ജയ്പുർ: സ്വന്തം തട്ടകത്തിൽ നടക്കുന്ന മത്സരത്തിൽ കെ.എൽ രാഹുലിന്റെ ലഖ്നൗ സൂപ്പർ ജയന്റ്സിന്റെ ഇന്നിങ്സ് 154-ൽ അവസാനിപ്പിച്ച് രാജസ്ഥാൻ റോയൽസ് ബൗളർമാർ. ലഖ്നൗവിനെ ബാറ്റിങ്ങിനയക്കാനുള്ള സഞ്ജുവിന്റെ തീരുമാനം ശരിവെച്ച് ബൗളർമാർ റൺസ് വിട്ടുകൊടുക്കുന്നതിൽ പിശുക്ക് കാട്ടുകയായിരുന്നു. നിശ്ചിത 20 ഓവറിൽ ഏഴ് വിക്കറ്റ് നഷ്ടത്തിലാണ് ലഖ്നൗ 154 റൺസ് എടുത്തത്. നാലോവറിൽ 23 റൺസ് മാത്രം വഴങ്ങി രണ്ട് വിക്കറ്റുകൾ വീഴ്ത്തിയ രവിചന്ദ്ര അശ്വിൻ ബൗളർമാരിൽ മികവ് കാട്ടി.
42 പന്തുകളിൽ 51 റൺസ് എടുത്ത കെയ്ൽ മയേർസും 32 പന്തുകളിൽ 39 റൺസ് എടുത്ത കെ.എൽ രാഹുലുമാണ് ലഖ്നൗവിന് തുണയായത്. 16 പന്തുകളിൽ 21 റൺസെടുത്ത മാർകസ് സ്റ്റോയിനിസും 20 പന്തുകളിൽ 28 റൺസ് എടുത്ത നികോളാസ് പൂരാനുമാണ് റൺസ് 150 കടത്താൻ സഹായിച്ചത്.
പോയിന്റ് പട്ടികയിൽ ഒന്നും രണ്ടും സ്ഥാനത്തുള്ള ഇരുടീമുകളിൽ രാജസ്ഥാൻ കഴിഞ്ഞ മത്സരത്തിൽ ഗുജറാത്തിനെ തകർത്തിരുന്നു. എന്നാൽ, ലഖ്നൗ പഞ്ചാബിനെതിരായ കഴിഞ്ഞ മത്സരത്തിൽ തോൽവി വഴങ്ങിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.