വെള്ളരിക്കാപ്പട്ടണത്തെ യെച്ചൂരി

ഇ.​എം.​എ​സ് മു​ത​ൽ അ​ച്യു​താ​ന​ന്ദ​ൻ​വ​രെ​യു​ള്ള നേ​താ​ക്ക​ളു​ടെ ധാ​ർ​ഷ്ട്യം ജ​നം വ​ക​വെ​ച്ചു​കൊ​ടു​ത്ത​ത് അ​വ​രു​ടെ നി​ല​പാ​ടു​മെ​ച്ചം  കൊ​ണ്ടാ​യി​രു​ന്നു. പി​ണ​റാ​യി വി​ജ​യ​നി​ലും എം.​വി. ഗോ​വി​ന്ദ​നി​ലും എ​ത്തി​നി​ൽ​ക്കു​മ്പോ​ൾ ആ​സ്തി സ​ന്നാ​ഹ​ങ്ങ​ൾ​ക്കൊ​പ്പം ധാ​ർ​ഷ്ട്യ​വും പ​ന​പോ​ലെ വ​ള​ർ​ന്നി​രി​ക്കാം. കാ​വി​യ​ഴി​ച്ച് അ​നാ​യാ​സം ചെ​മ്പ​ട്ട് പു​ത​ക്കാ​ൻ മ​ടി​യി​ല്ലാ​ത്ത രാ​ജ​സേ​ന​നും ഭീ​മ​ൻ ര​ഘു​വു​മൊ​ക്കെ ഓ​രോ പാ​ർ​ട്ടി​ക​ളെ ന​യി​ച്ചും നി​യ​ന്ത്രി​ച്ചും ഭി​ക്ഷാം​ദേ​ഹി​ക​ളാ​യി നി​ൽ​പുണ്ടെ​ന്ന ഉ​ത്ത​മ​ബോ​ധ്യം ആ ​ധാ​ർ​ഷ്ട്യ​ത്തെ കൂ​ടു​ത​ൽ പ​രു​ക്ക​നാ​ക്കു​ന്നു. അ​വ​രെ സ്വീ​ക​രി​ക്കാ​ൻ ത​ട​സ്സ​മാ​യി പ്ര​ത്യ​യ​ശാ​സ്ത്രാ​ദ​ർ​ശ ക​ട​മ്പ​ക​ളൊ​ന്നു​മി​ല്ല​ത​ന്നെ

ആ​രാ​ണ് പാ​ർ​ട്ടി​യു​ടെ പ്ര​തീ​കം? കേ​ര​ള​ത്തി​ലെ മാ​ധ്യ​മ സ്വാ​ത​ന്ത്ര്യ​ത്തെ​ക്കു​റി​ച്ച ചോ​ദ്യ​ത്തി​ൽ​നി​ന്ന് ത​ല​യൂ​രി ഓ​ടേ​ണ്ടി​വ​ന്ന ജ​ന​റ​ൽ സെ​ക്ര​ട്ട​റി സീ​താ​റാം യെ​ച്ചൂ​രി​യാ​ണോ? ന്യൂ​യോ​ർ​ക്കി​ലെ ജ​ന​ത്തി​ര​ക്കേ​റി​യ ടൈം ​സ്ക്വ​യ​റി​ൽ ഊ​രി​പ്പി​ടി​ച്ച സാ​മ്രാ​ജ്യ​ത്വ വാ​ളു​ക​ൾ​ക്കു ന​ടു​വി​ൽ പ്ര​സം​ഗി​ക്കാ​ൻ കേ​ൾ​വി​ക്കാ​രെ കാ​ത്തി​രി​ക്കു​ന്ന​താ​യി വൈ​റ​ൽ ചി​ത്ര​ങ്ങ​ളി​ൽ ക​ണ്ട മു​ഖ്യ​മ​ന്ത്രി പി​ണ​റാ​യി വി​ജ​യ​നാ​ണോ? ബി.​ജെ.​പി​യു​ടെ കാ​വി​ക്കു​പ്പാ​യം അ​ഴി​ച്ച​പാ​ടെ വി​പ്ല​വ​ഗാ​ന​വു​മാ​യി സി.​പി.​എ​മ്മി​ലേ​ക്ക് പാ​ഞ്ഞു​ക​യ​റി​യ ഭീ​മ​ൻ ര​ഘു​വാ​ണോ? മൂ​ന്നും സി.​പി.​എ​മ്മി​ന്റെ മൂ​ന്ന് അ​വ​സ്ഥാ​ന്ത​ര​ങ്ങ​ൾ എ​ന്നേ പ​റ​യേ​ണ്ടൂ.

തൊ​ഴി​ലാ​ളി​വ​ർ​ഗ​ത്തെ അ​ര​ക്കോ​ടി വി​ല​യു​ള്ള മി​നി കൂ​പ്പ​റി​ൽ ചെ​ന്ന് അ​ഭി​സം​ബോ​ധ​ന ചെ​യ്തു​തു​ട​ങ്ങി​യ സി.​ഐ.​ടി.​യു നേ​താ​വ് പി.​കെ. അ​നി​ൽ കു​മാ​റി​നെ പേ​രി​നെ​ങ്കി​ലും പു​റ​ന്ത​ള്ളി​യ​ത് പാ​ലോ​റ മാ​ത​യെ​ന്ന പ​ഴ​ങ്ക​ഥ​യോ​ടു​ള്ള പ്രാ​യ​ശ്ചി​ത്ത​മാ​യ​ല്ല, നി​വൃ​ത്തി​കെ​ട്ടാ​ണ്. വി​പ്ല​വ​പ്ര​സ്ഥാ​നം ഇ​ന്ന് ചു​മ​ക്കു​ന്ന​ത് തോ​പ്പി​ൽ ഭാ​സി​യു​ടെ​യ​ല്ല, അ​ധ്യാ​പ​ന​ത്തി​ന് വ്യാ​ജ സ​ർ​ട്ടി​ഫി​ക്ക​റ്റ് ച​മ​ച്ച കെ. ​വി​ദ്യ​യു​ടെ ‘ഒ​ളി​വി​ലെ ഓ​ർ​മ’​ക​ളാ​ണ്. കേ​ര​ള സ​ർ​വ​ക​ലാ​ശാ​ല​യി​ൽ ജെ.​വി. വി​ള​നി​ല​ത്തി​നും എം.​ജി​യി​ൽ ഫാ. ​ചി​റ​പ്പ​ണ​ത്തി​നു​മെ​തി​രെ മു​മ്പ് വ്യാ​ജ ഡി​ഗ്രി സ​മ​രം ന​യി​ച്ച എ​സ്.​എ​ഫ്.​ഐ ഇ​ന്ന് പ​രീ​ക്ഷ​യെ​ഴു​താ​തെ പാ​സാ​യ വി​ദ്യാ​ർ​ഥി​യെ അ​പ​മാ​ന​ഭാ​രം തോ​ന്നാ​തെ ചു​മ​ന്ന് എ​റ​ണാ​കു​ളം മ​ഹാ​രാ​ജാ​സ് കോ​ള​ജി​നു മു​ന്നി​ൽ ഞെ​ളി​ഞ്ഞു​നി​ൽ​ക്കു​ന്നു. അ​തും അ​വ​സ്ഥാ​ന്ത​ര​ങ്ങ​ളാ​ണ്.

ഇ​ന്ത്യ​യി​ലെ ക​മ്യൂ​ണി​സ്റ്റ്-​മാ​ർ​ക്സി​സ്റ്റ് പാ​ർ​ട്ടി​യു​ടെ ഇ​ന്ന​ത്തെ വ​ത്തി​ക്കാ​നാ​യ കേ​ര​ള​ത്തി​ൽ സി.​പി.​എ​മ്മി​നെ ആ​മൂ​ലാ​ഗ്രം ബാ​ധി​ച്ച ദു​ർ​മേ​ദ​സ്സി​ന്റെ അ​വ​സ്ഥാ​ന്ത​ര​ങ്ങ​ളെ ദേ​ശീ​യ​ത​ല​ത്തി​ൽ പ​രി​ക്കി​ല്ലാ​തെ വ്യാ​ഖ്യാ​നി​ച്ചു പി​ടി​ച്ചു​നി​ൽ​ക്കാ​ൻ ജ​ന​റ​ൽ സെ​ക്ര​ട്ട​റി സീ​താ​റാം യെ​ച്ചൂ​രി​യും മ​റ്റും ദു​ർ​ബ​ല ശ്ര​മ​ങ്ങ​ൾ ന​ട​ത്താ​തി​രി​ക്കു​ന്നി​ല്ല. എ​ന്നാ​ൽ വ്യാ​ഖ്യാ​ന പ​ടു​ക്ക​ളു​ടെ അ​ട​വു​ന​യ​ത്തി​ലും മെ​യ്യ​ഭ്യാ​സ വ​ഴ​ക്ക​ത്തി​ലും ഒ​തു​ങ്ങാ​തെ അ​പ​ച​യ​ത്തി​ന്റെ വി​കൃ​ത മു​ഖം കൂ​ടു​ത​ൽ കൂ​ടു​ത​ൽ തെ​ളി​ഞ്ഞു​വ​രു​ന്നു​വെ​ന്ന​താ​ണ് നേ​ര്. ന​യ​നി​ല​പാ​ടു​ക​ളു​ടെ ന​ട്ടെ​ല്ലി​ല്ലാ​തെ, ഉ​ദ​ര​നി​മി​ത്തം ബ​ഹു​കൃ​ത വേ​ഷ​മാ​യി രൂ​പാ​ന്ത​രം പ്രാ​പി​ക്കു​ന്ന അ​മീ​ബ​യാ​യി സി.​പി.​എം മാ​റി​പ്പോ​യി​രി​ക്കു​ന്നു.

ഒ​രി​ട​ത്തെ ഭ​ര​ണ​ത്തി​ലേ​ക്ക് സി.​പി.​എം ചു​രു​ങ്ങി​പ്പോ​യ​ത്, ഭ​ര​ണം യ​ഥാ​ർ​ഥ ല​ക്ഷ്യ​മ​ല്ലാ​തി​രു​ന്ന​വ​ർ​ക്കു മു​ന്നി​ൽ യ​ഥാ​ർ​ഥ​ത്തി​ൽ ഒ​രു ന്യൂ​ന​ത​യ​ല്ല. നി​ല​വി​ലെ രാ​ഷ്ട്രീ​യ, ജീ​വി​ത​രീ​തി​ക​ൾ​ക്കി​ട​യി​ൽ ന​ല്ല മാ​തൃ​ക​ക​ൾ മു​ന്നോ​ട്ടു​വെ​ക്കാ​നി​ല്ലാ​ത്ത പാ​പ്പ​ര​ത്ത​മാ​ണ് ഈ ​മു​ത​ലാ​ളി​ത്ത കാ​ല​ത്ത് സി.​പി.​എം നേ​രി​ടു​ന്ന പ്ര​തി​സ​ന്ധി. ഭ​ര​ണം മാ​ത്രം, അ​ത് എ​ങ്ങ​നെ​യും നി​ല​നി​ർ​ത്തു​ക​യോ വെ​ട്ടി​പ്പി​ടി​ക്കു​ക​യോ ചെ​യ്യു​ന്ന​തു​മാ​ത്രം ല​ക്ഷ്യ​മാ​യി പോ​യ​തു​കൊ​ണ്ടാ​ണ് അ​ത് സം​ഭ​വി​ക്കു​ന്ന​ത്. കോ​ൺ​ഗ്ര​സും ബി.​ജെ.​പി​യും ആം ​ആ​ദ്മി പാ​ർ​ട്ടി​യും തൃ​ണ​മൂ​ൽ കോ​ൺ​ഗ്ര​സു​മെ​ല്ലാം അ​ണി​നി​ര​ന്നി​ട്ടു​ള്ള ഇ​ന്ത്യ​ൻ രാ​ഷ്ട്രീ​യ​ത്തി​ൽ ഇ​ന്ന് സി.​പി.​എ​മ്മി​നെ വ്യ​ത്യ​സ്ത​മാ​ക്കു​ന്ന​ത് എ​ന്താ​ണ്?

എം.​പി-​എം.​എ​ൽ.​എ​മാ​രു​ടെ​യോ അ​ണി​ക​ളു​ടെ​യോ എ​ണ്ണം നോ​ക്കാ​തെ സി.​പി.​എ​മ്മി​ന്റെ വാ​ക്കു​ക​ളി​ലേ​ക്ക് ഇ​ന്ത്യ​ൻ രാ​ഷ്ട്രീ​യം കാ​തോ​ർ​ത്ത കാ​ല​മു​ണ്ടാ​യി​രു​ന്നു. ഇ​ന്ന് വി​വി​ധ രാ​ഷ്ട്രീ​യ പാ​ർ​ട്ടി​ക​ൾ​ക്കി​ട​യി​ൽ പു​റ​ന്ത​ള്ള​പ്പെ​ട്ടു​പോ​കാ​തെ ഇ​ടി​ച്ചും ത​ള്ളി​യും ദേ​ശീ​യ​ത​ല​ത്തി​ൽ സ്വ​ന്തം ഇ​ടം ക​ണ്ടെ​ത്തേ​ണ്ട ഗ​തി​കേ​ടി​ലേ​ക്ക് പാ​ർ​ട്ടി എ​ടു​ത്തെ​റി​യ​പ്പെ​ട്ടി​രി​ക്കു​ന്നു. പ​ശ്ചി​മ ബം​ഗാ​ളി​ലെ തി​ര​സ്ക​ര​ണം കേ​ര​ള​ത്തി​ൽ ഏ​റ്റു​വാ​ങ്ങേ​ണ്ടി വ​രു​മോ എ​ന്ന ആ​ശ​ങ്ക ശ​ക്തി​പ്പെ​ട്ടു. അ​തു ത​ട​യാ​നെ​ന്നോ​ണം എ​ന്തു​മേ​തു​മാ​യി സ​ന്ധി​ചെ​യ്ത് മു​ന്നോ​ട്ടു പോ​ക​ണ​മെ​ന്ന് ക​രു​തു​ന്ന​വ​ർ ഒ​രു​ക്കി ഭ​രി​ക്കു​ന്ന ത​ട​ങ്ക​ൽ പാ​ള​യ​ത്തി​ലാ​ണ് ഇ​ന്ന് സി.​പി.​എം. ചി​ല​ർ അ​തി​നെ മാ​ഫി​യ സം​ഘ​മെ​ന്ന് വി​ളി​ക്കു​ന്നു. മ​റ്റു​ചി​ല​ർ ച​ങ്ങാ​ത്ത മു​ത​ലാ​ളി​ത്ത​മെ​ന്നും ഫാ​ഷി​സ​മെ​ന്നും പ​റ​യു​ന്നു. ഓ​രോ വീ​ക്ഷ​ണ​ത്തി​ലും ശ​രി​ക​ളു​ണ്ട് എ​ന്ന​താ​ണ് നേ​ര്.

ധാ​ർ​ഷ്ട്യം അ​ടി​ച്ചേ​ൽ​പി​ക്കാ​ൻ നേ​താ​ക്ക​ൾ മ​ത്സ​രി​ക്കു​ന്നു​ണ്ടെ​ങ്കി​ലും അ​ത് ഏ​റ്റു​വാ​ങ്ങാ​ൻ വെ​റും സാ​ധാ​ര​ണ​ക്കാ​രെ കി​ട്ടാ​ത്ത കാ​ല​ത്തി​ലാ​ണ് സി.​പി.​എം എ​ത്തി നി​ൽ​ക്കു​ന്ന​ത്. ഇ.​എം.​എ​സ് മു​ത​ൽ അ​ച്യു​താ​ന​ന്ദ​ൻ വ​രെ​യു​ള്ള നേ​താ​ക്ക​ളു​ടെ ധാ​ർ​ഷ്ട്യം ജ​നം വ​ക​വെ​ച്ചു​കൊ​ടു​ത്ത​ത് അ​വ​രു​ടെ നി​ല​പാ​ടു​മെ​ച്ചം കൊ​ണ്ടാ​യി​രു​ന്നു.

പി​ണ​റാ​യി വി​ജ​യ​നി​ലും എം.​വി. ഗോ​വി​ന്ദ​നി​ലും എ​ത്തി​നി​ൽ​ക്കു​മ്പോ​ൾ ആ​സ്തി സ​ന്നാ​ഹ​ങ്ങ​ൾ​ക്കൊ​പ്പം ധാ​ർ​ഷ്ട്യ​വും പ​ന​പോ​ലെ വ​ള​ർ​ന്നി​രി​ക്കാം. കാ​വി​യ​ഴി​ച്ച് അ​നാ​യാ​സം ചെ​മ്പ​ട്ട് പു​ത​ക്കാ​ൻ മ​ടി​യി​ല്ലാ​ത്ത രാ​ജ​സേ​ന​നും ഭീ​മ​ൻ ര​ഘു​വു​മൊ​ക്കെ ഓ​രോ പാ​ർ​ട്ടി​ക​ളെ ന​യി​ച്ചും നി​യ​ന്ത്രി​ച്ചും ഭി​ക്ഷാം​ദേ​ഹി​ക​ളാ​യി നി​ൽ​പ്പു​ണ്ടെ​ന്ന ഉ​ത്ത​മ​ബോ​ധ്യം ആ ​ധാ​ർ​ഷ്ട്യ​ത്തെ കൂ​ടു​ത​ൽ പ​രു​ക്ക​നാ​ക്കു​ന്നു. അ​വ​രെ സ്വീ​ക​രി​ക്കാ​ൻ ത​ട​സ്സ​മാ​യി പ്ര​ത്യ​യ​ശാ​സ്ത്രാ​ദ​ർ​ശ ക​ട​മ്പ​ക​ളൊ​ന്നു​മി​ല്ല ത​ന്നെ. സി.​പി.​എ​മ്മി​ന് അ​തി​ൽ​നി​ന്ന് ഭി​ന്ന​മാ​യൊ​രു നി​ല​വാ​ര​വും വ​ള​ർ​ച്ച​യും പ്ര​തീ​ക്ഷി​ക്കു​ന്ന​വ​ർ അ​തി​നു മു​മ്പി​ൽ കൂ​ടു​ത​ൽ അ​സ്വ​സ്ഥ​രാ​വു​ക​യും അ​ക​ന്നു​മാ​റു​ക​യും ചെ​യ്യു​ന്നു.

അ​ധി​കാ​ര​പ്പ​ങ്ക് പെ​റു​ക്കി​ത്തി​ന്നാ​ൽ ഒ​ട്ടി​ക്കൂ​ടു​ന്ന​വ​രു​ടെ​യും പ്ര​ലോ​ഭി​പ്പി​ച്ചു നി​ർ​ത്താ​ൻ ക​ഴി​യു​ന്ന​വ​രു​ടെ​യും കോ​ക്ക​സു​ക​ൾ​ക്ക് പാ​ലൂ​ട്ടി​യാ​ൽ ഉ​യ​രു​ന്ന വ​ഞ്ചീ​ശ മം​ഗ​ളം ഇ​ന്ന് അ​തി​ന്റെ ഉ​ച്ച​സ്ഥാ​യി​യി​ലാ​ണ്. എ​ന്നാ​ൽ അ​വ​രു​ടെ താ​ള​മ​ല്ല ജ​ന​പ​ക്ഷം. അ​മേ​രി​ക്ക​യോ​ളം പോ​ക​ണം, കൂ​ട്ട​ത്തി​ൽ ക്യൂ​ബ​യി​ലും എ​ന്ന പ്ര​ത്യ​യ​ശാ​സ്ത്ര​വു​മാ​യി മു​ഖ്യ​മ​ന്ത്രി​യും മ​ന്ത്രി​മു​ഖ്യ​രും പ​രി​വാ​ര​സ​മേ​തം വി​മാ​നം പി​ടി​ക്കു​ന്ന​തി​ന്റെ അ​ർ​ഥാ​ന്ത​ര​ങ്ങ​ൾ ജ​നം ചി​ക​യു​ന്നു​ണ്ട്.

മോ​ദി​യും മു​ണ്ടു മോ​ദി​യു​മെ​ന്ന വി​മ​ർ​ശ​ന​ത്തി​ൽ ചി​ല ശ​രി​ക​ൾ അ​വ​ർ ക​ണ്ടെ​ത്തു​ന്നു​ണ്ട്. ച​ങ്ങാ​ത്ത മു​ത​ലാ​ളി​ത്ത​ത്തെ വി​മ​ർ​ശി​ക്കു​ന്ന സി.​പി.​എ​മ്മി​ന്റെ ഭ​ര​ണ​നാ​യ​ക​ർ അ​ദാ​നി​യെ​യും മാ​ർ​ട്ടി​നെ​യും ഫാ​രി​സി​നെ​യും പി​ള്ള​യെ​യും കാ​ണു​മ്പോ​ൾ ക​വാ​ത്ത് മ​റ​ക്കു​ന്ന​ത് എ​ന്തു​കൊ​ണ്ടാ​ണെ​ന്ന് ചി​ന്തി​ക്കു​ന്നു​ണ്ട്. ജ​ന​പ​ക്ഷ വി​ക​സ​നം വി​ട്ട സി​ൽ​വ​ർ ലൈ​ൻ പ്ര​ണ​യ​ത്തെ സം​ശ​യി​ക്കു​ന്നു​ണ്ട്. അ​ങ്ങ​നെ നീ​ളു​ന്ന ഒ​രു കൂ​ട്ടം കാ​ര്യ​ങ്ങ​ൾ വി​ശ​ദീ​ക​രി​ക്കാ​നാ​കാ​ത്ത സം​ഭ​വ​ങ്ങ​ളാ​യി തു​ട​രു​ന്ന കാ​ലം, പാ​ർ​ട്ടി എ​ത്ര ശ്ര​മി​ച്ചാ​ലും ജ​ന​ത്തി​ന്റെ അ​ക​ൽ​ച്ച കൂ​ടു​ക മാ​ത്ര​മാ​വും പ​രി​ണ​തി.

വി​ശ​ദീ​ക​രി​ക്കാ​നാ​വാ​ത്ത സം​ഭ​വ​ങ്ങ​ളു​ടെ എ​ണ്ണം കൂ​ടു​ന്തോ​റും, വേ​ണ്ടാ​ത്ത​ത് ചി​ക​ഞ്ഞു പു​റ​ത്തി​ടു​ന്ന മാ​ധ്യ​മ​പ്ര​വ​ർ​ത്ത​ക​രോ​ടു​ള്ള ക​ലി പു​തി​യ രൂ​പ​ങ്ങ​ളി​ൽ പു​റ​ത്തു വ​രു​മെ​ന്നും കൂ​ട്ടി​ച്ചേ​ർ​ക്കാം. വാ​ർ​ത്ത​യും വി​വ​ര വി​നി​മ​യ​വും സ​ത്യ​മാ​യി​രി​ക്ക​ണ​മെ​ന്ന നി​ർ​ബ​ന്ധം തീ​ർ​ച്ച​യാ​യും ന്യാ​യ​മാ​ണ്. ഒ​പ്പം, പാ​ർ​ട്ടി​യു​ടെ വാ​ർ​ത്താ വി​ത​ര​ണ നി​ല​യ​ങ്ങ​ൾ വി​വ​ര ഉ​റ​വി​ടം കൂ​ടി വെ​ളി​പ്പെ​ടു​ത്തി​ക്കൊ​ണ്ട് നേ​ര് നേ​ര​ത്തേ അ​റി​യി​ക്കു​ന്നു​വെ​ന്ന് ഉ​റ​പ്പു വ​രു​ത്തു​ക​യു​മാ​കാം.

എ.​കെ.​ജി സെ​ന്റ​റി​ന്റെ സ്കാ​ന​റി​ൽ തെ​ളി​യു​ന്ന​തു മാ​ത്ര​മാ​ണ് സ​ത്യ​മെ​ന്നും സ​ത്യം പ​റ​യു​ന്ന​തി​ന്റെ കു​ത്ത​കാ​വ​കാ​ശം പാ​ർ​ട്ടി​ക്കാ​ണെ​ന്നും നി​ർ​ബ​ന്ധം പി​ടി​ക്കാ​വു​ന്ന കാ​ലം പോ​യി. വി​ര​ട്ടി​യോ സ്വാ​ധീ​നി​ച്ചോ ഒ​തു​ക്കി​യോ നി​ർ​ത്താ​വു​ന്ന മാ​ധ്യ​മ​ങ്ങ​ളേ​ക്കാ​ൾ, ‘ഇ​രു​മ്പു​മ​റ’ പൊ​ളി​ച്ച് ജ​ന​ത്തെ വി​വ​രം അ​റി​യി​ക്കു​ന്ന വി​വ​ര വി​ത​ര​ണ സം​വി​ധാ​ന​ങ്ങ​ളു​ള്ള ഇ​ക്കാ​ല​ത്ത് ക​ലി​യു​ടെ​യും ധാ​ർ​ഷ്ട്യ​ത്തി​ന്റെ​യും ഊ​രി​പ്പി​ടി​ച്ച വാ​ൾ ഉ​റ​യി​ലി​ടു​മെ​ങ്കി​ൽ വൈ​കി​യെ​ത്തി​യ പാ​ക​ത​യു​ടെ ല​ക്ഷ​ണ​മാ​യി പൊ​തു​സ​മൂ​ഹം അ​ത് ക​ണ​ക്കാ​ക്കും. പാ​ർ​ട്ടി ആ​രു​ടെ​യൊ​ക്കെ കൈ​ക​ളി​ൽ അ​മ​ർ​ന്നി​രി​ക്കു​ന്നു​വെ​ന്ന യാ​ഥാ​ർ​ഥ്യം ഈ ​പാ​ക​ത​യി​ലേ​ക്ക​ല്ല, ധാ​ർ​ഷ്ട്യ​ത്തി​ന്റെ പു​തി​യ രൂ​പ​ങ്ങ​ളി​ലേ​ക്കാ​ണ് ന​യി​ക്കു​ക​യെ​ന്നു മാ​ത്രം. അ​തി​നൊ​ത്ത് യെ​ച്ചൂ​രി​ക്ക് കൂ​ടു​ത​ൽ മെ​യ്യ​ഭ്യാ​സി​യാ​കാ​തെ ത​ര​മ​ല്ല.