ഡ​ൽ​ഹി മ​ല​യാ​ളി​​ക​ളെ കൂ​ട്ടി​യി​ണ​ക്കി​യ ഓം​ചേ​രി

സു​പ്രീം​കോ​ട​തി ജ​ഡ്ജി​യാ​യി ഡ​ൽ​ഹി​യി​ൽ എ​ത്തി​യ​പ്പോ​ഴാ​ണ്​ ഓം​ചേ​രി എ​ന്‍.​എ​ന്‍. പി​ള്ള​യെ പ​രി​ച​യ​പ്പെ​ടു​ന്ന​ത്. കോ​ട്ട​യം​കാ​രെ​ന്ന ഘ​ട​ക​മാ​യി​രു​ന്നു ആ​ദ്യ​ച​രി​ച​യ​ത്തി​ൽ നി​റ​ഞ്ഞു​നി​ന്ന​ത്. എ​ന്നാ​ൽ, പി​ന്നീ​ട്​ വ​ള​രെ അ​ടു​ത്തു. എ​ല്ലാ വി​ഷ​യ​ങ്ങ​ളും ച​ർ​ച്ച ചെ​യ്യു​ന്ന, മാ​സ​ത്തി​ൽ ഒ​രി​ക്ക​ലെ​ങ്കി​ലും കാ​ണു​ന്ന ത​ര​ത്തി​ലേ​ക്ക്​ ആ ​ബ​ന്ധം വ​ള​ർ​ന്നു.

ഞാ​ൻ സു​പ്രീം​കോ​ട​തി ജ​ഡ്ജി​യാ​യി ഡ​ൽ​ഹി​യി​ൽ എ​ത്തു​മ്പോ​ൾ കേ​ര​ള സ​മാ​ജം പ്ര​സി​ഡ​ന്‍റാ​യി​രു​ന്നു അ​ദ്ദേ​ഹം. അ​വി​ടെ ഉ​ണ്ടാ​യി​രു​ന്ന മ​ല​യാ​ളി​ക​ളെ എ​ല്ലാം കേ​ര​ള സ​മാ​ജ​ത്തി​ലൂ​ടെ ഓം​ചേ​രി കൂ​ട്ടി​യി​ണ​ക്കി. മ​ല​യാ​ളം മ​റ​ക്കാ​തി​രു​ന്ന ഓം​ചേ​രി, ഡ​ൽ​ഹി മ​ല​യാ​ളി​ക​ളു​ടെ മേ​ൽ​വി​ലാ​സ​വു​മാ​യി. എ​ല്ലാ മ​നു​ഷ്യ​രെ​യും ചേ​ർ​ത്തു​നി​ർ​ത്തി സ്നേ​ഹം പ​ക​രാ​ൻ അ​ദ്ദേ​ഹ​ത്തി​ന്​ ക​ഴി​ഞ്ഞു. അ​ത്​​ മ​റ​ക്കാ​നാ​കാ​ത്ത കാ​ഴ്ച​യാ​യി​രു​ന്നു.

കേ​ര​ള സ​മാ​ജം പ്ര​വ​ർ​ത്ത​ന​ങ്ങ​ളെ സ​ജീ​വ​മാ​ക്കി നി​ല​നി​ർ​ത്താ​നും അ​ദ്ദേ​ഹ​ത്തി​ന്​ ക​ഴി​ഞ്ഞു. നി​ര​ന്ത​രം പ​രി​പാ​ടി​ക​ളും കൂ​ട്ടാ​യ്മ​ക​ളും ഒ​രു​ക്കി. ഡ​ൽ​ഹി​യി​ൽ വി​വി​ധ മേ​ഖ​ല​ക​ളി​ൽ ഉ​യ​ർ​ന്ന പ​ദ​വി​ക​ളി​ൽ പ്ര​വ​ർ​ത്തി​ക്കു​ന്ന മ​ല​യാ​ളി​ക​ളെ കേ​ര​ള സ​മാ​ജ​ത്തി​ന്‍റെ പ​രി​പാ​ടി​ക​ളി​ലേ​ക്ക്​ എ​ത്തി​ക്കാ​ൻ പ്ര​ത്യേ​ക​ശ്ര​ദ്ധ ചെ​ലു​ത്തി​യി​രു​ന്നു.

ഒ​രു ദുഃഖ​വെ​ള്ളി ദി​ന​ത്തി​ൽ അ​ദ്ദേ​ഹം എ​ന്നെ അ​ത്ഭു​ത​പ്പെ​ടു​ത്തി. അ​ന്ന് ക​രോ​ൾ​ബാ​ഗ്​ മാ​ർ​ത്തോ​മ പ​ള്ളി​യി​ൽ പ്ര​സം​ഗ​ക​നാ​യി എ​ത്തി​യ​ത്​ മ​റ്റാ​രു​മാ​യി​രു​ന്നി​ല്ല; ഓം​ചേ​രി ത​ന്നെ. പി​ന്നീ​ട്​ അ​ന്വേ​ഷി​ച്ച​പ്പോ​ൾ മ​റ്റ്​ ചി​ല ക്രി​സ്ത്യ​ൻ പ​ള്ളി​ക​ളി​ലും പ്ര​സം​ഗി​ക്കാ​ൻ പോ​കു​മെ​ന്ന്​ മ​ന​സ്സി​ലാ​യി.

ഡ​ൽ​ഹി​യി​ൽ ആ​യി​രു​ന്ന​പ്പോ​ൾ മാ​സ​ത്തി​ൽ ഒ​രി​ക്ക​ലെ​ങ്കി​ലും അ​ദ്ദേ​ഹം വീ​ട്ടി​ൽ എ​ത്തു​മാ​യി​രു​ന്നു. നാ​ട​കം മാ​ത്ര​മാ​യി​രു​ന്നി​ല്ല, എ​ല്ലാ വി​ഷ​യ​ങ്ങ​ളും ച​ർ​ച്ച ചെ​യ്തി​രു​ന്നു. പ​ല വി​ഷ​യ​ങ്ങ​ളി​ലും ആ​ഴ​ത്തി​ലു​ള്ള അ​റി​വാ​യി​രു​ന്നു. നാ​ട​ക​ങ്ങ​ൾ ര​ചി​ക്കു​ന്ന​തി​നൊ​പ്പം സം​വി​ധാ​ന​വും നി​ർ​വ​ഹി​ച്ചു. നാ​ട​ക​വു​മാ​യി രാ​ജ്യ​ത്തി​ന്‍റെ വി​വി​ധ​യി​ട​ങ്ങ​ളി​ലേ​ക്ക്​ സ​ഞ്ച​രി​ക്കു​ക​യും ചെ​യ്തു.​ ഇ​ത്ത​രം യാ​ത്ര​ക​ൾ അ​ദ്ദേ​ഹ​ത്തി​ന്​ വ​ലി​യ ഊ​ർ​ജം പ​ക​രു​ന്ന​താ​യി പ​ല​പ്പോ​ഴും തോ​ന്നി​യി​ട്ടു​ണ്ട്. വൈ​ക്കം ടി.​വി പു​ര​ത്തി​ന​ടു​ത്ത മൂ​ത്തേ​ട​ത്തു​കാ​വെ​ന്ന ചെ​റു​ഗ്രാ​മ​ത്തി​ൽ ജ​നി​ച്ച ഓം​ചേ​രി ആ ​ഗ്രാ​മീ​ണ​ത​യെ​യും ഒ​പ്പം ചേ​ർ​ത്തു​നി​ർ​ത്തി​യി​രു​ന്നു.

ഞാ​ൻ ഡ​ൽ​ഹി​യി​ൽ​നി​ന്ന്​​ മ​ട​ങ്ങു​മ്പോ​ൾ വ​ലി​യൊ​രു യാ​ത്ര​യ​യ​പ്പാ​ണ്​ ഓം​ചേ​രി ഒ​രു​ക്കി​യ​ത്. ആ ​സ്നേ​ഹം മ​റ​ക്കാ​ൻ ക​ഴി​യി​ല്ല. പി​ന്നീ​ട്​ അ​ദ്ദേ​ഹം കേ​ര​ള​ത്തി​ൽ എ​ത്തി​യ​പ്പോ​ഴും കാ​ണാ​ൻ വ​ന്നി​രു​ന്നു. ഡ​ൽ​ഹി​യെ​യും കേ​ര​ള​ത്തെ​യും കൂ​ട്ടി​യി​ണ​ക്കി​യി​രു​ന്ന ഒ​രു ക​ണ്ണി​കൂ​ടി​യാ​ണ്​ ഓം​ചേ​രി മ​റ​യു​ന്ന​തോ​ടെ മു​റി​യു​ന്ന​ത്.