ആകയാൽ, മുകേഷ് രാജിവെച്ചേ തീരൂ

തു​ട​ർ ന​ട​പ​ടി​ക​ളു​ടെ കാ​ര്യ​ത്തി​ൽ വി​മ​ർ​ശി​ക്ക​പ്പെ​ടു​മ്പോ​ഴും ഹേ​മ ക​മ്മി​റ്റി​യെ നി​യോ​ഗി​ച്ച ഇ​ട​തു സ​ർ​ക്കാ​ർ ന​ട​പ​ടി​യെ എ​തി​രാ​ളി​ക​ൾ​പോ​ലും ശ്ലാ​ഘി​ക്കു​ന്നു​ണ്ട്. ഹേ​മ ക​മ്മി​റ്റി​യു​ടെ റി​പ്പോ​ർ​ട്ടും തു​ട​ർ​ന്നു​ണ്ടാ​യ വെ​ളി​പ്പെ​ടു​ത്ത​ലു​ക​ളും ഇ​ത്ര​യേ​റെ ച​ർ​ച്ച​യാ​കു​മെ​ന്ന് ക​രു​തി​യി​രു​ന്നോ?

വ​ലി​യ ദൗ​ത്യ​മാ​ണ് കേ​ര​ള സ​ർ​ക്കാ​ർ ചെ​യ്തു​കൊ​ണ്ടി​രി​ക്കു​ന്ന​ത്. അ​തി​ന്റെ അ​നു​ര​ണ​ന​ങ്ങ​ൾ കേ​ര​ള​ത്തി​ൽ മാ​ത്ര​മ​ല്ല, ഇ​ന്ത്യ​യി​ലും അ​ന്ത​ർ​ദേ​ശീ​യ ത​ല​ത്തി​ലു​മു​ണ്ടാ​യി​രി​ക്കു​ന്നു. ദേ​ശീ​യ- അ​ന്ത​ർ​ദേ​ശീ​യ മാ​ധ്യ​മ​ങ്ങ​ൾ അ​തി​നെ പി​ന്തു​ട​ർ​ന്നു​കൊ​ണ്ടി​രി​ക്കു​ക​യാ​ണ്. ഇ​ന്ന​ലെ അ​മേ​രി​ക്ക​യി​ൽ​നി​ന്ന് ഒ​രു ജേ​ണ​ലി​സ്റ്റ് ഹേ​മ ക​മീ​ഷ​ൻ റി​പ്പോ​ർ​ട്ടി​നെ​യും അ​തി​ന്റെ അ​ന​ന്ത​ര ഫ​ല​ങ്ങ​ളെ​യും കു​റി​ച്ച് വി​ളി​ച്ചു​ചോ​ദി​ച്ചു. ച​ല​ച്ചി​ത്ര​ലോ​ക​ത്ത് സ്ത്രീ​ക​ൾ നേ​രി​ടു​ന്ന പീ​ഡ​നം കേ​ര​ള​ത്തി​ൽ മാ​ത്രം ഒ​തു​ങ്ങി​നി​ൽ​ക്കു​ന്ന ഒ​ന്ന​ല്ലെ​ന്ന് മ​ന​സ്സി​ലാ​ക്ക​ണം. എ​ന്നി​ട്ടും ഇ​തു​പോ​ലൊ​രു ധീ​ര​മാ​യ കാ​ൽ​വെ​പ്പി​ന് മ​റ്റൊ​രു സം​സ്ഥാ​ന സ​ർ​ക്കാ​റി​നും സാ​ധി​ച്ചി​ട്ടി​ല്ല. ഇ​തു​പോ​ലൊ​ന്ന് ന​മ്മു​ടെ നാ​ട്ടി​ലു​മു​ണ്ടാ​യി​രു​ന്നു​വെ​ങ്കി​ൽ എ​ന്ന് മ​റ്റു സം​സ്ഥാ​ന​ങ്ങ​ളി​ലെ സി​നി​മാ​മേ​ഖ​ല​ക​ളി​ലെ സ്ത്രീ​ക​ൾ പ​റ​ഞ്ഞു​തു​ട​ങ്ങി​യി​രി​ക്കു​ന്നു.

ഇ​തി​നെ​ല്ലാം നി​മി​ത്ത​മാ​യ അ​തി​ജീ​വി​ത​യു​ടെ നീ​തി തേ​ടി​യു​ള്ള പോ​രാ​ട്ടം ഇ​നി​യു​മെ​വി​ടെ​യു​മെ​ത്തി​യി​ട്ടി​ല്ല​ല്ലോ?

സ്ത്രീ​യു​ടെ മൃ​ത​ശ​രീ​ര​ത്തി​ലും ര​ക്ത​ത്തി​ലും ച​വി​ട്ടി​നി​ന്നാ​ണ് ഈ ​രാ​ജ്യ​ത്ത് സ്ത്രീ​പ​ക്ഷ നി​യ​മ​ങ്ങ​ൾ​പോ​ലും ഉ​ണ്ടാ​ക്കി​യി​ട്ടു​ള്ള​ത്. ഒ​രു ന​ടി അ​തി​ക്രൂ​ര​മാ​യി ആ​ക്ര​മി​ക്ക​പ്പെ​ട്ട സം​ഭ​വ​ത്തി​ൽ​നി​ന്നാ​ണ് ഇ​പ്പോ​ൾ വ​ലി​യ ച​ർ​ച്ച​യാ​യ ​ഹേ​മ ക​മ്മി​റ്റി വ​രു​ന്ന​ത്. ഒ​രു സ്ത്രീ ​എ​ഴു​ന്നേ​റ്റു​നി​ന്ന് പ്ര​തി​ക​രി​ക്കാ​ൻ ത​യാ​റാ​യ​തി​ന്റെ കൂ​ടി ഫ​ല​മാ​ണി​ത്. എ​ന്തൊ​ക്കെ പ്ര​തി​ബ​ന്ധ​മു​ണ്ടാ​യാ​ലും ത​ന്റെ ശ​​രീ​ര​വും അ​ന്ത​സ്സും ത​ന്റെ മാ​ത്രം അ​വ​കാ​ശ​മാ​ണ് എ​ന്ന് പൂ​ർ​ണ ബോ​ധ്യ​മു​ള്ള​തു​കൊ​ണ്ടാ​ണ് ആ ​ന​ടി പോ​രാ​ടി​ക്കൊ​ണ്ടി​രി​ക്കു​ന്ന​ത്. അ​തി​ൽ​നി​ന്നാ​ണ് സി​നി​മ മേ​ഖ​ല​യി​ൽ പ്ര​വ​ർ​ത്തി​ക്കു​ന്ന സ്ത്രീ ​സം​ഘ​ട​ന​യാ​യ ഡ​ബ്ല്യു.​സി.​സി​യു​ടെ നി​വേ​ദ​ന​മു​ണ്ടാ​കു​ന്ന​തും അ​വ​ർ അ​ത് മു​ഖ്യ​മ​ന്ത്രി​ക്ക് കൊ​ടു​ക്കു​ന്ന​തും. അ​വി​ടെ​യാ​ണ് ഞാ​ൻ ഇ​ട​തു​മു​ന്ന​ണി സ​ർ​ക്കാ​റി​നെ അ​ഭി​ന​ന്ദി​ക്കാ​ൻ ആ​ഗ്ര​ഹി​ക്കു​ന്ന​ത്. വൃ​ന്ദ കാ​രാ​ട്ടും ആ​നി​രാ​ജ​യു​മു​ള്ള ക​മ്മി​റ്റി​യാ​യി​രു​ന്നി​ല്ല അ​ത്. എ​ൽ.​ഡി.​എ​ഫോ സി.​പി.​എ​മ്മോ സി.​പി.​ഐ​യോ ഉ​ണ്ടാ​ക്കി​യ ക​മ്മി​റ്റി​യ​ല്ല. ഒ​രു സം​സ്ഥാ​ന സ​ർ​ക്കാ​റു​ണ്ടാ​ക്കി​യ ക​മ്മി​റ്റി​യാ​ണ്. സം​സ്ഥാ​ന സ​ർ​ക്കാ​ർ അ​ങ്ങ​നെ ഒ​രു ക​മ്മി​റ്റി​യെ നി​യ​മി​ക്കു​ന്നു. അ​തി​നെ ന​യി​ക്കാ​ൻ ഒ​രു റി​ട്ട​യേ​ഡ് ജ​ഡ്ജി​യെ നി​യോ​ഗി​ക്കു​ന്നു. ഈ ​മേ​ഖ​ല​യി​ലെ പ്ര​ശ്ന​ങ്ങ​ൾ ഗൗ​ര​വ​ത്തോ​ടെ പ​ഠി​ക്ക​ണ​മെ​ന്ന​തു​കൊ​ണ്ടും ഒ​രു സ്ത്രീ​പ​ക്ഷ നി​ല​പാ​ട് ഇ​ട​തു​മു​ന്ന​ണി​ക്കു​ള്ള​തു​കൊ​ണ്ടു​മാ​ണ​ത്.

എ​ന്നി​ട്ടും ജ​സ്റ്റി​സ് ഹേ​മ ക​മ്മി​റ്റി റി​പ്പോ​ർ​ട്ടി​ന്മേ​ൽ ഇ​ത്ര​കാ​ലം സ​ർ​ക്കാ​ർ അ​ട​യി​രു​ന്ന​ത് ​എ​ന്തു​കൊ​ണ്ടാ​ണ്​?

- തീ​ർ​ച്ച​യാ​യും ഈ ​കാ​ല​താ​മ​സം ന്യാ​യീ​ക​രി​ക്കാ​വു​ന്ന​ത​ല്ല. സ​ർ​ക്കാ​റി​ന് പ​ല കാ​ര​ണ​ങ്ങ​ളു​മു​ണ്ടാ​കാം. ഈ ​മേ​ഖ​ല​യി​ൽ സ്ത്രീ​ക​ൾ​ക്കെ​തി​രെ ന​ട​ക്കു​ന്ന അ​തി​ക്ര​മ​ങ്ങ​ൾ അ​റി​യു​ന്ന​വ​ർ വ​ലി​യ പ്ര​തീ​ക്ഷ​യോ​ടെ കൊ​ടു​ത്ത ഒ​രു നി​വേ​ദ​ന​ത്തി​ന്റെ അ​ടി​സ്ഥാ​ന​ത്തി​ലു​ണ്ടാ​ക്കി​യ ക​മ്മി​റ്റി​യു​ടെ റി​പ്പോ​ർ​ട്ട് എ​ത്ര​യും​പെ​ട്ടെ​ന്ന് പു​റ​ത്തു​വി​ടേ​ണ്ട​താ​യി​രു​ന്നു. പ​ല​രും ആ​രോ​പി​ക്കു​ന്ന​തു​പോ​ലെ പ​കു​തി വെ​ട്ടി​മു​റി​ച്ച റി​പ്പോ​ർ​ട്ടാ​ണ് ജ​ന​ത്തി​ന് കൊ​ടു​ത്ത​ത്. അ​ത്ത​ര​മൊ​രു റി​പ്പോ​ർ​ട്ടാ​ണെ​ങ്കി​ൽ​പോ​ലും അ​തി​ന്മേ​ൽ ന​ട​പ​ടി തു​ട​ങ്ങു​ന്ന​തി​ന് മു​മ്പു​ത​ന്നെ സ്ത്രീ​ക​ൾ​ക്ക് ആ​ത്മ​വി​ശ്വാ​സം കൈ​വ​ന്നു​വെ​ന്ന​ത് കാ​ണാ​തി​രി​ക്ക​രു​ത്. ആ ​റി​പ്പോ​ർ​ട്ട് പു​റ​ത്തു​വ​ന്ന​തി​ന് പി​ന്നാ​ലെ പ​ല​രും തു​റ​ന്നു​പ​റ​യാ​ൻ മു​ന്നോ​ട്ടു​വ​ന്നു. എ​ത്ര​മാ​ത്രം പ്ര​ത്യാ​ഘാ​ത​മാ​ണ് ഇ​നി അ​തു​ണ്ടാ​ക്കാ​ൻ പോ​കു​ന്ന​തെ​ന്ന് സ​ർ​ക്കാ​റി​ന്റെ ന​ട​പ​ടി​ക​ളി​ൽ​നി​ന്നാ​ണ് വ്യ​ക്ത​മാ​കേ​ണ്ട​ത്. മ​റ്റൊ​രു സം​സ്ഥാ​ന​ത്തെ സ്ത്രീ​ക്കു​ണ്ടാ​യ അ​നു​ഭ​വം കൊ​ൽ​ക്ക​ത്ത​യി​ൽ​നി​ന്ന് അ​വ​ർ തു​റ​ന്നു​പ​റ​ഞ്ഞു. അ​ങ്ങ​നെ​യാ​ണ് ച​ല​ച്ചി​ത്ര അ​ക്കാ​ദ​മി ചെ​യ​ർ​മാ​ൻ ര​ഞ്ജി​ത്തി​ന് രാ​ജി​വെ​ക്കേ​ണ്ടി​വ​ന്ന​ത്. സ്ത്രീ​ക​ൾ തു​റ​ന്നു​പ​റ​യാ​ൻ ത​യാ​റാ​കു​ന്നു എ​ന്ന് മ​ന​സ്സി​ലാ​ക്കി​യാ​ണ് സ​ർ​ക്കാ​ർ ​​​പ്ര​ത്യേ​ക അ​ന്വേ​ഷ​ണ സം​ഘ​ത്തെ (എ​സ്.​ഐ.​ടി) നി​യോ​ഗി​ച്ച​ത്. എ​സ്.​ഐ.​ടി പ്ര​വ​ർ​ത്ത​നം തു​ട​ങ്ങി​യ​പ്പോ​ഴേ​ക്കും പു​തി​യ വെ​ളി​പ്പെ​ടു​ത്ത​ലു​ക​ൾ വ​ന്നു​കൊ​ണ്ടി​രി​ക്കു​ക​യാ​ണ്. പു​തി​യ ന​ട​ന്മാ​രെ​ക്കു​റി​ച്ച് മാ​ത്ര​മ​ല്ല, ഡ​യ​റ​ക്ട​ർ​മാ​ർ, അ​സോ​സി​യേ​റ്റ് ഡ​യ​റ​ക്ട​ർ​മാ​ർ, മേ​ക്ക​പ്മാ​ൻ തു​ട​ങ്ങി​യ​വ​രെ​ക്കു​റി​ച്ചും വെ​ളി​പ്പെ​ടു​ത്ത​ലു​ക​ൾ വ​ന്നു. സ്ത്രീ​ക​ൾ മാ​ത്ര​മ​ല്ല, പു​രു​ഷ​ന്മാ​രും പ​രാ​തി​ക്കാ​രാ​യി രം​ഗ​ത്തു​വ​ന്നു.

മ​റ്റു പ​ല​രും സ്ഥാ​ന​ങ്ങ​ൾ രാ​ജി​വെ​ച്ച​തു​പോ​ലെ ആ​രോ​പ​ണ വി​ധേ​യ​നാ​യ ഭ​ര​ണ​പ​ക്ഷ എം.​എ​ൽ.​എ മു​കേ​ഷും രാ​ജി​വെ​ക്ക​ണ​മെ​ന്ന് താ​ങ്ക​ൾ ആ​വ​ശ്യ​മു​ന്ന​യി​ച്ചി​രു​ന്നു. ഇ​ട​തു​പ​ക്ഷ​ത്തെ ചി​ല​ർ അ​ത് ആ​വ​ശ്യ​മി​ല്ലെ​ന്ന് പ​റ​യു​മ്പോ​ഴും താ​ങ്ക​ൾ അ​തി​ലു​റ​ച്ചു നി​ൽ​ക്കു​ന്ന​തെ​ന്തു​കൊ​ണ്ടാ​ണ്?

-ഇ​തൊ​രു അ​ഴി​മ​തി​ക്കേ​സ​ല്ല; ലൈം​ഗി​കാ​തി​ക്ര​മ കേ​സാ​ണ്. അ​ത്ത​ര​മൊ​രു ആ​രോ​പ​ണം വ​ന്നു​ക​ഴി​ഞ്ഞാ​ൽ ഉ​ത്ത​ര​വാ​ദ​പ്പെ​ട്ട സ്ഥാ​ന​ങ്ങ​ളി​ലി​രി​ക്കു​ന്ന​വ​ർ രാ​ജി​വെ​ച്ച് മാ​റി​നി​ന്ന് അ​ന്വേ​ഷ​ണം സു​താ​ര്യ​മാ​യും സ​ത്യ​സ​ന്ധ​മാ​യും നീ​തി​പൂ​ർ​വ​ക​മാ​യും ന​ട​ത്താ​നു​ള്ള സാ​ഹ​ച​ര്യ​മൊ​രു​ക്ക​ണം. അ​തൊ​രു ധാ​ർ​മി​ക​ത​യു​ടെ പ്ര​ശ്ന​മാ​ണ്. രാ​ഷ്ട്രീ​യ​ത്തി​ലു​ള്ള​വ​രാ​ണെ​ങ്കി​ൽ അ​തൊ​രു ‘പൊ​ളി​റ്റി​ക്ക​ൽ മൊ​റാ​ലി​റ്റി’​യു​ടെ കൂ​ടി പ്ര​ശ്ന​മാ​ണ്. മു​കേ​ഷ് ഒ​രു പ്ര​തി​പ​ക്ഷ എം.​എ​ൽ.​എ അ​ല്ല. ഭ​ര​ണ​ക​ക്ഷി എം.​എ​ൽ.​എ​യാ​ണ്. ര​ഞ്ജി​ത്തി​ന്റെ രാ​ജി​യോ​ടെ​യാ​ണ് ഒ​രു പാ​ടു​പേ​ർ​ക്ക് തു​റ​ന്നു​പ​റ​യാ​നു​ള്ള ആ​ത്മ​വി​ശ്വാ​സം ഉ​ണ്ടാ​യ​ത്. സ​ർ​ക്കാ​ർ സ​ത്യ​സ​ന്ധ​മാ​യ നീ​ക്ക​മാ​ണ് ന​ട​ത്തു​ന്ന​തെ​ന്ന ഒ​രു തോ​ന്ന​ൽ ആ ​ഇ​ര​ക​ൾ​ക്കു​ണ്ടാ​യി. പ​ദ​വി​യി​ലും അ​ധി​കാ​ര​ത്തി​ലു​മി​രി​ക്കു​ന്ന ആ​ൾ അ​തേ ഇ​ട​ത്തി​ൽ​ത​ന്നെ ഇ​രി​ക്കു​ക​യും അ​​തേ ഇ​ട​ത്തി​ലു​ള്ള സ​ർ​ക്കാ​റി​ന്റെ ഏ​ജ​ൻ​സി അ​യാ​ൾ​ക്കെ​തി​രെ അ​ന്വേ​ഷ​ണം ന​ട​ത്തു​ക​യും ചെ​യ്താ​ൽ എ​ത്ര സ​ത്യ​സ​ന്ധ​മാ​യി അ​ന്വേ​ഷി​ച്ചാ​ലും എ​പ്പോ​ഴു​മ​ത് സം​ശ​യ​ത്തി​ന്റെ നി​ഴ​ലി​ലാ​കും. ഈ ​വി​ഷ​യ​ത്തി​ൽ ചു​വ​ടു​​വെ​പ്പ് ന​ട​ത്തി​യ സ​ർ​ക്കാ​ർ ന​ട​ത്തി​യ പ​രി​ശ്ര​മ​ങ്ങ​ൾ​ക്ക് മേ​ൽ ക​രി​നി​ഴ​ൽ വീ​ഴ്ത്തു​ന്ന​തി​ന് ഒ​രു കാ​ര​ണ​വ​ശാ​ലും അ​നു​വ​ദി​ക്കാ​ൻ പാ​ടി​ല്ല.

മു​കേ​ഷ് രാ​ജി​വെ​ച്ചി​ല്ലെ​ങ്കി​ൽ കേ​ര​ള സ​ർ​ക്കാ​ർ ഇ​തു​വ​രെ ​കൈ​ക്കൊ​ണ്ട ന​ട​പ​ടി​ക​ൾ പാ​ഴാ​കു​മെ​ന്ന് താ​ങ്ക​ൾ ക​രു​തു​ന്നു​ണ്ടോ?

സ​ർ​ക്കാ​റി​ന്റെ പ​രി​ശ്ര​മ​ത്തി​ന് അ​ത് ക​ള​ങ്ക​മേ​ൽ​പി​ക്കും. ഇ​തു​വ​രെ കൈ​ക്കൊ​ണ്ട ന​ട​പ​ടി​ക​ളി​ലൂ​ടെ ച​ല​ച്ചി​ത്ര മേ​ഖ​ല​യി​ലെ മാ​ത്ര​മ​ല്ല, രാ​ജ്യ​ത്തെ എ​ല്ലാ മേ​ഖ​ല​യി​ലെ​യും സ്ത്രീ​ക​ൾ​ക്ക് കേ​ര​ള സ​ർ​ക്കാ​റി​ന് മേ​ലു​ണ്ടാ​യ വി​ശ്വാ​സം ന​ഷ്ട​പ്പെ​ടാ​നും അ​ത് കാ​ര​ണ​മാ​കും. തു​ട​ർ ന​ട​പ​ടി​ക​ളി​ലൂ​ടെ സ​ർ​ക്കാ​റി​ന്റെ യ​ശ​സ്സ് ഇ​നി​യു​മു​യ​ര​ണം. സി​നി​മ​മേ​ഖ​ല പോ​ലൊ​രു തൊ​ഴി​ലി​ട​ത്തി​ലെ വി​ഷ​യം ആ​ത്മാ​ർ​ഥ​മാ​യി കൈ​കാ​ര്യം ചെ​യ്താ​ൽ അ​തി​ന്റെ പ്ര​ക​മ്പ​നം മ​റ്റെ​ല്ലാ തൊ​ഴി​ൽ മേ​ഖ​ല​ക​ളി​ലു​മു​ണ്ടാ​ക്കും. ഇ​പ്പോ​ൾ​ത​ന്നെ കേ​ര​ള​ത്തി​ലെ സ്ത്രീ​വി​രു​ദ്ധ​രാ​യ പു​രു​ഷ​ന്മാ​രെ​ല്ലാം ഒ​ന്നു ഞെ​ട്ടി​യി​രി​ക്കു​ക​യാ​ണ്. അ​പ്പോ​ൾ ഈ ​വി​ഷ​യ​ത്തി​ൽ സ​ർ​ക്കാ​ർ ഒ​ന്ന് ശ​ക്ത​മാ​യി നി​ല​യു​റ​പ്പി​ച്ചാ​ൽ മ​റ്റെ​ല്ലാ തൊ​ഴി​ൽ​മേ​ഖ​ല​ക​ളി​ൽ​നി​ന്നും ഇ​തു​പോ​ലെ സ്ത്രീ​ക​ൾ തു​റ​ന്നു​പ​റ​യാ​ൻ ത​യാ​റാ​യി വ​രും. സി​നി​മ മേ​ഖ​ല​യി​ൽ മാ​ത്ര​മ​ല്ല, മ​റ്റു തൊ​ഴി​ലി​ട​ങ്ങ​ളി​ലും ഇ​തു​പോ​ലു​ള്ള അ​തി​ക്ര​മ​ങ്ങ​ള​ു​ള്ള കാ​ര്യം വ​നി​ത ക​മീ​ഷ​ന്റെ ​ശ്ര​ദ്ധ​യി​ൽ​പ്പെ​ടു​ത്താ​ൻ ഇ​ന്നു​ച്ച​ക്ക് ഒ​രു സ്വ​കാ​ര്യ സ്കൂ​ൾ അ​ധ്യാ​പി​ക​യാ​ണ് എ​നി​ക്ക് സ​ന്ദേ​ശ​മ​യ​ച്ച​ത്. സി​നി​മ മേ​ഖ​ല​യെ മാ​ത്രം ശു​ദ്ധീ​ക​രി​ച്ചാ​ൽ​ത​ന്നെ കേ​ര​ള​ത്തി​ലെ തൊ​ഴി​ലി​ട​ങ്ങ​ൾ സ്ത്രീ ​സൗ​ഹൃ​ദ​മാ​കും. അ​ത് കേ​ര​ള​ത്തി​ൽ മാ​ത്ര​മ​ല്ല, മ​റ്റു സം​സ്ഥാ​ന​ങ്ങ​ളി​ലും ഫ​ല​ങ്ങ​ളു​ണ്ടാ​ക്കും. അ​തു​കൊ​ണ്ടു​ത​ന്നെ​യാ​ണ് മു​കേ​ഷ് എം.​എ​ൽ.​എ സ്ഥാ​നം രാ​ജി​വെ​ക്ക​ണ​മെ​ന്ന് പ​റ​യു​ന്ന​ത്.