ഇംഗ്ലീഷ് പ്രീമിയർ ലീഗിൽ വോൾവ്സിനെതിരെ 2-1ന്റെ ജയം നേടി ലിവർപൂൾ. ഇതോടെ പ്രീമിയർ ലീഗിലെ പോയിന്റ് പട്ടികയിലും ലിവർപൂൾ ഒന്നാമതെത്തി. മത്സരത്തിൽ ഇബ്രാഹിമ കൊണാറ്റെയുടെ ഹെഡറിൽ നിന്ന് ലിവർപൂളാണ് ആദ്യം വലകുലുക്കിയത്. ആദ്യ പകുതിയുടെ ഇഞ്ചുറി ടൈമിലായിരുന്നു ഗോൾ പിറന്നത്.
രണ്ടാം പകുതിയുടെ തുടക്കത്തിൽ തന്നെ വോൾവ്സ് തിരിച്ചടിച്ചു. 56ാം മിനിറ്റിൽ റയാൻ എയ്റ്റ്-നൂറി പ്രതിരോധത്തിലെ പിഴവ് മുതലാക്കി സമനില പിടിക്കുകയായിരുന്നു. എന്നാൽ, അഞ്ച് മിനിറ്റിനകം ലിവർപൂൾ വീണ്ടും ലീഡ് നേടി.
59ാം മിനിറ്റിൽ മുഹമ്മദ് സലാഹിലൂടെയായിരുന്നു ഗോൾ. പെനാൽറ്റിയിലൂടെയായിരുന്നു സലാഹിന്റെ ഗോൾ. ജയത്തോടെ പ്രീമിയർ ലീഗിൽ ലിവർപൂൾ ഒന്നാമതെത്തി. ആറ് കളികളിൽ നിന്നും അഞ്ച് ജയത്തോടെ 15 പോയിന്റാണ് ലിവർപൂളിനുള്ളത്.
ആറ് കളികളിൽ നിന്ന് നാല് ജയത്തോടെ 14 പോയിന്റുമായി മാഞ്ചസ്റ്റർ സിറ്റിയാണ് രണ്ടാമത്. ആറ് കളികളിൽ നിന്നും നാല് ജയത്തോടെ 14 പോയിന്റോടെ തന്നെ ആഴ്സണലാണ് മൂന്നാമത്. ചെൽസി, ആസ്റ്റൺ വില്ല ടീമുകളാണ് നാലും അഞ്ചും സ്ഥാനങ്ങളിൽ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.