യാരാ അന്ത പയ്യൻ...ഞമ്മളെ ചെക്കനാ; അ​ര​​േ​ങ്ങ​റ്റ​ത്തി​ൽ അ​ഭി​മാ​ന​മാ​യി വി​ഘ്നേ​ഷ് പു​ത്തൂ​ർ

മ​ല​പ്പു​റം: ‘മു​​ം​ബൈ​യു​ടെ ആ​ദ്യ മ​ത്സ​ര​ത്തി​ന് തൊ​ട്ടു​മു​മ്പ് വി​ഘ്നേ​ഷ് വി​ളി​ച്ചി​രു​ന്നു. ആ​ദ്യ ക​ളി​ക്ക് ഇ​റ​ങ്ങാ​ൻ സാ​ധ്യ​ത​യി​ല്ലെ​ന്നും ടീ​മി​നാ​യി പ്രാ​ർ​ഥി​ക്ക​ണ​മെ​ന്നും പ​റ​ഞ്ഞു. മ​ക​ന്റെ ടീ​മി​ന്റെ ആ​ദ്യ​ക​ളി ടി.​വി​യി​ൽ ക​ണ്ടി​രി​ക്കെ അ​പ്ര​തീ​ക്ഷി​ത​മാ​യാ​ണ് അ​വ​ൻ പ​ന്തെ​റി​യാ​ൻ എ​ത്തി​യ​ത്. ആ ​നി​മി​ഷം വ​ല്ലാ​ത്തൊ​രു സ​ന്തോ​ഷ​മാ​യി​രു​ന്നു.

അ​ര​ങ്ങേ​റ്റ​ത്തി​ൽ ത​ന്നെ മൂ​ന്ന് വി​ക്ക​​റ്റു​മെ​ടു​ത്ത് അ​വ​ൻ താ​ര​മാ​യെ​ന്ന​ത് ഇ​പ്പോ​ഴും ഒ​രു സ്വ​പ്നം പോ​ലെ തോ​ന്നു​ന്നു’ -മും​ബൈ ഇ​ന്ത്യ​ൻ​സ് താ​രം വി​​ഘ്നേ​ഷ് പു​ത്തൂ​രി​ന്റെ അ​മ്മ ബി​ന്ദു മ​ത്സ​ര​ശേ​ഷം ‘മാ​ധ്യ​മ’​ത്തോ​ട് പ​ങ്കു​വെ​ച്ച വാ​ക്കു​ക​ളി​ൽ ആ ​ആ​ഹ്ലാ​ദം പ്ര​ക​ട​മാ​ണ്. ​മ​ല​പ്പു​റ​ത്തെ ഒ​രു ഗ്രാ​മ​ത്തി​ലെ സാ​ധാ​ര​ണ കു​ടും​ബ​ത്തി​ൽ നി​ന്ന് ഐ.​പി.​എ​ൽ ടീ​മി​ലേ​ക്ക് പ​റ​ന്നെ​ത്തി​യ ആ ​മ​ക​നെ​ക്കു​റി​ച്ച് പ​റ​യു​മ്പോ​ൾ അ​മ്മ​യു​ടെ ഒാ​രോ വാ​ക്കി​ലും അ​ഭി​മാ​ന​ത്തി​ന്റെ​യും സ​ന്തോ​ഷ​ത്തി​ന്റെ​യും അ​ല​യ​ടി​ക​ൾ കേ​ൾ​ക്കാ​മാ​യി​രു​ന്നു.

ആ​ദ്യ ഇ​ല​വ​നി​ൽ ഇ​ടം പി​ടി​ക്കാ​തി​രു​ന്ന വി​​ഘ്നേ​ഷി​നെ രോ​ഹി​ത് ശ​ർ​മ​ക്ക് പ​ക​രം ഇം​പാ​ക്ട് പ്ലെ​യ​റാ​യാ​ണ് ഉ​ൾ​പ്പെ​ടു​ത്തി​യ​ത്. രോ​ഹി​തി​ന് ചെ​റി​യ പ​രി​ക്കേ​റ്റ​താ​ണ് വി​​ഘ്നേ​ഷി​നെ ക​ളി​പ്പി​ക്കാ​മെ​ന്ന തീ​രു​മാ​ന​ത്തി​ലെ​ത്തി​ച്ച​തെ​ന്നും അ​മ്മ ബി​ന്ദു പ​റ​ഞ്ഞു.

ആ​ദ്യ ഏ​ഴ് ഓ​വ​റി​ൽ ഒ​രു വി​ക്ക​റ്റ് ന​ഷ്ട​ത്തി​ൽ 74 റ​ൺ​സെ​ന്ന നി​ല​യി​ൽ ചെ​ന്നൈ സൂ​പ്പ​ർ കി​ങ്സ് കു​തി​ക്കു​മ്പോ​ഴാ​ണ് ഇ​ടം​കൈ റി​സ്റ്റ് സ്പി​ന്ന​റാ​യ വി​ഘേ്നേ​ഷി​നെ മും​ബൈ നാ​യ​ക​ൻ സൂ​ര്യ​കു​മാ​ർ യാ​ദ​വ് വി​ശ്വ​സി​ച്ച് പ​ന്തേ​ൽ​പ്പി​ച്ച​ത്. ത​ന്നെ ഏ​ൽ​പ്പി​ച്ച ദൗ​ത്യം നാ​യ​ക​ൻ പ്ര​തീ​ക്ഷി​ക്കു​ന്ന​തി​ലും വേ​ഗ​ത്തി​ൽ നി​റ​​വേ​റ്റാ​ൻ മ​ല​യാ​ളി താ​ര​ത്തി​ന് ക​ഴി​ഞ്ഞു.

മി​ക​ച്ച പ്ര​ക​ട​നം കാ​ഴ്ച​വെ​ച്ചി​ട്ടും ടീ​മി​നെ വി​ജ​യ​ത്തി​ലെ​ത്തി​ക്കാ​ൻ ക​ഴി​യാ​ത്ത വി​ഷ​മം അ​വ​നു​ണ്ടാ​യി​രു​ന്നെ​ന്ന് പി​താ​വ് സു​നി​ൽ പ​റ​ഞ്ഞു. മ​ക​ന്റെ പ്ര​ക​ട​ന​ത്തി​ൽ ഏ​റെ അ​ഭി​മാ​നം ​​കൊ​ള്ളു​ന്നു​​വെ​ന്നും അ​വ​ന്റെ മ​ത്സ​രം നേ​രി​ൽ കാ​ണാ​ൻ കു​ടും​ബ​ത്തി​നൊ​പ്പം പോ​വു​മെ​ന്നും പി​താ​വ് ‘മാ​ധ്യ​മ’​ത്തോ​ട് ​​പ്ര​തി​ക​രി​ച്ചു.

ഓ​ട്ടോ ഡ്രൈ​വ​റു​ടെ മ​ക​ൻ

ഓ​ട്ടോ​റി​ക്ഷ ഡ്രൈ​വ​റാ​യ പെ​രി​ന്ത​ല്‍മ​ണ്ണ കു​ന്ന​പ്പ​ള്ളി പു​ത്തൂ​ർ​വീ​ട്ടി​ൽ പി. ​സു​നി​ലി​ന്‍റെ​യും കെ.​പി. ബി​ന്ദു​വി​ന്‍റെ​യും മ​ക​നാ​യ വി​ഘ്​​നേ​ഷി​ന് ക്രി​ക്ക​റ്റി​ല്‍ പാ​ര​മ്പ​ര്യ​ങ്ങ​ളൊ​ന്നും പ​റ​യാ​നി​ല്ല. ആ​റാം ക്ലാ​സ്​ മു​ത​ലാ​ണ്​ വി​ഘ്​​നേ​ഷ്​ ക്രി​ക്ക​റ്റ്​ ക​ളി​യി​ലേ​ക്ക്​ ആ​കൃ​ഷ്ട​നാ​വു​ന്ന​ത്. പ്ര​ദേ​ശ​വാ​സി ഷ​രീ​ഫാ​ണ് നാ​ട്ടി​ലെ ക​ളി ക​ണ്ട്​ വി​ഘ്നേ​ഷി​ലെ ക​ഴി​വ്​ തി​രി​ച്ച​റി​ഞ്ഞ്​ പെ​രി​ന്ത​ൽ​മ​ണ്ണ​യി​ലെ ക്രി​ക്ക​റ്റ് പ​രി​ശീ​ല​ക​നാ​യ വി​ജ​യ​ന്‍റെ അ​ടു​ത്തെ​ത്തി​ക്കു​ന്ന​ത്.

കേ​ര​ള​ത്തി​നാ​യി അ​ണ്ട​ർ 14, 19, 23 വി​ഭാ​ഗ​ങ്ങ​ളി​ൽ ക​ളി​ച്ചു. ക​ഴി​ഞ്ഞ വ​ർ​ഷം ന​ട​ന്ന പ്ര​ഥ​മ കേ​ര​ള ക്രി​ക്ക​റ്റ് ലീ​ഗി​ൽ ആ​ല​പ്പി റി​പ്പി​ൾ​സി​ൽ ക​ളി​ക്കാ​ൻ അ​വ​സ​രം ല​ഭി​ച്ച​ത്​ വ​ഴി​ത്തി​രി​വാ​യി. ക്രി​ക്ക​റ്റി​ൽ ഏ​റെ പേ​രു​കേ​ട്ട ചൈ​നാ​മാ​ൻ ബൗ​ളി​ങ്ങാ​ണ്​ പി​ന്തു​ട​രു​ന്ന​ത്. അ​ര​ങ്ങേ​റ്റ​ത്തി​ൽ മി​ക​ച്ച പ്ര​ക​ട​നം കാ​ഴ്ച​വെ​ച്ച വി​ഘ്നേ​ഷി​നെ മും​ബൈ ടീം ​ഡ്ര​സി​ങ് റൂ​മി​ൽ വെ​ച്ച് അ​ഭി​ന​ന്ദി​ച്ചി​രു​ന്നു.

മ​ത്സ​ര​ത്തി​ൽ ടീ​മി​ലെ മി​ക​ച്ച ബൗ​ള​ർ​ക്കു​ള്ള അ​വാ​ർ​ഡ് ഉ​ട​മ നി​ത അം​ബാ​നി വി​ഘ്നേ​ഷി​ന് ന​ൽ​കി. അ​വാ​ർ​ഡ് ഏ​റ്റു​വാ​ങ്ങി​യ​തി​ന് ശേ​ഷം നി​ത​യു​ടെ കാ​ൽ തൊ​ട്ടു​വ​ഴ​ങ്ങി​യ താ​രം ന​ന്ദി പ​റ​യു​ക​യും ചെ​യ്തു. ഇ​ത്ര​യും വ​ലി​യ താ​ര​ങ്ങ​ളു​ടെ​യൊ​പ്പം ക​ളി​ക്കാ​ൻ സാ​ധി​ക്കു​മെ​ന്ന് ക​രു​തി​യി​രു​ന്നി​ല്ലെ​ന്നും എ​ല്ലാ​വ​ർ​ക്കും ന​ന്ദി​യെ​ന്നും 24കാ​ര​ൻ പറഞ്ഞു.