രാജ്കോട്ടും ലോർഡ്സും തമ്മിലെന്ത്?

രാ​ജ്കോ​ട്ട്: ഇ​ന്ത്യ​ക്കെ​തി​രാ​യ മൂ​ന്നാം ടെ​സ്റ്റി​ൽ രാ​ജ്കോ​ട്ടി​ലെ നി​ര​ഞ്ജ​ൻ ഷാ ​സ്റ്റേ​ഡി​യ​ത്തി​ലി​റ​ങ്ങു​മ്പോ​ൾ ഇം​ഗ്ല​ണ്ട് ടീ​മം​ഗ​ങ്ങ​ളു​ടെ മ​ന​സ്സി​ൽ നാ​ട്ടി​ലെ ഓ​ർ​മ​ക​ൾ അ​ല​യ​ടി​ക്കും. ക്രി​ക്ക​റ്റി​ന്റെ മ​ക്ക​യാ​യ ലോ​ർ​ഡ്സ് സ്റ്റേ​ഡി​യ​വും രാ​ജ്കോ​ട്ടി​ലെ സ്റ്റേ​ഡി​യ​വും ത​മ്മി​ൽ ഒ​രു ബ​ന്ധ​മു​ണ്ട്. ലോ​ർ​ഡ്സി​ലെ മീ​ഡി​യ ബോ​ക്സി​ന്റെ അ​തേ മാ​തൃ​ക​യി​ലാ​ണ് രാ​ജ്കോ​ട്ടി​ലെ മീ​ഡി​യ ബോ​ക്സും ത​യാ​റാ​ക്കി​യ​ത്. കോ​ഴി​മു​ട്ട​യു​ടെ ആ​കൃ​തി​യി​ലു​ള്ള ഈ ​ഗാ​ല​റി മാ​ത്രം കാ​ണു​മ്പോ​ൾ ഒ​രു​വേ​ള ലോ​ർ​ഡ്സാ​ണെ​ന്ന് തോ​ന്നി​പ്പോ​കും.

 ക​ഴി​ഞ്ഞ ദി​വ​സം ആ​ർ. അ​ശ്വി​ൻ എ​ക്സി​ൽ പോ​സ്റ്റ് ചെ​യ്ത പ​ട​ങ്ങ​ൾ വൈ​റ​ലാ​യി​രി​ക്കു​ക​യാ​ണ്. ലോ​ർ​ഡ്സി​ലെ​യും രാ​ജ്കോ​ട്ടി​ലെ​യും മീ​ഡി​യ ബോ​ക്സി​ന്റെ പ​ട​ങ്ങ​ളാ​ണ് ഇ​ന്ത്യ​ൻ സ്പി​ന്ന​ർ പ​ങ്കു​വെ​ച്ച​ത്. ടെ​സ്റ്റി​ൽ 500 വി​ക്ക​റ്റ് നേ​ടാ​ൻ ഒ​രു വി​ക്ക​റ്റു​കൂ​ടി ആ​വ​ശ്യ​മു​​ള്ള അ​ശ്വി​നാ​കും ഇ​ന്നു മു​ത​ൽ മീ​ഡി​യ ബോ​ക്സി​ലെ പ്ര​ധാ​ന സം​സാ​ര​വി​ഷ​യം.

സൗ​രാ​ഷ്ട്ര ക്രി​ക്ക​റ്റ് അ​സോ​സി​യേ​ഷ​ന്റെ ഉ​ട​മ​സ്ഥ​ത​യി​ലു​ള്ള രാ​ജ്കോ​ട്ടി​ലെ സ്റ്റേ​ഡി​യ​ത്തി​ലെ മീ​ഡി​യ ബോ​ക്സും ഇ​തി​നോ​ടു ചേ​ർ​ന്ന കി​ഴ​ക്കേ ഗാ​ല​റി​യു​ടെ ചി​ല മേ​ൽ​ക്കൂ​ര​ക​ളും ക​ഴി​ഞ്ഞ ഡി​സം​ബ​റി​ൽ ചു​ഴ​ലി​ക്കാ​റ്റി​ൽ ത​ക​ർ​ന്നി​രു​ന്നു. മൂ​ന്നാം ടെ​സ്റ്റി​ന്റെ ത​ലേ​ദി​വ​സ​മാ​ണ് അ​റ്റ​കു​റ്റ​പ്പ​ണി​ക​ൾ അ​വ​സാ​നി​ച്ച​ത്. സ്റ്റേ​ഡി​യ​ത്തി​ന് സൗ​രാ​ഷ്ട്ര​യി​ൽ​നി​ന്നു​ള്ള എ​ക്കാ​ല​ത്തെ​യും പ്ര​ഗ​ല്ഭ​നാ​യ ക്രി​ക്ക​റ്റ് സം​ഘാ​ട​ക​ൻ നി​ര​ഞ്ജ​ൻ ഷാ​യു​ടെ പേ​രി​ട്ട​ത് ഇ​ന്ന​ലെ​യാ​ണ്.