ദേശീയ ഗെയിംസിന്‍റെ മറവിൽ തട്ടിപ്പും വെട്ടിപ്പും

തി​രു​വ​ന​ന്ത​പു​രം: ദേ​ശീ​യ ഗെ​യിം​സി​ന്​ കാ​യി​ക അ​സോ​സി​യേ​ഷ​നു​ക​ൾ​ക്ക് പ​ണം മു​ൻ​കൂ​ർ അ​നു​വ​ദി​ക്കു​ന്ന​തി​ൽ ക​ർ​ശ​ന നി​ല​പാ​ടു​മാ​യി ധ​ന​വ​കു​പ്പ്. മു​ൻ​കാ​ല​ങ്ങ​ളി​ൽ കാ​യി​ക​താ​ര​ങ്ങ​ൾ​ക്ക് അ​നു​വ​ദി​ച്ച കോ​ടി​ക​ളി​ൽ ന​ല്ലൊ​രു പ​ങ്കും ചി​ല അ​സോ​സി​യേ​ഷ​ൻ നേ​താ​ക്ക​ൾ കൈ​യി​ട്ടു​വാ​രി​യ​തോ​ടെ മു​ൻ​കൂ​ർ പ​ണം അ​നു​വ​ദി​ക്കു​ന്ന​തി​ന് പ​ക​രം ചെ​ല​വാ​യ തു​ക​യു​ടെ ബി​ൽ സം​സ്ഥാ​ന സ്പോ​ർ​ട്സ് കൗ​ൺ​സി​ലി​ന് സ​മ​ർ​പ്പി​ക്കു​ന്ന മു​റ​ക്ക്​ മാ​ത്രം പ​ണം ന​ൽ​കി​യാ​ൽ മ​തി​യെ​ന്ന നി​ല​പാ​ടി​ലാ​ണ് ധ​ന​വ​കു​പ്പ്. കാ​യി​ക വ​കു​പ്പി​നും സം​സ്ഥാ​ന സ്പോ​ർ​ട്സ് കൗ​ൺ​സി​ലി​നും ഈ ​നി​ർ​ദേ​ശം ന​ൽ​കി​യി​ട്ടു​ണ്ട്.

ഉ​ത്ത​രാ​ഖ​ണ്ഡി​ലെ ഡ​റാ​ഡൂ​ണി​ൽ ജ​നു​വ​രി 28 മു​ത​ൽ ന​ട​ക്കു​ന്ന 38ാമ​ത് ദേ​ശീ​യ ഗെ​യിം​സി​ന്​ അ​ഞ്ഞു​റോ​ളം വ​രു​ന്ന കേ​ര​ള ടീ​മി​ന്‍റെ ഒ​രു​ക്ക​ങ്ങ​ൾ​ക്ക്​ 9.90 കോ​ടി​യാ​ണ് സ്പോ​ർ​ട്സ് കൗ​ൺ​സി​ൽ കാ​യി​ക വ​കു​പ്പി​നോ​ട് ആ​വ​ശ്യ​പ്പെ​ട്ട​ത്. കാ​യി​ക വ​കു​പ്പ് ഫ​യ​ൽ ക​ഴി​ഞ്ഞ ദി​വ​സം കൈ​മാ​റി​യെ​ങ്കി​ലും മു​ൻ​കാ​ല അ​നു​ഭ​വം ചൂ​ണ്ടി​ക്കാ​ട്ടി ധ​ന​വ​കു​പ്പ് നി​ല​പാ​ടി​ൽ ഉ​റ​ച്ചു​നി​ൽ​ക്കു​ക​യാ​ണ്.

ഗോ​വ​യി​ൽ 2023 ഒ​ക്ടോ​ബ​റി​ൽ ന​ട​ന്ന ദേ​ശീ​യ ഗെ​യിം​സി​ന്​ സ​ർ​ക്കാ​ർ അ​ഞ്ചു കോ​ടി അ​നു​വ​ദി​ച്ചെ​ങ്കി​ലും ചെ​ല​വാ​യ തു​ക​യു​ടെ ബി​ല്ലു​ക​ൾ പ​ല അ​സോ​സി​യേ​ഷ​നും ധ​ന​വ​കു​പ്പി​ന് സ​മ​ർ​പ്പി​ച്ചി​ട്ടി​ല്ല. കാ​യി​ക ഉ​പ​ക​ര​ണ​ങ്ങ​ൾ വാ​ങ്ങി​യ​തി​ലും ക്യാ​മ്പ് ന​ട​ത്തി​യ​തി​ലു​മ​ട​ക്കം സ​മ​ർ​പ്പി​ച്ച പ​ല ബി​ല്ലും വ്യാ​ജ​മാ​ണെ​ന്നും പ​രി​ശോ​ധ​ന​യി​ൽ ക​ണ്ടെ​ത്തി. 10 ദി​വ​സം ക്യാ​മ്പ് ന​ട​ത്തി​യ ശേ​ഷം മൂ​ന്നാ​ഴ്ച ന​ട​ത്തി​യ​താ​യി കാ​ണി​ച്ച് ചി​ല അ​സോ​സി​യേ​ഷ​നു​ക​ൾ പ​ണം ത​ട്ടി.

ക്യാ​മ്പി​ൽ ഒ​രു താ​ര​ത്തി​ന് പ്ര​തി​ദി​ന ഭ​ക്ഷ​ണ-​താ​മ​സ അ​ല​വ​ൻ​സാ​യി 800 രൂ​പ​യാ​ണ് അ​നു​വ​ദി​ക്കു​ക. ഇ​തി​ൽ 500 രൂ​പ ഭ​ക്ഷ​ണ​ത്തി​നാ​ണ്. സ്പോ​ർ​ട്സ് കി​റ്റി​ന്​ അ​നു​വ​ദി​ച്ച തു​ക​പോ​ലും പ​ല​ർ​ക്കും ന​ൽ​കി​യി​ല്ല. ഭാ​വി ന​ശി​പ്പി​ക്കു​മെ​ന്ന് ഭ​യ​ന്ന് അ​സോ​സി​യേ​ഷ​ൻ നേ​താ​ക്ക​ൾ​ക്കെ​തി​രെ പ​ല​രും പ​രാ​തി പ​റ​യാ​ൻ മ​ടി​ക്കു​ക​യാ​ണ്. ഈ ​സാ​ഹ​ച​ര്യ​ത്തി​ലാ​ണ് ക്യാ​മ്പു​ക​ൾ പൂ​ർ​ത്തി​യാ​ക്കി​യ ശേ​ഷം ചെ​ല​വു​ക​ൾ സ​മ​ർ​പ്പി​ച്ചാ​ൽ തു​ക അ​നു​വ​ദി​ക്കാ​മെ​ന്ന നി​ല​പാ​ട് ധ​ന​വ​കു​പ്പ് സ്വീ​ക​രി​ച്ച​ത്. 

• ഒ​രു കാ​യി​ക അ​സോ​സി​യേ​ഷ​നും മു​ൻ​കൂ​ർ പ​ണം അ​നു​വ​ദി​ക്കി​ല്ല. ബി​ല്ലു​ക​ൾ ന​ൽ​കു​ന്ന മു​റ​ക്ക് പ​ണം ന​ൽ​കി​യി​രി​ക്കും. ബി​ല്ലു​ക​ൾ കൃ​ത്യ​മാ​യാ​ൽ പ​ണം ല​ഭി​ക്കു​മെ​ന്ന കാ​ര്യ​ത്തി​ൽ അ​സോ​സി​യേ​ഷ​നു​ക​ൾ​ക്ക് സം​ശ​യം വേ​ണ്ട.

-ധ​ന​മ​ന്ത്രി​യു​ടെ ഓ​ഫി​സ്

•മു​ൻ​കാ​ല​ങ്ങ​ളി​ൽ സ​ർ​ക്കാ​ർ അ​ഡ്വാ​ൻ​സ് പോ​ലെ ഒ​രു തു​ക അ​നു​വ​ദി​ച്ചി​രു​ന്നു. ആ ​തു​ക ക്യാ​മ്പു​ക​ൾ സം​ഘ​ടി​പ്പി​ക്കാ​നും മ​റ്റും അ​സോ​സി​യേ​ഷ​നു​ക​ൾ​ക്ക് വീ​തം വെ​ച്ച് ന​ൽ​കു​ക​യാ​ണ് പ​തി​വ്. ഇ​ത്ത​വ​ണ മു​ൻ​കൂ​ർ പ​ണം അ​നു​വ​ദി​ച്ചി​ല്ലെ​ങ്കി​ലും ദേ​ശീ​യ ഗെ​യിം​സ്​ ഒ​രു​ക്ക​ങ്ങ​ൾ​ക്ക് ഒ​രു പ്ര​ശ്ന​വു​മി​ല്ല. ക്യാ​മ്പു​ക​ൾ ആ​രം​ഭി​ക്കാ​ൻ ക​ഴി​ഞ്ഞ മാ​സം 30ന് ​ത​ന്നെ അ​സോ​സി​യേ​ഷ​നു​ക​ൾ​ക്ക് നി​ർ​ദേ​ശം ന​ൽ​കി​യി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ൽ ഭൂ​രി​ഭാ​ഗം ക്യാ​മ്പും തു​ട​ങ്ങി​യി​ട്ടു​ണ്ട്. ബാ​സ്ക​റ്റ് ബാ​ൾ അ​ട​ക്കം ചി​ല ഇ​ന​ങ്ങ​ളി​ൽ ദേ​ശീ​യ മ​ത്സ​ര​ങ്ങ​ൾ ന​ട​ക്കു​ന്നേ​യു​ള്ളൂ. ഇ​തി​ന് ശേ​ഷ​മാ​കും ക്യാ​മ്പു​ക​ൾ. വി​ഷു ടീ​മി​ന്‍റെ പ​രി​ശീ​ല​നം ഉ​ത്ത​രാ​ഖ​ണ്ഡി​ൽ ആ​രം​ഭി​ച്ചു. കാ​ലാ​വ​സ്ഥ​യും ഉ​ത്ത​രാ​ഖ​ണ്ഡ്​ വ​രെ ട്രെ​യി​ൻ യാ​ത്ര​യും ബു​ദ്ധി​മു​ട്ടാ​യ​തി​നാ​ൽ വി​മാ​ന ടി​ക്ക​റ്റ് ബു​ക്ക് ചെ​യ്യാ​ൻ ശ്ര​മി​ക്കു​ന്നു​ണ്ട്. ഇ​തെ​ല്ലാം കൂ​ടി ചേ​ർ​ത്തു​ള്ള ബ​ജ​റ്റ് എ​സ്റ്റി​മേ​റ്റാ​ണ് കാ​യി​ക​വ​കു​പ്പി​ന് സ​മ​ർ​പ്പി​ച്ചി​ട്ടു​ള്ള​ത്.

-യു. ​ഷ​റ​ഫ​ലി (കേരള സ്പോ​ർ​ട്സ് കൗ​ൺ​സി​ൽ പ്ര​സി​ഡ​ന്‍റ്)

• സ്പോ​ർ​ട്സ് കൗ​ൺ​സി​ലി​ൽ ര​ജി​സ്റ്റ​ർ ചെ​യ്തി​ട്ടു​ണ്ടെ​ങ്കി​ലും കാ​യി​ക അ​സോ​സി​യേ​ഷ​നു​ക​ൾ സ്വ​ത​ന്ത്ര, സ്വ​കാ​ര്യ സം​ഘ​ട​ന​ക​ളാ​ണ്. ഒ​രു സ്വ​കാ​ര്യ സം​ഘ​ട​ന​ക്കും സ​ർ​ക്കാ​ർ മു​ൻ​കൂ​ർ പ​ണം അ​നു​വ​ദി​ക്കാ​റി​ല്ല. ക്യാ​മ്പ്​ ന​ട​ത്തി ബി​ൽ ഹാ​ജ​രാ​ക്കു​ന്ന മു​റ​ക്ക്​ പ​ണം അ​നു​വ​ദി​ക്കും. മു​ൻ​കൂ​ർ പ​ണം അ​നു​വ​ദി​ച്ചാ​ൽ അ​തെ​ല്ലാം കാ​യി​ക​താ​ര​ങ്ങ​ളി​ലേ​ക്കെ​ത്തു​മെ​ന്ന് ഒ​രു​റ​പ്പു​മി​ല്ല. പ​ണം അ​നു​വ​ദി​ക്കാ​ത്ത​തു​കൊ​ണ്ട് ദേ​ശീ​യ ഗെ​യിം​സി​ന്‍റെ മു​ന്നൊ​രു​ക്ക​ങ്ങ​ൾ​ക്ക് കു​റ​വു​ണ്ടാ​യി​ട്ടി​ല്ല. ക്യാ​മ്പു​ക​ൾ മി​ക​ച്ച രീ​തി​യി​ൽ മു​ന്നോ​ട്ടു​പോ​കു​ന്നു​ണ്ട്.

- കാ​യി​ക മ​ന്ത്രി​യു​ടെ ഓ​ഫി​സ്