ലണ്ടൻ: ബുണ്ടസ് ലിഗയിൽ ഒന്നാം സ്ഥാനത്ത് ഇരിപ്പുറപ്പിച്ച ബയേൺ മ്യൂണിക്കിനെ വീണ്ടും വിജയരഥമേറ്റി ഇംഗ്ലീഷ് സൂപ്പർ താരം ഹാരി കെയിനിന്റെ ഹാട്രിക്. ഓഗ്സ്ബർഗിനെതിരായ മത്സരത്തിൽ കെയിൻ കുറിച്ച ഹാട്രിക് മികവിൽ ബയേൺ എതിരില്ലാത്ത കാൽഡസൻ ഗോൾ ജയവുമായി ഒന്നാം സ്ഥാനത്ത് ബഹുദൂരം മുന്നിലെത്തി. രണ്ടാമതുള്ള ലൈപ്സീഗിനേക്കാൾ എട്ടു പോയന്റിന് മുന്നിലാണ് ബയേൺ.
ഗോളൊഴിഞ്ഞ ആദ്യ പകുതിക്കുശേഷം 63ാം മിനിറ്റിൽ പെനാൽറ്റി വലയിലെത്തിച്ചായിരുന്നു കെയിനിന്റെ തുടക്കം. ഒരിക്കൽ കൂടി പെനാൽറ്റി ഗോളാക്കി ടീം ലീഡ് രണ്ടാക്കി ഉയർത്തിയ താരം കളി അവസാനിക്കാനിരിക്കെ ഹെഡർ ഗോളിൽ മൂന്ന് തികച്ചു.
ലണ്ടൻ: പ്രിമിയർ ലീഗിൽ ചെൽസിക്ക് വിജയക്കുതിപ്പ്. ലെസ്റ്റർ സിറ്റിയെ 2-1ന് വീഴ്ത്തിയ ടീം പോയിന്റ് നിലയിൽ തത്കാലത്തേക്കെങ്കിലും മൂന്നാം സ്ഥാനത്തേക്ക് കയറി. ജാക്സൺ, ഫെർണാണ്ടസ് എന്നിവർ നീലക്കുപ്പായക്കാർക്കായി വല കുലുക്കിയപ്പോൾ അയിവ് വകയായിരുന്നു ലെസ്റ്ററിന്റെ ആശ്വാസ ഗോൾ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.