പരിക്ക് കാരണം ട്വന്റി 20 ലോകകപ്പിനുള്ള ഇന്ത്യൻ ടീമിൽനിന്ന് പുറത്തായ പേസർ ജസ്പ്രീത് ബുംറക്ക് പിന്തുണയുമായി ഇന്ത്യൻ താരങ്ങളുടെ ട്വീറ്റ്. ആൾറൗണ്ടർ ഹാർദിക് പാണ്ഡ്യയും ബാറ്റർ സൂര്യകുമാർ യാദവുമാണ് ബുംറ വേഗത്തിൽ സുഖം പ്രാപിക്കട്ടെയെന്ന് ആശംസിച്ച് ട്വിറ്ററിൽ താരത്തെ ടാഗ് ചെയ്ത് പോസ്റ്റിട്ടത്. ബുംറയുടെ ആരാധകരും മുൻ ക്രിക്കറ്റ് താരങ്ങളുമെല്ലാം വേഗത്തിൽ സുഖം പ്രാപിക്കട്ടെയെന്ന് ആശംസിച്ച് സമൂഹ മാധ്യമങ്ങളിൽ രംഗത്തെത്തിയിരുന്നു.
"നിങ്ങൾ കൂടുതൽ കരുത്തോടെ തിരിച്ചെത്തും. വേഗത്തിൽ സുഖം പ്രാപിക്കട്ടെ" എന്നായിരുന്നു സൂര്യകുമാറിന്റെ ട്വീറ്റ്. "എന്റെ ജസ്സി എപ്പോഴും ചെയ്യുന്നതുപോലെ ശക്തമായി തിരിച്ചുവരൂ" എന്നാണ് ഹാർദിക് പാണ്ഡ്യ കുറിച്ചത്. നട്ടെല്ലിന് പരിക്കേറ്റതിനാൽ 2022ലെ ഏഷ്യാ കപ്പ് ബുംറക്ക് നഷ്ടമായിരുന്നു. ഏകദേശം ആറ് മാസത്തെ വിശ്രമം വേണ്ടിവരുമെന്നാണ് ഡോക്ടർമാർ പറയുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.