല്ലാ​വ​രി​ലും വ​ലി​യ അ​ര​ക്ഷി​താ​വ​സ്ഥ​യും ആ​ശ​ങ്ക​ക​ളും വ​ള​ർ​ത്തു​ന്ന സ​ർ​ക്കാ​റാ​ണ് കേ​ന്ദ്ര​ത്തി​ലേ​ത്. ഒ​രു മ​താ​ത്മ​ക രാ​ഷ്ട്രം എ​ന്ന നി​ല​യി​ലേ​ക്ക് കാ​ര്യ​ങ്ങ​ൾ അ​വ​ർ കൊ​ണ്ടു​പോ​കു​ന്നു. ഭ​ര​ണ​ഘ​ട​നാ സ്ഥാ​പ​ന​ങ്ങ​ളെ വ​രു​തി​യി​ലാ​ക്കി​ക്കൊ​ണ്ടി​രി​ക്കു​ന്നു. സ്വ​ത​ന്ത്ര ചി​ന്ത​ക്കും ആ​ശ​യ പ്ര​ചാ​ര​ണ​ത്തി​നും വി​ല​ങ്ങു​ക​ൾ വ​രു​ന്നു. ഭൂ​രി​പ​ക്ഷ മ​ത​ത്തി​ന്റെ ആ​ചാ​ര​ങ്ങ​ളും അ​നു​ഷ്ഠാ​ന​ങ്ങ​ളും ഭ​രി​ക്കു​ന്ന സ​ർ​ക്കാ​റും അ​തേ​പോ​ലെ ഏ​റ്റെ​ടു​ക്കു​ന്ന സ്ഥി​തി വ​ന്നി​രി​ക്കു​ന്നു.

അ​ത്ത​ര​മൊ​രു ഘ​ട്ട​ത്തി​ലാ​ണ് കാ​രാ​ട്ടും പി​ണ​റാ​യി​യും ഫാ​ഷി​സ്റ്റു​ക​ളോ​ട് മൃ​ദു​സ​മീ​പ​നം സ്വീ​ക​രി​ച്ച്​ ലെ​ജി​റ്റി​മ​സി നേ​ടി​ക്കൊ​ടു​ക്കാ​ൻ ശ്ര​മി​ക്കു​ന്ന​ത്.

ക​ണ്ണൂ​രി​ൽ ന​ട​ന്ന പാ​ർ​ട്ടി കോ​ൺ​ഗ്ര​സി​ൽ സി.​പി.​എം മു​ന്നോ​ട്ടു​വെ​ച്ച ദേ​ശീ​യ മ​തേ​ത​ര ബ​ദ​ൽ എ​ന്താ​യി​രു​ന്നു​വെ​ന്ന് ഒ​ന്ന് നോ​ക്കു​ന്ന​ത് ര​സാ​വ​ഹ​മാ​ണ്. ദേ​വ​ഗൗ​ഡ​യു​ടെ​യും മ​ക​ന്റെ​യും കു​ടും​ബ പാ​ർ​ട്ടി​യാ​യ ജ​ന​താ​ദ​ൾ സെ​ക്കു​ല​ർ, മ​റ്റൊ​രു സ്വ​കാ​ര്യ കു​ടും​ബ​സ്വ​ത്താ​യ തെ​ല​ങ്കാ​ന രാ​ഷ്ട്ര സ​മി​തി, അ​രാ​ഷ്ട്രീ​യ​ത​യു​ടെ ആ​ഘോ​ഷ​മാ​യ ആം ​ആ​ദ്മി പാ​ർ​ട്ടി എ​ന്നി​വ​യാ​യി​രു​ന്നു അ​ന്ന് കോ​ൺ​ഗ്ര​സി​നും ബി.​ജെ.​പി​ക്കും എ​തി​രാ​യ സി.​പി.​എം ബ​ക്ക​റ്റ് ലി​സ്റ്റ്. അ​തി​ൽ ഗൗ​ഡ​യും മ​ക​നും ഇ​പ്പോ​ൾ ബി.​ജെ.​പി​യു​മാ​യി പു​ണ​ർ​ന്നു​നി​ന്ന്​ വ​ലി​യ വ​ർ​ഗീ​യ​ത പ​റ​യു​ന്നു. തെ​ല​ങ്കാ​ന സ​മി​തി​യും ആം ​ആ​ദ്മി​യും നി​ല​നി​ൽ​പി​നു​പോ​ലും വ​ഴി​കാ​ണാ​തെ ഉ​ഴ​റു​ന്നു.

വ​ർ​ഷ​ങ്ങ​ളി​ലൂ​ടെ ഏ​റ്റ​വും ശ​ക്ത​വും രാ​ജ്യ​ത്തി​നാ​കെ മാ​തൃ​ക​യു​മാ​യ മ​തേ​ത​ര ജ​നാ​ധി​പ​ത്യ സ​ഖ്യം ഉ​ണ്ടാ​യ​ത് ത​മി​ഴ്നാ​ട്ടി​ലാ​ണ്. അ​വി​ടെ​യാ​ണ് കോ​ൺ​ഗ്ര​സി​ല്ലാ​ത്ത അ​വ​ശി​ഷ്ട മ​തേ​ത​ര പ്ര​തി​പ​ക്ഷം എ​ന്ന പ​രാ​ജ​യ​പ്പെ​ട്ട മോ​ഡ​ലു​മാ​യി കാ​രാ​ട്ടും പി​ണ​റാ​യി​യും ഇ​പ്പോ​ൾ പാ​ർ​ട്ടി കോ​ൺ​ഗ്ര​സി​ന് എ​ത്തു​ന്ന​ത്.

ഒ​രി​ക്ക​ലും ഒ​രു ബ​ഹു​ജ​ന​നേ​താ​വ് അ​ല്ലാ​തി​രു​ന്ന കാ​രാ​ട്ടാ​ണ് ഇ​ന്ത്യ​യി​ലെ മു​ഴു​വ​ൻ മ​തേ​ത​ര ബ​ഹു​സ്വ​ര പ്ര​സ്ഥാ​ന​ങ്ങ​ളും ആ​ഗ്ര​ഹി​ച്ച​തി​ന് വി​ഭി​ന്ന​മാ​യി ജ്യോ​തി​ബ​സു പ്ര​ധാ​ന​മ​ന്ത്രി ആ​കേ​ണ്ട എ​ന്ന തീ​രു​മാ​നം പാ​ർ​ട്ടി​യെ​ക്കൊ​ണ്ട് എ​ടു​പ്പി​ക്കാ​ൻ മു​ന്നി​ൽ​നി​ന്ന​ത്. കെ.​ആ​ർ. നാ​രാ​യ​ണ​നെ​പ്പോ​ലു​ള്ള രാ​ഷ്ട്ര​ത​ന്ത്ര​ജ്ഞ​ർ ഫാ​ഷി​സ​ത്തി​ന്റെ അ​രി​യി​ട്ട് വാ​ഴ്ച​ക്കെ​തി​രെ ക​ണ്ടെ​ത്തി​യ​ത് ആ​യി​രു​ന്നു ബ​സു​വി​ന്റെ സ്ഥാ​നാ​ർ​ഥി​ത്വം. അ​ത് സം​ഭ​വി​ച്ചി​രു​ന്നെ​ങ്കി​ൽ ഗു​ജ​റാ​ത്ത് വം​ശ​ഹ​ത്യ​യോ മോ​ദി പ്ര​ധാ​ന​മ​ന്ത്രി ആ​കു​ന്ന സാ​ഹ​ച​ര്യ​മോ ഉ​ണ്ടാ​കു​മാ​യി​രു​ന്നി​ല്ല എ​ന്നാ​ണ്​ രാ​ഷ്ട്രീ​യ വി​ദ​ഗ്ധ​നാ​യ ഹ​രീ​ഷ് ഖാ​രെ ‘ദ ​ഹി​ന്ദു’​വി​ൽ എ​ഴു​തി​യ ലേ​ഖ​ന​ത്തി​ൽ ചൂ​ണ്ടി​ക്കാ​ട്ടി​യ​ത്.

നി​ര​വ​ധി പു​രോ​ഗ​മ​ന​പ​ര​മാ​യ ഇ​ട​പെ​ട​ലു​ക​ൾ രാ​ജ്യ​ത്താ​കെ ന​ട​ത്തി​യ ഒ​ന്നാം യു.​പി.​എ സ​ർ​ക്കാ​റി​നു​ള്ള പി​ന്തു​ണ കാ​രാ​ട്ട് പി​ൻ​വ​ലി​ച്ച​ത് ആ​ർ​ക്കും മ​ന​സ്സി​ലാ​കാ​ത്ത കാ​ര​ണ​ങ്ങ​ൾ കൊ​ണ്ടാ​ണ് എ​ന്ന് ആ​രോ​പി​ച്ച​ത് അ​ന്ന​ത്തെ മു​തി​ർ​ന്ന നേ​താ​വ് സോ​മ​നാ​ഥ് ചാ​റ്റ​ർ​ജി​യാ​ണ്. പ​ശ്ചി​മ ബം​ഗാ​ളി​ലും ത്രി​പു​ര​യി​ലും പാ​ർ​ട്ടി ഇ​ല്ലാ​താ​യ​തി​നു​പി​ന്നി​ൽ അ​ഖി​ലേ​ന്ത്യ സെ​ക്ര​ട്ട​റി​യാ​യി​രു​ന്ന കാ​രാ​ട്ടി​ന്റെ ന​യ​ങ്ങ​ൾ എ​ത്ര​മേ​ൽ കാ​ര​ണ​മാ​യി എ​ന്ന​തും പാ​ർ​ട്ടി നേ​താ​ക്ക​ൾ സ്വ​കാ​ര്യ​മാ​യി എ​ങ്കി​ലും സ​മ്മ​തി​ക്കു​ന്നു​ണ്ട്.

അ​ണ്ണാ ഹ​സാ​രെ​യും അ​ര​വി​ന്ദ് കെ​ജ്രി​വാ​ളും ന​ട​ത്തി​യ അ​ഴി​മ​തി വി​രു​ദ്ധ സ​മ​ര​ങ്ങ​ൾ ബി.​ജെ.​പി​ക്ക് അ​ധി​കാ​രം പി​ടി​ക്കാ​നു​ള്ള പ​ശ്ചാ​ത്ത​ല​മൊ​രു​ക്ക​ൽ മാ​ത്ര​മാ​യി​രു​ന്നു​വെ​ന്ന് ഇ​ന്ന് രാ​ജ്യ​മാ​കെ മ​ന​സ്സി​ലാ​ക്കു​ന്നു​ണ്ട്. അ​ന്ന് ഹ​സാ​രെ​ക്ക് പി​ന്തു​ണ​യു​മാ​യി ബി.​ജെ.​പി നേ​താ​ക്ക​ളു​മാ​യി വേ​ദി പ​ങ്കി​ടാ​ൻ കാ​രാ​ട്ടി​ന്റെ പാ​ർ​ട്ടി മ​ടി​ച്ചി​ട്ടി​ല്ല. കേ​ര​ള​ത്തി​ലെ പാ​ർ​ട്ടി​യെ പി​ണ​റാ​യി​യു​ടെ സ​മ്പൂ​ർ​ണ ആ​ധി​പ​ത്യ​ത്തി​ന് കീ​ഴ​ട​ക്കു​ന്ന ത​രം സ​മീ​പ​ന​ങ്ങ​ളാ​ണ് എ​ന്നും കാ​രാ​ട്ടി​ൽ നി​ന്നു​ണ്ടാ​യി​ട്ടു​ള്ള​ത്.മോ​ദി ഭ​ര​ണ​ത്തി​നെ​തി​രെ അ​ദ്ദേ​ഹം ന​യി​ച്ച പോ​രാ​ട്ട​ങ്ങ​ൾ ന​മ്മ​ൾ ക​ണ്ടി​ട്ടി​ല്ല. അ​റ​സ്റ്റോ ജ​യി​ൽ വാ​സ​മോ വ​രി​ച്ച​ത് അ​റി​യി​ല്ല.

ഇ​ന്ത്യ​യി​ലെ ഇ​ട​തു​പ​ക്ഷം ഇ​ന്ന് വ​ലി​യൊ​രു ദു​ർ​ഘ​ട​മാ​യ ദ​ശാ​സ​ന്ധി​യി​ലാ​ണ്. വ​ല​തു​പ​ക്ഷം കൂ​ടു​ത​ൽ വ​ല​തു​പ​ക്ഷ​മാ​കു​ന്നു. സാ​ധാ​ര​ണ പ്ര​വ​ർ​ത്ത​ക​ർ നോ​ക്കു​മ്പോ​ൾ ഇ​ട​തു​പ​ക്ഷ​വും വ​ള​രെ വേ​ഗം വ​ല​തു​പ​ക്ഷം ആ​കു​ന്നു. വ്യാ​പ​ക​മാ​യ വി​ശ്വാ​സ ത​ക​ർ​ച്ച ഇ​ട​തു​പ​ക്ഷ​വും അ​തി​ന്റെ ഭ​ര​ണ​വും കേ​ര​ള​ത്തി​ൽ അ​ട​ക്കം നേ​രി​ടു​ന്നു. കി​ര​ൺ അ​ദാ​നി​മാ​ർ പ്ര​ശം​സി​ക്കു​ക​യും സാ​ധാ​ര​ണ ജ​ന​ങ്ങ​ൾ പേ​ടി​യോ​ടെ കാ​ണു​ക​യും ചെ​യ്യു​ന്ന ഒ​ന്നാ​യി തു​ട​ർ​ഭ​ര​ണം മാ​റു​ന്നു.

ഇ​വി​ടെ​യാ​ണ് മ​ത​വ​ർ​ഗീ​യ​ത​യു​ടെ രാ​ഷ്ട്രീ​യ മു​ന്നേ​റ്റ​ത്തി​ന് എ​തി​രാ​യ കൂ​ട്ടാ​യ ഐ​ക്യ​വും ചെ​റു​ത്തു​നി​ൽ​പ്പും എ​ന്ന സ​ങ്ക​ൽ​പം പോ​ലും ഇ​ല്ലാ​താ​ക്കാ​ൻ പി​ണ​റാ​യി​യും കാ​രാ​ട്ടും ശ്ര​മി​ക്കു​ന്ന​ത്. എ​ല്ലാ പ​രി​മി​തി​ക​ളു​ടെ ഉ​ള്ളി​ലും രാ​ഹു​ൽ ഗാ​ന്ധി​യും ഇ​ത​ര മ​തേ​ത​ര പ്ര​തി​പ​ക്ഷ നേ​താ​ക്ക​ളും പാ​ർ​ല​മെ​ന്റി​ലും പു​റ​ത്തും കൂ​ട്ടാ​യ മ​തേ​ത​ര ജ​നാ​ധി​പ​ത്യ ബ​ദ​ൽ സ്വ​ര​ങ്ങ​ൾ സൃ​ഷ്ടി​ക്കു​മ്പോ​ഴാ​ണ് കാ​രാ​ട്ട് ഇ​ൻ​ഡ്യ മു​ന്ന​ണി​ത​ന്നെ നി​ല​വി​ലി​ല്ല എ​ന്നും പ​റ​ഞ്ഞു​കൊ​ണ്ട് സ്വ​ന്തം അ​സ്തി​ത്വം ത​ന്നെ ഇ​ല്ലാ​താ​ക്കാ​ൻ ശ്ര​മി​ക്കു​ന്ന​ത്.

ഭ​യ​ത്തെ ആ​യു​ധ​മാ​ക്കി​യാ​ണ് കേ​ന്ദ്രം ഭ​രി​ക്കു​ന്ന​വ​ർ പ്ര​തി​ഷേ​ധി​ക്കു​ന്ന​വ​രെ നി​ശ്ശ​ബ്ദ​രാ​ക്കു​ന്ന​ത്. എ​ന്തു​ത​രം ഭ​യ​മാ​ണ് അ​വ​ർ കാ​രാ​ട്ടി​ലും പി​ണ​റാ​യി​യി​ലും ഉ​ണ്ടാ​ക്കി​യി​രി​ക്കു​ന്ന​ത് എ​ന്ന് ഇ​നി​യും ക​ണ്ടെ​ത്ത​പ്പെ​ടേ​ണ്ട​തു​ണ്ട്. രാ​ജ്യ​ത്തി​ന് ഇ​പ്പോ​ൾ വേ​ണ്ട​ത് ഫാ​ഷി​സ​ത്തെ​ക്കു​റി​ച്ചു​ള്ള അ​ക്കാ​ദ​മി​ക് നി​ർ​വ​ച​ന​ങ്ങ​ൾ അ​ല്ല. വി​ശാ​ല​മാ​യ മ​തേ​ത​ര​ത്വ ബ​ഹു​സ്വ​ര ജ​നാ​ധി​പ​ത്യ കൂ​ട്ടാ​യ്മ​യും പ്ര​തി​ഷേ​ധ​ങ്ങ​ളു​മാ​ണ്. മ​ധു​ര​യി​ൽ​നി​ന്നു​ള്ള സ​ന്ദേ​ശം ഇ​ൻ​ഡ്യ മു​ന്ന​ണി​യെ ന​ശി​പ്പി​ക്കു​ന്ന​താ​ക​രു​ത്.