കൊൽക്കത്ത: ഡ്യൂറൻഡ് കപ്പ് ഫുട്ബാൾ ഗ്രൂപ് സി മൂന്നാം മത്സരത്തിൽ തിങ്കളാഴ്ച എയർ ഫോഴ്സിനെ നേരിടാനിരിക്കെ കേരള ബ്ലാസ്റ്റേഴ്സ് ക്വാർട്ടർ ഫൈനലിലെത്താതെ പുറത്ത്. ആറ് ഗ്രൂപ്പിലെയും ജേതാക്കൾക്കും ഏറ്റവും മികച്ച രണ്ട് റണ്ണറപ്പുകൾക്കുമാണ് അവസാന എട്ടിലിടം.
ഡൗൺ ടൗൺ ഹീറോസിനെ 3-1ന് തോൽപിച്ച നോർത്ത് ഈസ്റ്റ് യുനൈറ്റഡ് (7) ഗ്രൂപ് ഡിയിൽ നിന്നും മോഹൻ ബഗാൻ (6) എ യിൽ നിന്നും രണ്ടാം സ്ഥാനക്കാരായി ക്വാർട്ടറിൽ കടന്നു. ഇന്ന് അവസാന മത്സരം ജയിച്ചാലും ബ്ലാസ്റ്റേഴ്സിന് നാല് പോയന്റേ ആവൂ. ഇന്നലെ ഗ്രൂപ് ബി കളിയിൽ മുഹമ്മദൻസ് എസ്.സി 6-0ത്തിന് ജാംഷഡ്പുർ എഫ്.സിയെ തകർത്ത് ആറ് പോയന്റിലെത്തിയെങ്കിലും ഗോൾ വ്യത്യാസം ബഗാനെ തുണച്ചു.
ബ്ലാസ്റ്റേഴ്സിന് ബംഗളൂരു എഫ്.സിയും ഗ്രൂപ് സിയിൽ നിന്ന് ക്വാർട്ടർ കാണാതെ മടങ്ങും. രണ്ട് കളിയിൽ ആറ് പോയന്റുള്ള ഗോകുലം കേരള എഫ്.സിയാണ് ഈ ഗ്രൂപ്പിലെ ജേതാക്കളായി മുന്നേറിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.